Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Kryeministri Edi Rama vijon turin e tij në Bashkitë e vendit. Sot ai ndodhet në Tropojë. • Gjatë fjalës së tij përballë fermerëve, Rama sulmoi mediat, duke thënë se po shkruajnë shpifje. •Ai mori si shembull një TV kombëtar, duke iu referuar pa emër, mirëpo sulmi ishte për Top Channel. •Ai tha se kjo media kërkoi nga AZHBR 120 mln lekë, e kur nuk i mori u kthye në pasqyrë shpfjesh. Duke vijuar më tej, Rama bashkëbisedoi me fermerët dhe dëgjoi shqetësimet e tyre. •Ai shtoi se qeveria e tij ka bërë më shumë se të mëparshmet. •Deputeti socialist, Pandeli Majko deklaroi se qeveria ka nisur bisedimet dhe kreu i Kadastrës Artan Lame u ka premtuar që projekti pilot për qarkun do të nisë nga Tropoja. •Po ashtu, ai zbuloi se brenda muajit pritet të firmoset marrëveshja me qeverinë e Kosovës për lëvizjen ndërkufitare dhe për heqjen e kufizimit për kalimin mallrave me vlerë jo më shumë se 300 euro në kufi.
6 artikuj për këtë temë.
TROPOJË- Biznesmeni në Tropojë, Sahit Muja i prezantoi kryeministrit Edi Rama planet e tij për zgjerimin e biznesit. Gjatë takimit të Ramës në Tropojë, Muja i bëri të ditur se kompania e tij e cila është sipas tij e para në botë për kromin më cilësor, ka hasur vështirësi me procedura dhe me ministrinë. Pas përfundimit të fjalës së tij, Rama i tha se mbase ministria është frikësuar nga fjalët e tij se do shpëtojë botën. Mirëpo, pavarësisht këtyre fjalëve, kreu i Qeverisë tha se do e marrë seriozisht shqetësimet që ai kishte.
Biznesmeni: Jam Sahit Muja, biznesmen shqiptar, investitor në Tropojë, jam punëdhënësi më i madh në Tropojë. Do të prezantoj kromin më cilësor në botë dhe magnezin më cilësor që ka njohur bota. Kam këtu kolegun tim partner, kemi 2 farma në Tropojë. Kemi krijuar vende pune në këtë lulen që po mbillet, është një lule magjike, agronomët po marrin mbi 3 mijë euro rrogë.
Sa ka vlerë vaji i arabisë saudite ky ka vlerë për të pastruar komplet Co2 e botës. Nëse hekurudha e trenit kalon në Tropojë, këdo kodra i ka bërë zoti për një arsye, ne kemi zbuluar 40 miliard ton magnez. Problemi që kam pasur unë është se kam 10 vite që vij në zyra. Me këtë magnezin,
Letrat ngelën te ti nuk erdhëm dot, e kemi cuar në Neë York. është vendimi i Këshillit të Ministrave, po nuk zbatohet vendimi, janë të shpallur zonat 3 vjeçare, takova kryeministrin e Belgjikës, të bëri të fala, ai kishte kompaninë që unë bashkëpunoj me të, erdhëm takuam dhe zëvendës kryeministrin. Ne kërkojmë që të na jepet mundësia që të zbatohet ligji që e ke firmosur. Këto 2 gjëra unë i kërkoj se s'bën. Unë jam demokrat, respektoj atë që ke bërë për Shqipërinë. Unë kam sjellë miliarderë, ndihmoj jetimë, në derën time i kam dhënë mundësinë kujdo. Këto janë dy mineralet më të mira që ka bota.
Edi Rama: Unë do merrem seriozisht me këtë që thatë ju po do i keni tremb ata të ministrisë, duke i thënë se do shpëtoni botën. Unë do merrem seriozisht po do e shohim se si do shpëtojmë Tropojën e më pas për botën flasim prapë.
TROPOJË- Kryeministri Edi Rama preku çështjen e largimit të shqiptarëve nga vendi gjatë takimit me fermerët në Tropojë. Ai u shpreh se largimi masiv ndodh në çdo vend madje dhe në Britani, në disa zona ku jetesa është e vështirë.
'Lexova një analizë të një gazetareje britanike e cila kishte shkruar pas intervistës time. Thoshte vetëm vendet diktatoriale vënë në diskutim lirinë e njerëzve për të ikur apo për të ardhur, shqiptarët sot thoshte po bën atë që bota e ka bërë që në lindje të saj. Po bën atë që ne kur kemi qënë më pak të pasur se sot, po bën atë që e kemi bërë. Po e bën atë që bëjnë njerëz të Britanisë që jetojnë në zona të vështira. Është e pamundur dhe jo e drejtë që tu thuhet njerëzve rrini këtu e mos ikni se këtu është atdheu. Njerëzit i marrin vetë vendimet e tyre, nuk jemi në kohën e komunizmit që na detyronin të mbyllnim dritaret. është fakt se në Shqipëri nëse do t'ia krijosh vetes mundësi ia krijon. '- tha Rama nga Tropoja.
TROPOJË- Kryeministri Edi Rama deklaroi ditën e sotme se Qeveria e tij ka bërë më shumë se ato të mëparshmet. Nga takimi me fermerët, Rama u shpreh se qeveria është përqëndruar në programe që kanë lidhje me zhvillimin dhe rritjen urbane të zonës.
'Aty ku deri dje dukej një utopi që mund të zhvillohej një sipërfaqe funksionale dhe fitimprurëse, kjo gjë po ndodh. Programi i rritjes urbane që u përqendrua fillimisht në qytet i ka hapur rrugë zhvillimit të turizmit që deri dje ishte dëshirë. Më vjen mirë që ne në këtë zonë nuk jemi shërbyer me votë, jo shumë shpesh na keni votuar, por ne kemi bërë atë që qeveri të tjera të marra së bashku se kanë bërë. Të mendosh që sot, këtë vit Tropoja ka numëruar 150 mijë vizitorë është kuptimplotë. Objektivi ynë do jetë që këta vizitorë të qëndrojnë më gjatë.’- u shpreh Rama.
TROPOJË- Kryeministri Edi Rama sulmoi sërish median Top Channel. Nga Tropoja, kreu i Qeverisë tha se ky televizion kërkoi të merrte 120 milionë lekë nga AZHBR-ja e kur nuk i mori nisi me sulmet, duke thënë se çdo gjë e shkruar nga ata ishte shpifje.
'Ju e patë rastin se si një TV kombëtar i drejtohej AZHBRS-ë, i thotë ne duam 120 mln lekë që të promovojmë punën tuaj, se investimet tuaja janë kështu e janë ashtu, kërkojnë para që AZHBR nuk i ka dhe nuk i jep dot se i ka për t'ia dhënë artizianëve dhe bujqve. Mbasi nuk i merr paratë, ekrani kthehet në një pasqyrë shpifjesh, për të goditur një punë që mund të ketë patjetër të metat e veta. Por, që në fund të ditës është puna e mijëra njerëzve dhe çfarë mesazhi merr dikush që nuk e di. Se nuk i bie rruga ndonjëherë që të kalojë në këtë realitet.'- tha Rama.
TROPOJË-Turi i kryeministrit Edi Rama në bashkitë e vendit, vijon edhe sot. Ai së bashku me ministren e Bujqësisë, Frida Krifca dhe deputetin Pandeli Majko, ndodhen në Tropojë. Majko foli për çështjen e regjistrimit të pronës. Ai u shpreh se qeveria ka nisur bisedimet dhe kreu i Kadastrës Artan Lame u ka premtuar që projekti pilot për qarkun do të nisë nga Tropoja. Po ashtu, ai zbuloi se brenda muajit pritet të firmoset marrëveshja me qeverinë e Kosovës për lëvizjen ndërkufitare dhe për heqjen e kufizimit për kalimin mallrave me vlerë jo më shumë se 300 euro në kufi.
“Në pikat kufitare, nuk mund të kalojnë më shumë se 300 euro. Brenda muajit nëntor do të firmoset marrëveshja me qeverinë e Kosovës për lëvizjen ndërkufitare. Duhet t’i biesh nga dogana e Kukësit për të kaluar një mall. Ndërkohë që Tropoja qendrën e ka në Gjakovë. Puna do të japë rezultat të pritshëm për komunitetin që barriera 300 euro të hiqet. Fjala kontrabandë nuk ka kuptim kur në të dyja anët ndodhën njerëzit tanë. Një projekt i rëndësishëm është rruga që lidh Tropojën me Plavën dhe Gucinë.”- tha Majko.
