Politike

COVID dhe çelja e negociatave, Meta: Gjermania në krye të BE-së, momenti i rëndësishëm për ne. Hesht për datën e zgjedhjeve

Kreu i shtetit, Ilir Meta ka kërkuar që fokusi i të gjitha lëvizjeve politike në vend të jetë tek çelja e negociatave me BE-në. Në fjalën e tij, Meta folur për situatën e koronavirusit në vend, emërimet në KED por nuk iu përgjigj pyetjes nëse do të dekretonte zgjedhje në fund të prillit.
Featured image of article: COVID dhe çelja e negociatave, Meta: Gjermania në krye të BE-së, momenti i rëndësishëm për ne. Hesht për datën e zgjedhjeve Ilir Meta

TIRANË– Presidenti i Republikës, Ilir Meta ka vënë theksin tek përballimi i situatës së koronavirusit dhe nisja e përgatitjes për plotësimin e kushteve për çeljen e negociatave me Bashkimin Europian. Në fjalën e tij, Meta njoftoi se së shpejti do të takohet me ministren e Shëndetësisë, Ogerta Manastirliu, për të rishikuar situatën e koronavirusit në vend, duke mos e përjashtuar edhe një mbledhje tjetër të Këshillit të Sigurisë në vend. 

Më tej, Meta shprehu se opinionin me rekomandimet e Komisionit të Venecias mbi emërimet në Gjykatën Kushtetuese ua ka dorëzuar të gjitha institucioneve, ndërsa i kërkoi KED që të shqyrtojë kandidaturat për 3 vendet vakante në Kushtetuese. I pyetur për dekretimin e zgjedhjeve në fund të muajit prill, kreu i shtetit nuk iu përgjigj pyetjes duke u shprehur se në fokus duhet të ishte çelja e negociatave me BE-në.

Nuk kaloi pa u përmendur edhe qëndrimi i Metës për rishikimin e kufirit Kosovë-Serbi. Meta, nuk e komentoi pyetjen e gazetarëve për një përfshirjë të mundshme të kryeministrit Edi Rama.

Për më shumë bëhu pjesë e grupit më viral në Facebook, Dosja.al

Në fund, kreu i shtetit bëri me dije se ekspertët e tij kanë nisur verifikimet lidhur me pretendimet e kryedemokratit Lulzim Basha se një pjesë e territorit të bazës ushtarake në Sarandë po bëhet gati nga qeveria që t’u jepet oligarkëve.

(k.m/dosja.al)

  • 14:05

    “A ka gisht Rama në idenë e shkëmbimit të territoreve Kosovë-Serbi?!” Meta i prerë: E ardhmja e dy shteteve, në BE

    Presidenti Ilir Meta deklaroi sërish sot se është kundër planit për rishikimin e kufirit Kosovë-Serbi. I pyetur mbi deklaratën e ish-këshilltarit të Trump, Bolton se ideja e shkëmbimit të territoreve ka ardhur nga vetë Prishtina dhe Beogradi, Meta tha se në të dy vendet duhet të respektohen minoritetet. Ai nuk iu përgjigj drejtpërdrejt pyetjes se a ka gisht Rama në idenë e shkëmbimit të territoreve Kosovë-Serbi, por theksoi se e ardhmja  dy shteteve është në BE.

    BISEDA: 

    Pyetje: Sipas Bolton, në idenë e Kosovës ka kontribuar edhe Tony Blair, i cili ka qënë këshilltar i kryeministrit Edi Rama. A mendoni se është implikuar edhe Rama?

    Meta:Vlerësoj se pa u bërë pjesë e deklaratave apo komenteve të diplomatëve apo ish-përfaqësuesve të institucioneve të ndryshme, e ardhmja e Kosovës dhe Serbisë duhet të jetë në BE. Është një objektiv i shpallur nga të dyja vendet dhe në BE pa asnjë diskutim cdo ide për ndryshim kufijsh nuk u shërben idesë së themeleve të Europës së bashkuar dhe është e rëndësishme të punohet për aplikimin e standardeve të BE, pasi nuk mund të ketë zgjidhje paqësore dhe europiane duke bërë llogari jo vetëm kufijsh por edhe qytetarësh në radhë të parë. Zgjidhja është që të gjithë qytetarët serbë në Kosovë, dhe shqiptarë në Serbi të gëzojnë të drejtat si cdo minoritet, kjo është e vetmja zgjidhje paqësore dhe konstruktive dhe europiane. Nuk besoj se Ballkani ka nevojë për zgjidhje të vjetra Ballkanike, që kanë treguar se e shkatërrojnë të ardhmen. Pavarësisht nga një informacion i tillë, falënderoj Britaninë për kontributin që jep për anëtarsimin e Shqipërisë në BE, dhe shpresojmë që edhe Britania të rikthehet.
  • 14:03

    Denoncimi i Bashës për bazën ushtarake në Sarandë, Meta: Po bëj verifikimet e mia!

    Ilir Meta u shpreh se ka nisur verifikimet pas denoncimit të kryedemokratit Lulzim Basha, i cili pretendoi se në sekret të plotë qeveria po u jep oligarkëve një pjesë të territorit të bazës ushtarake në Sarandë.

    “Hetimet i zhvillon prokuroria, por si president, sapo jam njohur me një pretendim të tillë, kërkova nga ekipi im i sigurisë kombëtare që të bëjnë verifikimet që pastaj të kemi një qëndrim edhe publik edhe sa më të saktë” tha ai.

  • 13:44

    Çelja e negociatave me BE-në, Meta me sytë nga Gjermania: Kanë marrë Presidencën, e rëndësishme për ne

    Presidenti Ilir Meta e ka konsideruar si një “ogur” të mirë marrjen e presidencës së BE-së nga Gjermania. Në fjalën e tij, në takimin e përjavshëm me gazetarët, Meta ka këmbëngulur në angazhimin e plotë të të gjitha palëve për çeljen e negociatave të vendit me BE-në.  Më tej, Meta ka përgëzuar edhe kalimin e emrit të ri në krye të KLSH-së, Arben Shehu, duke treguar detaje edhe nga vizita me paraardhësin e tij, Bujar Leskajn.

    Dua të përshëndes votimin e Kuvendit për zgjedhjen e KLSH-së. Me këtë rast falenderoj 3 kandidatët e parë, ishin dinjitoz dhe përfaqësues por nuk u aprovuan. Uroj që ta drejtojë KLSH-në i pavarur, i paanshëm. Para se të vija këtu takova dhe prita zotin Bujar Leskaj, ish-kreun e KLSH-së. E falenderova për punën që ka bërë. I ofroj mbështetjen time KED dhe të përfundojë në kohë përfundimin e tre vendeve vakante në Gjykatën Kushtetuese. Të anagazhohemi të gjithë për kushtet e çeljes së negociatave. Drejtimin e BE-së e ka marrë Gjermania dhe kjo është periudhë e rëndësishme për ne. Duhet të merremi me përballimin e pandemisë dhe kushtet e BE-së,”-u shpreh Meta.

  • 13:37

    Zgjedhje në fund të prillit? Meta nuk i përgjigjet pyetjes: Prioritet vetëm çelja e negociatave!

    Presidenti Ilir Meta është pyetur nëse do të shpallë zgjedhjet pas miratimit të draftit të Reformës Zgjedhore. Meta e anashkaloi pa përgjigje pyetjen duke u shprehur se fokusi i Shqipërisë duhet të jetë vetëm çelja e negociatave me BE-në.

    PJESË NGA KONFERENCA:

    PYETJE: Si kreu i Sigurisë Kombëtare, a keni kërkuar informacion lidhur me ekzistencën e sekteve që nxisin ngjarje të tilla si ajo e Kombinatiy. Dhe drafi i KP përcakton periudhën 15 prill-15 maj për zgjedhje, a do t’i përmbaheni betimit tuaj për shpalljen e zgjedhjeve në të dielën e fundit të muajit prill?

    Meta: Jam i shokuar, kam kërkuar informacione. Dhe do të mbajnë përgjegjësi. Dua të theksoj rëndësinë e ruajtjes së prioritetit për çeljen e negociatave.  Miratimi i Zgjedhores është kushti i parë, nuk janë vetëm formale. Kështu që faleminderit dhe do të dëgjohemi sërish.

  • 13:25

    Sërish mbledhje të Këshillit të Sigurisë për COVID-19? Meta se përjashton: Fillimisht takohem me Manastirliun, pastaj nëse qeveria…

    Presidenti Ilir Meta gjatë konferencës me gazetarët, u është përgjigjur edhe pyetjeve të tyre në vend të fjalës së tij. Meta u shpreh se do të takohet me ministren e Shëndetësisë, Ogerta Manastirliun për të rishikuar edhe njëherë masat e marra.

    PYETJE: Situata me koronavirus, do të kërkoni mbledhjen e Këshillit të Sigurisë Kombëtare?

    Meta: Kam takuar një takim me ministren e Shëndetësië dhe të gjykojmë çfarë mbështetjen që mund të ofrojë presidenti. Duket që ka një shkujdesje, që ka sjellë një përkeqësim të treguesëve, Kjo nuk na ndimhmon të hapemi me rajonin. Nëse qeveria e gjykon të favorshme ne do jemi gati. Por duhet transparencë, profesionalizëm dhe masa konkrete.

Shto Koment