Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANË– Policia e Shtetit ka arrestuar dy të dyshuarit kryesorë për vrasjen e taksistit 71-vjeçar, Abdulla Budlla disa ditë më parë në Fushë Prezë. Burime për Dosja.al bëjnë me dije se në pranga kanë rënë dy vëllezërit Saimir dhe Arsil Shera, përkatësisht 32 dhe 20 vjeç, të dy banues në Rinas. Saimir Shera ka qënë i dënuar edhe më parë, ndërsa tani të dy akuzohen për veprat penale: “vrasje me paramendim” e kryer në bashkëpunim dhe “Armëmbajtja pa leje”.
Mësohet se dy vëllezërit Shera dhe taksisti 71-vjeçar ishin të afërm dhe si pasojë e një konflikti të lindur së fundmi mes tyre, të rinjtë kanë vendosur që ta eliminojnë të moshuarin. Në dëshminë e tyre në Polici, ata kanë pranuar vrasjen, duke u shprehur se i moshuari u kishte ngacmuar të afërmen dhe pavarëisht bisedave dhe konflikteve fizike me tëm, Budlla nuk kishte hequr dorë, duke “detyruar” dy të rinjtë të kryenin vrasjen.
Por gjatë operacionit për kapjen e autorëve, Policia ka pikasur edhe një shkelës tjetër të ligjit që nuk ka lidhje me vrasjen. Teksa po kryeheshin kontrolle të befasishme në disa banesa të zonës për kapjen e dy vëllezërve, është prangosur 29-vjeçari Gresian Çela, lindur në Fushë Krujë, i cili akuzohet për: “prodhim dhe shitje e narkotikëve” dhe “armëmbajtje pa leje”. Në biznesin e tij Policia gjeti dhe seksuestroi: një armë zjarri pistoletë, një shotgun, 60 gr. lëndë e dyshuar narkotike kokainë, një sasi të konsiderueshme në lekë, euro, paund, dollarë e franga zvicerane, një aparat celular dhe një automjet tip “Mercedes Benz”.
NJOFTIMI I PLOTË:
DVP Tiranë
Finalizohet operacioni policor i koduar “Brothers”. Operacioni nga Sektori për Hetimin e Krimeve të Rënda ndaj Jetës dhe Pronës, në bashkëpunim me Sektorin e Forcës së Posaçme Operacionale në DVP Tiranë. Zbardhet ngjarja e ndodhur më datë 03.08.2020, në rrugën nacionale Fushë Krujë – Vorë, në kryqëzimin e rrugës së Rinasit, ku u vra me armë zjarri 71-vjeçari A. B.
Identifikohen, kapen dhe vihen në pranga 2 vëllezër, të dyshuar si autorë të vrasjes. Gjatë operacionit u vu në pranga edhe një 29-vjeçar, pasi gjatë kontrollit iu gjetën armë dhe drogë. Si rezultat i një punë të mirorganizuar dhe të pandërprerë për zbulimin, dokumentimin dhe kapjen e autorëve të kësaj ngjarjeje, nga Sektori për Hetimin e Krimeve të Rënda ndaj Jetës dhe Pronës, nën drejtimin e Prokurorisë Pranë Gjykatës së Shkallës së Parë Tiranë, falë provave të siguruara, në bashkëpunim me Sektorin e Forcës së Posaçme Operacionale në DVP Tiranë, u zhvillua operacioni Policor “Brothers”, në kuadër të të cilit u bë i mundur, identifikimi, lokalizimi, kapja dhe ndalimi i autorëve të dyshuar të kësaj ngjarjeje, konkretisht i dy vëllezërve:
S. Sh., 32 vjeç, i dënuar më parë dhe A. Sh., 20 vjeç, banues në Rinas, Krujë, për veprat penale “Vrasja me paramendim” e kryer në bashkëpunim dhe “Armëmbajtja pa leje”. Gjatë operacionit, Policia gjeti dhe sekuestroi edhe mjetin që kanë përdorur dy vëllezërit për të kryer krimin.
Gjithashtu , po gjatë zhvillimit të këtij operacioni dhe kontrolleve të befasishme të kryera në disa banesa të dyshuara, Policia arrestoi në flagrancë, për veprat penale “Prodhimi dhe shitja e narkotikëve” dhe “Armëmbajtja pa leje”, shtetasin G. Ç., 29 vjeç, lindur në Fushë Krujë
Gjatë kontrollit të ushtruar në ambientet e biznesit të 29-vjeçarit, shërbimet e Policisë gjetën dhe sekuestruan në cilësinë e provës materiale: një armë zjarri pistoletë, një shotgun, 60 gr. lëndë e dyshuar narkotike kokainë, një sasi të konsiderueshme në lekë, euro, paund, dollarë e franga zvicerane, një aparat celular dhe një automjet tip “Mercedes Benz”. Nën drejtimin e Prokurorisë Pranë Gjykatës së Shkallës së Parë Tiranë, vijon puna për dokumentimin e plotë ligjor të ngjarjes.
Abudlla Budlla, 71 vjeç baba i 3 djemve dhe 1 vajze u ekzekutua pasditen e 3 gushtit në zonën e Fushë Prezës në aksin që lidhet me aeroportin e Rinasit,ku edhe ishte parkuar me mjetin e tij si çdo ditë punë. Ndaj tij u afrua një mjet tip “Volkswagen”, dhe qëlloi me breshëri disa herë duke e lënë të vdekur në vend. Në vendngjarje nuk u gjet asnjë gëzhojë edhe pse ndaj tij ishte shtënë disa herë. Abdulla Budlla ishte një person pa precedent të mëparshëm penal e që njihej nga fqinjët në fshatin Ahmetaq si një njeri i qetë dhe shembullor. Por me arrestimin e të dyshuarve kryesore për ngjajren pritet që të mësohet edhe motiv lidhur me vrasjen e tij.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
GJIROKASTËR- Detaje të reja kanë dalë nga vrasja e 57-vjeçarit, Gëzim Saraçi në Gjirokastër. Burime për Dosja.al bëjnë me dije se autori Miha...
GJIROKASTËR- Policia e Gjirokastrës ka arrestuar aurtorin e vrasjes së 57-vjeçarit, Gëzim Saraçi. Uniformat blu bëjnë me dije se pas 6 orë kë...
SHQIPËRI– Eksperti i Shëndetit Publik, Erion Dasho ka deklaruar se hallkat e sisitemit shëndetësor në Shqipërisë nuk funksionojnë edhe gjatë kësaj periudhe...
SHQIPËRI- Sot mos dilni pa çadër nga shtëpia. Meteoalb parashikon se gjatë mesditës do të ketë vranësiria dhe shira në të gjithë territorin. Tempera...
TIRANË- Dosja.al ju sjell një përmbledhje të portaleve në vend dhe lajmet e tyre kryesore. Dosja.al ka në faqe të parë thirrjen e Ilir Metës për qeverinë, ...
LIBAN-E gjithë bota është sensibilizuar pas tragjedisë në kryeqytetin e Libanit, Bejrutin. Gjatë ditës së djeshme është krijuar një fond nga organizata jo-fitim...
EMIRATET E BASHKUARA ARABE- Në Dubai, të infektuarit me Covid-19, tashmë nuk kanë më nevojë që t’i nënshtrohen një testi për ta kuptuar këtë gjë. Ata por zbuloh...
ELBASAN-Një aksident i rëndë është regjistruar mbrëemjen e sotme në Elbasan. Mësohet se një këmbësor është përplasur për vdekje nga një makinë. Identiteti i vik...
TIRANË- Mjekja Lida Shosha ka reaguar sot për situatën e COVID-19 dhe ka një mesazh për të gjithë ata që nuk ekzistojnë tek koronavirusi. Në një postim në ...
