Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Zjarr në Tiranë. Fabrika e sfungjerëve përfshihet nga flakët. Si pasojë e zjarrit është asfiksuar një punonjës. Ai ndodhej në fund të fabrikës në Misto Mame dhe nuk mundi të dilte në kohë. • Punonjësi është dërguar në spital ku po merr ndihmën e nevojshme mjekësore. Dëmet material si pasojë e flakëve janë gjithashtu të shumta. • Zjarrfikësit ndodhen në vendin e ngjarjes dhe po luftojnë me flakët që janë përhapur duke rrezikuar banesa e biznese përreth. • Shkaku për rënien e zjarrit mësohet se ka qenë aksidental gjatë procesit të prodhimit të sfungjerëve.
6 artikuj për këtë temë.
TIRANË- Dy persona janë asfiksuar nga zjarri i cili nisi ditën e sotme në fabrikën e sfungjerit në kryeqytet. Policia informon se tymi i shkaktuar nga zjarri kanë mbetur të asfiksuar dy persona, të cilët ndodhen në spital, jashtë rrezikut për jetën. Tashmë ka nisur puna nga grupi hetimor, për zbardhjen e rrethanave të ngjarjes.
NJOFTIMI I POLICISË:
Në vijim të informacionit për zjarrin e rënë në një magazinë me materiale sfungjeri, në "Misto Mame", ju bëjmë me dije se pas ndërhyrjes së forcave zjarrfikëse u bë e mundur fikja e zjarrit. Nga tymi i shkaktuar nga zjarri kanë mbetur të asfiksuar 2 shtetas, të cilët ndodhen në spital, jashtë rrezikut për jetën. Vijon puna nga grupi hetimor, për zbardhjen e rrethanave të ngjarjes.
TIRANË- Shefi i parandalimit të zjarrit Arjan Ahmetaj bëri të ditur për mediat se dy janë personat që u asfiksuan nga zjarri që nisi në fabrikën e sfungjerit në Tiranë. Për 'News24' Ahmetaj tha se falë masave mbrojtëse të vetë fabrikës dhe ndërhyrjes së shpejtë të zjarrfikësve nga tre stacione në Tiranë, zjarri u vu nën kontroll dhe u shua.
“Janë nisur mjetet nga 3 stacionet. Nga punonjësit është ndërhyrë me fikëset e zjarrit që në momentet e para. Pastaj kanë ardhur shërbimet e specializuara dhe brenda pak minutash e kanë neutralizuar zjarrin. Kjo është një fabrikë e prodhimit të sfungjerit, e cila është kontrolluar dhe para 10 ditësh. Subjekti i ka masat e mbrojtjes dhe shpëtimit, falë tyre, zjarri është izoluar dhe shuar në një kohë të shkurtër. Kanë qenë dy punonjës të asfiksuar, që janë transportuar në spital dhe gjendja e tyre është jashtë rrezikut. Do vazhdojmë hetimin për të zbuluar shkaqet e zjarrit”, tha Ahmetaj.
TIRANË- Një person është asfiksuar nga zjarri që u aktivizua në fabrikën e sfungjerëv në Kombinat. Mësohet se personi në fjalë është dërguar me urgjencë në spital. Ai është një punëtor i frabrikës, por nuk i dihet ende identiteti. Gjithashtu, nuk bëhen me dije detaje nga gjendja e tij shëndetësore pas asfiksimit.
Zjarri u aktivizua këtë mesditë. Tymi i madh mbuloi të gjithë zonën e Misto Mames dhe Dosja.al solli pamje nga vendi i ngjarjes. Zjarrfikësit ndodhen në fabrikë e po luftojnë me flakët, ndërkohë që ende nuk dihen shkaqet e rënies së zjarrit.
TIRANË- Policia e Tiranës ka dalë me njoftim zyrtar në lidhje me zjarrin që ka përfshirë fabrikën e sfungjerëve në Misto Mame. Në njoftimin zyrtar, bëhet me dije se zjarri ka shkaktuar dëme materiale, por nuk ka persona të lënduar. Zjarri është aktivizuar këtë mesditë, por shkaqet nuk dihen ende.
Njoftimi i policisë:
Në datë 30.08.2022, në "Misto Mame", ka rënë zjarr në një magazinë me materiale sfungjeri dhe si pasojë ka vetëm dëme materiale. Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga grupi hetimor për zbardhjen e rrethanave të ngjarjes.
TIRANË- Fabrika e sgungjerëve në Kombinat ka marrë flakë. Dosja.al mëson se pamjet që tregonin Kombinatin e mbuluar nga tymi vijnë nga fabrika e sfungjerëve në të cilën është aktivizuar një vatër zjarri. Zjarrfikësit ndodhen në vendin e ngjarjes, ndërsa shkaqet e aktivizimit të flakëve nuk dihen ende.
TIRANË- Zjarr i madh është aktivizuar në Selitë. Mësohet se flakët janë aktivizuar këtë mesditë në periferi të Tiranës. Ende nuk dihet se çfarë ka ndodhur saktësisht, por Dosja.al ju sjell pamje nga vendi i ngjarjes, ku shihet se tymi i madh ka mbuluar zonën.
Nuk dihet se cila godinë është përfshirë nga flakët dhe deri më tani nuk ka një reagim zyrtar nga Policia e Tiranës.
