Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Salvador Kaçaj, ish-kreu i Komunës së Shëngjinit, i cili në këto zgjedhje lokale mbështet koalicionin ‘Bashkë Fitojmë’, ka qenë duke udhëtuar së bashku me djalin e shoferin e tij në aksin rrugor Lezhë-Milot, dhe konkretisht sapo kalon vendin e quajtur M+, kur dy automjete i kanë dalë përpara dhe i kanë bllokuar rrugën. • Sipas kallëzimit të depozituar nga Kaçaj, një prej personave ka zbritur nga mjeti dhe është afruar në drejtim të tij me armë zjarri në dorë. Një nga mjetet ka qenë i tip ‘Audi’ me ngjyrë të bardhë. • Shoferi i tij ka manovruar duke kthyer mjetin me shpejtësi dhe duke u larguar në drejtim të Lezhës ku dhe ka depozituar kallëzimin. Policia njofton se kanë nisur hetimet, por ende nuk dihet se kush fshihet pas këtij kërcënimi dhe nëse ka prapavijë elektorale. • Pas ngjarjes, Kaçaj doli në një konferencë urgjente me kryedemokratin Sali Berisha dhe drejtuan gishtin drejt kryebashkiakut të Lezhës, Pjerin Ndreu dhe kryeministrit Edi Rama. Sipas Berishës e Kaçajt, parapavija e këtij atentati është elektorale për shkak të zgjedhjeve lokale të 14 majit.
4 artikuj për këtë temë.
TIRANË- Salvador Kaçaj, i cili u kërcënua këtë mesditë ka treguar se është ndjerë mjaft i frikësuar kur ka parë që një makinë e tipit 'Audi' me njgyrë të bardhë i ka bllokuar rrugën. Në një konferencë të përbashkët me kryedemokratin Sali Berisha, Kaçaj tha se makina nuk kishte targa. Gjithsesi, sipas Kaçaj, fitorja e koalicionit 'Bashkë Fitojmë' në Lezhë, Kurbin dhe Mirditë, do të jetë spektakolar.
Pjesë nga fjala e Kaçajt:
Ka ditë që në Lezhë dhe në Kurbin ushtrohet presion, por që të arrinin deri aty sa të më dilnin përpara me armë....Kemi arritur të shpëtojmë vetëm falë manovrave të shoferit tim që siç tha dhe Berisha, është një ish-garsist. Gjithsesi, ju them se rezultati do të jetë 3 me 0 në Lezhë, fitorja është e pandalshme. Kam luajtur futboll shumë vite në Evropë, por që të qarkullojnë makina pa targa, nuk e kam parë në asnjë vend të botë. Një nga makinat ishte "Audi" me ngjyrë të bardhë. Na kanë ndjekur për rreth 3 kilometra. Nuk na arritën dot falë manovrave. Ka pasur kërcënime nga bandat e Pjerin Ndreut. Rama është marrë personalisht me mua. Unë jam krenar për mbështetjen që i kam dhënë Pashkë Gjonit dhe Behar Haxhiut në Kurbin. Nuk e kam parë ndonjëherë vetën kaq ngushtë, të shihke veten para armës. Por ata janë njerëz kriminelë, pushteti nuk merret me kriminelë dhe këtë do ta shohin kur të dalin votat. Do të jetë rezultat spektakolar.
TIRANË- Kryedemokrati Sali Berisha ka dalë në konferencë urgjente me Salvador Kaçajn, i cili është kërcënuar sot dhe ka bërë kallëzimin në Policinë e Lezhës. Berisha fajësoi kryebashkiakun e Lezhës Pjerin Ndreu dhe kryeministrin Edi Rama, për të cilët tha se kanë gisht në këtë atentat që sipas tij, i ishte mirëpërgatitur Kaçajt në Milot. Berisha tha se në këtë mënyrë, ata planifikonin të merrnin sërish pushtetin në Lezhë.
Deklarata e Berishës:
Fushata elektorale është karakterizuar nga akte dhune, terrori të papara ndaj përfaqësuesve, zyrtarëve, deputetëve të koalicionit ‘Bashkë Fitojmë’. Siç keni konstatuar, ne kemi ndjekur një linjë, duke regjistruar çdo akt terrori, çdo akt, çdo përpjekje për blerje masive votash, të proporcioneve të paimagjinueshme, gjer në oferta sot në mëngjes thuaj ‘sa do, euro për votën’, por këto sigurisht janë të dokumentuara dhe evidentuara dhe kemi informuar rregullisht vëzhguesit ndërkombëtarë. Kemi informuar KQZ, kemi informuar organet. Por unë sot dola para jush për një rast kriminal të jashtëzakonshëm, ku Salvator Kaçit, një nga eksponentët kryesorë të PD në Lezhë, ish-kryetar i Bashkisë së Shëngjinit, njeri me një reputacion kombëtar dhe ndërkombëtar në fushën e sportit, e kanë ndjekur dy makina pa targa, ku ai ka qenë bashkë me djalin e vet dhe shoferin. Persona të maskuar, të armatosur kanë dalë nga makina dhe janë bërë gati të qëllojnë mbi ta. Shoferi i Salvatorit, një ish-gardist i sprovuar ka arritur të manovrojë me makinë dhe t’i bëjë të pasigurtë në atentatin e tyre. Ata e kanë ndjekur mbrapa me armë në dorë që t’i vrisnin, nuk kanë arritur. Por të gjitha këto janë të filmuara. Unë ju them ju se dje dhe pardje, bandat e Pjerin Ndreut kanë terrorizuar zonë pas zone rrethin e Lezhës dhe e kanë bërë këtë akt, i kemi të filmuara, në shoqërim nga policia, e cila kalonte afër dhe as që iu thoshte, përkundrazi krijonte përshtypjen te banorët se po bënte sigurimin e banditëve. Pra, kjo ka qenë situata në Lezhë që kulmi me përpjekjen për eliminimin fizik të Salvatorit dhe djalit të tij, që është shtetas amerikan dhe ka ardhur për të votuar me familjen e vet. Ky atentat i dështuar ndaj Salvator Kaçit është vepër kryekëput e Edi Ramës dhe Pjerin Ndreut. Edi Rama, siç e dini, u mor personalisht me Salvatorin në në fjalimin e tij në Lezhë, në një kohë kur Salvatori krahas mbështetjes ndaj kandidatit Pashk Gjoni, ka zbatuar gjithë jetën e tij rregullat dhe ligjet elektorale dhe nuk ka asnjë veprim të paligjshëm. Por mbështetja për Pashk Gjoni nga Salvatori ka kërcënuar zgjedhjen e banditit Pjerin Ndreu dhe kanë krijuar bashkë me Ramën një mënyrë për eliminimin e tij bashkë me djalin në makinë. Ky akt është një krim i shëmtuar, personalisht i Edi Ramës dhe Pjerin Ndreut, me të cilin ata kanë synuar me çdo kusht dhe çdo çmim të ndryshojnë rezultatin në Lezhë nëpërmjet një akti të tillë dhe natyrisht eliminojnë fizikisht një kundërshtar të shpallur nga Edi Rama si njeri të rrezikshëm për rezultatin e tij në Lezhë. Unë dënoj me ashpërsinë më të madhe këtë akt. Sigurisht që ky është akt kulmor në terrorin ndaj drejtuesve të PD, por raste të tjera me kërcënime të forta dhe të egra ekzistojnë dhe ne do i bëjmë publike. Theksoj se të gjitha këto akte dhune të bandave janë përcjellë me indiferencë të plotë ose mbështetje nga policia. Salvatori ka bërë denoncimi dhe janë marrë edhe kamerat ku duket qartë gjithçka.
MILOT- Është zbardhur kallëzimi dhe njoftimi i Policisë së Lezhës i ish-kreut të Komunës së Shëngjinit, Salvador Kaçaj. Në njoftimin zyrtar bëhet me dije se Kaçaj, 56 vjeç, i cili në këto zgjedhje lokale mbështet koalicionin ‘Bashkë Fitojmë’, ka qenë duke udhëtuar së bashku me djalin e shoferin e tij në aksin rrugor Lezhë-Milot, dhe konkretisht sapo kalon vendin e quajtur M+, dy automjete i kanë dalë përpara dhe i kanë bllokuar rrugën.
Sipas kallëzimit të depozituar nga Kaçaj, një prej personave ka zbritur nga mjeti dhe është afruar në drejtim të tij me armë zjarri në dorë. Kaçaj shton se ka manovruar duke kthyer mjetin me shpejtësi dhe duke u larguar në drejtim të Lezhës ku dhe ka depozituar kallëzimin. Policia njofton se kanë nisur hetimet, por ende nuk dihet se kush fshihet pas këtij kërcënimi dhe nëse ka prapavijë elektorale.
Njoftimi:
Rreth orës 18:00, është paraqitur në Komisariatin e Policisë Lezhë shtetasi Salvador Kaçaj 56 vjeç, banues në Lezhë, dhe ka bërë kallzim se ka qenë duke lëvizur me mjetin e tij së bashku me djalin e shoferin, në aksin rrugor Lezhë-Milot, dhe konkretisht sapo kalon vendin e quajtur M+, dy automjete i kanë dalë përpara duke i bllokuar rrugën. Nga automjetet kanë zbritur dy persona të panjohur prej tij, ku njëri prej tyre është afruar me vrap në drejtim të mjetit të tij dhe dyshohet se në dorë mbante një pistoletë. Drejtuesi i mjetit ku udhëtonte shtetasi S.K., ka manovruar duke e kthyer mjetin në drejtim të Lezhës dhe kanë ardhur menjëherë në polici ku kanë bërë edhe kallzimin," njoftoi policia. Në lidhje me kallzimin e shtetasit S.K., shërbimet e Policisë kanë njoftuar menjëherë Prokurorin si dhe nën drejtimin e tij, po kryejnë të gjitha veprimet hetimore dhe procedurale me qëllimin zbardhjen e plotë të rrethanave të ngjarjes, identifikimin dhe kapjen e autorëve të dyshuar.
SHËNGJIN- Ish-kreu i Komunës Shëngjin, Salvador Kaçaj është kërcënuar këtë pasdite. Ka qenë vetë Kaçaj ai që ka bërë kallëzimin në Policinë e Lezhës, ku ka deklaruar se është kanosur nga dy persona. Kaçaj ka thënë se është kërcënuar nga dy persona, që i kanë prerë rrugën në Shëngjin. Ai tregon se një prej tyre, është afruar në drejtim të mjetit të tij dhe i ka nxjerrë armën e zjarrit. Kaçaj mbështet koalicionin 'Bashkë Fitojmë' në këto zgjedhje dhe dyshohet se ky kërcënim ka si prapavijë zgjedhjet lokale.
