I vihet tritol një apartamenti në katin e 9-të në Tiranë, dalin pamjet e pallatit ku ndodhi shpërthimi: Zhurma tronditi zonën

pallati

TIRANË- Një shpërthim me tritol ka ndodhur mbrëmjen e djeshme në një apartament në katin e 9-të në rrugën “Sadik Petrela” në kryeqytet. Sipas dëshmitarëve, zhurma e shpërthimit ka qenë shumë e fuqishme. 

Ndërkohë siç shihet në videon e mbërritur në redaksinë e Dosja.al në vendngjarje kanë mbërritur menjëherë forcat zjarrfikëse dhe policia.

Efektivët kanë hapur me forcë derën pasi nuk kishte njëri në banesë dhe kanë zbuluar se shpërthimi kishte dëmtuar xhamin dhe vetratën e ballkonit. Banesa ishte në pronësi të shtetases me iniciale E.A. Grupi hetimor vijon punën për zbardhjen e rrethanave të rastit, si dhe për identifikimin e kapjen e autorit/ëve.

foto ilustruese

TIRANË- Një shpërthim me lëndë plasëse ka ndodhur mbrëmjen e djeshme në Tiranë.

Sipas informacioneve policore, në ballkonin e banesës së shtetases me inicale E.A., në rrugën “Sadik Petrela” në katin e 9-të, ishte vendosur një sasi lënde plasëse. Shpërthimi ka dëmtuar xhamin dhe vetratën e ballkonit të banesës.

Grupi hetimor vijon punën për zbardhjen e rrethanave të rastit, si dhe për identifikimin e kapjen e autorit/ëve.

NJOFTIMI I POLICISË: 

Informacion paraprak

Rreth orës 23:45, të datës 21.12.2024, është njoftuar Salla Operative se në banesën që jetonte shtetasja E.A, në rrugën “Sadik Petrela” në katin e 9-të, është dëgjuar një zhurmë si shpërthim.

Menjëherë kanë shkuar shërbimet e Policisë ku kanë hapur me forcë derën pasi nuk kishte njëri në banesë dhe kanë konstatuar në ballkonin e kësaj banese, të dëmtuar xhamin dhe vetratën e ballkonit, që dyshohet se janë dëmtuar nga lëndë plasëse.

Grupi hetimor, në drejtimin e Prokurorisë, vijon punën për zbardhjen e rrethanave të rastit, si dhe për identifikimin e kapjen e autorit/ëve.

Materialet procedurale u referuan Prokurorisë për veprime të mëtejshme.