Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Ka përfunduar protesta në formë marshimi për atentatin në Shkodër, ku humbën jetën, Hamza Lici, Arlind Bushati dhe Flutura Basha. • Në protestë kanë marrë pjesë qytetarë të Shkodrës dhe disa nga deputetët e Partisë Demokratike. • Kjo e fundit organizoi dhe mbajtjen e protestës. • Kreu i Grupit Parlamentar të PD-së, Gazment Bardhi në deklaratën e tij për mediat, tha se Shkodra nuk mund t'i nënshtrohet krimit. • Ai u shpreh se krimi i organizuar ka marrë pushtet për shkak të lidhjeve të forta me politikën, ndërsa tha se ngjarja e rëndë ishte e paralajmëruar nga kallëzimi i njërit prej viktimave. • Qytetarët mbajnë edhe një banderolë me shkrimin në gjuhë dialektore "Qytetnimi asht ma i fortë se krimi, po na vrasin duhet reagim". • Protesta nisi para bashkisë, ndërsa më pas vijoi marshimi në pedonalen e qytetit. • Atentati ndodhi pasditen e 30 tetorit, në fshatin Dobraç, ku në rrugën kryesore që lidh qytetin me Malësinë e Madhe, një automjet i ka prerë rrugën një “Mercedes”-i duke qëlluar me breshëri kallashnikovi mbi të. • Viktimat janë Hamza Lici që vdiq në vendin e ngjarjes, Arlind Bushati i cili ndërroi jetë në spital dhe Flutura Basha e cila ishte një kalimtare e rastit në atë rrugë, teksa ndodhej me bashkëshortin e saj në një motor. • Ndërkohë, ky i fundit, identifikuar si Bashkim Basha është plagosuri rëndë. • Në makinën e viktimave shofer ka qenë Hamza Lici dhe pasagjer Arlind Bushati. •Lici ka humbur kontrollin e makinës duke marrë para dhe motorin në të cilin ndodhej çifti Basha.
10 artikuj për këtë temë.
SHKODËR- Deputetja e Partisë Demorkatike, Lindita Metaliaj, u shpreh se fatkeqësisht Shkodra si djep i artit e i kulturës sot është është me kokën poshtë për situatën ku ndodhet vendi. Metaliaj në fjalën e saj në marshimin në qytetin e Shkodrës tha se Rama tashmë është bërë një me krimin, me bandat e organizuara kriminale për të manipuluar zgjedhjet.
"Duam të sensibilizojmë edhe qytetarët që të na bashkohen në këtë marshim për situatën e rëndë ku ndodhet rendi e siguria publike në vend. Mos të harrojmë që Shkodra është veriu i Shqipërisë, është djepi i demokracisë, i arti, i kulturës i humorit dhe i këngës, por sot fatkeqësisht është me kokën poshtë për situatën ku ndodhet vendi.
Ndaj ne jemi këtu për të sensibilizuar qytetarët duke ju thënë të mos nënshtrohen, të qëndrojnë me kokën lart dhe nuk mund të mposhtet Shkodra nga krimi apo regjimi diktatorial i Ramës. Tashmë Rama është bërë një me krimin, me bandat e organizuara kriminale për të manipuluar zgjedhjet. Ndaj ne do e vijojmë betejën tonë, kjo është vetëm një pjesë saj e cila do vazhdojë, do jemi me qytetarët në mbrojtje të tyre si misionarë. O sot e o kurrë është momenti që mos të nënshtohemi dhe i ftoj gjithë qytetarët të na bashkohen", tha Metaliaj.
SHKODËR- Qyetarët e Shkodrës kanë nisur marshimin për atentatin me 3 viktima të 30 tetorit në fshatin Dobraç. Grumbullimi i qytetarëve ka nisur para bashkisë dhe më pas ka vazhduar në pedonalen e qytetit. Ata vendosën pankarta me shkrime të ndryshme në muret e bashkisë, ndërsa marshimi vijoi me banderolën me mesazhin "Qytetnimi asht ma i fortë se krimi, po na vrasin duhet reagim".
Nuk kanë munguar edhe thirrjet kundër kryeministrit Edi Rama dhe kryebashkiakut të Shkodrës, Benet Becit. Në nga pankartat ishte dhe fotoja e këtij të fundit me shkrimin "Kryebashkiak i krimit". Në marshimin e thirrur nga opozita, janë të pranishëm edhe disa nga deputetët e Partisë Demokratike.
Atentati i 30 tetorit në Shkodër:
Gjithçka ndodhi pasditen e 30 tetorit në fshatin Dobraç të Shkodrës, ku në rrugën kryesore që lidh qytetin me Malësinë e Madhe, një automjet i ka prerë rrugën një “Mercedes”-i duke qëllua me breshëri kallashnikovi mbi të. Viktimat janë Hamza Lici që vdiq në vendin e ngjarjes, Arlind Bushati i cili ndërroi jetë në spital dhe Flutura Basha e cila ishte një kalimtare e rastit në atë rrugë, teksa ndodhej me bashkëshortin e saj në një motor. Ndërkohë, ky i fundit, identifikuar si Bashkim Basha është plagosur rëndë. Në makinën e viktimave shofer ka qenë Hamza Lici dhe pasagjer Arlind Bushati. Lici ka humbur kontrollin e makinës duke marrë para dhe motorin në të cilin ndodhej çifti Basha.
SHKODËR- Ka nisur protesta në formë marshimi për atentatin me tre viktima në Shkodër. Të pranishëm janë qytetarë të Shkodrës edhe disa nga deputetët e Partisë Demokratike. Një qytetarë i Shkodrës u shpreh se të rinjtë kanë frikë të dalin në protestë.
Ai theksoi se Shkodra ka qenë djepi i kulturës dhe qyteti i biçikletave, por tani kanë frikë të dalin edhe me makina të blinduara. Gjithashtu qytetari u shpreh se të rinjtë ikin se këtu nuk ka siguri dhe nuk ka shpresë.
“Të rinjtë nga Shkodra nuk ikin për një jetë më të mirë, sikundër thuhet, nuk ikin për të qëndruar në rradhë për të marrë ushqimin me gavetë, ikin se këtu nuk ka siguri, nuk ka shpresë”, thekson ai.
SHKODËR- Deputeti demokrat, Edmond Sapho tha se nga krimi i organizuar, po humbin jetën dhe njerëz të pafajshëm. Sipas Spahos, ngjarjet e fundit tregojnë qartë lidhjet e Ramës me krimin e organizuar, për të mbajtur pushtetin e tij politik. Spaho gjithashtu tha se tregues është dhe lista e Durrësit, ku katër deputet të kësaj liste, janë individ të lidhur më krimin e organizuar
"Do jetë një marshim proteste, pasi ju e dini ngjarjen në Shkodër, ku humbën jetën 3 persona, por ajo që është dhe më e papranueshme është fakti që qytetar të pafajshëm të cilët shkonin në punën e tyre, humbën jetën nga krimi i organizuar. Tregon qartë lidhjen e Ramës me krimin e organizuar për të mbajtur pushtetin e tij politik. Tregues është dhe lista e Durrësit, ku katër deputet të kësaj liste, janë individ të lidhur më krimin e organizuar," tha Spaho.
SHKODËR- Sekretari i Përgjithshëm i PD-së, Flamur Noka, tha se protesta e sotme është kundër krimit me fytyrë shtetërore. Noka duke folur nga Shkodra u shpreh se nuk mundet Shqipëria, që ka hapur kapitujt e negociatave dhe është anëtare e NATO-s, të jetë vendi i krimit të organizuar dhe djepi i mafies. Nuka gjithashtu tha se policia nuk ka kohë të merret me ligjin, por ka dalë nga binarët e ligjit pasi është një narkopolici.
"Shkodra sot është djepi i krimit të organizuar dhe shkaktari i vetëm është Edi Rama dhe rilindja. Prandaj jemi këtu për të sensibilizuar qytetarët e Shkodrës dhe të gjithë Shqipërisë kundër këtij krimi. Nuk mundet Shqipëria, që ka hapur kapitujt e negociatave dhe është anëtare e NATO-s, të jetë vendi i krimit të organizuar, djepi i mafies. Shqipëria duhet të jetë një Shqipëri tjetër, një Shqipëri normale. Prandaj jemi këtu, për t’i thënë stop. Plani është marshim, protestë marshim kundër krimit politik, kundër krimit me fytyrë shtetërore.
Policia nuk ka kohë të merret me ligjin, ka dalë nga binarët e ligjit pasi është një narkopolici. Në momentin që policia ka në fokus luftën kundër opozitës, kjo është domethënëse. Policia është njësh me krimin, sikundër i gjithë regjimi është nën kthetrat e krimit. Mesazhi është për qytetarët të ngrihen kundër narkoregjimit, kundër krimit me pushtet, kundër këtij regjimi që po përpiqet të rrënojë Shkodrën dhe gjithë Shqipërinë. Shqiptarët nuk mund të pranojnë një krim që është nën kthetrat e krimit," tha Noka.
SHKODË- Drejtuesi politik i qarkut të PD-së në Shkodër, Luçiano Boçi është shprehur se sot në vend sundon krim-politika, duke theksuar se ka mbështetjen e policisë. Boçiu shpreh se marshimi nuk bëhet vetëm për Shkodrën, ku ndodhi masakra me tre viktima, por për të gjithë vendin. Gjithashtu Boçi theksoi se atentati mafioz kishte si tentativë mposhtjen e qytetit të Shkodrës.
“Sot sundon krim-politika, ka bekimin e Ramës, mbështetjen e policisë së shtetit. Krimi mbron interesat e veta financiare bashkë me politikën, korr votat dhe kur i prishin interesat bën edhe shumë vrasje. E shoh si vënie fuqi për të mposhtur Shkodrën. Ky marshim nuk organizohet vetëm për Shkodrën por për të gjithë Shqipërinë, Nuk ka kohë më për të heshtur, por për mosbindje. Do e vazhdojmë aksionin tonë në mënyra e forma të ndryshme. Është realitet që duhet ndryshuar, e ndryshon politika e opozita, që duhet të përcjellë shpresë. Ngjarja nuk erdhi si rrufe në qiell të hapur, ka vite që investohet”, tha Boçi.
SHKODËR- Ka nisur protesta në formë marshimi për atentatin me 3 viktima në Shkodër. Të pranishëm janë qytetarë të Shkodrës edhe disa nga deputetët e Partisë Demokratike.
Kreu i grupit parlamentar të PD-së, Gazment Bardhi në deklaratën e tij për mediat, tha se Shkodra nuk mund t'i nënshtrohet krimit. Ai u shpreh se krimi i organizuar ka marrë pushtet për shkak të lidhjeve të forta me politikën, ndërsa tha se ngjarja e rëndë ishte e paralajmëruar nga kallëzimi i njërit prej viktimave.
“Jemi këtu si qytetarë për të shprehur mosdakordësinë tonë për pushtetin që krimi i organizuar ka marrë në Shkodër me shumicë dhe kudo në të gjithë Shqipërinë. Ishte ngjarje e paralajmëruar, ishte ngjarje e rëndë, krijon frikë dhe terror për qytetarët, pa shfrytëzuar fatkeqësinë familjare të secilës prej viktimave. U shpreh ngushëllimet. Pushteti që krimi i organizuar ka marrë në Shkodër për shkak të lidhjeve të forta me politikën dhe qeverisjen, është një fenomen që duhet të kundërshtohet. Një nga viktimat kishte denoncuar një atentat të dështuar në qendër të Shkodrës dhe policia s’ka marrë masë, nëse do të kishte bërë policia detyrën ngjarja do të ishte parandaluar”, tha Gazment Bardhi.
SHKODËR- Deputeti i PD-së, Asllan Dogjani, ishte i pari që e hapi fjalën në protestën e organizuar nga Partia Demokratike në qytetin e Shkodrës, pas ngjarjes kriminale të ndodhur pak ditë më parë ku tre persona humbën jetën.
Dogjani u shpreh se është e dhimbshme që sot bashkë me qytetarët e Shkodrës po vijmë këtu për të protestuar lidhur me atë që ndodhi dy ditë më parë ku u vranë dy të rinj dhe një nënë që ishte kalimtare duke lënë 3 fëmijë të saj në mëshirë të fatit.
Gjithashtu ai tha se në këtë gjendje që ka përfunduar rendi e siguria ndikojnë shumë faktorë, po në radhë të parë ka të bëjë me faktin që grupet kriminale nuk mund të kryejnë këto vepra nëse nuk kanë mbështetjen e policisë.
"Të them të drejtën unë kam punuar në Shkodër dhe është e dhimbshme që sot bashkë me qytetarët e Shkodrës po vijmë këtu për të protestuar lidhur me atë që ndodhi dy ditë më parë ku u vranë dy të rinj dhe një nënë që ishte kalimtare duke lënë 3 fëmijë të saj në mëshirë të fatit. Shkodra është një qytet i mrekullueshëm çdo cpe ka historinë e saj me një popullaritet të mrekullueshëm që e duan rendin e sigurinë publike.
Sot duhet të vinim për ta vizituar këtë qytet të mrekullueshëm, dhe jo të mblidheshim për këtë kauz ku në mes të ditës dy të rinj dhe një nënë e cila po shkonte për të punuar arat la pas tre fëmijë. Në këtë gjendje që ka përfunduar rendi e siguria ndikojnë shumë faktorë, po në radhë të parë ka të bëjë me faktin që grupet kriminale nuk mund të kryejnë këto vepra nëse nuk kanë mbështetjen e policisë.
Fakti që në mes të ditës lëvizin të armatosur të qëllojnë me automatik do thotë se ata nuk mund ta kryejnë këtë vepër pa mbështetje. Grupet kriminale nuk janë vetëm në polici, por po drejtojnë qeverinë. Në dosjen ‘Metamofoza’ kemi parë se si drejtues policie flisnin me grupet kriminale dhe kjo do të thotë se vendi e Shkodra janë katandisur si mos më keq"," tha Dogjani.
SHKODËR- Ditën e sotme në Shkodër po mbahet një marshim-protestë pas atentatit mafioz të ndodhur pak ditë më parë ku 3 persona humbën jetën, mes të cilëve edhe një grua. Gjithashtu janë mbledhur mbështetës të opozitës dhe qytetarë para bashkisë së Shkodrës në atë që u quajt si marshim-solidariteti kundër kriminalitetit.
Po ashtu protestës i janë bashkuar deputetët e Partisë Demokratike si Dhurata Çuli, Edmond Spaho, Ramadan Lika, Lindita Metaliaj. Shkak për protestën e sotme është krimi i organizuar dhe masakra e ditëve të fundit, e cila i morri jetën edhe gruas së pafajshme. Ndërkohë bashkëshorti ndodhet në gjendje të rëndë shëndetësore.
Atentati i 30 tetorit në Dobraç të Shkodrës:
Gjithçka ndodhi pasditen e së mërkurës në Dobraç të Shkodrës, ku në rrugën kryesore që lidh qytetin me Malësinë e Madhe, të paktën një automjet i ka prerë rrugën një “Mercedes”-i duke qëllua me breshëri kallashnikovi mbi të. Viktimat janë Hamza Lici që vdiq në vendin e ngjarjes, Arlind Bushati i cili nërroi jetë në spital dhe Flutura Basha e cila ishte një kalimtare e rastit në atë rrugë, teksa ndodhej me bashkëshortin e saj në një motor. Ndërkohë, ky i fundit, identifikuar si Bashkim Basha është plagosuri rëndë. Në makinën e viktimava shofer ka qenë Hamza Lici dhe pasagjer Arlind Bushati. Lici ka humbur kontrollin e makinës duke marrë para dhe motorin në të cilin ndodhej çifti Basha.
SHKODËR- Mesditën e sotme në Shkodër, Partia Demokratike ka organizuar një protestë për atentatin e 30 tetorit ku humbën jetë 3 persona dhe një është ende në gjendje të rëndë në spital. Protesta është planifikuar të nisë në orën 12:00, ndërsa PD ka akuzuar kryeministrin Edi Rama dhe Policinë e Shtetit se janë përgjegjës të masakrës që sipas tyre ishte e paraljmëruar.
“Nesër mbarë qytetarët e Shkodrës, qytetarë nga mbarë Shqipëria, demokrate e demokratë, opozitare e opozitarë, marshojnë në Shkodër në një akt solidariteti, guximi dhe shpirti të pamposhtur të Shkodërloces, qytetit Rozafë, që ka qëndruar dhe qëndron i pamposhtur ndaj çdo pushtimi, ndaj çdo rrebeshi. Masakra e Shkodrës, ishte një masakër e paralajmëruar, ishte një masakër e licensuar nga Edi Rama, narkopolicia dhe narkodrejtësia e këtij sistemi. U bëj thirrje, që nesër të gjithë të rinjve, të gjithë të rejave të këtij vendi, marshoni në Shkodër sepse marshoni për dinjitetin tuaj, marshoni për sigurinë tuaj, për të ardhmen tuaj, për vendin tuaj. Ftoj çdo qytetar nesër të marshojë në Shkodër, sepse Flutura Basha mund të ishte secili prej nesh, secili nga të dashurit tanë, secili nga fëmijët tanë”, u shpreh Berisha mbrëmjen e djeshme.
Atentati i 30 tetorit në Dobraç të Shkodrës:
Gjithçka ndodhi pasditen e së mërkurës në Dobraç të Shkodrës, ku në rrugën kryesore që lidh qytetin me Malësinë e Madhe, të paktën një automjet i ka prerë rrugën një “Mercedes”-i duke qëllua me breshëri kallashnikovi mbi të. Viktimat janë Hamza Lici që vdiq në vendin e ngjarjes, Arlind Bushati i cili nërroi jetë në spital dhe Flutura Basha e cila ishte një kalimtare e rastit në atë rrugë, teksa ndodhej me bashkëshortin e saj në një motor. Ndërkohë, ky i fundit, identifikuar si Bashkim Basha është plagosuri rëndë. Në makinën e viktimava shofer ka qenë Hamza Lici dhe pasagjer Arlind Bushati. Lici ka humbur kontrollin e makinës duke marrë para dhe motorin në të cilin ndodhej çifti Basha.
