Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Nga sot nis Forumi Ekonomik Botëror që do të mbahet në Davos të Zvicrër i cili do të zgjasë deri më 19 janar, të premten e kësaj jave. Takimi i Forumit Ekonomik Botëror këtë vit ka temën "Rindërtimi i besimit”. • Ky takim i 54-të i Forumit do të ofrojë një hapësirë vendimtare për t’u fokusuar në parimet themelore që nxisin besimin, duke përfshirë transparencën, qëndrueshmërinë dhe llogaridhënien. • Forumi në fjalë do të mirëpresë mbi 100 qeveri, të gjitha organizatat kryesore ndërkombëtare, 1000 partnerë të Forumit, si dhe drejtues të shoqërisë civile, ekspertë, përfaqësues të rinjsh, sipërmarrës socialë dhe media. • Në kuadër të këtij Forumi, një hapësirë e veçantë është menduar t'i jepet edhe procesit të dalogut Kosovë-Serbi, ku ditën e sotme përfaqësuesit e lartë të dy shteteve, Kurti dhe Vuçiç, do të takohen të veçuar nga njëri-tjetri me të dërguarin e posaçëm të BE-së për dialogun, Miroslav Lajçak. • Për Vuçiç po ashtu është konfirmuar dhe takimi me presidenten e Parlamentit Europian, Ursula von der Leyen. • Nga ana tjetër panorama e Forumit rezervon dhe informacione të tjera ku në rastin e presidentit turk, Rexhep Tajip Erdogan, është konfirmuar mospjesëmarrja e tij dhe e përfaqësuesve të tjerë të shtetit turk, për shkak të qëndrimeve ndaj luftës Izrael-Palestinë nga organizatorët. • Përveç Erdogan, ky forum është bojkotuar dhe nga Rusia dhe me anë të përfaqësuesve të saj ku përmes një deklarate është thënë se bisedimet në Davos mbi propozimet e paqes të Ukrainës nuk do të arrinin asgjë.
5 artikuj për këtë temë.
RUSI- Rusia hedh poshtë diskutimin në Davos për planin e paqes të presidentit ukrainas Volodymyr Zelenskyy. Propozimi i Zelenskyy, i diskutuar nga 83 delegacione, i bën thirrje Rusisë që të tërheqë trupat e saj dhe të përballet me krimet e luftës. Zelenskyy vlerëson diskutimin për përfshirjen e përfaqësuesve nga Amerika Latine, Afrika dhe Azia. Rusia i ka hedhur poshtë si të pakuptimta diskutimet mbi një plan paqeje të propozuar nga Ukraina në Forumin Ekonomik Botëror.
Ukraina thotë se Rusia nisi një breshëri sulmesh në mbarë vendin. Plani i paqes me 10 pika, i krijuar për t'i dhënë fund luftës së shkaktuar nga pushtimi i Rusisë ndaj fqinjit të saj në shkurt 2022, bën thirrje për tërheqjen e trupave ruse, rivendosjen e kufijve shtetërorë të Ukrainës dhe përgjegjësinë ruse për luftën. Ignazio Cassis, ministri i jashtëm zviceran që bashkë-organizoi diskutimin e planit të paqes në Davos, tha se takimi ishte pjesë e një procesi që synon përfundimisht të sigurojë pjesëmarrjen ruse, megjithëse ai pranoi se Moska është larg gatishmërisë për të bashkëpunuar.
Zelenskyy vlerësoi gjithashtu diskutimin për përfshirjen e përfaqësuesve nga Amerika Latine, Afrika dhe Azia. Ai mbërriti në Davos të hënën pasdite në një udhëtim gjatë të cilit do të përpiqet të mbledhë mbështetje për Ukrainën mes shenjave të lodhjes në Shtetet e Bashkuara dhe Bashkimin Evropian. Gjithashtu pohoi se po përparon puna për garancitë e sigurisë dhe paketat e reja mbështetëse. Lufta e intensifikuar ajrore e ka shtyrë Ukrainën të bëjë presion më të madh ndaj aleatëve perëndimorë për donacione të raketave dhe pajisjeve të mbrojtjes ajrore. Ndërkohë, Rusia është kritikuar për thyerjen e sanksioneve ndërkombëtare pasi ajo merr armë nga Koreja e Veriut.
ZVICËR- Presidentja e Komisionit Europian, Ursula von der Leyen, do të takohet të enjten me presidentin e Serbisë, Aleksandër Vuçiç, gjatë Forumit Ekonomik Botëror në Davos, në Zvicër. Zëdhënësi i Komisionit Europian, Eric Mamer, në një konferencë për media në Bruksel tha se presidentija e KE-së do të mbërrijë sot në Davos për Forumin Ekonomik Botëror, ku do të flasë nesër në hapjen e këtij takimi dhe më pas do të ketë një sërë takimesh bilaterale.
Sipas tij, Von der Leyen do të takohet me presidentin ukrainas Volodymyr Zelensky, kryeministrin kinez Li Keqiang, sekretarin amerikan të shtetit Anthony Blinken dhe presidentin hungarez Katalin Novak në Davos, si dhe do të marrë pjesë në seancën “Dialogu Diplomatik për Ballkanin Perëndimor” dhe një sërë takimesh të tjera.
TURQI- Presidenti turk, Rexhep Tajip Erdogan ka refuzuar të marrë pjesë në Forumin Ekonomik Botëror të mbajtur këtë viti. Erdogan përveç se nuk do të marrë pjesë vetë ka shtuar se Turqia nuk do të përfaqësohet nga askush në Davos.
Presidenti turk u ka kërkuar zyrtarëve të vendit të tij që të anashkalojnë Forumin Ekonomik Botëror të këtij viti në Davos për shkak të qëndrimit të organizatorëve ndaj luftës së Izraelit kundër Hamasit. Para se presidenti turk të merrte vendimin për të mos marrë pjesë ishte njoftuar se ministri turk i Financave, Mehmet Simsek kishte planifikuar të merrte pjesë në takimin vjetor.
RUSIA- Kremlini për mes një deklarate është shprehur ditën e sotme se bisedimet në Davos mbi propozimet e paqes të Ukrainës nuk do të arrinin asgjë pasi Rusia nuk po merrte pjesë në diskutime.
Sekretari amerikan i Shtetit, Antony Blinken, presidenti francez Emmanuel Macron dhe liderët kryesorë të Lindjes së Mesme janë planifikuar të marrin pjesë në Forumin Ekonomik Botëror të kësaj jave, duke i vendosur bisedimet për t’i dhënë fund luftërave në Gaza dhe Ukrainë në krye të agjendës për elitën globale.
“Kjo është thjesht duke folur për hir të bisedës,” tha zëdhënësi i Kremlinit Dmitry Peskov kur u pyet për diskutimet mbi Ukrainën në Davos.
“Ky proces nuk mund të synojë arritjen e ndonjë rezultati specifik për arsyen e qartë – ne nuk po marrim pjesë. Pa pjesëmarrjen tonë, çdo diskutim nuk ka asnjë perspektivë për ndonjë rezultat,” shtoi ai.
ZVICËR- Ditën e sotme në Davos të Zvicrës do të zhvillojë punimet Forumi Ekonomik, ku pjesë e tij do të jenë udhëheqës botërorë, por edhe liderët nga vendet e Ballkanit Perëndimor.
Në këtë forum që do të zgjasë deri më 19 janar, do të marrin pjesë edhe kryeministri i Kosovës, Albin Kurti dhe presidenti i Serbisë, Aleksandër Vuçiç. Gjithashtu në takim do të jetë edhe i dërguari i posaçëm i Bashkimit Evropian për dialog, Miroslav Lajçak, i cili pritet të zhvillojë takime të ndara me kryeministrin e Kosovës dhe presidentin serb.
Këto takime u konfirmuan nga zëdhënësi i Bashkimit Evropian, Peter Sano, i cili sqaroi se nuk pritet të ketë takim trepalësh të përbashkët. Pjesëmarrja e të gjithëve në këtë forum nga analistët në Prishtinë po shihet si mundësi e mirë që do të shfrytëzohet nga ndërmjetësi i BE-së për rikthim të palëve në tavolinën e bisedimeve. Takimi i fundit Kurti-Vuçiç në kuadër të dialogut është mbajtur në shtator të vitit të kaluar, që pati përfunduar pa rezultat.
Ndryshe takimi vjetor i Forumit Ekonomik Botëror këtë vit ka temën ‘Rindërtimi i besimit” dhe mbahet nga 15–19 janar 2024. Ky takim vjetor do të mirëpresë mbi 100 qeveri, të gjitha organizatat kryesore ndërkombëtare, 1000 partnerë të Forumit, si dhe drejtues të shoqërisë civile, ekspertë, përfaqësues të rinjsh, sipërmarrës socialë dhe media
