“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
• Gjykata e Lartë ka shqyrtuar ditën e sotme kërkesën e depozituar pak ditë më parë të presidentit të Lirisë, Ilir Meta për heqjen e masës së sigurisë "arrest me burg". • Gjykata ka marrë vendimin ditën e sotme për të lënë në fuqi masën e sigurisë të vendosur nga GJKKO. • Meta kërkoi ti hiqet masa e arrestit me burg në lidhje me postin e tij si drejtues i forcës së dytë opozitare në vend dhe situatës në prag të zgjedhjeve parlamentare të 11 majit. • Gjykata e Lartë ka lënë në fuqi edhe masën e sigurisë "detyrim paraqitje" për deputeten e Partisë së Lirisë, Monika Kryemadhin. • Meta ka reaguar me anë të një audio-mesazhi në Facebook ku thekson se do të bëj ankimin në Gjykatën e Strasburgut. • Po ashtu Meta në reagimin e tij thekson se është i bindur që në Strasburg do të fitojë, njësoj siç kanë fituar në Komisionin e Venecias kundër Rama-reformës. • Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.
4 artikuj për këtë temë.
TIRANË- Kryetari i Partisë së Lirisë Ilir Meta ka reaguar me anë të një audio-mesazhi pas vendimin të Gjykatës së Lartë për ta lënë në masën e sigurisë arrest me burg. Në audio-mesazhin e postuar në Facebook, Meta thekson se do të bëj ankimin në Gjykatën e Strasburgut. Po ashtu Meta në reagimin e tij thekson se është i bindur që në Strasburg do të fitojë, njësoj siç kanë fituar në Komisionin e Venecias kundër Rama-reformës.
"11 Maj, dita historike kur do të ndahemi nga narkoregjimi dhe narkodrejtësia e tij. Sot për çështjen Meta hodhëm një hap pozitiv sepse kaluam edhe një pengesë fiktive, Gjykatën e Lartë që nuk ekziston, në mënyrë që të ecim më shpejt drejt Gjykatës së Strasburgut. Do fitojmë siç kemi fituar në Komisionin e Venecias kundër Rama-reformës. Mos harroni se 2 marsi po vjen, i mitingut kombëtar në mbrojtje të Kushtetutës, ku u ç’montua Rama-reforma. Prapësuam dhe hodhëm në Lanë edhe ligjin për betimet tek Lana. Ju bëj thirrje shqiptarëve patriotë, kudo që janë të gjithë drejt 11 majit. Bashkëatdhetarët tanë të regjistrohen në zgjedhje, të hedhim narko-regjimin tek Lana," tha Meta.
Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.
TIRANË- Gjykata e Lartë ka lënë në fuqi masën e sigurisë "detyrim paraqitje" për deputeten e Partisë së Lirisë, Monika Kryemadhin. Gjykata rrëzoi rekursin e Kryemadhit për masën e caktuar nga Gjykata e Posaçme.
Masa e sigurisë e caktuar nga Gjykata e Posaçme u la në fuqi nga Gjykata e Lartë edhe për presidentin e PL-së, Ilir Metën. Ky i fundit do të vijojë të qëndrojë në burg.
Deputetja po hetohet nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.
Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK.
TIRANË- Gjykata e Lartë ka lënë në fuqi masën e sigurisë vendosur nga GJKKO për kreun e Partisë së Lirisë Ilir Meta. Mësohet se në vendimin e sotëm, Gjykata e Lartë bën me dije se ka lënë në fuqi vendimin e Apelit të dhënë më 19 nëntor të vitit të kaluar.
"Pershendetje! Ne lidhje me interesimin tuaj per ceshtjen penale me nr. 60003-00073-00-2025, Kolegji Penal i Gjykates se Larte, ka vendosur: Lenien ne fuqi te vendimin nr.59 (87-2024-333) date 19.11.2024 te Gjykatës së Posaçme te Apelit per Korrupsionin dhe Krimin e Organizuar”, thuhet në vendimin e Gjykatës së Lartë.
Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.
TIRANË- Presidenti i Partisë së Lirisë, Ilir Meta ka depozituar pak ditë më parë në Gjykatën e Lartë kërkesën për të hequr masën e sigurisë "arrest me burg". Kërkesa e tij do të shqyrtohet ditën e sotme nga Gjykata e Lartë në orën 10:00. Në seancën e sotme do të shqyrtohet rekursi i Metës dhe Monika Kryemadhit. Gjykata ka caktuar që të shqyrtojnë rekursin Ilir Panda, Albana Boksi dhe Medi Bici.
Ilir Meta është arrestuar prej tetorit të vitit të kaluar dhe ai kërkon një masë më të butë sigurie. Ai ka kërkuar ti hiqet masa e arrestit me burg në lidhje me postin e tij si drejtues i forcës së dytë opozitare në vend dhe situatës në prag të zgjedhjeve parlamentare të 11 majit.
Meta akuzohet nga SPAK për korrupsion, pastrim parash e fshehje pasurie lidhur me dosjet e bashkuara Cez-Dia, lobimi i ish-LSI në SHBA dhe shpenzimet e familjes së tij. Gjykata e Posaçme e shkallës së parë dhe ajo e apelit kanë lënë në fuqi masën e “arrestit në burg”, duke bërë që Meta prej afro 4 muajsh të mbahet në paraburgim te 313-ta.
