Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Partia Socialiste feston sot 31-vjetorin e themelimit. Festa po zhvillohet në oborrin e selisë së PS-së, ku marrin pjesë ministra, deputetë,dhe figura të njohura të socialistëve. Një ftesë për të marrë pjesë në festë shkoi edhe për LSI, PDIU si dhe Agron Dukën, me të cilët kanë qenë aleatë. Festës në selinë rozë, i janë bashkuar edhe deputetja e LSI-së Erisa Xhixho si dhe sekretari i Përgjithshëm i LSI-së, Endrit Braimllari. Ndërsa Fatos Nano dhe Ilir Meta do të jenë pjesë me një video-mesazh për të uruar socialistët. Vetë kryetari i Partisë Socialiste, Edi Rama, e bëri urimin i pari sot, me një mesazh duke përmendur edhe patronazhistët, për të vijuar më pas me drejtuesit në territor, themeluesit dhe liderin Fatos Nano. Ndërsa nuk ka munguar as reagimi nga "armiku" historik i PS, Sali Berisha, i cili drejton demokratët. Sipas Berishës, Fatos Nano u përpoq të reformonin partinë, por Edi Rama e ka kthyer sërish në parti të lidhur me drogën, krimin dhe vjedhje fondesh publike.
10 artikuj për këtë temë.
TIRANË- Fotot e mëposhtme janë nga ditëlindja e 31 e Partisë Socialiste. Në pamjet e publikuara nga LSA, shihen anëtarët e kësaj partie teksa festojnë para selisë mavi.
Por e gjithë vëmendja në këtë festë ka kaluar te afrimiteti i kryeministrit Edi Rama si dhe ishkryeparlamentarit Gramoz Ruçi, i cili është larguar nga politika aktive. Gjithashtu në këtë festë në mungesë së kryetarës së LSI-së Monika Kryemadhi, nga LSI-ja shkuan në festë Erisa Xhixho dhe Endrit Braimllari, ndërkohë që nga Partia Agrare Ambientaliste mori pjesë Agron Duka.
TIRANË- Në oborrin e selisë rozë zhvillohet ceremonia për 31-vjetorin e themelimit të Partisë Socialiste. Edhe pse larg nga syri i mediave, kamera ka kapur një moment nga ceremonia, ku kryeministri Edi Rama sikletoset nga Damian Gjiknuri.
Festa është përshëndetur vetëm nga një fjalim i shkurtër i Sekretarit të Përgjithshëm të PS, Damina Gjiknuri, i cili në fund të fjalimit të tij i dha mundësi kryeministrit Rama për të folur.
“Dua t’ju uroj të gjithë socialistëve, 31 vjetorin paçi gjithçka të mirë në familjet tuaja. Të rrojë PS dhe të rrojë Shqipëria. Le të argëtohemi. Nëse kryetari do le të thotë ndonjë gjë,”- tha Gjiknuri me mikrofon. Ndërsa Rama, duke i bërë gjeste me dorë, lë të kuptohet se i thotë: Hë më lëre tashi. Ik na lër rehat.
TIRANË- Në 31-vjetorin e themelimit të Partisë Socialiste, nuk mund të mungonte, Gramoz Ruçi. Edhe pse tashmë i tërhequr nga politika aktive, ish-kryetari i parlamentit ka shkuar në takimin e sotëm ku po marrin pjesë figura të ndryshme të PS-së.
Siç duket edhe nga pamjet e mëposhtme, Ruçi është futur pa kontroll ne ambientet ku po zhvillohet ceremonia, ndërsa është pritur nga socialistët e tjerë. Pasi u përshëndet me ta, kryebashkiaku i Tiranës, Erion Veliaj dëgjohet të thotë: Na duket sikur presim krushqit.
Në hyrje të festës, për të pritur të ftuarit ishin lënë sekretari i Përgjithshëm i PS, Damian Gjiknuri, deputetja Blerina Gjylameti, Veliaj dhe Etjen Xhafaj.
TIRANË-Partia Socialiste feston 31-vjetorin e themelimit të saj, ndërsa festa zhvillohet në oborrin e selisë. Tek takimi me socialistët shkoi edhe kryeministri Edi Rama, por me vonesë. Ndoshta ishte e planifikuar, por duket se është kuruar me kujdes, duke zgjedhur dhe një kostum ngjyrë bezhë.
TIRANË- Partia Socialiste feston 31-vjetorin e themelimit të saj, ndërsa festa zhvillohet në oborrin e selisë. Ftesë për sot ka shkuar edhe Lëvizjen Socialiste për Integrim, por Monika Kryemadhi ka munguar. Në vend të saj, tek socialistët kanë shkuar deputetja e LSI-së Erisa Xhixho dhe sekretari i Përgjithshëm i LSI-së, Endrit Braimllari.
TIRANË- Nis festa e 31-vjetorit të themelimit të Partisë Socialiste. Kryebashkiaku i Tiranë, Erion Veliaj, Blerina Gjylameti, Etien Xhafaj dhe Damian Gjiknuri presin të ftuarit tek hyrja. Të vendosur në radhë pas njëri-tjetrit, ata takojnë të gjithë ata që hyjnë në zonën ku po zhvillohet festa, duke i përshëndetur e duke u dhënë dorën.
TIRANË- Partia Socialiste po feston sot 31 vjetorin e krijimit të saj. Në nder të kësaj dite, është planifikuar një organizim festiv nga partia para selisë rozë.
Para selisë janë vendosur disa tavolina për të ftuarit, ndërkohë që nuk do të mungojnë edhe aleatët e kësaj partie ndër vite. Një ftesë i është dërguar edhe kryetares së LSI-së, Monika Kryemadhi, ftesë të cilës, ajo i është përgjigjur negativisht.
Gjithashtu mësohet se sot nuk do të mbahet fjalime nga asnjë zyrtar i kësaj partie, ndërkohë që as gazetarët nuk do të lejohen.
TIRANË- Partia Socialiste e Shqipërisë feston sot 31-vjetorin e themelimit të saj me rastin e së cilës do të mbahet një ceremoni festive në ambilentet e selisë rozë.
Burime pranë PS-së bëjnë me dije se ceremonia do të mbahet sot pasdite në orën 19:00 në oborrin e kësaj force politike dhe njoftohet se përpos figurave të njohura gjatë viteveve në PS ftesë u është dërguar edhe LSi-së dhe PDIU-së, ndërkohë që nga Partia Demokratike nuk ka asnjë të ftuar.
Kryeministri Edi Rama nuk nguroi të uronte përvejtorin e Partisë ku falendendoi çdo individ që ka kontribuar në PS, që nga patronazhistët e thjeshtë e deri tek Fatos Nano, ish-lideri dhe themeluesi i saj.
TIRANË- Kryeministri Edi Rama e ka nisur mëngjesin e së dielës duke uruar 31-vjetorin e krijimit të Partisë Socialiste.
Në një postim në Facebook Rama shkruan se urimin për ditëlindjen e PS-së ja jep të gjithëve duke nisur nga patronazhisiti më i thjeshtë e deri tek themeluesi Fatos Nano.
Postimi i plotë:
MIRËMËNGJES
dhe me urimin për ditëlindjen e Partisë Socialiste, të gjithë atyre që i kanë dhënë dje dhe i japin sot #PS që nga patronazhisti më i thjeshtë, tek drejtuesit në territor e deri tek themeluesit e saj dhe lideri Fatos Nano, ju uroj të gjithëve ju një të diel të qetë.
Me rastin e 31-vjetorit sot do të mbahet dhe një festë në orën 19:00 në oborrin e selisë rozë. Përveç socialistëve, të ftuar të tjerë do të jenë edhe shumë personazhe të tjerë të politikës, përveç Partisë Demokratike.
