Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Gjykata e Tiranës ka vendosur masën e sigurisë "arrest me burg" për ish-zyrtaren Alda Klosi. • Në orën 10.30, prokurorja dhe gjyqtarja e çështjes shkuan në ambientet e spitalit QSUT për shkak të problemeve shëndetësore për të parë gjendjen e saj. • Gjyqtarët i kanë marrë gjeneralitetet dhe pëlqimin që ajo të përfaqësohet në gjykatë nga avokati i saj, Ilirjan Muho. • Vendimi u mor në ambientet e Gjykatës së Tiranës, me mungesën e Klosit. • Pas mbarimit të seancës, Ilirjan Muho mbajti një deklaratë për mediat e pretendoi se Prokuroria po mbështetet në një deklarim të rremë, pasi kjo ishte e vetmja provë që paraqiti sot para trupës gjykuese. • I pyetur mbi origjinën e parave, Muho tha se 120 mijë eurot Klosi i kishte për kurimin e xhaxhait i cili ndodhet në SHBA dhe është diagnostikuar me tumor. E shtoi se këto para i ka marrë vëllai i Klosit hua nga një person në Shqipëri, të cilët së bashku kanë firmosur edhe një kontratë huadhënie, e vendosur tashmë në dispozicion të Prokurorisë. • Kjo e fundit akuzohet se ka kryer 3 vepra penale, pas denoncimit që ajo i bëri pastrueses së saj Rozeta Dobit se i kishte vjedhur kasafortën më para. • Megjithatë Klosi rezulton se nuk e justifikon pasurinë dhe u prangos, por të shtunën përfundoi në spital për shkak të problemeve kardiake.
3 artikuj për këtë temë.
TIRANË- Avokati i Alda Klosit, Ilirjan Muho ka folur pasi Gjykata e Apelit la në burg ish-zyrtaren. Në fjalën e tij, gjatë avokati deklaroi se paratë e vjedhura në banesën e klientes së tij i përkisnin familjarëve të saj dhe nuk kishte se përse t'i deklaronte, por shtoi se këto para kanë shkuar në shtëpinë e Klosit më 3 dhjetor. I pyetur se përse Klosi nuk i kishte deklaruar këto para, Muho tha se sipas ligjit kishte kohë deri në mars për ta bërë deklarimin e tyre, por shtoi se nuk do i mbante por do i dërgonte me postë elektronike.
"Jam i keqardhur nga vendimi i shkallës së parë, ishte një vendim që vlerësoi si të ligjshëm veprimet e Prokurorisë, pati një debat të gjatë në këtë seancë. Prokurori paraqiti si provë një deklarim nga Rozeta Dobi. I ka dhënë një vlerë të paracaktuar, është hera e 4 që pyetet dhe sa herë pyetet, jep nga një version të ri prë ngjarjen. Në deklarimin e datës 3 shkurt pretendon se hapat i ka kryer në marrëveshje me Alda Klosin. Nëse do të ishte kështu, si është e mundur që kasaforta është hapur dhe është hedhur në një kazan plerash. Si nëna dhe djali këtë qëndrim kanë mbajtur të dy. Nëse do të pranonim se kjo është e vërtetë, si është e mundur që në banesën e kësaj shtetase si është e mundur që ka pasur në banesën e saj sende të tjera të vjedhura? Lekët janë për xhaxhain nuk kishin përse të deklaroheshin. Konflikte me ish-bashkëshortin ka pasur por që në vitin 2018 janë divorcuar e ka në kujdestarinë e saj dy fëmijët e mitur dhe nënën e verbër, për të cilën nuk dihet kush do të kujdeset? Ajo është e sëmurë nën kontrollin e mjekëve. Nuk pati verifikim, thjeshtë u konstatua gjendja e saj shëndetësore. Prokuroria po kryen veprimet. Në rast se këto deklarime të dhëna prej saj do të dalin si të pavërteta çfarë do të ndodhë! Në momentin e parë që ka mbërritur në shtëpi ka njoftuar policinë. Ajo ka konstatuar se i mungonin disa sende siç ishin bizhuteritë apo sende të saj personale.
Deklarimet e dhëna nga Rozeta Dobi janë të pavërteta, mos u habisni nëse kur do të marrë atë që do, të ndryshojë sërish version. Prokuroria tani po kryen veprimet. Kush i ka paratë e tjera? Nuk u përmend asnjë emër gjatë gjykimit. Denoncimi dhe paratë janë marrë më 15 dhjetor. Paratë kanë shkuar tek Alda më 3 dhjetor në ditën që nusja dhe xhaxhai u nisën në Amerikë. Paratë do i dërgonte përmes sistemit bankar. Sepse ishin para... nuk i ka mbajtur ajo. Janë disa ditë sepse po pritej që të gjendej mënyra për t'u transferuar. Pronari i ligjshëm i parave mund t'i dërgonte në adresën në Amerikë. Janë 30 mijë dollarë që janë lënë për të arreduar një shtëpi në Tiranë. Nuk janë pyetur sepse nuk janë këtu. Klientja ime, nga vëllai i saj është paraqitur në prokurori një kontratë huadhënie e firmosur mes tij dhe një shtetasi të identifikuar me emër dhe mbiemër. Person që kryen një aktivitet të ligjshëm në vendin tonë. Kanë nënshkruar një deklaratë përmes së cilës i janë dhënë hua 125 mijë euro për nevojët e kurimit të xhaxhit. Këto para janë marrë që na datën 1 nëntor, në fund të tetorit xhaxhi është diagnostikuar me tumor në mushëkri. Për shkak të faktit që ky nuk është i siguruar atje, shpenzimet do mbuloheshin nga familjarët, u gjetën paratë, janë mbajtur në shtëpinë e nuses së xhaxhit, këto para i janë rikthye Aldës dhe familjes së saj me synimin që të transferohen në Amerikë sipas sistemit bankar. Nuk duhej ti deklaronte, e ka detyrim ligjor ta bënte deri në mars të vitit pasardhës. Nuk është pyetur për këto detaje dhe s’ka pasur si të japë sqarime. Më duket e pabesueshme që Alda Klosi ti jepte 500 mijë euro një personi që nuk i njihte. Prokuroria përdor si deklarim të "artë" vetëm atë që thotë Rozeta Dobi. Telefonin nuk ia ka sekuestruar. Nuk e di fare ku e ka telefonin. Në kërkuam që para se Prokuroria të ndërmarrë vendime të tilla, të verifikohet vërtetësia e deklarimit. Në këto kushte do gjendemi para një fakti shumë keq, e mund të jetë dështim total i Prokurorisë,"-tha ndër të tjera avokati.
TIRANË- Është shtyrë për në orën 12:00, dhënia e masës së sigurisë për ish-zyrtaren, Alda Klosi, e cila momentalisht është e shtruar në spitalin "Nënë Tereza". Avokati i saj mbrojtës, Ilirjan Muho dha një prononcim të shkurtër për mediat, për të cilat u shpreh se ende janë duke u shqyrtuar ende provat, e se një qëndrim do e mbajë pas seancës. Teksa u pyet për faktin se nga se vuante klientja e tij, ai tha që të pyesnin mjekët për këtë çështje.
PJESË NGA PRONONCIMI:
Ilirjan Muho: Gjykata në respektim të afatit u paraqit sot dhe mori gjeneralitetet e personit nën hetim, konstatoi gjendjen e saj shëndetësore. Seanca ka filluar dhe po kthehemi në Gjykatë për të vazhduar gjykimin ku e lamë. Seanca do të zhvillohet në gjykatë. Qëndrimin tim do e merrni vesh.
Nga se vuan Alda Klosi?
Ilirjan Muho: Pyesim mjekët për këtë punë.
A keni një qëndrim për dëshminë e Rozeta Dobit?
Ilirjan Muho: Kemi një qëndrim, por do të flasim pas seancës së sotme.
TIRANË- Alda Klosi do të njihet sot me masën e sigurisë nga shtrati i spitalit. Seanca në ngarkim të saj do të mbahet rreth orës 10:30 në ambjentet e spitalit “Qendrës Spitalore Universitare Nënë Tereza”, aty ku Klosi është shtruar prej dy ditësh pas problemeve që shfaqi me tensionin.
Para pak minutash ka mbërritur në spital edhe avokati i saj mbrojtës. Deri më tani, Alda Klosi akuzohet për 3 vepra penale: veprat për pastrim parash, deklarim të rremë dhe fshehje pasurie, ndërsa Prokuroria e Tiranës ka kërkuar "arrest me burg" për të.
Çështja e Rozeta Dobit dhe Alda Klosit ka marrë një vëmendje të shtuar nga drejtësia shqiptare për shkak të shumës rekord që pastruesja ia doli të vidhte në banesën e zyrtares, një vlerë që e kalon atë të 500 mijë eurove, burimi i të cilave nuk dihet. Këto para edhe pse kanë kaluar 2 javë që prej zbulimit të vjedhjes, nuk dihet se ku i ka gjetur Alda Klosi. Ajo po hetohet gjithashtu nga prokuroria.
Vjedhja e shtëpisë së Klosit ndodhi më 15 dhjetor dhe u pikas nga vajza e ish-zyrtares, pasi Rozeta Dobi dhe djali i saj Havieri kishin hapur derën me forcë dhe e kishin inskenuar si grabitje. Por, kamerat e sigurisë zbuluan gjithçka. Tashmë nënë e bir janë në pranga. Ata kanë pranuar autorësinë e ngjarjes, por misteri lidhet me pronarin e parave. Kjo pasi në ditën e arrestimit, policia gjeti në banesën e Rozetës dhe Havierit një sasi prej gati 120 milionë lekë të vjetra, para dhe stoli floriri.
Kjo shumë sipas Alda Klosit bashkë me florinjtë i përket asaj. Por të nesërmen pas arrestimit, falë një përgjimi ambiental policia gjeti të fshehura në tubin e aspirimit të shtëpisë së pastrueses edhe 400 mijë euro të tjera. Këto para janë pa pronar sot, pasi Alda Klosi mohon që të jenë vjedhur në banesën e saj. Pastruesja nga ana tjetër pohon se edhe këto para i ka marrë te Klosi. Për këtë shumë nuk ka asnjë denoncues në Polici.
Klosi kishte pretenduar para hetuesve se paratë ishin të xhaxhait dhe i kishte ruajtur për kurimin e tij, por ai ndërroi jetë disa javë më parë në SHBA, ku edhe po kurohej. Megjithatë duket se as i ndjeri nuk i justifikonte dot paratë, pasi e mbesa është vendosur në pranga./Dosja.al
