“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
•Kreu i Partisë Socialiste Edi Rama zhvilloi një takim me socialistët në Korçë me rastin e 35-vjetorit të themelimit të mazhorancës. •Rama u shpreh se në vitin 1996 Shqipëria u vu përballë sfidës reale të ndërtimit të demokracisë. •Gjithashtu theksoi se, 26 maji i 2026, koicidoi me mbylljen e fazës së hapjes së kapitujve të negociatave me BE. •Sipas tij, 1996 është data kur socialistët u përballën me furinë e një dhunë dhe brutalitet. •Kreu i qeverisë u shpreh se, Partia Socialiste e ka ngjitur vendin tonë në maja ta larta pasi Shqipëria ka mbyllur fazën e çeljes së të gjitha kapitujve të negociatave për BE. • Kryesocialisti u shpreh se, PS ka dëshmuar se është e vetmja forcë politike që mund të ketë një raport të drejtë me faktorin ndërkombëtar.
2 artikuj për këtë temë.
KORÇË- Kryeministri i Shqipërisë ka deklaruar se, Partia Socialiste e ka ngjitur vendin tonë në maja ta larta pasi Shqipëria ka mbyllur fazën e çeljes së të gjitha kapitujve të negociatave për BE.
Në një takim me socialistët e Korçës në 35-vjetorin e partisë, Rama u shpreh se, PS ka dëshmuar se është e vetmja forcë politike që mund të ketë një raport të drejtë me faktorin ndërkombëtar.
Sipas tij, vendi tani ka hyrë në procesin e mbylljes së kapitujve të negociatave për anëtarësim.
“PS e ngjiti Shqipërinë edhe një majë më lart, në rrugën drejt majës që faktikisht është amaneti nga të parët dhe borxhi që u kemi fëmijëve tanë. Ne do të vendosim me së bashku flamurin kuq e zi të Ismail Qemalit dhe Gjergj Kastriotit në këtë majë të lartë.
PS ka dëshmuar se është e vetmja forcë politike që mund të ketë një raport të drejtë me faktorin ndërkombëtar, me të shkuarën edhe me botën. Është krenaria jonë që pas një periudhe të gjatë vështirësish dhe denigrimi i kemi ngritur kokën çdo shqiptari kudo në botë.
Mbi të gjitha është krenaria jonë që sot Shqipëria ndodhet në një fazë tjetër, pasi kemi mbyllur fazën e çeljes së të gjitha kapitujve të negociatave, tani kemi hapur procesin e mbylljes së gjithë kapitujve.
Ndërsa shiu filloi duke dëgjuar se ç’ishte Shqipëria, le të vazhdojë si bereqeti që do të kemi dhe le të bjerë mbi këtë festë të 35-vjetorit të PS edhe këtu në Korçë, duke paralajmëruar një fitore të jashtëzakonshme si ajo që do realizojmë të gjithë bashkë në zgjedhjet e vitit të ardhshëm”, tha Rama./Dosja.al
KORÇË- Kreu i qeverisë, Edi Rama u shpreh se 26 maji i 1996 është data kur socialistët u përballën me furinë e një dhunë dhe brutalitet.
Në 35-vjetorin e PS në Korçë, Rama u shpreh se në vitin 1996 Shqipëria u vu përballë sfidës reale të ndërtimit të demokracisë. Gjithashtu Rama u shpreh se, 26 maji i 2026, koicidoi me mbylljen e fazës së hapjes së kapitujve të negociatave me BE.
Deklarata e Ramës:
“Një koicidencë e madhe bashkoi një datë, 26 majin. Dy momente, domethënëse të PS. 26 maji i 1996 ku socialistët u përballën me furinë e një dhunë dhe brutalitet, ku vuri Shqipërinë përballë sfidës reale të ndërtimit të demokracisë. Dhe e vendosi PS në situatë jashtëzakonisht dramatike, ata që ishin në vijën e parë, u dhunuan ashtu sikundër u dhunua edhe rezultati i atyre zgjedhjeve që u grabitën nga pushteti i degraduar i PD. Ai 26 maj sot është i papërfytyrueshëm.
Opozita dhunohej rregullisht. Shqipëria e asaj kohe kishte vetëm një gazetë opozitare, edhe ajo u bë shkrumb e hi, nga ai që ishte vërtet regjim brutal. Para pak ditëve, më 26 maj, PS e ngjiti Shqipërinë edhe një majë më lart, në majën që kemi amanet nga të parët tanë, ku gjendet shtëpia e Europës së Bashkuar. Sot ia kemi ngritur çdo shqiptari kudo në botë”, theksoi ai./Dosja.al
