Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
• Nesër mbushen 15 vite nga përvjetori i shpalljes së Pavarësisë së Kosovës. • Presidenti i Shteteve të Bashkuara të Amerikës, Joe Biden ka uruar Kosovën për 15-vjetorin e Pavarësisë. • Biden i janë bashkuar edhe homologë të tjerë, përfshirë Emmanuel Macron, edhe ai shqiptar Bajram Begaj. • Ky i fundit ka shkuar në Prishtinë për të marrë pjesë në festimet e nesërme. • Nesër priten festime, ndërkohë që nuk dihet nëse politikanë nga Shqipëria do i bashkohen festës. •Kosova e ka shpallur pavarësinë më 17 shkurt 2008, por Serbia ende nuk e njeh si shtet të pavarur. • Të dyja palët kanë rënë dakord në parim që të dialogojnë me një propozim nga Bashkimi Europian, i ashtuquajtur plani franko-gjerman për normalizimin e marrëdhënieve, por propozimi ende nuk është bërë publik.
3 artikuj për këtë temë.
KOSOVË- Në prag të 15-vjetorit të Pavarësisë së Kosovës, kryeministri Albin Kurti priti presidentin e Shqipërisë, Bajram Begaj.
“Takimi filloi me falënderimin e kryeministrit Kurti për vizitën dhe për pjesëmarrjen e presidentit Begaj në kremten zyrtare të përvjetorit të Pavarësisë. Duke i uruar kryeministrit Kurti dhe popullit të Kosovës 15-vjetorin e shpalljes së pavarësisë, presidenti Begaj u shpreh se Republika e Shqipërisë i gëzohet sukseseve të Kosovës dhe i qëndron pranë në synimet e saj”, thuhet në njoftimin e zyrës për informim të Kryeministrit.
Bëhet e ditur se ata folën për marrëdhëniet e afërta ndërmjet dy vendeve, bashkëpunimin e ngushtë, por edhe për domosdoshmërinë e kohës për sa më shumë koordinim dhe bashkërendim.
“15 vjet pas pavarësisë së Kosovës, Kosova dhe Shqipëria kanë gjithsej 171 marrëveshje, protokolle e memorandume në fusha si ajo e sigurisë, tregtisë, arsimit e kulturës. Vetëm në dy mbledhjet e fundit të dy qeverive janë nënshkruar 41 marrëveshje, zbatimi i të cilave ka pasur ndikim të drejtpërdrejtë në jetën e qytetarëve, bizneseve e më gjerë dhe ka zgjidhur problematika të mbartura ndër vite”, thuhet në njoftim.
Gjithashtu, bëhet e ditur se Kurti dhe Begaj diskutuan për rëndësinë e zbatueshmërinë sa më lart të marrëveshjeve të nënshkruara e prej të cilave përfitojnë, para se gjithash, e më së shumti qytetarët.
“Çështje trajtimi ishin edhe zhvillimet politike në të dy vendet, por edhe në rajon, sikurse edhe raportet ndërmjet Kosovës dhe Serbisë, në kuadër të dialogut të ndërmjetësuar nga Bashkimi Evropian. Kryeministri Kurti e falënderoi presidentin Begaj për interesimin, angazhimin dhe mbështetjen e vazhdueshme të tij për Republikën e Kosovës dhe institucionet e saj”, përfundon njoftimi.
SHBA- Presidenti i Shteteve të Bashkuara, Joe Biden, ka uruar Kosovën për 15-vjetorin e shpalljes së pavarësisë, duke u zotuar se Uashingtoni do të vazhdojë mbështetjen për Prishtinën. Në letrën dërguar presidentes së Kosovës, Vjosa Osmani, Biden ka shprehur mbështetjen e tij për dialogun për normalizimin e raporteve me Serbinë, që ndërmjetësohet nga Bashkimi Evropian.
“SHBA-ja do të vazhdojë të mbështesë integrimin e Kosovës në institucionet euroatlantike dhe dialogun e ndërmjetësuar nga BE-ja për normalizimin e raporteve me Serbinë. Ne mirëpresim pranimin e propozimit të BE-së për normalizim, me synimin përfundimtar të njohjes reciproke, që do të ndihmonte të arrihej një e ardhme më paqësore dhe prosperuese për popullin e Kosovës dhe Serbisë”, thuhet në letrën e Bidenit.
Kosova ka shpallur pavarësinë më 17 shkurt 2008, por pavarësia e saj kundërshtohet ende nga Serbia, që e konsideron Kosovën pjesë të saj. Kosova dhe Serbia zhvillojnë dialog për normalizimin e raporteve që nga viti 2011, nën ndërmjetësimin e BE-së. Ky proces mbështetet edhe nga Shtetet e Bashkuara.
BRITANI E MADHE- Ylli ndërkombëtar i muzikës me origjinë nga Kosova, Rita Ora, ka bërë një urim për shqiptarët e Kosovës me rastin e 15-vjetorit të Pavarësisë. Në një video-mesazh për transmetuesin publik të Kosovës, Rita nuk nguroi të shprehte edhe një herë mirënjohjenpër bashkëkombësit e saj, që e mbështetën gjithmonë në rrugën drejt suksesit.
“Përshëndetje RTK, jam Rita Ora. Do të mund të flisja pa u ndalur për rrugëtimin tim me njerëzit e mi në Kosovë. Urime Pavarësia Kosovë dhe faleminderit për të gjitha këto vite krenarie dhe mbështetjeje”, thotë Ora.
Video-mesazhi i plotë i këngëtares shqiptare do të transmetohet i plotë në koncertin festiv të RTK-së me rastin e përvjetorit të Pavarësisë, të titulluar “Rrno për me tregue”.
Rita ka qenë e para këngëtare shqiptare nga Kosova e cila ka depërtuar në tregun e huaj të muzikës.
