Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Gati 4 orë ka qëndruar kryetari i Partisë së Lirisë, Ilir Meta në është paraqitur pranë Prokurorisë së Posaçme (SPAK). Meta hyri brenda në SPAK që prej orës 10:00 ku po jep deklarimet e tij në lidhjen me çështjen CEZ-DIA, ndërsa shoqërohej nga Bledar Dervishaj, këshilltari ligjor që prej kohës kur ishte në presidencë. • Pasi përfundoi marrjen në pyetje, Meta tregoi se ishte marrë në pyetje për dosjen e "CEZ-DIA", për të cilat kishte dhënë shpjegime. • Por sipas tij nuk e priste që të merrej në pyetje për të njëjtën çështje, që sipas tij rikthehej sa herë që Partia Socialiste kishte 'probleme'. • Sipas Metës, ai i kishte dhënë të gjitha shpjegimet mbi ngjarjen duke shtuar se kishte ndjekur të gjitha hapat për të mbrojtur interesin publik. • Ndër të tjera, ish-presidenti i vendit u përgjigj me buzën në gaz kur u pyet lidhur me pavarësinë e SPAK nga politika, apo frikën e arrestimit. • "Dosja.al" mësoi se kryetari i PL po jep deklarimet e tij në lidhje me kallëzimin e bërë në SPAK në prill të vitit 2022. •Kjo dosje është rihapur nga prokurorët Arben Kraja dhe Altin Dumani, të cilët deri më tani kanë marrë në pyetje edhe një nga personazhet kryesore të kësaj çështjeje, Kastriot Ismail, i cili ndodhej aktualisht në burg. Çështja u hap me kallëzimin e bërë nga Partia Socialiste.
6 artikuj për këtë temë.
TIRANE- Kryetari i Partisë së Lirisë, Ilir Meta u pyet nga gazetarët se a u pyet nga Prokurorët e SPAK në lidhje me dëshmitarit Elvis Mata, në dosjen CEZ-DIA. Mata është një nga dëshmitarët e kësaj çështeje, i cilësuar si personi kyç që zbuloi skemën e abuzimit në CEZ. Meta tha se Mata ishte një i dëbuar nga LRI në vitin 2005.
"Prokurori, apo personi i autorizuar që më pyeti, mund t’ju them se përgjigjen më të shkurtër e kam dhënë për këtë person, mashtrues, të përzënë nga LRI që në 2004-2005 (Matën). Kushdo që ka probleme me drejtësinë, mund të marr status. Është i autorizuar SPAK që ta përdorë përgjigjen time, gjithçka është mashtrim ordiner. Këtu janë mal dosjet dhe kallëzimet e bëra, edhe nga unë. Për mld euro që i kushtojnë qytetarëve shqiptarë dhe shumë të tjerëve dëme. Ju ftoj që të bëni pyetje.”, tha Meta./Dosja.al
TIRANË- Kryetari i Partisë së Lirisë, Ilir Meta ka bërë humor me pyetjen e gazetarit nëse ka frikë për një arrestim të mundshëm të firmosur nga prokurorët e Prokurorisë së Posaçme. Në fjalën e tij, Meta bëri ironi edhe me pyetjen nëse mendonte se SPAK kishte ndikim politik, duke lënë të kuptohet se e pohonte. Në fund, i bëri bisht pyetjes nëse kishte besim tek struktura e drejtësisë.
PJESË NGA PRONONCIMI:
Gjithçka është një mashtrim ordiner dhe më vjen keq që harxhohet kohë me gjëra të tilla, ndërkohë që këtu janë mal çështjet. Unë nuk ndaloj askënd që të bëjë pyetje dhe i ftoj që t'i publikojnë të gjitha pyetjet dhe përgjigjet.
Ngrini dyshime se SPAK ka ndikim politik?
Ju e dini se kush i ka dhënë udhëzimet që të thirret Ilir Meta tek SPAK, janë dhënë nga Kongresi i partisë. Ilir MEta ëhstë i hapur dhe transparent dhe mezi presim për ato firmat fët e fët, të ketë akte dhe veprime konkrete edhe për gjithë ato çështje aq të rënda që e kanë bërë Shqipërinë që të jetë më i korruptuari në Europë. Gjithçka që është kjo çështje nuk ka lidhje me Ilir Metën, nuk është bërë në kohën që Meta ka qenë ministër. Ne e kemi bërë detyrën tonë në mënyrë të shkëlqyer.
Keni frikë për ndonjë firmë që mund të sjellë arrestimin tuaj?
Mos more! Unë kujtova se hetimi lidhej me denoncimet e miapër korrupsionin që është evident. Ta dinit do të vinit? Po patjetër, do të vija për çdo gjë. Unë mendoj që është zbardhur dhe është një proces fare absurd.
A keni besim te SPAK?
Faleminderit.
TIRANE- Kryetari i Partisë së Lirisë, Ilir Meta mohoi çdo përfshirje të tij në hetimin e dytë që po bëhet për çështjen CEZ-DIA. Në një komunikim me gazetarët, Meta tha se vendimet e tij si ministër, nuk kanë favorizuar në asnjë moment CEZ-DIA. Përkundrazi, sipas tij, përplasja mes institucioneve ka qenë aq e fortë saqë ka përfunduar në gjykatë dhe në një dorëheqje të kryetarit të Bordit të ERE. Sulmi sipas tij, po i bëhet nga Shefi i Komunikimit në Kryeministri, Endri Fuga.
Ilir Meta: Kam dhënë sqarime shteruese në vitin 2015 pas shkrimit të një koleges suaj që manipulonte të dhënat e procesit të arbitrazhit në Vjenë. Për të cilat, kompania Cliford Chanse bëri një deklaratë zyrtare, publike, të cilën e publikoi edhe Endri Fuga në faqen e Kryeministrisë. Kompania përgënjeshtronte të gjitha mediat që kishin përfshirë emrin e kryetarit të Parlamentit, Ilir Meta asokohe, në procesin e arbitrazhit si një njeri që mund të kishte përfituar.
Mund t'ju them ato që thashë dhe atje. Meta nuk ka lidhje me privatizimin, isha opozitë asokohe, nuk kam lidhje me marrëveshjen CEZ-DIA. Nuk kisha lidhje me kohën kur isha ministër, as me CEZ as me ndonjë tjetër. Dijeni se kur isha ministër, për 4 muaj, CEZ jo vetëm që nuk ka përfituar asgjë nga qeveria shqiptare por kemi qenë në debate të vazhdueshme për performancën e tyre. Sepse ata nuk po i bënin investimet siç kishin premtuar dhe në dhjetor, kur ERE mori një vendim, që në gjykimin tonë favorizonte CEZ në raport me KESH, pra detyronte KESH ti shiste energjinë më lirë CEZ, qeveria shqiptare e kundërshtoi vendimin dhe ministria. Përplasja ka vazhduar në gjykatë saqë kryetari i Bordit të ERE dha dorëheqjen. Sot dhe asnjëherë nuk mund të ftohem për asnjë sqarim për asnjë vendim që nuk ka lidhje me asgjë, që nuk ka lidhje me asnjë funksion zyrtar të asaj periudhe. Kur drejtësia të kërkon, ti nuk mund të shmangesh, por ajo që mund t'ju them është se pa asnjë diskutim nuk ekziston asnjë akt apo dokument, që Ilir Meta të ketë favorizuar cilido. Nuk jam i shqetësuar për asgjë se nuk ka asgjë që e cënon Ilir Metën në raport me ligjin.
Kush e bën? Endri Fuga. Endri Fuga mbush portalet. Në bazë të inidiceve të arsyeshme nis hetimi. Ju e dini kush i bën. Përgjigjen e kam dhënë për këtë person, si person mashtrues dhe të larguar nga LSI dhe rinia./Dosja.al
TIRANË- Kreu i Partisë së Lirisë, Ilir Meta ka folur për marrjen e tij në pyetje nga hetuesit e Strukturës së Posaçme kundër Korrupsionit dhe Krimit të Organizuar. Në fjalën e tij para mediave të pranishme jashtë godinës së SPAK, Ilir Meta pranoi se ishte pyetur për çështjen "CEZ-DIA", ndërsa u shpreh se i dha përgjigjet për të gjitha pyetjet që i ishin bërë. Por gjithashtu shtoi se kjo dosje rikthehet sa herë 'rilinda' është në krizë, ndërsa çështjet e depozituara nga vetë ai si president, ende nuk janë marrë parasysh.
"Atëherë po e nëse keni pritur këtu disa orë nuk është përgjegjësia ime. Më ka ardhur një ftesë për të ardhur në SPAK prej disa ditësh për një çështje të nisur që në vitin 2019, me çfarë kuptova, unë iu kam thënë edhe unë se kam pasur pritshmëri që SPAK do ishte institucion lider. Sa herë që të ftohesha do të vija me shumë kënaqësi për t'i ndihmuar. Ashtu sikurse e dini që janë dhjetra kallëzime të mia për çështje të veçanta për ligje me porosi, apo për denoncimin ndaj Kuvendit që falsifikoi firmën për shkarkimin e Kuvendit. Mesa kuptova kishte të bënte lidhur me çështjen CEZ-DIA. Aktivizohet gjithmonë si çështje sa herë që rilindja është në krizë. Jam përgjigjur me qetësi dhe durim për t'i ndihmuar për rrethana apo persona të caktuara,"-tha Meta ndër të tjera.
TIRANE- Kryetari i Partisë së Lirisë, Ilir Meta është paraqitur pranë Prokurorisë së Posaçme (SPAK). Meta ka hyrë brenda SPAK që prej orës 10:00 ku po jep deklarimet e tij në lidhjen me ccështjen CEZ-DIA.
"E kam thirrur disa herë SPAK për të hetuar korrupsionin. Do jem këtu me ju për çdo gjë"-tha Meta për gazetarët në hyrje të godinës së Prokurorisë.
Ish-presidenti shoqërohej nga Bledar Dervishaj, këshilltari ligjor që prej kohës kur ishte në presidencë.
Por përse u kërkua sot Meta në SPAK? Zyrtarisht, pritet që në orët në vijim të ketë një komunikim për mediat, por "Dosja" mësoi se kryetari i PL po jep deklarimet e tij në lidhje me kallëzimin e bërë në SPAK në prill të vitit 2022. Kjo dosje është rihapur nga prokurorët Arben Kraja dhe Altin Dumani, të cilët deri më tani kanë marrë në pyetje edhe një nga personazhet kryesore të kësaj ccështjeje, Kastriot Ismail, i cili ndodhej aktualisht në burg. Çështja u hap me kallëzimin e bërë nga Partia Socialiste./Dosja.al
