LIVE UPDATES
LIVE UPDATES

"Mbyllet" La Mansh për shqiptarët, Britania nënshkruan marrëveshjen e re për emigrantët me Francën

• Suella Braverman sot nënshkroi një marrëveshje të re me Francën për të trajtuar krizën e emigrantëve në Kanal. Firmosja u bë më homologun francez, Gerald Darmanin. • Pakti i nënshkruar nga Sekretarja e Brendshme, e shoqëruar nga një paketë financimi prej 63 milionë paundësh në vit – përfshin një rritje prej 40 për qind në numrin e oficerëve që patrullojnë plazhet. • Marrëveshja do të rrisë ndjeshëm 200 oficerët dhe vullnetarët francezë që operojnë në plazhet e Kanalit dhe do të inkurajojë Francën të synojë një përqindje më të lartë të emigrantëve të penguar të largohen. • Mbretëria e Bashkuar dhe Franca kanë qenë në bisedime për disa muaj mbi rinovimin e marrëveshjeve të gjata për të kontrolluar Kanalin. • Shifra prej 40000 emigrantë ilegalë që kanë hyrë në Britaninë e Madhe për këtë vit është tejkaluar. Ministria Britanike e Mbrojtjes ka deklaruar se vetëm të shtunën me 22 varka, hynë përmes kanalit anglez 972 emigrantë. • Debati në Britaninë e Madhe ka në qendër edhe shqiptarët që hyjnë ilegalisht me gomone apo me mjete të tjera në tokën britanike. Dy ditë më parë, shqiptarët që jetojnë dhe punojnë në Angli dolën në një protestë për të kundërshtuar qendrimet raciste ndaj shqiptarëve.

5 artikuj për këtë temë.

1 VITE ME PARE

Merr fund "Hotel Britania", zbulohet plani me 10 pika për emigrantët, edhe shqiptarët do të trajtohen si qytetarë të BE

"Mbyllet" La Mansh për shqiptarët, Britania nënshkruan
Ministri Robert Jenrick

TIRANE- Një plan propozim i ministrit britanik të Emigracionit, Robert Jenrick pritet ti japë fund "Hotel Britanisë'. 10 pika janë propozuar dhe pritet të shqyrtohen tashmë nga qeveria. Jenrick tha për "The Telegraph" se britanikët duhet të paguajnë rreth 200 paund në dhoma luksi për emigrantët pasi prurjet nuk mund të përballohen më nëpër kampe.

Plani që ka në fokus zbrapsjen e valës së emigrantëve do të ndikojë edhe tek shqiptarët. Sipas ministrit, shqiptarëve mund tu hiqet përfundimisht e drejta për të kërkuar azil duke i trajtuar si qytetarë të BE, pasi Shqipëria është një vend i sigurtë. 

Plani parashikon ti japë fund ligjit për "skllavërinë moderne" që po abuzohet nga shqiptarët sipas Suella Braverman. Sekretarja ka theksuar më herët se shqiptarët abuzojnë duke deklaruar se janë viktima të trafikimit që sillen në Angli jashtë dëshirës së tyre. Tashmë pritet të zbulohet plani i plotë për të parë sesi do të jetë raporti i qeverisë britanike përballë fluksit të emigrantëve shqiptarë. Deri më tani, mbi 40 mijë emigrantë kanë hyrë në Britaninë e Madhe përmes Kanalit të La mansh. 12 mijë prej tyre, sipas qeverisë britanike janë burra shqiptarë./Dosja.al

1 VITE ME PARE

Fluksi nuk bie, vetëm të shtunën, 972 emigrantë me gomone kaluan për në Britaninë e Madhe

"Mbyllet" La Mansh për shqiptarët, Britania nënshkruan
Foto ilutrim

LONDER- Shifra prej 40000 emigrantë ilegalë që kanë hyrë në Britaninë e Madhe për këtë vit është tejkaluar. Ministria Britanike e Mbrojtjes ka deklaruar se vetëm të shtunën me 22 varka, hynë përmes kanalit anglez 972 emigrantë.  “Gjatë vitit 2021, janë regjistruar 28 mijë kalime, shifër edhe kjo rekord"-tha ministria.

Deklarata vjen në kohën kur qeveria britanike nënshkroi sot një marrëveshje me qeverinë franceze. Ministri i Punëve të Brendshme, Franceze, Gerald Darmanin priti sot Suella Braverman, në Paris, ku u nënshkrua marrëveshja e bashkëpunimit për monitorimin e kufijve. 

“Është në interesin e Qeverisë së Mbretërisë së Bashkuar dhe asaj franceze që të punojnë së bashku për ta zgjidhur këtë problem kompleks”, tha Braverman në një deklaratë pas takimit.

Marrëveshja mes Britanisë së Madhe dhe Francës ka për qëllim të rrisë vigjilencën dhe të ndalojë prurjet e emigrantëve që kalojnë përmes kanalit të La Manshit për në Britaninë e Madhe. Marrëveshja parashikon një pagesë  vjetore të Mbretërisë së Bashkuar për Francën për të ndihmuar policinë e kufirit në 72 milionë euro.

Debati në Britaninë e Madhe ka në qendër edhe shqiptarët që hyjnë ilegalisht me gomone apo me mjete të tjera në tokën britanike. Dy ditë më parë, shqiptarët që jetojnë dhe punojnë në Angli dolën në një protestë për të kundërshtuar qendrimet raciste ndaj shqiptarëve. Ata e shohin si diskriminuese deklaratën e Braverman që tha se "emigrantët po na pushtojnë, 10 mijë shqiptarë hynë në Britani vetëm këtë vit"./Dosja.al

1 VITE ME PARE

Suella Braverman nënshkruan marrëveshjen e re për emigrantët; 40% rritje page për oficerët që patrullojnë plazhet 

"Mbyllet" La Mansh për shqiptarët, Britania nënshkruan
Suella Braverman dhe Gerald Darmanin

BRITANI E MADHE- Suella Braverman sot nënshkroi një marrëveshje të re me Francën për të trajtuar krizën e emigrantëve në Kanal. Firmosja u bë më homologun francez, Gerald Darmanin. Pakti i nënshkruar nga Sekretarja e Brendshme, e shoqëruar nga një paketë financimi prej 63 milionë paundësh në vit – përfshin një rritje prej 40 për qind në numrin e oficerëve që patrullojnë plazhet.  

Stafi britanik do të futet gjithashtu në dhomat e kontrollit francez për herë të parë për të ndalur kalimet e rrezikshme të varkave të vogla, pasi numri i njerëzve që bëjnë udhëtimin e rrezikshëm për në Mbretërinë e Bashkuar deri më tani këtë vit arriti në 40,000.

Sipas Dailymail, masat e mëtejshme të nënshkruara në Paris përfshijnë një investim në CCTV (kamerat e sigurisë) dhe ekipet e zbulimit të qenve për të kontrolluar portet dhe planet për të pajisur më mirë oficerët me dronë.

Ndërkohë, Britania dhe Franca kanë rënë dakord të rrisin bashkëpunimin për këtë çështje me partnerët evropianë, megjithatë, nuk do të ketë patrulla të përbashkëta midis oficerëve francezë dhe britanikë pasi Parisi duket se ka vendosur veto që të mos përfshihet në aksione dypalëshe.

Braverman shqyrton një sërë planesh për të gjetur strehim më pak të kushtueshëm për emigrantët e deri më tani po konsiderohen ndërtesat e vjetra të akomodimit të studentëve dhe anijet turistike. 

Deri  më tani kontributi vjetor i Mbretërisë së Bashkuar për kontrollin e kufirit pritet të rritet nga rreth 54 milionë  në ekuivalentin e pak më shumë se 63 milionë paundve.

Një grup i ri pune do të krijohet gjithashtu për të trajtuar rritjen e numrit të shqiptarëve dhe grupeve të krimit të organizuar që shfrytëzojnë rrugët e paligjshme të emigrimit. Ekipet e përbashkëta Angli-Francë do të kërkojnë të nxisin shkëmbimin e informacionit.

Downing Street tha se rritja me 40 për qind në numrin e oficerëve që patrullojnë plazhet në Francën veriore do të 'rriste zbulimin e hershëm' dhe ndalimin e emigrantëve në hyrjen në territorin britanik.

Rishi Sunak tha se ai është 'i sigurt' se numri i kalimeve me varka të vogla do të zvogëlohej me kalimin e kohës pasi numri i njerëzve që bënin udhëtimin e rrezikshëm për në Mbretërinë e Bashkuar përmes Kanalit deri më tani këtë vit arriti në 40,000.

Duke folur me gazetarët që udhëtonin me të në Indonezi për samitin e G20, Sunak tha se ishte 'i kënaqur' që po nënshkruante marrëveshjen me Francën.

Britania i ka paguar rreth 175 milionë paund Francës për të kontrolluar kufirin e Kanalit që nga viti 2018. Sekretari i Jashtëm James Cleverly nuk pranoi të specifikojë një objektiv se sa një marrëveshje e re me Francën për emigrantët mund të zvogëlojë numrin e kalimeve.

Ai i tha BBC Breakfast: Ne duam të ulim ndjeshëm shifrat. Ky është i gjithë thelbi i këtyre marrëveshjeve. E gjithë çështja është se ne po përpiqemi të shpenzojmë më pak para sesa duhet të shpenzojmë aktualisht për strehimin e emigrantëve.

Jenrick është zotuar se do t'i japë fund të ashtuquajturës 'Hotel Britain', plan që bën që taksapaguesit britanikë të shpenzojnë 6.8 milionë funte në ditë për t'i vendosur emigrantët në akomodime 'të papërshtatshme'. 

Mijëra njerëz kanë pritur për më shumë se një vit që kërkesat e tyre për azil të shqyrtohen. Në mënyrë tronditëse, 725 njerëz, përfshirë 155 fëmijë, kanë pritur për më shumë se pesë vjet.

1 VITE ME PARE

'Shqiptarët po na pushtojnë', sekretarja e Brendshme Britanike e 'prerë', Braverman: Migrimi ilegal, i papranueshëm për ne

"Mbyllet" La Mansh për shqiptarët, Britania nënshkruan
Suella Braverman

TIRANE- Sekretarja e Brendshme e qeverisë Britanike, Suella Braverman ka folur sërish për qasjen e qeverisë Sunak me emigrantët e paligjshëm që hyjnë në territorin britanik. Në një intervistë për Sky News, Braverman thotë se bashkëpunimi me francezët është kyç në këtë proces ndërsa shton se për qeverinë është e qartë: migrimi i paligjshëm është i papranueshëm. 

“Unë dhe Kryeministri e kemi pasur të qartë se migrimi i paligjshëm është krejtësisht i papranueshëm. Ka disa elementë në marrëveshje dhe mendoj se përfaqëson një hap tjetër pozitiv në bashkëpunimin tonë me francezët. Nuk do ta rregullojë problemin brenda natës. Nuk është një pjatë argjendi. Por mendoj se për herë të parë kemi disa fitore reale si për francezët ashtu edhe për Mbretërinë e Bashkuar”.-tha Braverman. 

Debati në Britaninë e Madhe ka në qendër edhe shqiptarët që hyjnë ilegalisht me gomone apo me mjete të tjera në tokën britanike. Dy ditë më parë, shqiptarët që jetojnë dhe punojnë në Angli dolën në një protestë për të kundërshtuar qendrimet raciste ndaj shqiptarëve. Ata e shohin si diskriminuese deklaratën e Braverman që tha se "emigrantët po na pushtojnë, 10 mijë shqiptarë hynë në Britani vetëm këtë vit".

Marrëveshja mes Britanisë së Madhe dhe Francës ka për qëllim të rrisë vigjilencën dhe të ndalojë prurjet e emigrantëve që kalojnë përmes kanalit të La Manshit për në Britaninë e Madhe. Marrëveshja parashikon një pagesë  vjetore të Mbretërisë së Bashkuar për Francën për të ndihmuar policinë e kufirit në 72 milionë euro./Dosja.al

1 VITE ME PARE

Marrëveshja Mbretëri e Bashkuar-Francë për emigrantët, Braverman udhëton sot në Paris

"Mbyllet" La Mansh për shqiptarët, Britania nënshkruan
Anije

FRANCË- Sekretarja e Brendshme Suella Braverman do të udhëtojë ditën e sotme drejt Parisit për të nënshkruar një deklaratë të re të përbashkët me zyrtarët francezë për të rritur përpjekjet për të ndaluar kalimet e emigrantëve në Kanal.

Sekretarja e Brendshëm do të nënshkruajë marrëveshjen me ministrin e brendshëm francez Gerald Darmanin sot në mëngjes, raporton Skynews.

Sipas Financial Times, marrëveshja do të rrisë ndjeshëm 200 oficerët dhe vullnetarët francezë që operojnë në plazhet e Kanalit dhe do të inkurajojë Francën të synojë një përqindje më të lartë të emigrantëve të penguar të largohen. Ai gjithashtu do të përfshijë një rritje të pagesave nga Londra në Paris dhe një marrëdhënie më të ngushtë midis ekipeve të policisë kufitare të dy vendeve.

Mbretëria e Bashkuar dhe Franca kanë qenë në bisedime për disa muaj mbi rinovimin e marrëveshjeve të gjata për të kontrolluar Kanalin. Shuma vjetore që Britania e Madhe i paguan Francës pritet të rritet në 72 milion € (63 milion £) në 2022-2023, nga 62.7 milion € (54.8 milion £) për 2021-2022.

Qeveria e Mbretërisë së Bashkuar ka dërguar gjithsej 200 milionë euro (174.8 milionë £) në Paris për të kontrolluar kufirin që nga viti 2018, ndërsa Franca shpenzon rreth 250 milionë euro (218.6 milionë £) çdo vit duke u marrë me të gjitha çështjet që lidhen me kufirin britanik. Zyrtarët francezë thanë se numri i oficerëve që patrullojnë për të ndaluar kalimet me varka të vogla do të rritet nga 200 në 300 nga mesi i vitit 2023 sipas marrëveshjes së re, me Mbretërinë e Bashkuar që mbulon kostot shtesë të monitorimit

Deri më tani këtë vit, rreth 40,000 njerëz kanë kaluar Kanalin me varka të vogla , nga 28,526 vitin e kaluar.

 

emigrantet shqiptar ne angli

Sondazh

Poll

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta

Del VIDEOJA, Elia godet Princ Lekën: Familja ime të ka mbajtur me bukë

VIDEO/ Noka i jep Spiropalit pankartën, Ministrja ofrohet ta mbaj para fytyrës

Publikohen pamjet nga brenda bazës ajrore të Kuçovës, Komandanti: E gatshme për stërvitjen e trupave

Tempulli 2/ Me kanabis gati për shitje dhe shuma parash, arrestohen 4 të rinj në Tiranë

Dalin pamjet nga kasollja ku u vra 50-vjeçari në Durrës

Kontrabandonin ilaçe dhe telefona, arrestohen dy persona në Tiranë, sekuestrohen 47 iPhone

I vunë flakën eskavatorit me vlerë 150 mijë euro, arrestohen 2 autorët e ngjarjes

Reshjet e shiut dhe borës në vend, policia: Moderoni shpejtësinë e mos kryeni parakalime të gabuara

Kampioni Alvin Karaqi mes lotësh: Për besë u ndjeva si Gjergj Kastrioti kur mora flamurin

'Dokumentar horror'/ Berisha publikon pamjet: Do ju paraqes terrorin që Bajrajt ushtruan më 14 maj

Krimi në Bulqizë/ Fqinji: Po hante bukë në banesë kur erdhën dy makina!

Dosja "Gjici"/ Zv.kryetari i bashkisë së Kukësit shkon në SPAK

Newsroom 11 |XAMA: LAJMI I FUNDIT FAKE QË PASHË, ISHTE PËR MUA

Newsroom 11 |XAMA: KËSHILLË QYTETARËVE- MOS LEXONI VETËM NJË BURIM

Newsroom 11 | XAMA: GAZETARËT NUK SHKRUAJNË ME EMËR, KJO S'ËSHTË ETIKE

Xama në Newsroom: Lajmet e rreme përhapin panik! Më akuzuan se kisha marrë para për një shkrim

Muka në Newsroom: Në Shqipëri ka portale gjobaxhie, u bëjnë shantazh njerëzve

Xama në Newsroom: Fake News shpërndahet më shumë në Facebook e Tik Tok! Gazetarët të shkruajnë emrin

Newsroom 11 |Kush prodhon lajme të rreme në Shqipëri

Newsroom 10 |SENJA: NE S'REAGOJMË NDAJ GJUHËS SË URREJTJES

Newsroom 10 |HAZIZAJ: 'ÇOHU ENVER', PJESË E GJUHËS SË URREJTJES

Newsroom 10 | HAZIZAJ KEMI MARRËVESHJE PËR TË MBROJTUR 'VIKTIMAT'

Newsroom 10 |HAZIZAJ: GJUHA E URREJTJES KA SHKAKTUAR DHE KRIME

Newsroom 10 |GAZETARI: GJUHA E URREJTJES, PJESË E SHOQËRISË

Newsroom 10 |HAZIZAJ: GJUHA E URREJTJES, E FRIKSHME NË SHQIPËRI

Vidhnin në banesa duke përdorur çelësa të klonuar, vihet në pranga 1 person,nje tjeter në kërkim

Newsroom 10 |GJUHA E URREJTJES PËRDORET NGA POLITIKA, AMA TË KONTROLLOJË GJUHËN E URREJTJES

Newsroom 10 | HAZIZAJ: STEREOTIPET NXISIN GJUHËN E URREJTJES

Newsroom 10 | HAZIZAJ: GJUHA E URREJTJES LUFTOHET ME EDUKIM

Newsroom 10 | Gjuha e urrejtjes në media, si dhe kush e shpërndan?

Ndryshimet në PS/ Gjiknuri: S'është fundi, por fillimi i diçkaje të re.

Inceneratorët/ S’kam dhënë asnjë kontratë pa garë, ato janë publike!

Ndihet 'i shitur' nga Rama? Gjiknuri: Nuk ndjej braktisje, kam komunikim me të prej 20 vitesh

Klosi: Kemi primare reformimin e partisë, PS synon mandatin e katërt

U shkarkua si Sekretar i Përgjithshëm, Gjiknuri: PS edhe kur fiton, refekton!

Digjet shtëpia në Shkodër, në banesë ndodhej një i moshuar, përfundon në spital

Vazhdon përplasja në PD! Basha kërkon mbledhjen e Komisionit të Etikës për të, Bardhi: Shenjë humbje

Vrasja e Jetmirës/ Autori u dënua me 28 vite burg, nëna e viktimës: Duhet dënim përjetë!

Newsroom 9 | Kallanxhi: Threads? S`besoj se do zgjasë shumë

Newsroom 9 | Eksperti i IT: Mos merrni për bazë asgjë thuhet në rrjet

Newsroom 9 | Gazetarja: po ndodhin vrasje nga tik tok

Newsroom 9 | Eksperti i IT: Fake News dallohet vetëm po të jemi kritikë

Newsroom 9 | Kallanxhi: Shqiptarët besojnë gjithçka shohin në rrjet

Newsroom 9 | Eksperti i IT, Tomi Kallanxhi: Tik Tok ka "fake news" sepse s'ka censurë

Newsroom 9 | Gazetarja: Shqipëria do kohë të përshtatet me Tik Tok

Newsroom 9| Eksperti i IT: Çdo rrjet është i përkohshëm, duhet të kujdesemi për vlerat

A mund të mbyllet TikTok për Shqipërinë? Flet për Newsroom eksperi i IT

Fëmija mbyllet brenda në shtëpi, nëna e alarmuar njofton zjarrfikësit, NDËRHYRJA nga ballkoni

Newsroom/ Karabolli: Shqipëria do kohë të përshtatet me TikTok, e provuan edhe gazetarët, s’ia dolën