Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
•Komisioni i Medias ka mbajtur sot një seancë dëgjimore në lidhje me procesin e zgjedhjes së drejtorit të RTSH-së. • Kryetarja e Komisionit Ina Zhupa ka deklaruar në nisje të mbledhjes se Këshilli Drejtues i RTSH-së nuk është i pavarur nga Kuvendi dhe duhet që t'i përgjigjet ligjit. • Zhupa thekson se procesi i zgjedhjes së drejtorit duhet të zbatojë plotësisht rregullat dhe të zgjidhet dikush që i shërben më mirë platformës së RTSH-së. • Kryetari i Këshillit Drejtues të RTSH-së, Leka Bungo, ka deklaruar se në institucion mungon transparenca. • Bungo ka theksuar se thotë se kryetari i këshillit drejtues të RTSH nuk ka asnjë fuqi të veprojë edhe kundër paligjshmërive. • Bungo më tej solli rastin e kandidates Aurora Polo, duke thënë se u fut në garë edhe pse nuk plotësonte kriterin kryesor, dhe po në të njëjtat kushte paligjshmërie ishte zgjedhur edhe zv.drejtoreshë. • Pas debateve që shoqëruan mbledhjen, Kryetari i Këshillit Drejtues të RTSh dhe përfaqësuesit e këtij këshilli pranuan se gabuan që lejuan votimin nga Vietnami por se vota e tij nuk ka ndikuar në rezultat. •Bungo u shpreh se nuk duhej të kishte lejuar që të votonte një anëtar të këshillit nga Vietnami. • Ndërkohë Genci Përmeti tha se duhej të kishin një asistencë juridike. •Bungo tha më tej se ai nuk ka asnjë në dorë për RTSH-në edhe pse është kryetar këshilli. • Bungo ka lexuar një raport të Kontrollit të Lartë të Shtetit, duke thënë se ish-drejtues i RTSH, Enkelejd Joti është detyruar të kthyej 375 mln lekë në arkën e RTSH. • Gjatë fjalës së tij, anëtari i këshillit drejtues të RTSH-së, Edmond Tullumani tha se ishte pro një kandidati që ishte brenda kolektivit të RTSH. Kandidatët e tillë ishin Aurora Polo dhe Jetmir Shpuza. • Ndërkohë Zhupa iu drejtua duke i thënë se nuk mund të deklarojë votën e tij.
7 artikuj për këtë temë.
TIRANË- Komisioni i Medias ka mbajtur sot një seancë dëgjimore në lidhje me procesin e zgjedhjes së drejtorit të RTSH-së.
Gjatë fjalës së tij, anëtari i këshillit drejtues të RTSH-së, Edmond Tullumani tha se ishte pro një kandidati që ishte brenda kolektivit të RTSH. Kandidatët e tillë ishin Aurora Polo dhe Jetmir Shpuza.
Pas fjalës së tij Zhupa iu drejtua duke i thënë se nuk mund të deklarojë votën e tij.
Diskutimi:
Tullumani: Kurrë nuk kam gjetur qetësi për shkak të përplasjes të legjislativit me ekzekutivin. Po mirë gjithë këta drejtorë që vinim aty ishin të këqinj. Kam qenë objektiv si në rastin konkret. Mendova se këtë rast do të ishte një që e duan punonjësit. Nuk do të ishte një drejtor që do të ziheshim prapë. Nuk do të ishte drejtor që ta quanin hajdut. Mendova të isha preferencial për atë që është brenda kolektivit të RTSh, që të njohë hallet e problemet e të ishte pakontestuar.
Zhupa: Nuk mund të deklaroni votën. Sapo e bëtë. Thatë që keni preferencë të përzgjidhni zonjën Polo.
Tullumani: Jo nuk e kam me atë. Ka dhe një kandidat tjetër.
TIRANË- Debate kanë ndodhur ditën e sotme në mbledhjen e Komisionit të Medias. Kryetari i Këshillit Drejtues të RTSh dhe përfaqësuesit e këtij këshilli pranuan se gabuan që lejuan votimin nga Vietnami por se vota e tij nuk ka ndikuar në rezultat. Bungo u shpreh se nuk duhej të kishte lejuar që të votonte një anëtar të këshillit nga Vietnami.
“Aurora Polo ka mbaruar për inxhinieri e nuk ka punuar asnjë ditë në media. Është në konflikt interesi të hapur. Ajo e di mirë. Ajo vijon të japë urdhra e të emërojë njerëz në punë. Unë nuk duhej të kisha lejuar që të votonte një anëtar të këshillit nga Vietnami. Nuk e kam ditur por nuk dua të justifikoj fajin. Nga ana juridike nuk keni çfarë më bëni se nuk ka ndikuar në rezultatet. Nuk ka ndikuar vetëm Vietnami. Kjo nuk ishte hera e parë që u bë” tha Leka Bungo.
Ndërkohë Genci Përmeti tha se duhej të kishin një asistencë juridike.
"Kryetari bëri një vetëfshikullim për një anëtar që votoi nga jashtë. Nuk është se nuk u pyet. por na u tha që ishte e ligjshme. Ndoshta ne kemi gabuar. Duhej ta kishim kontestuar, por thembra e Akilit duhej të ishte asistencë juridike. Këshilli e ka diskutuar dhe jemi të gatshëm ta diskutojmë këtë argument. Jemi të gatshëm ta diskutojmë këtë argument," tha ai.
Leka Bungo: Janë 3 votime. E nuk mund të fshihet pas votës së fshehtë.
Ilir Keko: Nuk mund të pranoj që kam votuar në kundërshtim me ligjin, aq më tepër me bindje. Vazhdoj ti qëndroj mendimit që kam bërë dhe kam votuar duke menduar për më të mirën e atij institucioni. Kam votuar ndershmërit. Nuk mendoj se kemi shkelur ligjin.
Zhupa: Vota e fshehtë e nga Vietnami e zotit Shanaj është votë e fshehtë?
Ilir Keko: Nuk është rasti i parë. Në të kaluarën profesor Shezair Rrokaj ka votuar për postin e kreut të këshillit drejtues me zarf.
Zhupa: nuk është e njëjta gjë
Ilri Keko: Kërkesa për të votuar Shanaj ka qenë e kryetarit. Ka kontaktuar sekretarja me të.
Është votë e fshehtë. se nuk e dinin anëtarët
Zhupa: Nuk ishte votë e fshehtë, e dinte sekretarja.
Ilir Keko: Procesi në gjykimin tim për zgjedhjen e drejtorit nuk e pranoj që është në kundërshtim me ligjin. Nuk e diskutoj fare.
TIRANË- Kryetari i Këshillit Drejtues të RTSH-së Leka Bungo ka deklaruar se ai nuk ka asnjë në dorë për RTSH-në edhe pse është kryetar këshilli. Gjatë fjalës në Komisionin për Mediat, Bungo ka lexuar një raport të Kontrollit të Lartë të Shtetit, duke thënë se ish-drejtues i RTSH, Enkelejd Joti është detyruar të kthyej 375 mln lekë në arkën e RTSH.
"Unë kam kërkuar nga këshilli drejtues dhe ata e kanë miratuar kërkesën time që të delegojmë të drejtën për të marr informacion nga administrata kryetarit të këshillit drejtues dhe unë këtë punë jam munduar që ta bëjë rregullisht, por asnjëherë s’kam marr një përgjigje të saktë dhe transparente me të 3 drejtorët. Mua më është thënë që t’i i dashur kryetar nuk mund të kërkosh informacion nga departamentet e tjera, ndërkohë që është e specifikuar që kryetari të marr informacion nga të gjitha departamentet, e kam me shkrim. Më është thënë nëse doni informacion do t’i drejtoheni drejtorit të përgjithshëm.
Dhe unë i jam drejtuar Enkelejd Jotit në shtyp, në mbledhje dhe në këtë sallë, ku kam thënë po nëse unë do të kem mendimin që t’ju pyes zoti drejtor a keni vjedhur ndonjë lekë këtë muaj, ju do të më përgjigjeni mua?. Kjo është mënyra e komunikimit tuaj me këshillin drejtues? Ka precedentë dhe më i freskët është ai para 10 ditësh, ku drejtori Enkelejd Joti është i detyruar të kthejë me emër dhe me mbiemër 375 mln lekë në arkën e RTSH dhe ky është përfundimi i KLSH, s’është i imi. Unë edhe pse jam kryetar vetëm çelësat e kashtës kam", tha ai.
TIRANË- Një debat mes Leka Bungos dhe Ilir Kekos është zhvilluar ditën e sotme në mbledhjen e Komisionit të Medias. Gjatë seancës dëgjimore anëtarët e këshillit janë përplasur me njëri-tjetrin në sy të deputetëve duke akuzuar për shkelje apo klientelizëm njëri-tjetrin.
Bungo në fjalën e tij ka deklaruar se në institucion mungon transparenca. Ndërkohë që Keko ka deklaruar në Komisionin e Medias, se Bungo nuk donte të votohej hapja e garës për drejtorin e ri të RTSH-së. Sipas tij. Bungo vepronte sipas dëshirës së tij dhe për këtë arsye kanë ndodhur dhe sherret në mbledhje.
Pjesë nga debati:
Keko: Në parim për procesin, unë e di që jam në rregull. Nuk mund të pranoj që procesi, që kur ka filluar, është në kundërshtim me ligjin. Dhe as nuk diskutohet fare.
Bungo: Po ligjin ti e njeh, që duhet të ketë minimalisht 5 vjet në media. Është e ligjshme vota jote për Aurora Polon.
Keko: Lexojeni ligjin siç është i saktë dhe mos e interpretoni ligjin si doni ju. Po të jetë për procesin, ne kemi kërkuar që në muajin shtator, që kur iku Alfred Peza, për hapjen e procesit. Kryetari nuk ka pranuar për hapjen e procesit. ‘Atë e di unë’- ka thënë. Duke vënë vetë. Në dhjetor, pas presionit tuaj (komisionit të medias) u kërkua të hapej. Dhe e dini ju sesi është kërkuar të hapet? Duke filluar mbledhjen kryetari në datën 2 dhjetor dhe duke thënë; deklaroj të hapur garën për drejtorin e përgjithshëm. Pa votim, sepse nuk e donte votimin. Për këtë është bërë sherri në atë mbledhje dhe u votua, sepse nuk ka sesi të dilet me një vendim pa u votuar. Në mbledhjen tjetër u bë po e njëjta situatë dhe po të njëjtën gjë kërkonte kryetari që në fillim. Kryetari është për të hapur dhe mbyllur mbledhjet, nuk është për të mbajtur një orientim të mbledhjes. Ne nuk jemi firmëtarë nga mbrapa. Në dhjetor kemi mbajtur një qëndrim duke thënë se nuk ka kohë fizike për ta zgjidhur drejtorin e përgjithshëm sepse përpara kemi festivalin, programin e vitit të ri. Dhe që të zgjidhet drejtori duhet 4 ose 5 seanca mbledhjesh. Për mua procesi është i ligjshëm në gjykimin tim. Por jam i bindur se për kryetarin procesi do të vazhdojë të jetë i paligjshëm përsa kohë nuk rezulton ashtu si do ai.
Bungo: Si nuk ka paligjshmëri? Aurora Polo nuk ka asnjë lidhje me kriteret, fare, fare. Pavarësisht se edhe shpallja e garës që e zgjati kryetarin, për mua janë humor.
TIRANË- Kryetari i Këshillit Drejtues të RTSH-së ka deklaruar se në institucion mungon transparenca. Gjatë fjalës në Komisionin për Mediat, Bungo ka theksuar se thotë se kryetari i këshillit drejtues të RTSH nuk ka asnjë fuqi të veprojë edhe kundër paligjshmërive. Bungo më tej solli rastin e kandidates Aurora Polo, duke thënë se u fut në garë edhe pse nuk plotësonte kriterin kryesor, dhe po në të njëjtat kushte paligjshmërie ishte zgjedhur edhe zv.drejtoreshë.
"Në atë institucion mungon transparenca. Zv drejtoresha u zgjodh në kundërshtim me ligjin. Unë dhe kur konstatoj shkelje nuk kam të drejtë të veproj. Unë si kryetar këshilli kur kam munguar në mbledhje më janë vërsulur dhe më kapin më thonë pse kam munguar, kur unë e kam thënë që nuk pajtohem me vendimin tuaj dhe do ta hedh këtë çështje në gjyq dhe deri sa kjo të sqarohet unë nuk marr pjesë në mbledhje. I kam çuar letër KLSH, kryeministrit dhe kryetares së Kuvendit duke trajtuar këto probleme dhe ndoshta për efekt kohe s’kam marr përgjigje, edhe në mbledhjen e fundit kemi diskutuar ku mendoj se ka shkelje, unë ka kam kërkuar të diskutohen vlerat e kandidatëve para se të votohen", tha Bungo.
TIRANË- Kryetarja e Komisionit për Mediat, Ina Zhupa theksoi se Këshilli Drejtues i RTSH-së u mbush me procesin e fundit të garës për zgjedhjen e drejtorit të RTSH. Gjatë mbledhjes së Komisionit për Median, Zhupa theksoi se procesi i zgjedhjes së drejtorit duhet të zbatojë plotësisht rregullat dhe të zgjidhet dikush që i shërben më mirë platformës së RTSH-së.
“Ju vazon me paligjshmëri e keni mbushur por kjo ishte pika që e derdhi. Ju keni bërë dhe kur zgjodhët Alfred Pezën duke votuar për të skualifikuar një kandidat që i kishte të gjithë kriteret, si Ëngjëll Musai. Gjithë kohën kam qenë koherente” tha Zhupa.
Ndërkohë që të njejtën qëndrim ka mbajtur dhe deputetja e PS-së Evis Kushi, e cila ka theksuar se ka shumë raste që drejt tyre kanë mbërritur kritika dhe denoncime në lidhje me këtë proces.
“Vazhdimisht na kanë ardhur kritika, denoncime. Ne nuk duam tju paragjykojmë por na informoni çfarë ndodhi. Nuk është rrufe në qiell të hapur por në mënyrë të vazhdueshme por ne nuk kemi dashur të ndërhyjmë. Por kam një pyetje të parë. A ka një procedurë të miratuar nga ju për mënyrën si përzgjidhet drejtori i përgjithshëm i RTSH-së' tha Kushi.
TIRANË- Komisioni i Medias po mban një seancë në lidhje me procesin e zgjedhjes së drejtorit të RTSH-së. Kryetarja e Komisionit Ina Zhupa ka deklaruar në nisje të mbledhjes së Këshilli Drejtues i RTSH-së nuk është i pavarur nga Kuvendi dhe duhet që t'i përgjigjet ligjit. Po ashtu Zhupa thekson se procesi i zgjedhjes së drejtorit duhet të zbatojë plotësisht rregullat dhe të zgjidhet dikush që i shërben më mirë platformës së RTSH-së.
"Nuk jeni të pavarur nga ligji dhe Kuvendi. Jeni të zgjedhur nga Kuvendi dhe ndaj tij jepni llogari. Procesi i zgjedhjes së drejtorit duhet të zbatojë rregullat dhe i shërben më mirë platformës së RTSH-së. E dini se deri më tani Komisioni nuk ju ka ndërhyrë në zgjedhje, por kriteret duhet të jenë të barabarta. Kriteret ose janë ose nuk janë”, tha Zhupa.
