Dita e 53-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
•Incident tjetër në fushatën elektorale. •Kandidatit të Partisë Socialiste për bashkinë e Hasit, Beqir Mulaj, i është djegur gjatë natës automjeti brenda garazhit. •Aludohet se ngjarja të jetë e qëllimshme, pasi ky incident vjen vetëm pak ditë para mbajtjes së zgjedhjeve më 14 maj. •Vetë Mulaj ka pranuar se ka tensione me rivalët në politikë, mirëpo sërish s'ka persona të dyshuar. •Ende nuk dihen arsyet se përse mund t’i jetë vënë flaka kandidatit socialist për Hasin, ndërsa grupi hetimor po punon për sqarimin e ngjarjes. •Grupi hetimor po vëzhgon kamerat e sigurisë për të bërë të zbardhur dinamikën e ngjarjes, si edhe për të identifikuar autorin/ët.
4 artikuj për këtë temë.
KUKËS- Kandidati i PS për bashkinë Has, Beqir Mulaj nuk dyshon te asnjë person për zjarrëvënien në mjetin e tij. Për gazetarët, Mulaj u shpreh se nuk ka konflikte me askënd, nuk beson të ketë ardhur nga dora e njeriut dhe pret përgjigjen e organeve kompetente për të mësuar çfarë ka ndodhur.
“Në orët e para të mëngjesit jemi njoftuar përmes telefonit se po digjej magazina. Kemi ardhur këtu, kemi gjetur zjarrfikësen që ka bërë të mundur shuarjen e flakëve. Makina dhe të gjitha materialet që ndodheshin në magazinë janë djegur komplet.
Ky zjarr përkon me fushatën elektorale. Unë në cilësinë e kandidatit për kryetar bashkie s’kam koment se s’dua ta besoj, ta dyshoj apo keqpërdor, por të jem shumë i sinqertë se policia ka ardhur. Është bërë praktika e duhur dhe do pres me qetësi ekespertizën. Uroj që të mos ketë dorë njeriu. Dua të jem shumë korrekt, s’dua ta përdor dhe as mendja s’më shkon atje.
Gjithsesi i besoj organeve kompetente. Nuk kam asnjë konflikt. Edhe fushatën jam munduar ta bëj në mënyrë të qetë, qytetare, larg ngatërresave e zhurmës. Jam fokusuar te hallet e problemet e qytetarëve të Hasit se ky popull këtu ka nevojë për qetësi, për rregull. Unë nuk bëj pjesë te ata njerëz që vë gishtin. Po të mos ishte fushatë elektorale, as ju s’do ishit këtu dhe s’dua ta keqpërdor këtë. Nuk kam dyshime. Nëse ekspertiza do e nxirrte që është dora e njeriut, do më vinte keq”, tha Mulaj.
TIRANË- Kandidatit të PS në Bashkinë e Hasit, Beqir Mulaj i është djegur makina brenda garazhit të tij. Ky i fundit ka dhënë një intervistë për Euronews Albania, ku u shpreh se ngjarja ka ndodhur në mesnatë dhe lajmin e ka marrë nëpërmjet një telefonate.
“Ngjarja ka ndodhur rreth orës 00:00. Jam telefonuar përmes telefonit, kam shkuar në vendngjarje dhe kam parë që makina po digjet. Menjëherë ka ardhur policia dhe zjarrfikësja dhe kanë bërë të mundur fikjen e zjarrit. Po bëhet ekspertiza në lidhje me ngjarjen. Kam pasur tensione në fushatë me rivalitetin por nuk mund ta lidh ngjarjen me këtë. Automjeti ishte i parkuar prej tre vitesh. Ambienti ku ishte i parkuar makina ishte magazina”- tha ai.
Çfarë ndodhi?
Gjatë natës është djegur makina e kandidatit socialist për kryebashkiak në Has, Beqir Mulaj. Makinës i është vënë zjarri, dyshohet qëllimisht në parkingun e banesës, e cila ndodhet rpanë aksit 'Krume-Golaj'.
Paraprakisht dyshohet se ngjarja është e qëllimshme dhe vjen vetëm 4 ditë përpara zgjedhjeve lokale të së dielës./Dosja.al
KUKËS- Policia e Kukësit ka dhënë detaje nga zjarrëvënia në makinën e kandidatit socialist për zgjedhjet e '14 Majit', Beqir Mulajt. Sipas forcave blu, zjarri ra rreth orës 00;04, në banesën që ndodhet pranë aksit 'Krume-Golaj'.
Shërbimet e Policisë dhe ato zjarrfikëse kanë shkuar menjëherë në vendngjarje, ku është bërë i mundur neutralizimi i flakëve, me qëllim mospërhapjen e zjarrit. Si pasojë e flakëve, është djegur plotësisht automjeti në pronësi të Mulajt.
NJOFTIMI I POLICISË
Rreth orës 00:04, salla operative e Komisariatit të Policisë Has është njoftuar se ka rënë zjarr në garazhin në pronësi të shtetasit B. M., në aksin rrugor “Krume-Golaj”. Shërbimet e Policisë dhe ato zjarrfikëse kanë shkuar menjëherë në vendngjarje, ku është bërë i mundur neutralizimi i flakëve, me qëllim mospërhapjen e zjarrit.
Si pasojë e flakëve, është djegur plotësisht automjeti në pronësi të shtetasit B. M. Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Kukës, vijon veprimet hetimore, me qëllim përcaktimin e shkakut të rënies së zjarrit.
Çfarë ndodhi?
Gjatë natës është djegur makina e kandidatit socialist për kryebashkiak në Has, Beqir Mulaj. Makinës i është vënë zjarri, dyshohet qëllimisht në parkingun e banesës, e cila ndodhet rpanë aksit 'Krume-Golaj'. Paraprakisht dyshohet se ngjarja është e qëllimshme dhe vjen vetëm 4 ditë përpara zgjedhjeve lokale të së dielës./Dosja.al
KUKËS- Kandidatit të Partisë Socialiste për bashkinë e Hasit, Beqir Mulaj, i është djegur automjeti brenda garazhit.
Ngjarja ka ndodhur gjatë natës, ndërsa makina e cila është shkrumbuar totalisht ka qenë brenda garazhit.
Ende nuk dihen arsyet se përse mund t’i jetë vënë flaka kandidatit socialist për Hasin, ndërsa grupi hetimor po punon për sqarimin e ngjarjes. Grupi hetimor po vëzhgon kamerat e sigurisë për të bërë të zbardhur dinamikën e ngjarjes, si edhe për të identifikuar autorin/ët.
Paraprakisht dyshohet se zjarrëvënia ka qenë e qëllimshme. Ky incident vjen vetëm pak ditë para mbajtjes së zgjedhjeve më 14 maj.
