Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Kreu i Grupit Parlamentar të PD-së, Gazment Bardhi në deklaratën e tij për mediat pas përfundimit të mbledhjes së deputetëve tha se opozita do të jetë në parlament për diskutimet mbi buxhetin e vitit 2025. • Bardhi tha se kjo nuk do të thotë rikthim në një marrëdhënie të plotë normale me Kuvendin, por se opozita do të jetë përballë mazhorancës për të mbrojtur interesat e qytetarëve dhe pensionistëve. • Ai u pyet nga gazetarët se për çfarë arsye u mor ky vendim, kur është e njëjta situatë si vitin e kaluar. • Bardhi tha se në rastin konkret aksioni i opozitës për zgjedhje të lira dhe aksioni i mosbindjes civile do të vazhdojë, por gjithashtu deputetët do të përmbushin edhe përgjegjësitë si përfaqësues të qytetarëve. •Në deklaratën për mediat, ai komentoi edhe thirrjen e ambasadorit të BE-së, Silvio Gonzato i cili i kërkoi opozitës t’i kthehet parlamentit. • Bardhi tha se ishte vendimi i kryeministrit Edi Rama nxjerrja e opozitës nga Kuvendi, ndërsa shtoi më tej se Gonzato duhet ti bëjë Ramës thirrje që të lejojë opozitën e vendit të bëjë detyrën e saj.
3 artikuj për këtë temë.
TIRANË- Kreu i grupit parlamentar të PD-së, Gazment Bardhi në deklaratën për mediat komentoi edhe thirrjen e ambasadorit të BE-së, Silvio Gonzato i cili i kërkoi opozitës t’i kthehet parlamentit.
Bardhi tha se ishte vendimi i kryeministrit Edi Rama nxjerrja e opozitës nga Kuvendi. Ai shtoi më tej se Gonzato duhet ti bëjë Ramës thirrje që të lejojë opozitën e vendit të bëjë detyrën e saj.
"Është vendimmarrje e Ramës për të nxjerrë nga Kuvendi opozitën ndaj ata që deri dje i bënin thirrje opozitës të jenë brenda Parlamentit, uroj shumë që të gjejnë guximin dhe ti bëjnë thirrje Edi Ramës të lejojnë opozitën e vendit, të bëjë detyrën e përgjegjësinë e vendit. Rama është frikacak, nuk e do opozitën në Kuvend. Cilido që është këtu për t’i shërbyer interesit europian të Shqipërisë duhet tu thotë shqiptarëve të vërtetën.", tha Bardhi.
TIRANË- Pas përfundimit të mbledhjes së grupit të deputetëve të PD, Gazment Bardhi u pyet nëse opozita do ta braktisë parlamentin. Ai tha se të ikësh nga parlamenti do të thotë ndërprerje e mosbindjes civile dhe nga përballja me qeverinë. Bardhi u shpreh se kjo nuk do të ndodhë, dhe shtoi se sa herë të shkelen të drejtat e opozitës, grupi parlamentar do reagojë.
“Ne nuk kemi ikur ndonjëherë nga Parlamenti, ikja nga Parlamenti do të thotë që të ikësh nga mosbindja civile, do të thotë që të ikësh nga përballja me Qeverinë. Ne nuk bojkotojmë institucionet, por do të reagojmë rast pas rasti. Sa herë të ketë shkelje të të drejtave të opozitës, do të shikoni grupin parlamentar të reagojë. Ne jemi penguar të futemi në Kuvend, përballja me Gardën nuk ka qenë vendimmarrje e opozitës, por e mazhorancës. Ne kemi shkuar çdo të enjte për të marrë pjesë në seancat plenare. Kemi bërë njëherë gabimin në 2019, nuk e përsërisim më. Edi Rama ka frikë nga përballja, një frikacak që fshihet pas Elisës. Ne do të jemi në Komisione, për tu përballur me Qeverinë dhe mazhorancën”, tha Bardhi.
TIRANË- Kreu i grupit parlamentar të PD-së, Gazment Bardhi ka folur për mediat pas përfundimit të mbledhjes së deputetëve. Bardhi ka bërë me dije se do të marrin pjesë në seancën plenare ku do të diskutohet buxheti 2025. Sipas tij, kjo nuk do të thotë rikthim në një marrëdhënie të plotë normale me Kuvendin, por se opozita do të jetë përballë mazhorancës për të mbrojtur interesat e qytetarëve dhe pensionistëve.
“Ky është buxheti i fundit i kësaj qeverie të korruptuar kërkon angazhimin e deputetëve të opozitës. Për të shndërruar nga borxhi i oligarkëve në buxhetin e qytetarëve. Këtë rol mund ta luajnë vetëm deputetët e opozitës. Sepse deputetët e mazhorancës siç e kanë shfaqur këto 12 vite janë si kartonë për t’i shërbyer interesit të Edi Ramës pa pasur në vëmendje fermerët, pensionistët, bizneset. Grupi parlamentar i Partisë Demokratike do jetë i angazhuar në një përballje intensive me mazhoracën gjatë gjithë procesit të diskutimit të projektbuxhetit 2025. Opozita do të jetë aty për mbrojtjen e interesit të qytetarëve dhe pensionistëve.", tha Bardhi.
Kreu i grupit të PD-së u pyet nga gazetarët se për çfarë arsye u mor ky vendim, kur është e njëjta situatë si vitin e kaluar. Bardhi tha se në rastin konkret aksioni i opozitës për zgjedhje të lira dhe aksioni i mosbindjes civile do të vazhdojë, por gjithashtu deputetët do të përmbushin edhe përgjegjësitë si përfaqësues të qytetarëve.
“Vitin e kaluar sic ju jeni dëshmitarë ne kishim shpallur vendimmarrje që nuk do ketë normalitet pa u plotësuar kushtet që ne kishim shpallur. Në rastin konkret aksioni i opozitës për zgjedhje të lira dhe të ndershme dhe aksioni i mosbindjes civile do të vazhdojë. Por shtuar kësaj deputetët do të përmbushin përgjegjësitë e tyre si përfaqësues të qytetarëve. Prandaj dhe qëndrimi publik ne në raport me Kuvendin do të vendosim rast pas rasti. Kush ka menduar që opozita do të lërë terren Edi Ramës që të kalojë buxhetin e oligarkëve dhe jo të qytetarëve e ka gabim. Ne do jemi aty për të mbrojtur qytetarët”, tha ai.
