Digjet për herë të dytë 'ZINS'/ Arrestohet autori, Musteqja i njohuri i Noizy-t, reperi: Eraldo është besimtar ekstremist

Noizy dhe Eraldo

TIRANË- Reperi Noizy ka postuar një video në 'Instastory' për të vërtetuar se nuk po gënjen kur ka thënë se Eraldo (autori i zjërrvënies) është besimtar ekstremist. Në video, shihet Eraldo i cili është pas makinës, e i thotë Noizy-t se do ta bëjë sërish të njëjtin veprim.

Eraldo: Për herë të tretë do ta vej inshallah!

Noizy: Për ju që nuk besoni që është i sëmurë dhe ekstremist, këtu s'ka të bëjë cila fe, thjesht është bërë ekstrem dhe ka nevojë për ndihmë.

Noizy reagoi fillimisht në lidhje me ngjarjen që ndodhi sot në lokalin e tij, të cilit iu vu zjarr. Në një postim në rrjetet sociale, Noizy ka treguar se është rritur me 26-vjeçarin, ndërsa thekson se shkak i këtyre akteve është bërë fakti se i riu është bërë besimtar ekstrem./Dosja.al

Eraldo Musteqja

TIRANË- Personi në foto është Eraldo Musteqja, autori i djegies për herë të dytë të lokalit 'Zins' në zonën e Currilave në Durrës. Fotoja e tij është postuar nga vetë reperi Noizy, i cili bën të ditur se Eraldo është rritur nga familja e tij. Po ashtu, Noizy thekson se Eraldo ndërroi fe, duke u bërë një besimtar ekstremist, që do të thotë se kishte besimin se lokalet nuk duhet të shesin alkol e se muzika është haram. 

Por, reperi shpreson që Eraldo ta ketë kuptuar gabimin, si dhe thekson se nuk ka asnjë urrejtje ndaj tij. 

POSTIMI I NOIZY-T

Ky është Eraldo, i rritur nga familja ime qe në fëmijëri, Eraldo ndërroi fe, u bë një besimtar ekstremist, dhe kishte besime të forta se lokalet sduhet të shesin alkol dhe se muzika është haram. Prandaj vendosi që të bëjë atë akt terrosit.

Gjithsesi jeta vazhdon, unë dhe familja ime jemi të gjithë mirë. Uroj që Eraldo të bëhet më mirë dhe të kuptojë gabimin. Unë smund ta urrej sepse jam rrit me të, ia kam lënë në dorë Zotit dhe drejtësisë.
The beautiful @zins_durres është shumë mirë dhe përherë do të jetë mirë. Ziliqar dhe keqbërës do të ketë përherë, por varet sa i fortë qëndron ti dhe se si e menaxhon situatën. Love you lil bro 

Policia

DURRËS- Eraldo Musteqja është autori i cili në më shumë se dy herë i ka vënë flakën lokalit të reperit Noizy. Ai rezulton të jetë kushëriri i reperit. Sipas Policisë, 26-vjeçari u kap në flagrancë mëngjesin e sotëm, pasi i kishte vënë zjarrin një lokali në lagjen “Currilat”, në pronësi të babait të Noizy-t, Bashkim Rajkut.

Gjithashtu, nga hetimet dyshohet se Musteqja i ka vënë zjarrin të njëjtit lokal, më datë 11.06.2023, si dhe derës së banesës së nënës së pronarit të këtij lokali, më datë 10.06.2023. Në momentin e arrestimit, 26-vjeçarit iu gjet dhe iu sekuestrua një mjet prerës (thikë).

NJOFTIMI

Durrës/Finalizohet operacioni policor i koduar “Përsëritësi”, për zbardhjen e tre rasteve të zjarrvënieve ndaj biznesit dhe banesës së të njëjtës familje.

I vuri 2 herë (mëngjesin e sotëm dhe më datë 11.06.2023) zjarrin një lokali në lagjen “Currilat”, si dhe derës së banesës së nënës së pronarit të këtij lokali, identifikohet dhe arrestohet në flagrancë 26-vjeçari. I ndaluari, lidhje familjare e shtetasve të dëmtuar. Në momentin e arrestimit, 26-vjeçarit iu sekuestrua një mjet prerës (thikë).

Si rezultat i punës intensive hetimore për disa raste zjarrvëniesh, të kryera gjatë periudhës 10.06.2023-29.06.2023, si dhe në kuadër të monitorimit të vazhdueshëm të situatës në nivel qarku, me qëllim parandalimin dhe goditjen e paligjshmërive, specialistët e Seksionit për Hetimin e Krimeve të Komisariatit të Policisë Durrës kanë organizuar dhe finalizuar operacionin policor të koduar “Përsëritësi”, në kuadër të të cilit u identifikua, u kap dhe u arrestua në flagrancë shtetasi E. M., 26 vjeç.

Nga veprimet e shpejta dhe profesionale policore, 26-vjeçari (lidhje familjare e shtetasve të dëmtuar) u kap në flagrancë mëngjesin e sotëm, pasi i kishte vënë zjarrin një lokali në lagjen “Currilat”, në pronësi të shtetasit B. R.

Gjithashtu, nga hetimet dyshohet se i njëjti shtetas i ka vënë zjarrin të njëjtit lokal, më datë 11.06.2023, si dhe derës së banesës së nënës së pronarit të këtij lokali, më datë 10.06.2023.

Në momentin e arrestimit, 26-vjeçarit iu gjet dhe iu sekuestrua një mjet prerës (thikë).

Vijon puna hetimore për dokumentimin e plotë ligjor të rrethanave të këtyre rasteve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Noizy

DURRËS- Kjo është hera e dytë brenda muajit Qershor që Rigels Rajkut, reperit të njohur Noizy, i djegin lokalin që ka në zonën e Currilave në Durrës.Zjarri i është vënë verandës së lokalit dhe vjen as 2 ditë që nga hapja pas punimeve që u kryen pas zjarrëvënies së parë. 

Burime nga policia e Durrësit bëjnë me dije se janë në gjurmët e autorit të zjarrvënies. Dyshohet se autori është një i afërt i familjes së këngëtarit, pra një kushëri i tij. Kur të gjithë dyshuan për Cllevio Serbianon (me të cilin ka pasur herë pas here probleme), apo për ndonjë rival të tijin në muzikë apo biznes, dyshimet bien mbi të afërmin e tij, E.Mustaqja.

Kjo është e dyta herë që lokalit të reperit Noizy i vënë zjarrin. Edhe më 11 qershor lokali u shkrumbua krejtësisht nga flakët. Policia ka nisur hetimet./Dosja.al

Ambulance

DURRËS-S'kanë fund telashet për Rigels Rajkun, të njohur nga të gjithë si Noizy. Mëngjesin e sotëm, forca të shumta policie, zjarrëfikëse dhe autoambulancat kanë mbërritur në lokalin e tij 'ZINS' në zonën e Currialve. 

Gjatë natës lokali në pronësi të tij është përfshirë sërish nga flakët. Ende nuk dihet se çfarë ka ndodhur, mirëpo ditën e martë, lokali kishte hapjen pas djegies. 

Zjarri heren e pare

Kjo është hera e dytë që digjet brenda një muaj lokali i këngëtarit, ndërsa ngjarja dyshohet të jetë e qëllimshme. Pritet që të ketë më shumë informacion në orët në vijim./Dosja.al