Afera e Inceneratorit/ SPAK mësynë në Bashkinë Tiranë, lëshon 15 urdhër-arreste, në pranga dhe i 'besuari' i Veliajt

Vendgropimi

TIRANË- Një vendim i Gjykatës së Posaçme Kundër Korrupsionit dhe Krimit të Organizuar lëshoi pesëmbëdhjetë masa sigurie për zyrtarë dhe biznesmenë, në lidhje me hetimin për skandalin e incineratorit të Tiranës, përfshirë zyrtarët që dhanë koncesionin kontrovers. Disa zyrtarë, sakaq në burg për vepra penale në lidhje me dy incineratorët e tjerë, në Elbasan dhe në Fier, morën masë shtesë sigurie ndërsa biznesmenët Mirel Mërtiri e Klodian Zoto, të cilët janë aktualisht në arrati, u pajisën me një masë tjetër sigurie “arrest me burg”. .

Taulant Tusha, drejtor i Shërbimeve Publike në Bashkinë Tiranë dhe njëkohësisht, anëtar i Këshillit Drejtues të UKT, mori masën e sigurisë arrest me burg. Masa të tilla sigurie u lëshuan edhe për Lefter Kokën, Alqi Bllakon, Mirel Mërtirin, Klodian Zoton, Erjon Muratajn, Bledar Karolin, Namik Simixhiun, dhe Jetmir Llapajn.

Në masë sigurie arrest shtëpie u lanë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi, Sidita Tola.

Operacioni policor për ekzekutimin e masave të sigurisë është ende në zhvillim në kohën e publikimit të këtij lajmi. Deri më tani nuk është e sigurt se cilat masa sigurie janë ekzekutuar dhe cilat, jo.

Incineratori i Tiranës është projekti më i madh mes tre projekteve kontroverse të qeverisë së kryeministrit Edi Rama, të cilat premtuan, përkundër këshillave të ekspertëve dhe të Bashkimit Evropian, të ndërtonin incineratorë për djegien e mbeturinave. Në gusht të këtij viti, SPAK urdhëroi sekuestrimin e kompanisë së incineratorit të Tiranës duke argumentuar se hetimet paraprake kishin nxjerrë pronarë fundorë të zinxhirit të maskuar në Holandë, biznesmenët Klodian Zoto dhe Mirel Mërtiri, aktualisht në kërkim ndërkombëtar për korrupsion aktiv dhe pastrim parash për dy incineratorët e tjerë, Elbasanin dhe Fierin.

Kompania Integrated Energy B.V u themelua në vitin 2017 dhe që nga ajo kohë, ka faturuar qytetarët shqiptarë në mënyra të ndryshme, përfshirë përmes sistemit fiskal për qeverinë apo përmes tarifave të detyrueshme për depozitim mbetjesh.

Të dhënat e bilancit të kompanisë të publikuara në Qendrën Kombëtare të Biznesit, tregojnë se mes viteve 2017 dhe 2021, qytetarët i paguan Integrated Energy BV së paku 7.9 miliardë lekë në formën e tarifave koncesionare dhe tarifave të shërbimit të depozitimit. Në vitin 2021, të ardhurat e kompanisë arritën në 2.6 miliardë lekë. Bilanci i vitit 2022 nuk është depozituar deri më tani në QKB, por të dhënat e pagesave të thesarit të buxhetit të shtetit tregojnë se nga 1 janari 2022 deri më sot, kompania ka përfituar edhe 2 miliardë lekë të tjera. Duke marrë parasysh këtë, dhe të ardhura të tjera që kompania faturon për depozitimet, deri në kohën e sekuestrimit në gusht 2023, fusha e mbetjeve të Tiranës duket se u ka kushtuar taksapaguesve minimalisht 100 milionë euro. Incineratorët e Fierit dhe Elbasanit i kanë kushtuar veçmas sëbashku rreth 50 milionë euro.

Marrë nga Reporter.al

Taulant Tusha

TIRANË- Taulant Tusha është drejtori i Punëve Publike në bashkinë e Tiranës, që u vu në pranga mbrëmjen e sotme nga SPAK, për aferën e Inceneratorit të Tiranës. Tusha njihet ndryshe si krahu i djathtë i kryebashkiakut Erion Veliaj. Por aq sa i rëndësishëm në bashkinë Tiranë, po ashtu Tusha është nja nga drejtorët e Veliajt më të kallëzuar penalisht. 

Kush është Taulant Tusha?

Taulant Tusha ka qenë pjesë e PS-së që nga dita e parë e pushtetit. Fillimisht Tusha mbante postin e Drejtorit të Shërbimeve Mbështetëse në Ministrinë për Çështje Sociale dhe Rinisë, të drejtuar nga Erion Veliaj asokohe. Por sapo Veliaj u zgjodh kryebashkiak i Tiranës, Tusha u emërua Drejtor i Punëve Publike në Bashki. Pas kësaj Tusha ka drejtuar dhe Bordin Drejtues të Ujësjellësit të Tiranës. Por në vitin 2016, në momentin që u krijua Komisioni për koncesionin e mbetjeve, tusha ishte i dërguari i Veliajt. 

Kallëzimet penale kundër Tushës

Taulant Tusha është kallëzuar penalisht për çështjen e inceneratorit të Tiranës, nga përfaqësuesit e opozitës në Komisionin Hetimor Parlamentar, të ngritur për aferën e Djegësve. Po ashtu, Aleanca për Mbrojtjen e Teatrit e ka Taulant Tushën në listën prioritare të të kallëzuarve për shkatërrimin e Teatrit Kombëtar. Gjithashtu, përfaqësues të opozitën kanë kallëzuar Taulant Tushën, si një ndër personat përgjegjës për faturën e fryrë financiare për ndërtimin e shkollës së mesme “Sami Frashëri”. 

Bashkia Tirane

TIRANË- SPAK ka arrestuar sot 15 drejtues, ish-drejtues dhe punonjës në Bashkinë e Tiranës. Mësohet se urdhërin për arrestimet i ka dhënë GJKKO dy ditë më parë. Ndër të arrestuarit është Taulant Tushe, drejtor i Punëve Publike në bashkinë e Tiranës. SPAK ka ekzekutuar urdhërarrestet për 15 persona për shkak të aferës së Inceneratorëve. Ndërkohë që në kërkim ndodhen Arben Ahmetaj, Mirel Mërtiri dhe Klodian Zoto.

Të arrestuarit

Lefter Koka

Alqi Bllako

Erjon Murataj

Bledar Karoli

Taulant Tusha

Namik Simixhiu

Jetmir Llapaj

Arrest shtëpie

Alba Thoma

Valbona Ballgjini

Sidita Kopliku

Pëllumb Abeshi

Etleva Kondi

Sidita Tola

Të shpallur në kërkim

Arben Ahmetaj

Klodian Zoto

Mirel Mërtiri

Bashkia Tirane

TIRANË- Një valë arrestimesh kanë ndodhur ditën e sotme në Bashkinë e Tiranës. Mësohet se SPAK me urdhër të GJKKO ka arrestuar 10 drejtues dhe ish-drejtues në këtë Bashki. 

GJKKO vendimin për arrestimin e 10 personave e ka marrë dy ditë më parë. Ende nuk dihet shkaku i arrestimit dhe as akuzat që rëndojnë mbi këta persona.

Nga SPAK ende nuk kanë nxjerr një njoftim për arrestimet dhe as për akuzat që rëndojnë mbi drejtuesit dhe ish-drejtuesit në Bashkinë e Tiranës.