Dosja ‘McGonigal’/ Publikohen pamjet e kryeministrit krah Nezës në SHBA, ish-agjenti darkonte me ‘Personin A’ e Gjicin, Rama ende 'i zhdukur'
ME VIDEO/ Agron Neza me kryeministrin Rama e Xhaçkën në SHBA, i ftuar në ceremoninë e rëndësishme për ...
ME VIDEO/ Agron Neza me kryeministrin Rama e Xhaçkën në SHBA, i ftuar në ceremoninë e rëndësishme për ...
Sherr për prona, detaje nga plagosja e nënë e bijë në Kosovë, dëshmitarët: U qëlluan në makin&...
Operacioni Fijet, 'hiqen' 3 kamera në Memaliaj dhe 1 në Burrel, 2 persona nën hetim (VIDEO) 28 Janar, 14:26 Kam...
Trafiku i drogës Itali-Shqipëri/ Zbardhen PËRGJIMET e grupit: Nesër e ke aty, me qetësi dhe dashuri 28 Janar, 12:31 ...
• Sali Berisha ka zhvilluar takimin e përjavshëm me gazetarët. • Me argumentin se po zbaton Kushtetutën, ish-kryeministri Sali Berisha thotë se protesta do të bëhet por do shmanget dhuna, veçse nëse Policia nuk i lë tubuesit që të qëndrojnë poshtë Kryeministrisë. • Në fjalën e tij, Berisha ka kërcënuar se nëse Rama kërkon përballje, populli opozitar është i përgatitur. • Gjithashtu foli edhe për sulmet ndaj mediave, duke paralajmëruar se i radhës po përgatitet për "ABC", pas OraNews dhe News24. • Sa i përket Primareve, i cilësoi si sukses, ndërsa nuk u ndal me denoncimet lidhur me Amant Josifin dhe Olsi Ramën.
15 artikuj për këtë temë.
TIRANË- Kryetari i Partisë Demokratike, Sali Berisha i cilësoi marrëdhëniet me kryetarin e Partisë së Lirisë, Ilir Metën si shumë të mira. Në daljen për mediat, kreu i PD-së tha se Meta ka pranuar që në fillim procesin e Primare, mirëpo nëse do kishte kërkesa që lidhen me këtë, do t'i shqyrtonte. Në fund, ai shtoi se bashkëpunimi mes tyre është i përsosur.
'Marrëdhëniet kanë qënë transparente në këtë proces si kundër ne ndaj tyre. Meta ka pranuar primaret që në fillim, jam falenderues ndaj tij. Nëse do thoshte kërkoj 1, 2, 3, 4 pa primare, kjo do shqyrtohej me seriozitet. Vazhdon bashkëpunimi i përsosur.'- tha Berisha.
TIRANË- Kryetari i Partisë Demokratike, Sali Berisha akuzoi ambasadorin britanik në Shqipëri, Alistair King-Smith, se ka shpifur ndaj tij. Në konferencën e përjavshme, Berisha shtoi se ambasadori ka mashtruar qeverinë e tij duke thënë mashtrime e duke mos dhënë fakte. Në fund, kreu i opozitës ka paralajmëruar se në ditët në vijim do të bëjë të gjitha faktet publike për këtë çështje.
'Është përdorur korrupsioni për të luftuar atë që denoncon më shumë korrupsioni. Guvernatorja Kim kalonte nga një takim në tjetrin, duke thënë se fakte kemi, por nuk i kemi, dhe eprori i saj, Escobar erdhi te Sokol Balla dhe tha se kemi fakte dhe do i sjellim, pas disa muajsh, në valët e Zërit të Amerikës, u bëri thirrje të gjejnë fakte. Pra, nuk kanë asnjë fakt. U faktua 100 përqind ajo që i kam shkruar që ditën e parë Antony Blinken se ky vendim bazohet në lobimin korruptiv të Edi Ramës dhe George Sorosit. Kjo është e vërteta. Alistair King-Smith ka mashtruar në mënyrë të tmerrshme qeverinë e tij në bazë të korrupsionit, por Britania e Madhe është transparente. Dhe, autoritetet britanike nuk pranojnë të thonë se kemi fakte, por nuk i themi. Kanë kanal zyrtar, ligjor për të ndjekur çështjen. Unë i kam gjetur dhe do ua bëj shqiptarëve të gjitha publike. Në momentin e duhur.
Shqiptarët do të shohin se çfarë dezinformimi të ulët ka bërë ambasadori Alistair King-Smith për qeverinë e tij.
Nuk luftoj për veten time, më së pari luftoj për shqiptarët, sepse ambasadorët që janë ekselenca, për definicion janë njerëz që punojnë për ndërtim urash dhe bashkëpunimi, por edhe për informacion, atë çfarë ka mashtruar Alistair King-Smith qeverinë e tij, turpëron çdo qenie njerëzore. Unë do ua bëj të ditur shqiptarëve, unë vetë i di, por dua që shqiptarët t’i dinë. Një nga problemet më të mëdha të kësaj mafie në pushtet janë valixhet me euro që shpërndan për të blerë deklarata, vendime, për të deformuar realitetin. Këta emisarë të tipit Duçka nuk janë pa emër. Janë disa që lobojnë, që paguajnë dhe flasin në emër të tyre. Asnjë impresion nuk kam unë.
Unë kontratën e kam me shqiptarët, me vlerat evropiane, por jo me mafian. Kurrë!
Një ambasador si Alistair Smith-King i lejon vetes të thotë se ky njeri është i lidhur me kriminelët, për një njeri që i ra derës dhe që nuk e kisha njohur kurrë, dhe e bën këtë se ndan favore me Edi Ramën dhe Erion Veliajn, mua m’u dha rasti që mbroj interesin e vendit tim nga kushdo, nga cilado mafie.
Ia kam thënë dhe ia them sot, ai ka vepruar fshehtas, unë veproj hapur. Do e demaskoj dhe do e denoncoj atë sepse kështu mbroj edhe dinjitetin e qeverisë britanike. Se ai shpif me ato që i kanë thënë Lulzim Basha dhe Erion Veliaj. Do i bëj publike.'- tha Berisha.
TIRANË- Kryedemokrati Sali Berisha paralajmëroi protesta kundër nismës 'Open Balkan'. Në konferencën e përjavshme, Berisha u shpreh se do kordinohet me opozitën e vendeve të tjera për të groposur këtë nismë.
'Do koordinohemi me opozitën e vendeve të tjera për të groposur sa më shpejt Ballkanin e Hapur. Ne jemi të përcaktuar përfundimisht vetëm për Procesin e Berlinit. Nuk heq dorë Edi Rama se është vasal, nuk e ka në dorë veten. E garantoj se nëse do të tentojë të mblidhet këtu, do ketë protestat më të fuqishme. Edhe ata dy të tjerët i paralajmëroj, të mos vijnë në Shqipëri për Ballkanin e Hapur. Për marrëdhëniet bilaterale nuk kemi gjë, edhe pse Aleksandër Vuçic e ka vendin në Hage.'- tha Berisha.
TIRANË- Kreu i PD-së, Sali Berisha pranoi para gazetarëve se procesi i Primareve ka ecur shumë mirë. Edhe pse iu përmend nga gazetarët rasti i të shtënave me armë në Kurbin, Berisha pranoi ngjarjen duke shtuar se janë marrë masat për dy personat që u përfshinë në ngjarje.
Pyetja: Sa simpatizantë do marrin pjesë? Ka pasur akuza dhe nga ata që kanë qënë pjesë, Kokalari ka thënë se Këllici do fitojë.
Berisha: Ky proces, bazohet në votimin e anëtarëve dhe të simpatizantëve, për të minimizuar në një shkallë të caktuar ndikimet e tërësisë së anëtarëve, të njëanshme, kandidatëve u janë dhënë formularë. E drejta për të inkurajuar, simpatizantët që të rregjistrohen. Procesi ka ecur mirë, ka pasur raste sporadike që kanë thënë është socialist. Dhe krejtësisht apriori nuk mund ta hedhësh poshtë këtë, nëse ti vendos ta votosh, pse të mos vish. Nuk ndikojnë në rezultate.
Nuk kam numrin e simpatizantëve, e ka komisioni. Për Tiranën e dini ju, keni ndjek garën dhe keni parë një garë e cila ka qënë një garë ndër më të civilizuarat besoj, se kush është i favorizuar nuk mund ta them se nuk e di. E tregon dita e dielë, cilido paragjykimi nuk shërben. Duhet të falenderoj të 7 kandidatët, secili ka bërë fushatë për veten e vet. Ishte sukses i vërtetë.
TIRANË- Numri një i Partisë Demokratike, Sali Berisha ka bërë me dije se me 6 dhjetor do të protestë poshtë Kryeministrisë. Në fjalën e tij, Berisha tha se nëse kryeministri Edi Rama do të dojë një përballje me të do t'ja rezervojë një ditë tjetër, pasi më 6 dhjetor para liderëve të Bashkimit Europian ka ndërmend që të ketë një tubim paqësor.
PJESË NGA BISEDA:
A2CNN: Deklaruar se është Komisioni Zgjedhor që ta ka listat dhe nr. e simpatizantëve. E kemi kërkuar dhe nuk na janë bërë publike.
Berisha: Regjistrimi i simpatizantëve ka pasur një afat. Ka mundësi dje ose pardje që të ishte dita e fundit, po hidhen në databazë dhe do u jepen kandidatëve. Numrin total mund ta nxjerrim në media.
KlanNeës: Do përdorni forcë për t'u futur në Bulevard para kryeministrisë?
Berisha: do zbatojmë kushtetutën. Kushtetuta në autorizon për të protestuar në Bulevard. Edi Rama kërkon përballje, ne do përpiqemi t'ja shmangim, por do ia rezervojmë tjetër ditë. I bën llogaritë shumë gabim. Populli opozitar po përgatitet që t'i dhënë përgjigjen që meriton. Një mafioz si ky, përveç kodit që ma ka thënë gjyshja ime, ka nevojë për t3ëë marrë mësimet e duhura. Do i marrë mësimet e duhura.
TIRANË- Kryedemokrati Sali Berisha u shpreh se dy personat që u përplasën me armë zjarri jashtë selisë së PD-së në Kurbin, kanë marrë masa disiplinore. Gjatë konferencës së përjavshme, Berisha paralajmëroi se kushdo që mendon se mund ta sigurojë votën në mënyra të tjera, gabohet rëndë.
Pyetja: Të dielën PD ka zgjedhje, 4 ditë më parë antëtarët u përplasën me armë. Cfarë masash ka marrë PD që të mos krisë arma?
Berisha: Në tërësi procesi i primareve ka ecur normal, përshëndes përzemërsisht të gjitha degët, drejtuesit për kontributin e tyre që është i pari i këtij lloji. Ka patur një problem serioz, në degën e Kurbinit, në dijeninë time, komisioni i PD ka vendosur masa disiplinore ndaj dy kandidatëve. Cilido që si të thuash mendon për menyra të tjetra përvec votë gabon shumë rëndë. Me datën 4 do bëhen primaret, ftoj të gjithë kandidatët, të gjitha degët të bëjnë maksimumin. Ftoj komisionin të dorëzojë sa më shpejt listat aty ku nuk janë dorëzuar.
TIRANË- Kryetari i Partisë Demokratike, Sali Berisha ka akuzuar kreun e grupit parlamentar të Partisë Socialiste, Taulant Balla se ndikon dhe ndërhyn tek Prokuroria e Posaçme kundër Korrupsionit dhe Krimit të Organizuar. Në fjalën e tij, Berisha shtoi se ka informacione që Taulant Balla konsumon dreka dhe darka me hetuesit e SPAK.
"Këta spakistat kalojë nga një drekë në tjetrën me Taulant Ballën. Është 100% e vërtetë. Me radhë, njëherë me njërin, pastaj me tjetrin. I kam shoqe thotë, se ku i gjeti shoqet një Zot e di. Shpirti i SPAK është Taulant Balla. Kjo është e vërteta,"-shtoi Sali Berisha.
TIRANË- Kryedemokrati Sali Berisha i ka dërguar një mesazh të qartë biznesmenit Muhammed Alabbar. Në prononcimin e përjavshëm për mediat, Sali Berisha kërkoi që të heqë dorë nga ajo që e cilësoi aferë, për të cilën shton se ka bashkëpunëtorë kryeministrin Edi Rama.
"Hiq dorë nga kjo aferë se shqiptarët nuk do e pranojnë kurrë. Kjo është plaçkitja më e madhe. Mos përzje aksionet e tua me Edi Ramën. E keni vënë re tani që Rama del për Alabbar sikur është i dërguari i Allahut. Ka interesin e tij personal dhe familjar,"-tha ndër të tjera Sali Berisha.
TIRANE- Kryetari i Partisë Demokratike, Sali Berisha i bëri thirrje biznesmenit Mohammed Alabbar që të tërhiqet nga marrëveshja për të ndërtuar "Marina&Jahtet e Durrësit". Berisha tha se po shiten apartamentet, ende pa dalë vendimi i Kuvendit në Fletoren Zyrtare. Berisha tha se ky projekt po ngrihet me paratë e mafias të vendeve të tjera.
Sali Berisha: Porti i Durrësit, po shiten apartamente, pa dalë në Fletoren Zyrtare ligji. U bëj thirrje qytetarëve, me çfarë çmimi thoni ju? 3 mijë euro. Dubai i Edi Ramës dhe arabit të tij, po ngrihen të gjitha mbi paratë e krimit.
Jo vetëm të Shqipërisë, por edhe nga vendet e tjera. Ndaj na duhen ato pasaportat e arta. Vendi është në rrezik të jashtëzakonshëm. Kjo mafie nuk ka asnjë parim, asnjë interes. Ndaj i them edhe njëherë zotit Alabar, që është një miliarder. Hiq dorë nga kjo aferë. Zotëri, kjo është plaçkitja më e madhe që i bëhet kombit shqiptar në pronë publike. Prandaj mos përziej aksionet e tua me Edi Ramën./Dosja.al
TIRANË- Kryedemokrati Sali Berisha ka bërë të ditur se biznesmeni i kërkuar për vjedhje në kriptomonedha, Amant Josifi ndodhet në Dubai. Në konferencën për mediat, Berisha tha se Josifi është ortak me Ramën e se mbrohet nga ai.
'Së fundmi, unë këtu kam dalë disa herë para jush, kam dalë disa herë për vjedhjen e 2.2 miliardë eurove nga rrjeti i Amant Josifit. 2.2 miliardë nga ortaku i Edi Ramës. Me dokumente. Edi Rama ka qenë ortak me Amant Josifin. Amant Josifi, i mbuluar politikisht nga Edi Rama dhe Olta Xhaçka, se ka qenë këshilltar i saj. Në të gjithë mafiozitetet e tij, Amanti ka pasur notere Natasha Xhaçkën, mamanë e ministres. Truri i kësaj vjedhje të madhe është Olsi Rama, bashkëshorti i Olta Xhaçkës dhe jo më pak, Pranvera Strakosha. Natasha dhe Pranvera, që ta dini ju, kanë qenë në ndjekje penale për adaptime, mafie e adaptimit të fëmijëve. Por strumbullar është qeveria në këtë aferë. Është e katërta herë që e denoncoj unë këtë. Ku është Amanti tani, thoni ju?
E njoftuan dhe ia mbathi. Disa burime më thonë se ka shkuar në Dubai. Se atje ua paraqit ai të gjithë Bitcoin-ët e vjedhur. Se i kanë vjedhur në në mënyrë skandaloze. Vendose në këtë aplikacion, dhe pa i thënë asgjë pronarit, e fusnin në kuletën e tyre dixhitale. I kthenin në euro e dollarë, për të ndërtuar Dubain e Ramës, apo të tjera kulla. Kurse një pjesë të tyre, se ato ishin 2.2 miliardë, i depozitonin në Dubai. Dubain e kanë parajsën. Por edhe atje, fatmirësisht, FBI ka bërë operacione jashtëzakonisht sensitive. Uroj dhe shpresoj që t’i shkojnë deri në fund. Të kuptojnë shqiptarët atëherë se gjithçka në këtë qeveri është mafioze, mafioze dhe vetëm mafioze.'- tha Berisha.
Amant Josifi është është një emër i njohur për Shqipërinë. Ai është një biznesmen shqiptar, gjithashtu ka qenë edhe këshilltar i ministrit shqiptar të Mbrojtjes deri në vitin 2020. Ka qënë kreu i opozitës, Sali Berisha i cili ka denoncuar se ai po mbrohet nga Rama dhe Olsi Rama. Prej e kësaj skeme mashtrimi kanë rënë 200,000 viktima në Evropë, shumica prej tyre në Gjermani, Itali dhe Spanjë. Policia spanjolle përgjoi 3 milionë emaile që u mundësuan hetuesve të identifikonin dhe lidhnin më shumë se 470 faqe interneti të mbështetura nga qendrat e call-center.
TIRANË- Kryedemokrati Sali Berisha nuk ka dhënë shumë detaje lidhur me protestën e 6 dhjetorit që do të zhvillohet në të njëjtën ditë me samitin BE-Ballkani Perëndimor që do të zhvillohet në Tiranë.
Në konferencën e tij të përjavshme, Berisha kishte pas tij slogani që do të përdoret pak ditë më pas: Europe is the right ëay, not the Rama ëay. Fjali që në shqip do të thotë: Europa është rruga e duhur, jo rruga e Ramës.
E gjitha është shkruar në anglisht, me qëllimin për t'u kuptuar nga të gjithë ndërkombëtarët!
TIRANE- Kryedemokrati Sali Berisha iu bëri thirrje SHBA-ve dhe Bashkimit Evropian të reagojnë për të ndaluar aksionin e autoriteteve në shembjen e Prestige Resort. Në një konferencë me gazetarët, Berisha tha se sulmi ndaj "Prestige" po bëhet nga një armik i medias së lirë.
Sali Berisha: Sulmi ndaj Prestige Resort bëhet nga një armik i medias së lirë. Bëhet në prag të një samiti, i cili për definicion duhet të rrezatojë vlera evropiane. Bëhet kjo ditën e vizitës së presidentit gjerman.
Urrejtja e këtij njeriu, nuk kufizohet me asgjë. Ky udhëhiqet nga fakultetet mendore më primitive të njeriut.
Nuk kam shkelur kurrë në atë resort, janë zhgërryer dhe kanë festuar dhjetëra e dhjetëra herë. Edi Rama me gjithë suitën e tij.
Por kjo që ndodh është një nga aktet më të shëmtuara nga një autokrat, nga një Lukashenko i vërtetë. Edhe ai nuk do sillej në këtë mënyrë. Thirrja ime për të gjithë liderët e BE, për KE, për Kongresin e SHBA dhe qeverinë e SHBA, të ndalin çfarë po ndodh në Shqipëri./Dosja.al
TIRANË- Kryetari i Partisë Demokratike, Sali Berisha i bëri thirrje pronarit të ri të medias Abcnews që të ruajë integritetin e medias dhe të mos shndërrohet në altoparlant i Ramës. Në daljen për median, kreu i PD-së tha se Rama ka vendosur në terror prej disa muajsh tre media në Shqipëri, duke shtuar se fjala e lirë në vend po përjeton ditët më të zeza që nga koha e diktaturës.
'Kjo është media e tretë që Edi Rama po e asgjëson. Asgjësoi TV Orën, e konfiskoi. Ka çuar aty, një nga figurat më të zeza të historisë së këtij vendi, Arapin e Zi, Farudinin e Zi. Dhe dikton çdo gjë. Pa asnjë bazë, pa asnjë fakt. Pavarësisht se ekspertët faktojnë se të gjitha shpenzimet janë të mbuluara nga burime të qarta, ky thotë të kundërtën. Një media tjetër, e detyroi të shitet aty ku deshi. Por unë i bëj thirrje atij pronari, dhe u bëj thirrje pronarëve të ABC që të ruajnë integritetin e medias së tyre, sikundër i bëj thirrje pronarit, që nëse do e shndërrosh në altoparlant të Endri Fugës dhe Edi Ramës, do përballesh me pasoja shumë serioze. Në një kohë gjashtëmujore ai vendos nën terror tre media, që informonin dhe përbënin rrjete anticensurë. Nuk them se kanë pasur politika editoriale në favorin tonë, por censurën nuk e pranojnë. Dhe këto ishin një garanci për antucensurë. Këto dhe jo mediat kombëtare ishin garanci për anticensurë. Siç janë portalet një garanci për anticensurë. Fjala e lirë po pëson ditët më të zeza që nga koha e diktaturës.'- tha Berisha.
TIRANË- Kryedemokrati Sali Berisha deklaroi se protesta e 6 dhjetorit është kundërsulm mbi dëmin që ka bërë kryeministri Edi Rama ndaj imazhit të vendit. Berisha tha se PD ka bërë më shumë se kushdo tjetër për integrimin e Shqipërisë në institucionet perëndimore
'Por pse ne protestojmë më 6 dhjetor? Së pari që t’u bëjmë me dije se vërtet Shqipëria është vendi më i korruptuar në Europë, sipas të dhënave tuaja, por shqiptarët nuk janë, nuk pajtohen, janë kundër krimit dhe korrupsionit të qeverisë tyre. Të gjitha raportet e BE janë negative për krimin dhe korrupsionin në Shqipëri. Udhëheqësit e BE e dinë se qeveria është e korruptuar, por ata duhet të mësojnë se populli nuk është i korruptuar, është Edi Rama dhe qeveritarët e tij. Është jashtëzakonisht e rëndësishme të dalim në protestë për këtë. Shqipëria në raportet ndërkombëtare cilësohet narkoshtet. Le të mësojnë shtetarët e BE se qytetarët janë kundër trafikut të drogës, por trafikun e bëjnë klanet qeveritare. Protesta do tregojë se ne nuk dorëzohemi, por do luftojmë për liritë tona dhe vlerat evropiane dhe kundër anëve të zeza të kësaj qeverie, që i ka të panumërta. Protesta e 6 dhjetorit është një kundërsulm mbi dëmin e Edi Ramës ndaj imazhit të Shqipërisë. Imazhin e Shqipërisë nuk e nxijnë protestat, por e nxijnë korrupsioni dhe krimi qeveritar.
Së fundi dy fjalë për qëndrimin e narkoqeverisë ndaj protestës. Ky është dëshmi e mendësisë komuniste.
Pretendimi se mos na dëgjon bota se gëzojnë armiqtë, është koncept komunist. Të bësh sikur gjithçka shkon mirë, është metodë komuniste. Propaganda e tij i shërben krimit të organizuar dhue krorupsioit sepse do të përdorë samitin për të maskuar këtë. Diktatorët e botës përdorin të njëjtën gjuhë. PD është forca më perëndimore e Shqipërisë dhe shqiptarëve. PD ka bërë më shumë se kushdo tjetër për integrimin e Shqipërisë në institucionet perëndimore. PD është forca e parë që kërkoi futjen e Shqipërisë në NATO, ajo kërkoi asociimin në BE që në vitin 1992 dhe nënshkroi më vonë këtë marrëveshje. Ajo hoqi vizat me BE. Ajo paraqiti kërkesën për kandidat në BE. PD ka votuar gjithmonë pro-Perëndimit. Prandaj vendi i saj më 6 dhjetor është në rrugë dhe vetëm në protestë në mbrojtje të vlerave evropiane në Shqipëri.'- tha Berisha.
