Aktualitet

Ishte duke ngrënë mëngjes/ Ekzekutohet me snajper shqiptari në Brazil, Ilir Zelka vdiq në spital, autori e ndiqte prej kohësh (FOTO)

Një tjetër shqiptar i vrarë në Amerikën Latine. 47-vjeçari Ilir Zelka është qëlluar me snajper teksa po hante mëngjes në një restorant në një prej zonave më të shtrenjta të Brazilit. Ai është vrarë me snajper nga një i ri, që e ka qëlluar dhe më pas ka braktisur mjetin e tip motoçlikletë. Nuk dihen ende detajet se përse është vrarë shqiptari, i cili nuk është i njohur në vendin tonë.
Featured image of article: Ishte duke ngrënë mëngjes/ Ekzekutohet me snajper shqiptari në Brazil, Ilir Zelka vdiq në spital, autori e ndiqte prej kohësh (FOTO) Pamje nga vendngjarja

BRAZIL- Një tjetër shqiptar është ekzekutuar në Amerikën Latine. Bëhet fjalë për shqiptarin Ilir Zelka. 47-vjeçari shqiptar u ekzekutua ditën e djeshma teksa ishte ulur në një restorant të quajtur “Zyrich” në një prej lagjeve më të pasura të Sao Paolos. 

Sipas mediave të huaja, vrasësi i Zelkës përdori një motoçikletë për t;ju afruar shënjestrës së tij, duke e qëlluar me armë zjarri teksa ai po hante mëngjesin në restorant. Dëshmitarët pretendojnë se autori i veshur me një bluzë të kuqe dhe kokore rozë ka përdorur një snajper për të eliminuar shqiptarin, por Policia ka marrë kamerat e sigurisë për të mësuar dinamikën e ngjarjes. 

Edhe pse i qëlluar, Zelka arriti t’u mbijetojë plagëve të marra duke rezistuar deri në spital, por edhe pse mori kujdes mjekësor, sërish nuk mundi të shpëtojë. Edhe pse pa me sytë e tij se shënjestra po futej në ambulancë, autori nuk ka kthyer kokën pas dhe është larguar menjëherë nga vendngjarja. Ai ka braktisur motorin dhe ka ndryshuar rrobat për të mos iu përshtatur përshkrimit që do të transmetohej në radiot e efektivëve.

Për më shumë bëhu pjesë e grupit më viral në Facebook, Dosja.al

Sipas menaxherit restoranit, Osmar Américo dos Santos, viktima prej dy javësh shkonte rregullisht në lokalin e tij për të konsumuar të tre vaktet, çka tregon se autori e ka ndjekur dhe e ka studiuar për një kohë të gjatë. Po ashtu u mësua se Zelka kishte qëndruar në një hotel në Jardins që nga 20 nëntori.

Deri më tani nuk ka asnjë pistë për vrasjen e shqiptarit, megjithatë nuk përjashtohet prishja e pazareve të drogës. Vetëm pak ditë më parë në Ekuador u vra Adriatik Treska, i përfshirë në trafikun e drogërave nga Amerika Latine drejt Europës.

(k.m/dosja.al)

  • 20:34

    FOTO: Mbeti vetëm shenja në mur…brenda restorantit ku u vra shqiptari Ilir Zelka, pasojat që la pas plumbi

    Fotoja e mëposhtme është siguruar nga brenda lokalit ku u vra shqiptari ditën e djeshme në Sao Paolo. Në mur ka mbetur shenja e plumbit të lëshuar nga snajperi, që më herët përshkoi trupin e Ilir Zelkës.

    Shenja në mur
  • 20:34

    Biznesmen apo…? Kush është shqiptari i vrarë në Brazil, ish-ortak i kompanisë në Çeki, hoqi dorë dhe iku në Sao Paolo

    Detaje të reja janë mësuar lidhur me të shkuarën e Ilir Zelkës, shqiptarit që u vra në Brazil ditën e djeshme. Rezulton se 47-vjeçari ka qënë pronar i një firmë në Çeki, e cila mban ende mbierin e tij. Por më 9 mars të 2019 ai ka hequr dorë si ortak.

  • 19:25

    Autori e ndiqte këmba-këmbës! U qëllua me snajper, shqiptari dha shpirt në spital, nuk u mbijetoi dot plagëve

    Mjeti i autorit

    Shqiptari Ilir Zelka u qëllua për vdekje me snajper në Sao Paolo të Brazilit. Mësohet se 47-vjeçari shqiptar ka shkuar gjallë në spital, por pavarësisht ndihmës mjekësore që ka marrë, nuk ka mundur të mbijetojë. Dyshohet se vrasësi i tij, e kishte ndjekur prej kohës shqiptarin, pasi dinte se prej dy javës ai konsumonte të treja vaktet e ditës në të njëjtin restorant.

  • 20:15

    E vranë me ‘bukë në gojë’/ Detaji rrëqethës nga vrasja e Ilir Zelkës, shqiptari frekuentonte vetëm lagjen “Jardins”, më e shtrenjta në Sao Paolo

    Ilir Zelka, 47 vjeç, është qëlluar me snajper, teksa po hante mëngjes në një prej restoranteve të zonës së njohur si Jardins, një prej më të shtrenjtave të Brazilit. Në momentim kur autori ka qëlluar mbi të, 47-vjeçari ka qënë duke konsumuar mëngjesin, por ka rënë në tokë menjëherë.Sipas mediave vendase, shqiptari që prej 20 nëntorit ishte vendosur në një prej hoteleve të zonës, ndërsa shkonte tre herë në ditë në restorant për të konsumuar vaktet.

  • 19:06

    ME FOTO nga Brazili! Pamjet nga vendi ku u vra shqiptari Ilir Zelka, Policia rrethon zonën, s’mungojnë as kureshtarët

    Dalin pamje nga vendi i ngjarjes ku u vra shqiptari Ilir Zelka në Sao Paolo të Brazilit. Sipas mediave vendase ai është qëlluar për vdekje teksa po darkonte brenda një restoranti.

    Në pamjet e publikuara duket qartë rruga e mbuluar me gjak, ndërkohë që e gjithë zona është rrethuar nga Policia.

Shto Koment