Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kuvendi ka miratuar në seancën e sotme plenare Komisionet e Posaçme për “Antikorrupsionin” me 73 vota pro, 7 kundër dhe 1 abstenim. • Kuvendi ka miratuar dhe Komisionin për “Dezinformimin” me 73 vota pro dhe 7 kundër dhe asnjë abstenim. • Kreu i Grupit Parlamentar të Partisë Demokratike, Gazment Bardhi ka depozituar në Kuvend ndryshimet e bëra në grupin e PD. • Ai ka shkarkuar nga të gjitha funksionet që kishin në grupin parlamentar të gjithë deputetet që i përkasin PD-së së vulës. • Po ashtu ai ka shkarkuar nënkryetarët që deri tani kanë qenë në detyrë, po ashtu ka kërkuar edhe rikthimin e Sali Berishës në grupin parlamentar. • Kryeparlamentarja nuk pranoi kërkesat e Bardhit, ndërsa pas kësaj deputetët e opozitës bllokuan foltoren e Kuvendit. • Nikolla vendosi përjashtimin e Flamur Nokës nga seanca, sipas saj për shkak të gjuhës së përdorur. • Përplasjet dhe debatet kanë çuar tre herë në ndërprerjen e seancës plenare. • Bardhi tha se Nikolla, në arsyetimin e rrëzimit të mocionit për debat për investigimin e Rai3, është shprehur se lufta ndaj krimit nuk është është çështje për debat në Kuvend. • Më tej Bardhi tha se kryeministri Edi Rama ka caktuar si përfaqësues, Ergys Agasin për ruajtur lidhjet e tij me krimin e organizuar. • Ai tha në Kuvend se ish-deputetët e PS, Rrahman Rraja dhe Arben Ndoka, ditën votonin ligje dhe natën porosisnin vrasje. • Deputeti Flamur Noka ndonëse u përjashtua nga Nikolla, ka vijuar me qëndrimin brenda në sallën e Kuvendit. • Ai i mori mikrofonin deputeti socialist, Nasip Naços, teksa ky i fundit po mbante fjalën, për pikën e rendit të ditës. • Pas kësaj, Nikolla paralajmëroi Nokën që të ikë nga salla, në të kundërt Sekretariati i Kuvendit do të merrte të tjera masa. • Në fund të seancës plenare Kuvendi ka miratuar me 86 vota pro dhe 1 abstenim Ratifikimin e marrëveshjes së huas, ndërmjet Republikës së Shqipërisë dhe Bankës Evropiane për Rindërtim dhe Zhvillim, për rehabilitimin e linjës hekurudhore Vorë-Hani i Hotit.
13 artikuj për këtë temë.
TIRANË- Deputetja demokrate, Ina Zhupa ka akuzuar vëmendjen e Lindita Nikollës që po thyen në mënyrë të vazhdueshme rregulloren duke konsideruar që nuk janë detyra të qeverisë lufta ndaj krimit të organizuar, garantimi i lirisë së profesionistëve të medias.
Zhupa denoncoi në Kuvend një sërë gjobash që po i vendosen hoteleve në Sarandë nga një task forcë e ngritur mbi bazën e aktit normativ nr 8, 28-12-2023 për menaxhimin e ujrave të ndotura
“Unë jam deputete e Sarandës dhe me përgjegjësi të plotë ju them se jeni duke berë një krim ndaj bizneseve të hotelerisë. Me aktin nr 8, me sebebin e ujrave të ndotura keni vendosur ju, se çlloj impant duhet marrin, se ku duhet ta marrin, keni vendosur gjoba të majme duke i trajtuar edhe si titull ekzekutiv për të cilat vetëm në gjykatë mund të ankimohen. Keto janë disa nga gjobat e hoteleve të Sarandës, nga 15 milion e deri në 30 milion lek, dhe jo se i hedhin ujrat e ndotura në det, përkundrazi kanë krijuar gropa septike, kanë krijuar metoda të ligjshme që ishin deri dje. Por nga sot, dje, ju ndërroni sistemin dhe bizneset do duhet të paguajnë sistemin e ri për oligarkun që keni zgjedh ju të bëj këto impante. A e dini se ka biznese që kanë aplikuar në e-albania dhe ka 6 muaj nuk i vjen përgjigje?! Jeni qeveri gjobëvënëse, keni prioritet gjoba dhe nuk keni prioritet të bashkëpunoni me biznese. Keto janë akte që i bëni për të mbushur arkat e shtetit në kurriz të biznesit dhe ti mbushni me to xhepat tuaja dhe të klientëve tuaj.”, tha Zhupa.
TIRANË- Pas fjalës së deputetit Agron Gjekmarkaj, në përgjigje të tij ka folur ministri i Drejtësisë Ulsi Manja. Gjekmarkaj iu drejtua mazhorancës dukeju thënë se nuk po kuptohet qartë se kush është PS, parti politike apo parti e miqve të EncroChat-it. Manja i tha Gjekmarkajt se PS është aset kombëtar dhe se do të jetë partia që votohet më së shumti nga shqiptarët.
"Ne zoti Gjekmarkaj jemi Partia Socialiste e Shqipërisë, që është aset kombëtar dhe do jetë partia e shqiptarëve për shumë kohë. Jemi partia e 10 milionë turistëve për vitin 2023 dhe kemi shndërruar Shqipërinë në destinacion për turizmin. Ne jemi partia që iu presim në tapetin elektoral më 2025 ju dhe këdo tjetër.", tha ai.
Ministri iu bëri thirrje demokratëve, që të drejtojnë gishtin nga vetja, nëse duan që të jenë të besueshëm për shqiptarët.
"Shqipërinë e qeveris PS me kryeministër legjitim Edi Ramën, zgjedhur me votë të lirë dhe ju presim në zgjedhje. Ju jeni në të drejtën legjitime të thoni thashetheme, por shqiptarët nuk ju besojnë, sepse nuk keni kthyer gishtin nga vetja. Flamur, ktheje gishtin nga bluza. PS është partia e 850 mijë zemrave të shqiptarëve dhe më 2025 do ju mundim më thellë se më 2021.", u shpreh Manja.
TIRANË- Deputeti i Partisë Demokratike, Agron Gjekmarkaj ka mbajtur fjalë e tij në Kuvend. Gjekmarkaj i është drejtuar mazhorancës duke i pyetur nëse ëjanë partia e gjuhës politike apo gjuha e miqve të EncroChatit.
Deputeti bëri thirrje t'i hapet rrugë qeverisë teknike, ndërsa tha se kjo është qeveria e mafias që sipas tij shtrëngon qeverinë politike. Ai shtoi se kryeministri Edi Rama duhet të mbajë përgjegjësi për deklaratat e ish-nr.2 të qeverisë Arben Ahmetajt.
"Unë besoj se PS është aset kombëtar, edhe pse jeni kundërshtarët e mi, por jam një individ përball zërave publikë që kërkojnë që e gjithë trupa politike të hetohet me lidhje me krimin e organizuar. Ata pyesin kush jeni ju, PS që duhet të ishte socialiste me shqiptarët, apo organizatë e lidhur me banditët, partia që matet me kundërshtarët, apo ajo që pret agimit të fitores pas natës së errët me kërcënime.
Jeni partia e gjuhës politike apo e ajo e miqve të enkrochatit. Dridheni ditën të flini natën, partia që djeg plehrat, apo inceneratori që djeg paratë. Jetojmë në një moment ku gjithsecili bën një sakrificë, dikush bindet, disa dorëzohen, të tjerë pranojnë kërcënimin. Sot është dita e ftesës, tjetra do jetë disa e pendesës, e vetmja që ka hequr dorë nga sakrifica është partia Socialiste. Më e lehta, të ikë të hapë rrugë qeverisë teknike.
Kjo është qeveria e mafias që shtrëngon qeverinë politike. Populli ka mbi krye dy qeveri, derivati i njëra tjetrës. Kjo është rrëshqitje historike, një populli ndaluar të zgjedhë, zgjedhë të ikë. Opozitës i tunden prangat, krimit i serviret në tabaka çdo gjë. Nuk kam pasur respekt për Arben Ahmetajn, nuk kam pasur as tani, por ndoshta falë disa cilësive u bë nr. dy i qeverisë së Ramës. Për çdo deklaratë të tij, Rama ka detyrimin të marrë përgjegjësi”- tha Gjekmarkaj.
TIRANË- Vijojnë tensionet në seancën plenare të ditës së sotme. Deputeti i Partisë Demokratike, Flamur Noka u përjashtua më herët nga kryetarja e Kuvendit, Lindita Nikolla, por vijon të jetë në sallë.
Ai i mori mikrofonin deputeti socialist, Nasip Naços, teksa ky i fundit po mbante fjalën, për pikën e rendit të ditës.
"Nasip lere fjalën. Jeni parlament i narkoshtetit", tha Noka.
Nikolla ka paralajmëruar Nokën që të ikë nga salla, në të kundërt Sekretariati i Kuvendit do të marrë të tjera masa.
Noka: Je përfaqësuese e turpit.
Nikolla: Turpi jeni ju. Unë përfaqësoj familjen time. Nuk më intimidoni dot, s’më kërcënoni dot!
TIRANË- Mazhoranca votoi kundër mocionit me debat të kërkuar nga Gazment Bardhi për investigimin e Rai 3 për Shqipërinë. Pas përfundimit të votimit, deputetët e PD-së janë ngritur nga tavolinat e tyre dhe kanë bllokuar sërish foltoren.
Kryetarja e Kuvendit, Lindita Nikolla nga ana tjetër ndërpreu për herë të tretë seancën plenare.
TIRANË- Kreu i Grupit Parlamentar të PD-së, Gazment Bardhi tha në Kuvend se ish-deputetët e PS, Rrahman Rraja dhe Arben Ndoka, ditën votonin ligje dhe natën porosisnin vrasje.
Bardhi u shpreh se në qytetet si Shkodër, Elbasan dhe Durrës, komandojnë bandat dhe jo deputetët e PS të zgjedhur për qarkun. Ai iu drejtua deputetëve të PS, duke iu thënë se e njohin këtë realitet, por zgjedhin të mos reagojnë dhe të heshtin.
Bardhi: Na keni sjellë këtu vrasës. E kuptoni ku e keni çuar ju shtetin? Nga njëra anë deputetë, zonja të nderuara të të dy krahëve, që kishin në krah vrasës, trafikantë prostitutash, trafikantë droge dhe ne nuk duhet të diskutojmë për këto? A ishte Arben Ndoka këtu, e kishit ju kolegë, ulej me ju në mbledhje grupi, seancë plenare, ditën votonte ligje, natën porosiste vrasje. Ne, RAI3, BILD e shpiku? Jo, nuk e shpikën këtra. A ishte Rrahman Rraja që ditën votonte ligje, natën porosiste vrasje? Ne e thamë këtë, RAI3, BILD-i e tha? Jo, janë realitete. Sa më shpejt ta pranoni, sa më shpejt të bëhemi bashkë. Ka edhe nga krahu këtej që janë të ndershëm që e duan Shqipërinë, si të mos luftojmë ne krimin e organizuar, përfshirjen e tij në institucione, pyesni në zonat tuaja për tenderat, pyeteni ju apo krimi i organizuar. Ku janë deputetët e Shkodrës? Vendosin ata se kush do punësohet apo Bajrat? Në Durrës kush vendos deputetët apo bandat? Bandat. Në Elbasan e dini kush vendos? Ju i dini por nuk reagoni.
TIRANË- Kreu i Grupit Parlamentar të Partisë Demokratike, Gazment Bardhi ka deklaruar se Shërbimi Informativ i Shtetit është duke i shërbyer krimit të organizuar me urdhër të kryeministrit Edi Rama. Gjatë fjalës së mbajtur fjalën në Kuvend, Bardhi ka akuzuar kryetaren e Kuvendit, Lindita Nikollën se ka shkelur Kushtetutën.
Bardhi tha se Nikolla, në arsyetimin e rrëzimit të mocionit për debat për investigimin e Rai3, është shprehur se lufta ndaj krimit nuk është është çështje për debat në Kuvend. Më tej Bardhi tha se kryeministri Edi Rama ka caktuar si përfaqësues, Ergys Agasin për ruajtur lidhjet e tij me krimin e organizuar.
Bardhi: Kryetarja e Kuvendit në rrëzimin e mocionit me debat, thotë se lufta ndaj krimit të organizuar është çështje që nuk bën pjesë në veprimtarinë e Këshillit të Ministrave. Më thotë se ke shkelur etikën dhe ke cënuar figurën e kryeministrit. Por kërkesa jonë nuk kërkoi debat me kryeministrin. Edi Rama ka caktuar një përfaqësues për të mbajtur marrëdhëniet mes tij dhe krimit të organizuar. Ergys Agasi kordinator i Edi Ramës me krimin. Ju deputetët e PS përshpërisni në kafet e Kuvendit si Arben Ahmetaj.Ergys Agasi është koordinatori i posaçëm i Ramës me krimin e organizuar e nisi ta testonte në Durrës, e çoi në Shkodër, Elbasan, Vlorë dhe të gjithë Shqipërinë dhe pasi krijoi gjithë lidhjet me krimin e organizuar e di çfarë bëri Edi Rama njeriun e Ergys Agasit e emëroi drejtuesin e SHISH dhe kjo sot është një organizatë që i shërben krimit të organizuar, që në vend të fuqizojë me informacione parandaluese SPAK-un tenton të marrë informacione brenda SPAK-ut, që të furnizojë me informacione krimin e organizuar.
TIRANË- Është ndërprerë sërish për 5 minuta seanca plenare, për shkak të debateve të ashpra mes deputetëve të opozitës dhe kryetares së Kuvendit, Lindita Nikollës.
Kjo e fundit vendosi pak më herët përjashtimin e deputeti Flamur Noka nga seanca, sipas saj për shkak të gjuhës së përdorur. Ndërsa ministrja Elisa Spiropali fliste, Noka reagonte nga vendi, ndërsa deputetet e opozitës i binin tavolinave.
“Po më kërcënon? Të të vij zor. Turp të kesh. Je dhe burrë malësor ti, turp të kesh. Të të vij zor nga vetja”, i drejtohet Nikolla Nokës.
TIRANË- Deputetët e opozitës kanë bllokuar foltoren e Kuvendit, ndërsa debate të ashpra janë zhvilluar mes kryetares së Kuvendit, Lindita Nikollës dhe deputetit Flamur Noka.
Ky fundit e ka cilësuar Nikollës si përfaqësuese dinjitoze e narkoshtetit. Kryeparlamentarja vendosi përjashtimin nga seanca të deputetit.
DEBATI:
Noka: Sesi funksion grupi parlamentar e vendos ky grup. Sesi funksionon narkoshteti atë e vendos kreu i narkoshtetit dhe ju jeni një sejmen në hije. Sec bëhet me narkoshtetin e qani dhe e vajtoni ju, por aty jashtë janë shqiptarët. Në keni bërë faqe të zezë për Evropën.
Nikolla: Kjo nuk është procedurë
Noka: Zonjë mos ke konsumuar kohën. Prandaj para se të fillojnë diskutimet merr në konsideratë që ka paraqitur kryetari i grupit. Kushtetuta e parashikon si një deputet bëhet anëtar i një grupi parlamentar. Në narkoregjim ju mund të keni rregulla të tjera dhe kushtetutë tjetër. Ai ka thënë se vetëm Zahon e mbron. Ti po shkel ligjet e këtij vendi. Ti përveçse je përfaqësuese dinjitoze e narkoshtetit, je edhe fytyra e turpit e këtij parlamenti dhe do hysh në histori si e tillë. Respekto rregullat. Berishën askush nuk e ndalon dot të jetë deputet i PD.
TIRANË- Kreu i Grupit Parlamentar të Partisë Demokratike, Gazment Bardhi ka depozituar në Kuvend ndryshimet e bëra në grupin e PD. Bardhi ka shkarkuar nga të gjitha funksionet që kishin në grupin parlamentar të gjithë deputetet që i përkasin PD-së së vulës. Po ashtu ai ka shkarkuar nënkryetarët që deri tani kanë qenë në detyrë, po ashtu ka kërkuar edhe rikthimin e Sali Berishës në grupin parlamentar.
“Kemi njoftim nga grupi parlamentar i PD. Në kryesinë e grupit parlamentar janë bërë ndryshime. Nënkryetar Ervin Salianji, nënkryetare Albana Vokshi, sekretar Ina Zhupa”, lexoi Nikolla.
Kjo e fundit nuk pranoi kërkesën për të futur Berishën në Grupin e PD-së, dhe po ashtu vendosi rrëzimin e kërkesës së Gazment Bardhit për mocion me debat për investigimin e RAI 3 për Shqipërinë. Vendimet e Nikollës kanë shkaktuar përplasje dhe debate me tone të larta mes deputetëve të opozitës dhe kryeparlamentares.
TIRANË- Seanca e sotme plenare ka nisur me tensione dhe tone të larta mes deputetëve të opozitës dhe kryeparlamentares, Lindita Nikolla.
Deputeti Flamur Noka dhe deputetët e tjerë të opozitës janë mbledhur te foltorja, ndërsa punonjësit e Gardës janë rreshtuar para tyre. Pas debateve, Nikolla ka lajmëruar ndërprerjen e seancës për 5 minuta.
Shkak i debateve është rrëzimi i kërkesës së Gazment Bardhit për mocion lidhur me investigimin e Rai3 dhe mospranimi i kërkesës për të futur liderin e opozitës, Sali Berishën në Grupin e PD-së!
TIRANA- Teksa nga momenti në moment pritet të nisë protesta e opozitës, e paralajmëruar më herët, deputetët e Partisë Socialiste kanë hyrë në parlament më herët. Mësohet se pas godinës së Kuvendit janë vendosur edhe dy autobote me ujë.
Nga ana tjetër, mësohet po ashtu se drejtori i Policisë së Tiranës, Tonin Vocaj, ndodhet në terren. Protesta e opozitës lidhet me publikimet e bëra nga emisioni Report në Rai 3.
TIRANA- Gjatë ditës së sotme, në parlament pritet që të ngrihen dy Komisione, ai për Antikorrupsionin dhe Dezinformimin. Në krye të Komisionit për Antikorrupsionin pritet të jetë kryetar Fatmir Xhafaj, ndërsa kryetar i Komisionit për Dezinformimin pritet të jetë Erion Braçe.
Mësohet se sa i takon Komisionit Antikorrupsion, emrat e deputetëve të opozitës janë aty për shkak të pozicionit që kanë në Komisionet Parlamentare dhe bëhen automatikisht anëtarë.
PROJEKTVENDIM
Nr. __/2024
PËR MIRATIMIN E PËRBËRJES SË KOMISIONIT TË POSAÇËM TË KUVENDIT, NGRITUR ME VENDIMIN NR. 50/2024, PËR THELLIMIN E REFORMAVE PËR MIRËQEVERISJEN, SUNDIMIN E LIGJIT DHE ANTIKORRUPSIONIN
PËR SHQIPËRINË 2030 NË BASHKIMIN EVROPIAN
Në mbështetje të neneve 7, 77, pika 1, 78 dhe 80, pika 3, të Kushtetutës, neneve 24, 55, pika 1, të Rregullores së Kuvendit, përcaktimeve në pikën IV të vendimit nr. 50/2024 të Kuvendit, si dhe me propozimin e kryetarëve të grupeve parlamentare,
K U V E N D I
I REPUBLIKËS SË SHQIPËRISË
V E N D O S I:
Përbërja e Komisionit të Posaçëm të Kuvendit për Thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Evropian është si më poshtë:
Fatmir Xhafaj kryetar (PS)
Klotida Bushka anëtare (PS)
Eduard Shalsi anëtar (PS)
Etilda Gjonaj anëtare (PS)
Evis Kushi anëtare (PS)
Toni Gogu anëtar (PS)
Jorida Tabaku anëtare (PD)
Dhurata Tyli anëtare (PD)
Sorina Kote anëtare (PD)
Flutura Açka anëtare (PD)
anëtar (PD)
Milva Ekonomi anëtare zëvendësues (PS)
Erion Braçe anëtar zëvendësues (PS)
anëtar zëvendësues (PD)
anëtar zëvendësues (PD)
Nënkryetar i Komisionit do të jetë njëri nga anëtarët përfaqësues të pakicës parlamentare.
III. Ky vendim hyn në fuqi menjëherë.
K R Y E T A R E Lindita NIKOLLA
PROJEKTVENDIM
Nr.___ /2024
PËR MIRATIMIN E PËRBËRJES SË KOMISIONIT TË POSAÇËM TË KUVENDIT, NGRITUR ME VENDIMIN NR. 40/2024, “PËR TË KOORDINUAR DHE MBIKËQYRUR TË GJITHA VEPRIMET INSTITUCIONALE PËR TË LUFTUAR DEZINFORMIMIN DHE FORMAT E TJERA TË MBIKËQYRJES SË HUAJ
NË PROCESET DEMOKRATIKË TË VENDIT”
Në mbështetje të neneve 77, pika 1, e 78, pika 1, të Kushtetutës dhe të neneve 24 e 55, pika 1, të Rregullores së Kuvendit, me propozimin e kryetarëve të grupeve parlamentare,
K U V E N D I
I REPUBLIKËS SË SHQIPËRISË
V E N D O S I:
Përbërja e Komisionit të Posaçëm Parlamentar “Për të koordinuar dhe mbikëqyrur të gjitha veprimet institucionale për të luftuar dezinformimin dhe format e tjera të mbikëqyrjes së huaj në proceset demokratikë të vendit” është si më poshtë:
Erjon Braçe kryetar (PS)
Etilda Gjonaj sekretare (PS)
Bledar Çuçi anëtar (PS)
Pandeli Majko anëtar (PS)
Mimi Kodheli anëtare (PS)
Enslemvera Zake anëtare (PS)
anëtar/e (PD)
anëtar/e (PD)
anëtar/e (PD)
Mesila Doda anëtare (Demokraci dhe Integrim)
Fatmir Mediu anëtar (Aleanca për Ndryshim)
Bardhyl Kollçaku anëtar zëvendësues (PS)
Alban Xhelili anëtar zëvendësues (PS)
anëtar zëvendësues (PD)
anëtar zëvendësues (PD)
Ky vendim hyn në fuqi menjëherë. K R Y E T A R E Lindita NIKOLLA
