Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
• Zhvillime të reja nga protestat masive në Francë kundër reformës së pensioneve. • Pas episodeve të dhunshme që u raportuan mbrëmjen e djeshme në disa qytete, ku qytetarët janë përplasur me lëndë plasëse dhe gaz lotsjellës me forcat policore, një reagim ka ardhur edhe nga kryeministri i vendit Emmanuel Macron i cili është shprehur se nuk do t’i dorëzohet dhunës. • Rreth 1 milion francezë dolën në rrugë për të protestuar kundër rritjes së moshës së pensionit dhe një grup protestuesish i vunë zjarrin bashkisë së Bordosë. • Sipas shifrave zyrtare të Ministrisë së Brendshme, rreth 119 mijë qytetarë kanë demonstruar dje, ndërsa pretendohet se ka pasur edhe përplasje të dhunshme me forcat e Policisë. • Sindikatat, nga ana e tyre, pretenduan se dje kishin në total 3.5 milionë demonstrues në rrugë, 800.000 prej tyre vetëm në Paris. • Policia hodhi gaz lotsjellës ndaj protestuesve në kryeqytetin francez ndërsa autoritetet kryen 80 arrestime në të gjithë vendin. • Francezët janë kundër rritjes së moshës së pensionit me dy vjet, që do i bëjë të lënë punën në moshën 64-vjeçare, ndaj dhe miliona njerëz protestuan ditët e fundit për të treguar kundërshtimin e tyre ndaj planit të Emmanuel Macron. • Sindikatat kanë bërë thirrje për demonstrata të reja të martën e ardhshme, kur Mbreti Charles III do të mbërrinte në Francë për të zhvilluar një vizitë zyrtare. • Por vizita e Mbretit Chalres III është shtyrë për një moment të dytë. • Deri më tani nuk dihet se kush është përgjegjës për zjarrin, por fatmirësisht u vu shpejt nën kontroll. • Francezët janë shprehur të zemëruar në një sondazh kundër presidentit Emmanuel Macron të cilin e konsiderojnë përgjegjës për përleshjet e dhunshme në shumë qytete të vendit të tyre gjatë protestave masive.
4 artikuj për këtë temë.
FRANCË- Në rrjet është duke qarkulluar me shpejtësi një video ku presidenti i Francës Emmanuel Macron shfaqet duke folur për reformën e pensioneve, teksa në dorë mban një orë që kap shifrën e çmendur prej 80 mijë eurosh. Siç shihet edhe në videon më poshtë, në një moment teksa ishte duke folur ai ul duart heq orën dhe më pas vijon deklaratën e tij.
Gjesti ka ndodhur brenda pak sekondash gjatë intervistës, e cila ka sjellë reagime të shumta në rrjet.
@EmmanuelMacron le président des ultrariches enlève discrètement la montre de 80000€ payée avec vos retraites durant l entretien@washingtonpost @nytimes @DailyMirror @BBC @LaStampa @elpais_espana @derspiegel @BILD @lalibrebe @CNEWs @TPMP pic.twitter.com/g56goMA9J1
— Fabrice C sans la Nupes point de salut????????✊ φ???? (@juillet71) March 23, 2023
Duke shmangur trazirat në vend, dje Presidenti Emmanuel Macron u është bashkuar liderëve të Bashkimit Evropian në Bruksel, për samitin e marsit. Francezët po protestojnë kundër reformës së pensioneve të miratuar nga qeveria “Macron”. Nisur nga muaji prill, francezët do të dalin në pension në moshën 64-vjeçare dhe jo 62 siç ishte më parë.
FRANCË- Presidenti francez Emmanuel Macron dënoi ashpër dhunën që shpërtheu në demonstratat e së enjtes kundër rritjes së moshës së pensionit dhe tha se nuk do t'i dorëzohej asaj.
"Ne nuk do t'i japim asgjë dhunës, unë e dënoj dhunën me forcën më të madhe," tha Macron në një konferencë shtypi, pas një Samiti të BE-së në Bruksel.
Grevat kanë shkaktuar përçarje të gjerë në Francë, megjithatë Macron u zotua se qeveria do të vazhdojë me procesin demokratik për të legalizuar reformën, e cila tani po shqyrtohet nga autoriteti më i lartë kushtetues i Francës, shkruajnë mediat franceze.
Rreth 1 milionë njerëz protestuan dje në Paris, duke shënuar numrin më të lartë deri më tani të pjesëmarrësve në këtë revoltë të organizuar kundër reformës së pensioneve. Tensionet mes palëve kanë agravuar në dhunë dhe shkatërrim të mjedisit publik. E gjithë ngjarja ka ndodhur në Bulevardin Bonne Nouvelle në Paris dhe më pas është zhvendosur në 'Place de l'Opera'. Duke shmangur trazirat në vend, Presidenti Emmanuel Macron u është bashkuar liderëve të Bashkimit Evropian në Bruksel, për samitin e marsit. Francezët po protestojnë kundër reformës së pensioneve të miratuar nga qeveria “Macron”. Nisur nga muaji prill, francezët do të dalin në pension në moshën 64-vjeçare dhe jo 62 siç ishte më parë.
FRANCË- Vizita e parë shtetërore e Charles III si Mbret është shtyrë, pasi Franca përballet me protesta të vazhdueshme kundër reformave të pensioneve të qeverisë. Pallati Elysée ka njoftuar se udhëtimi në Paris dhe Bordeaux do të fillonte të dielën, por është shtyrë në një datë të dytë.
Zyrtarët kishin këmbëngulur më parë se nuk kishte kërcënime për udhëtimin, por këto u hodhën poshtë. Në kryeqytet, u hodh gaz lotsjellës dhe Ministri i Brendshëm Gérald Darmanin tha se 903 zjarre u ndezën, në një qytet ku mbeturinat janë lënë të pambledhura që nga 6 marsi.
“Ky vendim u mor nga qeveritë franceze dhe britanike dhe pas një telefonate mes presidentit francez dhe mbretit këtë mëngjes. Në mënyrë që madhëria e tij të mirëpritet në kushte që korrespondojnë me marrëdhëniet tona miqësore... kjo vizitë shtetërore do të ricaktohet sa më shpejt që të jetë e mundur," tha Pallati Elysée.
BRITANI E MADHE- Zemërimi i publikut për pensionet në Francë kërcënon të ndërpresë një vizitë javën e ardhshme të monarkut të Britanisë Charles III, të cilin sindikalistët duket se e kanë "shënjestruar".
"Është pothuajse e sigurt që mbreti nuk do të jetë në gjendje të marrë tramvajin për në Bordeaux siç kishte planifikuar,"-parashikoi gjithashtu Pascal Mesguenot, përfaqësuesi i sindikatës CFTC në autoritetin e transportit Transports Bordeaux Métropole (TBM). Megjithatë, siç tha sot ministri i brendshëm i vendit, Géral Darmanen, Franca është e gatshme të mirëpresë monarkun britanik pavarësisht protestave.
"Ne jemi jashtëzakonisht të fokusuar. Jemi gati ta mirëpresim në kushte të shkëlqyera,"- tha ministri për rrjetin televiziv CNews.
Një burim i Pallatit Buckingham tha në fillim të javës se protestat ka të ngjarë të ndikojnë në çështjet logjistike për vizitën mbretërore, megjithëse shefi i policisë së Parisit Laurent Nine tha për BFMTV se ishte "shumë i qetë" përpara vizitës.
Charles po bën vizitën e tij të parë zyrtare si mbret jashtë vendit nga 26 deri më 29 mars, kjo para kurorëzimit të tij në maj.
