Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Kryetari i Partisë Demokratike Sali berisha ka mbledhur grupin parlamentar t PD-së ditën e sotme. • Në mbledhje, Berisha ka komentuar aksionin e djeshëm të Policisë te muxhahedinët në Manzë. • Sipas Berishës aksioni ishte i dhunshëm dhe për të duhet një hetim ndërkombëtar nga OKB-ja. • Po ashtu ai u shpreh se çdo autor që ka dhunuar muxhahedinët duhet që të ndëshkohet. • Berisha ka folur edhe për minimumin jetik në vend, ku ka kërkuar që të jetë të paktën 200 euro për person, ndërkohë që ka ironizuar se edhe qenët marrin më shumë. • Berisha gjithashtu komentoi edhe video-skandalin e kryebashkiakut të dorëhequr Safet Gjici, duke theksuar se ajo është fytyra e vërtet e qeverisë Rama.
4 artikuj për këtë temë.
TIRANË- Kryetari i Partisë Demokratike Sali Berisha, komentoi skandalin e ish-kryebashkiakut të Kukësit, Safet Gjici. Gjatë mbledhjes së Grupit Parlamentar, Berisha u shpreh se kjo është fytyra e vërtetë e krimit. Po ashtu, Berisha u shpreh se ata duhet që të bëjnë sa më shumë për të aktivizuar nervin e protestës te popullit.
"Rasti tjetër, ai i Kukësit është fytyra e vërtetë e këtij regjimi, është dëshmia e sundimit të të gjitha formave të korrupsionit, përfshi korrupsionin erotik. Është një dëshmi flagrante e një regjimi të kalbur, që ka humbur prej kohësh të drejtën për të qeverisur. Sa të jetë, vetëm skandale do kemi. Duhet të bëjmë gjithçka për të aktivizuar më shumë nervin e protestës antiqeveritare. Ky regjim përveç protestës, nuk njeh gjuhë tjetër. Duhet ta kemi shumë të qartë dhe duhet të qartësojmë te zgjedhësit," tha Berisha.
TIRANË- Kryetari i Partisë Demokratike Sali Berisha foli sërish për projektligjin e minimumit jetik. Berisha ironizoi duke thënë se më shumë po paguhet për një qen se sa për minimumin jetik të një qytetari shqiptar.
"Rikthehemi te problemi ynë. Problem kryesor ne kemi minimumin jetik. Unë e kuptoj që këta nuk e pranojnë se janë me kompleksin e mohimit dhe pashpirtësisë. Të refuzosh minimumin jetik, tregon se së paku nuk ta ndjen për ta, por ata janë shumë. Ju e keni konstatuar, të gjitha statistikat tregojnë se varfëria është rritur dhe është përgjysmuar ndihma ekonomike. Kanë qenë 120 mijë familje në vitin 2013 dhe studimi tregonte se duhej të ishin edhe 180 mijë, pra duheshin të shtoheshin 60 mijë të tjera. Këta i kanë përgjysmuar dhe arrin puna që sot bashkitë paguajnë më shumë për një qen, paguajnë 60 mijë lekë për një qen dhe paguajnë 40 mijë lekë për një njeri. Ne duhet ta mbrojmë me forcë çështjen e minimumit jetik. Një çështje që jep impakt të menjëhershëm. Nuk duhet të ketë shqiptar që të mos ketë 200 euro në muaj. Kjo është një goditje e fortë e mjerimit, por edhe e varfërisë. Përfitojnë 1.3 milionë deri në 1.5 milionë shqiptarë. Ne do e mbrojmë këtë, e kemi premtuar gjatë fushatës elektorale. Por minimumi jetik është i sanksionuar me ligj në çdo vend. Kjo është arsyeja pse varfëria ekstreme nuk ekziston më, është e zhdukur. Sepse japin minimumin jetik, që njerëzit të mos bien në humnerë," tha Berisha.
TIRANË- Kryetari i Partisë Demokratike, Sali Berisha, deklaroi përpara deputetëve të opozitës, se bastisja e dhunshme e muxhahedinëve ndodhi pas akuzave që erdhën nga regjimi i Teheranit. Gjatë fjalës së tij në mbledhjen e Grupit Parlamentar, Berisha u shpreh se akuzat e Teheranit janë marrë të mirëfillta, pa asnjë dyshim. Po ashtu aktin e djeshëm, Berisha e ka konsideruar si të shëmtuar.
"Tani, vijmë te një moment tjetër se po e dëgjoj shpesh. Muxhahedinët janë fronti i rezistencës kombëtarë të Iranit. Janë organizatë e mirëfilltë politike. Kanë organizimin e tyre në Europë, Iran dhe më gjerë. Personalitete të shquara të SHBA dhe të Europës, që kanë ardhur dhe i kanë vizituar, kanë ardhur si miq te një organizatë politike. Këta që thonë se po merren me politikë, këta politikë bëjnë se nuk janë pa politikë. Por, natyrisht se cilat janë kushtet që ka vendosur qeveria e mëpasme, nuk i bën publike, nuk e publikon as marrëveshjen, gjë që duhet të jetë transparente. Di që ombrella e OKB ka vazhduar. Nuk po ndalem këtu në aktet e rezistencës së tyre, por këta kanë luftuar me gjithë mundësitë që kanë pasur kundër regjimit të Shahut dhe kanë vazhduar betejën kundër teokracisë së ajatollahëve. Ajo që ndodhi dje ishte një akt i shëmtuar, jo se qeveria dhe autoritetet nuk kanë të drejtë të ushtrojë kontroll.
Kjo nuk diskutohet. Por, të dyndesh më mijëra policë dhe të vritet tjetri dhe të thuash që nuk ka viktima, të thyesh këmbë e duar dhe të thuash që nuk është përdorur dhuna, këto janë shumë të rënda. Nga ana tjetër, motivet. Ju i dëgjuat dje, njëri thoshte po merren me politikë dhe kanë publikuar gazetë. Çfarë krimi qenka publikimi i gazetës? Ka një televizion diaspora iraniane që transmeton 24 orë kundër ajatollahëve. Kjo është gjëja më normale, propaganda. Sipas tyre, mëkati i madh është se kanë botuar gazetë. Po këtë të gazetës, këta nuk e thonë në gjykatë. Në gjykatë ka motive me të cilat vërtetohet se është shkelur marrëveshja. Regjimi i ajatollahëve ka dërguar të dhëna se këta kanë nisur komando apo këta kanë hakeruar sisteme në republikën e ajatollahëve. Sa i përket të parës, është e papranueshme nëse është ne vërtetë. Por të marrësh të mirëfilltë një akuzë të një regjimi që dhunon dhe shtyp gjithë ditën njerëzit e vet, nuk është e lehtë. Është përgjegjësi e madhe t’i besosh ajatollahëve për të ndërmarrë atë lloj dhune që u ndërmor ndaj tyre. Përsëri, janë shumë jotransparentë. Zëri i Amerikës thotë se bastisja u bë se mund të ndërmerrej një sulm kibernetik ndaj një vendi tjetër. Mund. Kurse Fox Neës thotë se i akuzojnë se kanë bërë hakerimin e sistemeve shqiptare. Në gjykatë, kërkesa që kanë bërë, ka lidhje me Teheranin," tha Berisha.
TIRANË- Kryetari i Partisë Demokratike, Sali Berisha, tha sot se sulmi mbi muxhahedinët iranianë ishte një reprezalje nga narkoshteti. Berisha gjatë mbledhjes së Grupit Parlamentar insistoi sërish se duhet një hetim ndërkombëtar. Sipas Berishës policia e qeverisë Rama zgjodhi ditën e refugfjatëve për një reprezalje.
"20 qershori do të shënohet në historinë e Shqipërisë, Europës dhe botës si një ditë turpi. Si një ditë në të cilën, narkoshteti shqiptar pikërisht zgjodhi ditën e refugjatëve, për një reprezalje, përmasat e të cilës, sipas medieve, janë krejt të tjera nga ato që thotë ministri Çuçi dhe zëdhënësi i tij, Rrumbullaku. Mediat, përveç viktimës, informojnë për gjymtyrë të thyera, të cilat nuk mund të ndodhin kurrë me spraj, për koka të cacra, për plagosje të rënda. Pra, një brutalitet dhe një dhunë e egër, e dënueshme, e papranueshme. Tani, për ju dhe për shqiptarët, dua të saktësoj disa momente. Marrëveshja për sjelljen në Shqipëri të muxhahedinëve të popullit, ka nisur zbatimin e saj gjatë qeverisë së mëparshme. Në atë kohë, muxhahedinët e popullit ndodheshin në një kamp në Irak dhe ishin objekt sulmesh, granatimesh të egra dhe të pamëshirshme nga qeveritarët irakianë. Kërkesës së Departamentit të Shtetit, gjatë një vizite që unë bërë në Uashington, për të marrë dhe strehuar në Shqipëri muxhahedinët, unë i dhashë këtë përgjigje: së pari, po, do marrim një kontingjent pilot për të parë si po ecën sistemi dhe qëndrimi i tyre.
Së dyti, kërkesa e dytë për t’i marrë ishte që të hiqeshin nga lista e grupit terrorist, sepse ata ishin të listuar nga DASH si grup terrorist. Kërkesa e tretë ishte që ata në Shqipëri do vinin nën ombrellën e OKB-së. Tani të ndalemi pak te kjo kërkesë, sepse ata duhet të gëzonin pavarësisht nga mikpritja shqiptare, të gjithë të drejtat e njerëzve refugjatë, të përcaktuara nga konventat ndërkombëtare dhe mbrojtjen e tyre. Autoritetet e SHBA i kanë pranuar këto kërkesa. Tani, gjatë periudhës së negociuam dhe i sollëm, nuk parashikohej ngritje e një kampi. Alternativa jonë ishte marrja me qira e banesave në zona të ndryshme të Tiranës dhe natyrisht asistenca për jetën e tyre normale si mysafirë që do ishin. OKB-në nuk e thirrëm për të ndihmuar me ushqime, por për kuadrin e të drejtave të tyre. Pa dyshim që kërkesë tjetër ishte që nga territori i Shqipërisë nuk mund të zhvillohej veprimtari në dëm të një shteti tjetër. Ata e kishin pasur këtë etiketën si grup terrorist dhe ne nuk mund të pranonim akte, veprime të armatosura, të nisura nga territori i Shqipërisë, të kryheshin nga grupi i muxhahedinëve të popullit. Këto ishin kërkesat. Erdhi grupi i parë, nja 220 vetë. Më vonë, qeveria mori edhe 2700 të tjerë a 2800 të tjerë. Në mos gaboj, ata blenë tokën në Manëz, Edi Rama firmosi lejen e ndërtimeve dhe të kampit të tyre. Kjo deri këtu," tha Berisha.
