Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Kryeministri Edi Rama ka reaguar paraditen e sotme lidhur me arrestimin e kryebashkiakut të Tiranës, Erion Veliaj. • Gjatë një komunikimi drejtpërdrejt në rrjetet e tij sociale, Rama tha se kjo është një çështje aq e madhe sa nuk mund të kalohet pa asnjë koment. • Sipas kryeministrit, drejtësia e re ka hyrë në një fazë që ka fituar "vetëbesimin e nevojshëm" dhe mbështetja e tij për të do të vazhdojë njësoj. • Por gjithashtu shtoi se edhe heshtja nga ai për këto arrestime nuk do të vazhdojë dhe se do të japë opinionin e tij për publikun kur ta shohë të arsyeshme. • Kreu i qeverisë u shpreh se e ka ndjekur rastin e Veliajt dhe se ajo që e ka shqetësuar ka qenë intimidimi i disa personave të marrë në pyetje, të cilët tha se ishin njerëz të artit. • Ai tha se procesi gjyqësor ndaj kryebashkiakut ka nisur nga një novelë anonime, dhe shtoi se në ditët në vijim do të kenë një opinion të konsoliduar lidhur me aktakuzën ndaj Veliajt. • Rama komentoi dhe masën e caktuar nga GJKKO për Ajola Xoxën, e cila sipas kryeministrit, bashkë me kryebashkiakun u trajtuan si kriminelë duke ditur se në mes është fëmija i tyre 6 -vjeçar. • Rama shtoi më tej, se Partia Socialiste do të vijojë të mbështesë drejtësinë e re për të luftuar korrupsionin majtas e djathtas por se nuk mund të ketë arrestime pa gjyq. • Ai foli lidhur me dorëheqjen, pasi komentuesit shprehen se ai duhet të lërë detyrë, duke pasur disa nga ministrat, ish-ministrat, depuetët apo kryebashkiakët e tij të arrestuar ose nën hetim. • Rama tha se dorëheqjen nuk do ta japë kurrë dhe largimi i tij nga politika mund të ndodhë vetëm nëse i pushon zemra, ose nëse populli voton për ta hequr. • Kryeministri komentoi edhe ardhjen e Christopher LaCivita, bashkëdrejtuesit të fushatës elektorale të Donald Trump në Shqipëri, i icli do të udhëheqë fushatën e opozitë për zgjedhjet e 11 majit.• Rama gjatë fjalës së tij u shpreh se dje opozitarët shpallën fitoren se sollën sipas tij "kushedi me ca lekësh një konsulent që ka punuar me Trump". • Ndërkohë gjatë kohës që ishte drejtpërdrejt, Ram pati dhe një shpërthim jo të zakontë para ndjekësve, ku në një moment goditi tavolinën në zyrën e tij. • Pas këtij momenti, ai e mbylli "Live"- për disa sekonda dhe u rikthye sërish në rrjetet sociale për të bashkëbiseduar me ndjekësit. • Këta të fundit nuk humbën rastin për t'ja rikujtuar shpërthimin e tij, ndërsa u shpreh se është një njeri pasionant dhe ka shpërthimet e tij kur gjëra nuk shkojnë siç duhet.
10 artikuj për këtë temë.
TIRANË- Kryeministri, Edi Rama gjatë fjalës së tij në rrjetet sociale foli në lidhje me drejtësinë në vend. Rama u shpreh se drejtësia ka qenë e kapur përpara ardhjes së tij në pushtet. Ai theksoi se kreu i SPAK, Altin Dumani e ka pasur në tavolinë dosjen e 21 janarit edhe më parë, kur ishte prokuror i zakonshëm.
Rama thekoi se më përpara ishte e pamundur të luftohej korrupsioni pasi drejtësia ishte e kapur. Ai theksoi se sot drejtësia është çliruar nga kontrolli politik. Rama tha se drejtësinë e ka çliruar forca politika që drejton.
"Jep dorëheqjen. Për cilën arsye? Nuk dua ta diskutoj sot. Do merremi me shumë maturi. Gjysmën apo të gjithën, kjo është çështje që ka një zanafillë. Nëse i referohemi fakteve, dhe nëse shohim historikun e gjithë kësaj periudhe, e para, që nga 1912, nuk ka pasur deri kur reforma në drejtësi filloi, asnjë anëtar qeverie, të asnjë regjimi, të asnjë force, që të jetë gjykuar dhe dënuar, nga një drejtësi e pavarur.
Si ndodhi kjo? Ra nga qielli kjo? Altin Dumani, për shembull, e ka pasur 21 janarin në tavolinë edhe më parë, kur ishte prokuror i zakonshëm. Ka pasur mundësi ta luftonte korrupsionin edhe atëherë. Sepse ka qenë e pamundur, drejtësia ka qenë e kapur. Sot, drejtësia, është çliruar nga kontrolli politik, e ka çliruar forca politika që unë drejtoj, luftë pa kompromis, majtas dhe djathas”, theksoi ai.
TIRANË- Kryeministri Edi Rama mëngjesin e sotëm ka dalë duke folur live në rubrikën ‘Sy m’sy’ në rrjetet e tij sociale, ku pati dhe një shpërthim jo të zakontë para ndjekësve. Rama teksa po fliste pati një shpërthim dhe goditi tavolinën në zyrën e tij.
Pas këtij momenti, ai e mbylli "Live"- për disa sekonda dhe u rikthye sërish në rrjetet sociale për të bashkëbiseduar me ndjekësit. Këta të fundit nuk humbën rastin për t'ja rikujtuar shpërthimin e tij, ndërsa u shpreh se është një njeri pasionant dhe ka shpërthimet e tij kur gjëra nuk shkojnë siç duhet.
“Kështu e kam unë, jam njeri pasionant kur gjërat nuk shkojnë ashtu siç duhet. Kam shpërthimet e mia, si ata që drejtojnë një skuadër dhe nuk bëhet goli”, tha ai.
TIRANË- Kryeministri, Edi Rama gjatë fjalës së tij live në rrjetet sociale ka folur në lidhje me drejtësinë në vend. Rama u shpreh se PS është buja dhe risia e madhe që godet persona të sistemit politik. Ai theksoi se lufta kundër korrupsionit do të vazhdojë majtas dhe djathtas.
Ai theksoi se nuk bën drejtësi por se do të bëjnë reforma në drejtësi me çdo kosto. Rama tha se do të jenë forca e parë politike që do të bëjnë reforma më të gjitha kostot.
"Miku im, PS është buja, zhurma, risia e madhe që godet persona të sistemit politik që duket sikur të tërë po kalojnë në atë sit. Por jo, unë që jam këtu, nuk jam në asnjë aspekt zero. Prandaj, PS nuk i qaj hallin fare. Edhe do të jetë më afër 1 milionëve, ka forca të shumta. Ka qenë vullneti i PS kjo që po ndodh. Amerika, Amerika? Cila Amerike? Na ka mbështetur. Amerika mund të ndryshojë qasje, por këtu qasja nuk ndryshon. Lufta kundër korrupsionit do të vazhdojë majtas dhe djathtas. Mbasi e merr nga drejtimi i kryeqytetit, ku ka një mijë punë për të bërë, shkruan aty perzumohet i pafajshëm.
Më thonë t’i pse nuk bën drejtësi? Unë e di që shqiptarët e kanë vdis pa të dua. Unë e di që kur opozita mos të jetë kjo që është dhe kjo e sotmja nuk do të jetë kështu, edhe do të jenë të hapura dyert e BE, unë di që nuk bëj unë drejtësi. Ajo që ne mund të bëjmë është reforma, që jemi e para forcë që do e bëj me të gjitha kostot. Unë i di të gjitha gërricjet në lëkurë. I di të gjitha. është populli ai që vendos,” tha Rama.
Teksa po fliste Rama lexoi një koment të një ndjekësi i cili thoshte: Gjynah kush do i financoj mediat dhe profilet e Veliajt në Shqipëri. Rama u përgjigj duke thënë se mediat nuk i ka pasur kurrë aleate në betejën me popullin.
"Prandaj sa i përket mediave, në rastin më të mirë shoh që janë deri diku të balancuara me lajmet. Nuk e kam pasur kurrë median si të aleat të llogaritur në betejën në sytë e popullit," u përgjigj ai.
TIRANË- Kryeministri Edi Rama në rubrikën "Sy m'sy" në rrjetet e tij sociale i është përgjigjur një komentuesi, i cili i kërkon të japë dorëheqjen pas arrestimit të disa prej socialistëve.
Rama tha se dorëheqjen e tij, njerëzit duhet ta harojnë. Më tej shtoi se ka vetëm dy rrugë për ta larguar nga politika,"ose nëse s’më rreh zemra, ose nëse populli i Shqipërisë voton për ta hequr më 11 maj". Ndërkohë lidhur me vendimin e popullit më 11 maj, tha se këtë në këtë vendimmarrje do të kenë peshën e tyre dhe populli shqiptar jashtë kufijve.
"Tanimë s’kam asnjë fije të zezë në gjithë portretin tim, ka histori të tëra këtu në këto fijet e bardha dhe një eksperiencë që më ndihmon të shoh më mirë. Dorëheqjen harroje, se ma keni kërkuar qysh kur kam hyrë në politikë. Për të më larguar nga politika ka 2 rrugë, ose zemra nëse s’më rreh mjaftueshmërisht që të më zgjojë të parin në mëngjes ose populli i Shqipërisë dhe më 11 Maj për fat të mirë do votojë dhe një pjesë e atyre që thonë se i dëbova unë nga Shqipëria. Nëse njerëzit thonë stop, mbaroi! Ose nëse unë i them stop!", tha Rama.
TIRANË- Kryeministri Edi Rama ditën e sotme teksa po flet live në rrjetet sociale ka komentuar zhvillimet e fundit në vend. Ndërsa ka folur në lidhje me arrestimin e kryebashkiakut, Erion Veliaj Rama ka komentuar drejtësinë në vend. Rama u shpreh se drejtësia ka qenë e kapur dhe PS e e ka çliruar drejtësinë nga politika.
Rama pyeti se dorëheqjen e kujt po përkojnë dhe përse. Sipas tij ata po kërkojnë dorëheqjen e tij sepse Shqipëria sot është në pozicione që nuk ka qenë kurrë më parë. Ai shtoi llogaritë i ka me historinë dhe prandaj rri këtu.
"Drejtësia ka qenë e kapur. PS e ka çliruar drejtësinë nga politika. Që në 1912, asnjë anëtar qeverie nuk ka qenë gjykuar dhe dënuar. Cezarit duhet t’i japim atë që i takon Cezarit. Kjo është betejë për Shqipërinë dhe interesi është i përbashkët për të gjithë qytetarët.
Cilën dorëheqje kërkoni? Timen? Pse, apo pse Shqipëria sot është në pozicione që nuk ka qenë kurrë më parë. Ja sheshi ja mejdani, ja dhe Muço kapedani. Ne jemi në betejë me historinë. Unë llogaritë i kam me historinë, prandaj rri këtu," tha Rama.
TIRANË- Kryeministri Edi Rama gjatë fjalës së tij live në rrjetet sociale ka reaguar në lidhje me arrestimin e kryebashkiakut, Erion Veliaj. Rama u shpreh se e ka ndjekur rastin e Veliaj dhe se ajo që e ka shqetësuar ka qenë intimidimi i disa personave të marrë në pyetje. Ai e cilësoi procesin gjyqësor ndaj kryebashkiakut si të nisur nga një novelë anonime.
Kryeministri foli edhe lidhur me masën e sigurisë të caktuar nga GJKKO për Ajola Xoxën, ku tha se gjykatësit dhe prokurorët kanë arritur që edhe nënën e një fëmije 6 vjeç e kanë vendosur në arrest shtëpie dhe babain në paraburgim. Më tej shtoi se në ditë në vijim do të dalë me një opinion më të konsoliduar edhe për aktakuzën e gjyqtarit që sipas Ramës "i hoqi kokën mbi shpatulla një kryeqyteti".
"Rastin e Erionit e kam ndjekur. Por ajo që më ka shqetësuar ka qenë intimidimi i i disa personave të marrë në pyetje. Do mundohemi të krijojmë një opinion për aktakuzën që gjyqtari vendosi t'i heqë kokën mbi shpatulla kryeqytetit. Procesi i nisur nga një novelë anonime. Gjykatësit dhe prokurorët kanë arritur që edhe nënën e një fëmije e kanë vendosur në arrest shtëpie dhe babain në paraburgim. Është e një peshe të atillë që nuk duhet folur pa zbuluar cilat janë krimet.
Nuk flas për krimet e shfaqura në media. Se për ato krime duhet të isha rrahur te sheshi Skënderbej. Ky ishte qëndrim im për këtë dhe padyshim kemi kohë që gjerat t'i diskutojmë, kur të kemi faktet. Për cilën arsye të jap dorëheqjen? "Sepse ke gjysmën e qeverisë në burg," tha Rama.
TIRANË- Kryeministri, Edi Rama mëngjesin e sotëm ka dalë duke folur live në rubrikën ‘Sy m’sy’ në Instagram ku u regjistrua edhe një incident. Rama teksa po fliste pati një shpërthim teksa godet tavolinën.
I acaruar Rama reagoi duke përplasur tavolinën dhe duke sharë 'Fuck you'. Shpërthimi i tij erdhi pas ndërprerjes së lidhjes live. I acaruar nga ndërprerja ai shpërthen dhe shikon me shumë egërsi pas kamerës ndërsa pas saj ndodhet një person ndoshta nga stafi.
Kur transmetimi u rikthye ndjekësit i komentuan në lidhje me incidentin. Rama iu drejtua komentuesve duke thenë mos të tremben sepse edhe ai ka shpërthimet e vete.
"Mos u tremb se jam njeri pasionant. Kam dhe unë shpërthimet e mia, kur nuk bëhet goli para portës!" tha ai.
TIRANË- Kryeministri Edi Rama në një dalje live në rrjetet e tij sociale ka folur lidhur me arrestimin e kryebashkiakut të Tiranës, Erion Veliaj dhe qëndrimin e socialistëve lidhur me këtë. Ai tha se mbështetja për drejtësinë do të mbetet e palëkundur, por opionet e tyre kritike do të nisin t'i shprehin. Rama u shpreh se heshtja e deritanishme ka ndihmuar institucionet e drejtësisë, por sipas tij u ka munguar kritika konstruktive. Më tej tha se heshtja e tij është keqkuptuar jo vetëm nga ata që i quajti "armiqtë?" e reformës në drejtësi, por edhe nga disa konsumatorë të saj.
"Drejtësia, mbështetja jonë do vazhdojë njësoj, e palëkundur, por nuk ka pse të mos i shprehim opinionet kritike, për të konsoliduar pozicionin e drejtësisë së pavarur. Heshtja jonë, i ka ndihmuar institucionet e reja të drejtësisë deri këtu. Deri tani, u mungon kritika konstruktive, nxjerrja në pah e të metave. Pozicioni konstruktiv është bosh. Asnjë pendesë për heshtjen këto 5 vjet, por me shumë gjasë, heshtja jonë është keqkuptuar, jo vetëm nga armiqtë e reformës në drejtësi, por edhe nga disa konsumatorë, që kërkojnë privilegje speciale që janë dhënë nga reforma.", tha Rama.
TIRANË- Kryeministri Edi Rama ka reaguar sot për herë të parë lidhur me arrestimin e kryebashkiakut Erion Veliaj me urdhër të SPAK. Rama e nisi fjalën me reagimet e opozitarëve lidhur me këtë arrestim, ndërsa tha se pas kësaj, filluan të hidhen të gjithë te kryeministria.
Ai u shpreh se ngjarja e djeshme është aq e madhe sa nuk mund të kalohej pa koment. Sipas kryeministrit, drejtësia e re ka hyrë në një fazë që ka fituar "vetëbesimin e nevojshëm" dhe mbështetja e tij për të do të vazhdojë njësoj. Por gjithashtu shtoi se edhe heshtja nga ai për këto arrestime nuk do të vazhdojë dhe se do të japë opinionin e tij për publikun kur ta shohë të arsyeshme.
Më tej shtoi se "heshtja" nga ai dhe PS kanë ndihmuar institucionet e drejtësisë, por sipas tij "iu mungon kritika konstruktive, për t'i vënë në dukje të metat."
"Vërtet interesante nuk ishte euforia e kënetës. Ajo që ishte interesante ishte ekzaltimi nga arrestimi i Erionit. U ekzaltuan nga arrestimi i Erionit dhe u turrën për të kërkuar dorëheqjen time. Madje jo vetëm oxhaku i vjetër i partisë së bufit të kenetës, por edhe ato që të re kanë vetëm moshën e kryetarit të tyre. Se u bë deti kos dhe o burra të shkojmë tek kryeministria.
Marrja e kryetarit të bashkisë për ta mbyllur pa gjyq në qeli është ngjarje e madhe që nuk mund ta kaloj me formulën 5 vjeçare që “skam koment”. Nuk do i mbaj më për vete opionet e mia. Opinioni im është ky, drejtësia e re ka hyrë në një fazë që ka fituar gjithë vetëbesimin e nevojshëm dhe mbështetja jonë do të vazhdojë njësoj, e palëkundura, s'ka pse të mos shprehim opinionet publike që janë të nevojshme në këtë fazë. Heshtja jonë i ka ndihmuar institucionet e drejtësisë, por u mungon kritika konstruktive, për t'i vënë në dukje të metat.", tha Rama.
TIRANË- Kryeministri Edi Rama përmes një reagimi në rrjetet sociale ka komentuar ardhjen e Christopher LaCivita, bashkëdrejtuesit të fushatës elektorale të Donald Trump në Shqipëri. LaCivita do të udhëheqë fushatën e opozitë për zgjedhjet e 11 majit. Rama u shpreh se dje opozita shpalli fitoren se sollën me "kushedi me ca lekësh" një konsulent që ka punuar me Trump. Duke ironizuar ai tha se se gjatë kohës që të tjerët prezantojnë konsulentët ai numëron turistët.
"Dje Trumpistët të vetëshpallur, Trumpistë të kënetës tonë opozitare patën një ditë masturbimi kolektiv, si adoleshentët që bëjnë dashuri me foton e një aktore filmash, shpallën fitoren se sollën kushedi me ca lekësh një konsulent që paska punuar me Trump. Konsulentët atë punë kanë dhe jam i lumtur të them të vërtetën për të huajt që e vizitojnë Shqipërinë se numëroj turistët kur dikush tjetër tregon konsulent. Konsulentët janë për mua konsulent. Luli kishte goxha konsulentët," tha ai.
Christopher LaCivita, drejtuesi i fushatës elektorale të presidentit amerikan, Donald Trumpo do të jetë personi që do të drejtojë edhe fushatën elektorale të PD-së për zgjedhjet parlamentare të 11 majit. Konsulenti politik, Christopher LaCivita do të jetë personi që do të punojë me kreun e PD-së, Sali Berishën gjatë gjithë periudhës zgjedhore.
LaCivita u prezantua dje nga kreu i Partisë Demokratike. Gjatë fjalës për mediat, Berisha ka theksuar se Christopher LaCivita do të jetë një arkitet i fitorës së PD-së në vend, pas fitores së Donald Trump në SHBA. Po ashtu Berisha ka theksuar se LaCivita është njeriu që pati fatin e madh t’i drejtohet kombit amerikan nga Mar-A-Lago natën e shpalljes së fitores nga presidenti amerikan.
