6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj, dhe zëvendësdrejtoresha Hava Delibashi u paraqitën sot në (GJKKO) për shqyrtimin e masave të sigurisë, në kuadër të hetimeve për abuzime me tendera.• Gjykata vendosi që Karçanaj dhe Delibashi të qëndrojnë nën masën “Arrest Shtëpie”. • Ndërkohë, biznesmenët Andis Papa, Gëzim Hoxha dhe Rogers Rryta mbeten nën masën e ndalimit për të dalë jashtë vendit. • Masa e pezullimit nga detyra dhe ndalimi për të dalë jashtë vendit u vendos për zv.drejtorin e Policisë së Tiranës, Erion Ismaili. • Prokuroria e Posaçme kundër Korrupsionit dhe Krimit të Organizuar (SPAK) ka lëshuar gjithsej 8 masa sigurie lidhur me dyshime për abuzime me tendera të AKSHI-t. • Ndërkohë, biznesmenët Ergys Agasi dhe Ermal Beqiri, të cilët dyshohet se kanë përfituar dhjetëra tendera të paracaktuar, janë shpallur në kërkim dhe për ta është lëshuar masa “Arrest me burg”, pasi nuk u gjetën gjatë kontrolleve të para në mëngjes.
4 artikuj për këtë temë.
TIRANA- Gjykata e Posaçme ka vendosur që drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj, dhe zv.shefja e institucionit, Hava Delibashi, të qëndrojnë nën masën e sigurisë “Arrest Shtëpie”. Po ashtu, për biznesmenët Andis Papa, Gëzim Hoxha dhe Rogers Rryta, Gjykata konfirmoi masën e ndalimit për të dalë jashtë vendit. Të gjitha masat e tjera të vendosura më parë nga Gjykata e Apelit mbeten në fuqi.
Disa ditë më parë, Karçanaj ishte paraqitur në SPAK në kuadër të hetimeve për dyshime mbi abuzime me tenderat e zhvilluar nga AKSHI. Prokuroria e Posaçme ka zbuluar se, në bashkëpunim me një grup biznesmenësh, kriteret e tenderave përshtateshin në mënyrë që fitues të ishin kompanitë e paracaktuara, ndërsa një pjesë e grupit dyshohet se ka pastruar miliona euro.
Sipas SPAK, biznesmenët Ergys Agasi dhe Ermal Beqiri, të cilët kanë fituar dhjetëra tendera nga AKSHI, janë shpallur në kërkim dhe për ta është lëshuar masa “Arrest me burg”, pasi nuk u gjetën gjatë kontrolleve të para në mëngjes.
Në hetim është përfshirë edhe zv.drejtori i Policisë së Tiranës, Erion Ismaili, ndaj të cilit është vendosur masa pezullim nga detyra dhe ndalim i daljes jashtë vendit.
Hetimet e SPAK përfshijnë 12 procedura tenderuese të dyshuara si të paracaktuara, kryesisht për mirëmbajtjen e serverave të institucioneve shtetërore. Hetuesit kanë marrë deklarime nga rreth 25 zyrtarë të AKSHI-t, duke përfshirë anëtarët e Komisionit të Vlerësimit të Ofertave dhe të Komisionit të Shqyrtimit të Ankesave./Dosja.al
TIRANË- Zëvendës drejtori i Policisë së Tiranës, Erion Ismaili është paraqitur në GJKKO për masën e rivlerësimit. Ismaili u pezullua nga detyra pas aksionit te zhvilluar te AKSH-it. Ndaj zyrtarit te policisë, gjykata ka vendosur “pezullim nga detyra” dhe “ndalim për të dalë jashtë vendit”.
SPAK prej një viti po heton procedurën e 12 tenderëve në Agjencinë Kombëtare e Shoqërisë së Informacionit, ku dyshohet se janë kryer shkelje gjatë tenderimit./Dosja.al
TIRANË- Drejtoresha e AKSH- it Mirlinda Karçanaj dhe zëvendës drejtoresha Hava Delibashi janë paraqitur pak më parë në Prokurorinë e Posaçme. Karçanaj dhe Delibashi ndodhen nën masën e sigurisë “Arrest në shtëpie”. Siç shihet edhe në pamje, Delibashi ka 'kyçur' gojën para mediave, duke mos dhënë asnjë deklaratë.
Prokuroria e Posaçme ka lëshuar 8 masa sigurie në lidhje me dyshime për abuzime me tenderat e AKSHI. “Arrest me burg” është firmosur për Ergys Agasin dhe Ermal Beqirin. Ndërkohë “Pezullim nga detyra” dhe “Ndalim për të dalë jashtë vendit” është lëshuar për Erion Ismailin. Andis Papa, Gëzim Hoxha, Rogers Rryta janë personat ndaj të cilëve është vendosur masa e sigurisë “Ndalim për të dalë jashtë vendit”./Dosja.al
TIRANË- Drejtoresha e AKSHI-t Mirlinda Karçanaj në masë sigurie 'arrest shtëpie' është paraqitur sot në GJKKO sot. E shoqëruar me makinë policie, Kërçanaj ka shkuar në GJKKO bashkë me avokatin e saj. Ndërkohë e pyetur nga gazetarët, Kërçanaj ka refuzuar që të flasë, ndërsa avokati i saj ka deklaruar se nuk kanë asnjë koment.
"Nuk kemi asnjë koment në këto momente," tha avokati.
Hetimet e SPAK për tenderat e AKSH-it
Prokuroria e Posaçme ka lëshuar urdhër arreste për drejtoreshën e AKSHI-t, Mirilinda Karçanaj, Ergys Agasin dhe biznesmenin Ermal Beqiraj. Për drejtoreshën e AKSHI-it, Mirlinda Kërçanaj, GJKKO ka caktuar masën e sigurisë “arrest shtëpie”, ndërsa për Ergys Agasi dhe biznesmenin Ermal Beqiri janë caktuar masat e sigurisë “arrest me burg”.
Më datë 16 dhjetor, dy skuadra me agjentë të BKH-së, shoqëruar dhe nga patrulla të policisë së Shtetit, zbarkuan në ambientet në pronësi te biznesmenit Agasi. Bëhet fjalë për kontrollin e 4 vendeve, banesave në Durrës e Tiranë, si dhe bizneset që zotërohen Ergys Agasi.
Po ashtu është dhënë masë pezullimi nga detyra dhe për zëvendësdrejtorin e Policisë së Tiranës, Erion Ismaili. SPAK gjithsej ka vendosur në masë sigurie 8 persona që janë Ergys Agasi, Ermal Beqiraj, Mirilinda Karçanaj, Hava Delibashi, Erion Ismaili, Andis Papa, G.H dhe Rogers Rryta.
Akuzat kryesore të SPAK janë grup i strukturuar kriminal, shkelje e barazisë në tendera si dhe heqje e paligjshme e lirisë. Prokuroria e posaçme prej gati një viti po hetonte procedurat e 12 tenderave, që dyshohet se janë bërë në shkelje. Ndërkohë personat e përmendur më sipër, por dhe zyrtarë të tjerë, për të cilët është dhënë masa, por që ende nuk dihen emrat e tyre, akuzohen për shkelje barazisë në tendera, korrupsion, shpërdorim detyre dhe pastrim parash.
Drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj u paraqit më 3 dhjetor në Prokurorinë e Posaçme në kuadër të një hetimi për abuzime me tenderat e zhvilluar nga institucioni që ajo drejton. Ndërsa në banesa dhe zyrat e biznesit të Ergys Agasit janë kontrolluar me urdhër të SPAK në muajin qershor. /Dosja.al
