"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Ministrja e Financave dhe Ekonomisë Delina Ibrahimaj thotë se ekjonomia në vend pësoi rritje me 4.84% vitin e kaluar, duke dalë jashtë parashikimeve. Sipas Ibrahimajt, ndërtimi kryeson listën e sektorëve që ka pësuar më shumë rritje me 10.7%, ndësa bujqësia ka mbetur e fundit me 0.06%. • Inflacioni sipas Ibrahimaj ishte 6.7% në 2022-shin, më i ulëti në rajon dhe BE. Papunësia ka pësuar ulje në 6 muajt e fundit në vitin 2022, sipas Ibrahimajt. • Përsa i përket amnistisë fiskale, Ibrahimaj tha se konsultimet vijojnë ende. Ajo u shpreh se javën e ardhshme do të hidhet për konsultim publik ligji për hapjen e basteve online. • Ministrja foli dhe për planin e rritjes së pagave dhe tha se është diçka e mirëmenduar e që do të bëhet në një hark kohor prej dy vitesh. E pyetur për rritjen e çmimit të bukës, Ibrahimaj tha se nuk u ka rezultuar që gjithçka e tillë është bërë në mënyrë masive, ndërkohë që paralajmëroi dhe ngritjen e një institucioni për monitorimin e çmimeve.
6 artikuj për këtë temë.
TIRANË- Ministrja e Financave dhe e Ekonomisë Delina Ibrahimaj ka bërë një bilanc të ekonomisë në vend për vitin 2022. Ajo renditi sektorët dhe tha se ai i ndërtimit ka pësuar më shumë rritje, por bujqësia ka mbetur e fundit. Inflacioni, sipas Ibrahimajt në vendin tonë ka qenë më i ulëti në Evropë dhe në rajon. Ajo shtoi se në gjashtë muajt e fundit të vitit 2022 ka rënë dhe ritmi i papunësisë.
Pjesë nga fjala e Ibrahimajt:
Rritja e konomike siç u paraqit dje ishte në nivelin 4.84% në vitin 2022. Ka qenë e shpërndarë në të gjithë sektorët. Në krye qëndron sektori i ndërtimit me 10.7 %, sektori i tregtisë me 9.9%, sektori i bujqësisë me 0.06% dhe industria me 0.45%. Kjo rritja ka tejakaluar parashikimet që Ministria e Finacave dhe e Ekonomisë por që është institucionet ndërkombëtare kishin parashikuar. Ecuria e inflacionit ka qenë 6.7% ndjeshëm më i ulët qoftë për vendet e rajonit qoftë në BE. Inflacioni vjetor ka ardhur në ngadalësim që nga tetori. Në krahasim me vendet e rajonit gjatë gjithë vitit 2022 kemi pasur inflacionin më të ulët. Kjo ka ardhur duke mos rritur çmimin e energjisë elektrike.
TIRANË- Ministrja e Financave Delina Ibrahimaj është shprehur se nuk kanë konstatuar një rritje të çmimit të bukës. Në një konferencë me gazetarët, Ibrahimaj tha se gjatë vitit 2023 do të krijohet një institucion që do të merret me monitorimin e çmimeve. Ky institucion, sipas Ibrahimajt do të vendosë nëse rritja e çmimeve është bërë vetëm nga një subjekt apo në tërësi nga të gjithë furrat e bukës.
"Do të krjojmë një institucion përgjegjës që lidhet me monitorimin e çmimeve në sektorë të ndryshëm. Do të punojmë gjatë gjithë vitit 2023 për këtë gjë. Se sa realisht janë rritur çmimet, se sa është rritur çmimi i bukës, nëse shtë një dukur e gjithë sektorit apo e një subjekti, këtë do ta shohim kur të dalin shifrat e inflacionit. Nën dijeni tonë nuk ka pasur një rritje të çmimit të bukës,"- tha Ibrahimaj.
TIRANË- Ministrja e Financave Delina Ibrahimaj tha se rritja e pagave do të vijojë në një hark kohor prej dy vitesh. Në një konferencë me gazetarët, ajo u shpreh se është shqyrtuar çdo hapësirë për rritjen e pagave. Ajo foli dhe për taksimin e profesioneve të lira që kaloi një ditë më parë në Kuvend.
Si do të funksionojë rritja e pagave dhe a do të ketë kjo efekt në buxhetin e shtetit?
Delina Ibrahimaj: Përsa i përket pagave, ne kemi bërë të ditur që do të ndërmarrim një reformë madhore për rritjen e pagave në sektorin publik. Do të jetë e shpërndarë në dy vite. Përsa i takon qëndrueshmërisë apo efektit, qeveria ka marrë angazhimin që në këtë fazë të zhvillimit të aktivitetit ekonomik në vend do të vijojë me konsolidimin fiskal. Hapësira për të përballuar rritjen e pagave është shqyrtuar, nuk do të ndikojë në rregullat kryesore të qëndrueshmërisë fiskale që lidhet me nivelin e borxhit apo ngadalësimin e defiçitit të buxhetit.
Delina Ibrahimaj: Profesionistëve të lirë kemi bërë parashikim në ligj që do i referohemi bazave ligjore në fuqi që rregullojnë profesionet e lira dhe ato të rregulluara. Lista e profesioneve do bazohet në ligjet ekzisutese e do dalë me VKM. Dua të theksoj që kur morrëm nismën për tatimin mbi fitimin zero për biznesin e vogël u ndërmorr për të mbështetur bizneset e vogla. Ne po i fusim profesionet e lira në taksim pasi gjykojmë se më shumë se sa një heqje e një incentive është amsë anti shmangie dhe përforcon zbatimin e ligjit fisdkal e reduktimin e hapësirave për të kryer evazion. Me përfshirjen e profesioneve të lira në skemën e taksimit, ato do vijojnë të kenë një barrë taksimi më të ulët se sa pagamarrësit. Në të gjitha rastet iniciativa e lirë dhe risku që bizneset marrin për të hapur një biznes vlerësohet duke paguar taksa më të ulëta.
TIRANË- Ministrja Dekina Ibrahimaj deklaroi se ligji për bastet do të hidhet për konsultim publik javën e kaluar. Në një konferencë me gazetarët, Ibrahimaj tha se pas konsultimit do të kalojë në Kuvend. Ajo tha se do tëshqyrtohet arsyeja se përse u ndaluan dhe bastet sportive, mbrojtja për atë kategori që janë të prekura.
Pjesë nga konferenca:
A mund të najepni disa detaje në lidhje me ligjin e basteve?
Ligji parashikon rihapjen e basteve online, jo të të gjitha basteve siç kanë qenë më parë. Ligji do të hidhet për konsultim publik javën e ardhshme. Më pas do të kalojë në Kuvend. Pra, do të ketë tryeze konsultimi me të gjitha grupet e interesit në mënyrë që të arrijmë me një draft ligjor sa më të konsoliduar dhe të parashikojë mbrojtjen sociale për ata kategori që janë të prekura nga ky ligj. Kjo në fakt ishte dhe arsyeja kryesore që e ndaluam këtë gjë.
TIRANË- Ministrja e Financave Delina Ibrahimaj ka deklaruar se kompanitë e inceneratorëve do të vijojnë të paguhen për shërbimet e tyre. Pavarësisht se shoqëritë janë në gjyq për inceneratorët, dosje që ka çuar pas hekurave edhe dhjetëra zyrtarë, përfshirë ish-ministrin Lefter Koka dhe ish-deputetin Alqi Bllako, Ibrahimaj thotë se nuk ka një vendim gjykate që i ndalon këto pagesa.
Pjesë nga konferenca:
Për sa kohë qeveria shqiptare do të vijojë të paguaje persona që janë në arrati, e kam fjalë për inceneratirët?
Delina Ibrahimaj: Jam përgjigjur disa herë dhe do të jetë e njëjta përgjigje. Për sa kohë kemi një shërbim publik që kryhet dhe përsa kohë nuk ka një vendim të organeve ligjzbatuese që të ndalojë këto pagesa, gjithçka do të vijojë.
TIRANË- Ministrja e Financave dhe Ekonomisë Delina Ibrahimaj ka deklaruar se qeveria vijon me konsultimet për amnistinë fiskale. Në një konferencë me gazetarët, ajo u shpreh se drafti i ri që do të dalë, do të jetë i mirëpunuar.
Pjesë nga konferenca me gazetarët:
Pyetje: Kur do të jetë gati i amnistisë fiskale dhe kur do të diskutohet në parlament?
Delina Ibrahimaj: Përsa i përket amnistisë fiskale e kam përsëritur, jemi duke punuar që ai draft të vijë i mirëkonsultuar në mënyrë që të mos bëjmë veprime të nxituara. Jemi ende duke konsultuar.
