Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
Protesta 50-të/ Qytetarët mbërrijnë para Kryeministrisë, kërkojnë largimin e klasës politike dhe dor&eum...
Protesta 50-të/ Qytetarët mbërrijnë para Kryeministrisë, kërkojnë largimin e klasës politike dhe dor&eum...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Banorët e Bërxullës kanë dalë në protestë ditën e sotme për të kundërshtuar projektin Thumanë-Kashar. • Qytetarët kanë bllokuar rrugën, ndërkohë që u kanë bërë thirrje qeverisë që të marrë masa për të plotësuar kërkesat e tyre ndryshe protesta do të përshkallzojë. • Një prej banorëve në këtë protestë kishte marrë dhe një shishe benzinë me vete për tu vetëflijuar. • Por në momentin që e nxorri atë, një prej efektivëve ia ka marrë nga dora me shpejtësi. • Banorët po ashtu kanë theksuar se ata nuk kanë për ta falur tokën e tyre, pasi është e vetmja mënyrë ushqimi që ata kanë. • Ndërkohë që nesër qytetarët kanë deklaruar se nga ora 10:00 do të bllokojnë rrugën deri në plotësimin e kërkesave që kanë.
4 artikuj për këtë temë.
TIRANË- Banorët e Bërxullës kanë dalë në protestë ditën e sotme në Tiranë për të kundërshtuar projektin Thumanë-Kashar. Duke folur për mediat, ata e kanë theksuar se Ministrja e Infrastrukturës Belinda Balluku nuk po reagon fare. Ndërkohë që për Ramën kanë thënë se nuk zbret nga kali dhe se ata nuk kanë se ku të gjejnë shpëtim.
"Edi Rama para ca ditësh shkoi në Angli për të kërkuar zgjidhje te anglezi. Shqiptarët i ka masakruar. Ky shet është vetëm për të vjedhur. Ku janë Edi Rama dhe Belinda Balluku dhe Ervis Berberi. Turp të kenë, çfarë qeveritarësh kemi ne. Turp për këta ministra dhe këta qeveri. Me votat e popullit ka ardhur Edi Rama, dikur thonte Berisha nuk zbriste nga kali, tani është Rama që nuk zbret nga kali”, tha një banor.
“Belinda Balluku nuk reagon fare. Çfarë pret ajo, çfarë i kushton të sjellë një përfaqësues? Ta anulojnë rrugën, këta s’kanë virtyt njerëzor. Edhe atë post që kanë marrë, nuk e bëjnë dot. Belinda Balluku ka kapur majat, por do hidhet, ka për ta hedhur Zoti. Është edhe nënë, e pafytyrë” tha një tjetër banore.
TIRANË- Një incident ka ndodhur gjatë protestës së sotme për projektin Thumanë-Kashar. Një prej protestuesve ka nxjerr një shishe benzine në protestë, por menjëherë një efektiv ja ka hequr nga dora. Më pas ai ka deklaruar se u ka dhënë besën vajzave që ka jashtë se është krim që të vrasësh veten për këtë shtet. Po ashtu ai ka theksuar se do t'i drejtohen Strasburgut.
“Rracë më e poshtër nuk ka. Ky është ai që vret. Ky të merr pronën. Nuk lë gjë pa bërë. Zoti e ka bërë këtë muaj. Por këto nuk duan asgjë. Ky popull është i gjithi në agjërim përveç atyre që janë sëmurë. Shtetit po ia numërojnë përditë për këtë masakër që bën. Ku është prokuroria, gjykata, SPAK-u?! Tallen atje në karrige. Radhën tjetër thashë do flijoj veten. Sot nuk e bëj. I kam dhënë besën vajzave të mia në Itali. Është krim të vrasësh veten për këta. Por të detyrojnë duke u tallur me popullin. Nuk është dhënë as dëmshpërblimi i asaj rruge. Të kesh turpin më të madh. Ja vëllezër shikoni se çfarë bëhet. Të bësh masakër, nuk ke çe do jetën. Nuk thotë kush hajde flasim. Nuk ka më keq më. O vëllezër o motra le të na vrasin. Ne do ta ndjekim rrugën tonë ligjore. Do i drejtohemi Strasburgut”, u shpreh ai.
TIRANË- Banorët e Bërxullës kanë deklarura se do të përshkallëzojnë protestën nëse nuk merren masa për të plotësuar kërkesat e tyre. Teksa janë ulur në rrugë, ata kanë theksuar se do të bllokojnë rrugën dhe do të rrinë 48 orë pa lëvizur nga aty. Mos vlerësimin e pronës së tyre ata e kanë cilësuar si një masakër dhe krim.
“Do të përshkallëzojmë protestën. Do rrimë deri në 48 orë pa lëvizur nga rruga. Do ta bllokojmë rrugën. Rrugë alternative i kanë. Shteti ka bllokuar BERZH-in për të dëmshpërblyer pronat. Duhet të dini një gjë. Kjo rrugë që shikoni ju, bllokohen 100 mijë banorë. Këtu po bëhet një masakër. Nuk ka qeveri ta marrë vesh. Është zhvilluar nga studio e Italisë pa e parë askush në terren. Të paktën një dron të kishin ngritur për ta studiuar. Kjo rrugë as Shqipërisë nuk i shërben. I shërben botës dhe Europës që duan të kalojnë. Bota të gjejë zgjidhje. Ambasada amerikane i ka parë. Janë në dijeni të protestës sonë prej 6 muajsh dhe asnjë nuk merr kurajon”, thanë banorët.
TIRANË- Banorët e Bërxullës kanë dalë në protestë ditën e sotme për të kundërshtuar projektin Thumanë-Kashar. Gjatë protestës së sotme, ata kanë bllokuar rrugën dhe kanë kërkuar që të dëmshpërblehen sipas vlerës së tregut. Po ashtu ata kanë deklaruar se vlera që u është ofruar atyre është qesharake.
"Skemi marrë asnjë përgjigje, po mbyllet muaji i gjashtë i protestës. Për vlerën e pronës thonë se duhet të zbatohet ligji. Për certifikimin e pronës, është hedhur një tezë që nuk e merr asnjë përsipër. Sipas ligjit, çdo banesë që preket nga një projekt, duhet të dëmshpërblehet sipas vlerës së tregut. Këto banesa i dolën rrugës përpara? Apo gjurma e rrugës kalojnë mbi këto banesa. Kjo vepër është bërë në studiot e Italisë, me google, pra nuk është bërë sipas rrugës në terren. Unë s’kam pasur asnjë detyrim ligjor që të merrem me rrugën. Këta që kanë përgjegjësi ligjore, nuk kanë dijeni se si zhvillohet projekti i rrugës. Vlera e banesave, na ka ardhur një çmim prej 517 mijë lekë për metër katror. Ndërsa para zhvillimit të projektit, ishte 570 euro për metër katror. Edhe kryebashkiaku i Vorës është habitur kur ka dëgjuar për këto çmime," thanë banorët.
