Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Tiranë- Ish-deputeti i Partisë Demokratike, Bardh Spahia ka deklaruar sot se më 15 prill në ministrinë e Shëndetësisë u dogjën dokumente, pas denoncimit të tenderave sekretë. Në një deklaratë për mediet Spahia ka publikuar edhe një e-mail, ky sipas tij në të thuhet se ka rënë zjarr në katin e katërt të godinës dhe janë djegur letra dhe dokumente.
“Në datën 15 Prill, në orën 18:00, në Ministrinë e Shëndetësisë janë djegur dokumente. Pas rënies së alarmit për zjarr, rojet e godinës kanë konstatuar djegien e dokumenteve në katin e katërt të godinës. Siç e shikoni, kjo nuk është fantazi e jona. Është një email zyrtar i Ministrisë së Shëndetësisë, që provon rënien e zjarrit dhe djegien e dokumentave në katin e Zyrës së Prokurimeve, pikërisht atë që mohoi dje paturpësisht Ministrja e Vjedhjeve COVID, Ogerta Manastirliu.”, shprehet ai. Në email shkruhet:“Pas kontrolleve rezultoi se u gjetën letra të djegura dhe të shuara me ujë në katin e katërt të ndërtesës, tymi i të cilave aktivizoi sinjalin e alarmit”.
Por nuk ka munguar edhe një reagim ministria e Shëndetësisë, ku theksohet se nuk ka rë nënë zjarr por ka ndodhur një incident, i shkaktuar nga një punonjëse. Sipas ministrisë, ndaj punonjëses është marrë masë administrative.
Deklarata e plotë e Bardh Spahisë:
Bashkëpunëtorja e Edi Ramës në vjedhje Ogerta Manastirliu, gënjeu publikisht dje, duke fshehur faktin se në Ministrinë e Shëndetësisë janë djegur dokumente.
Ajo e dinte shumë mirë se informacioni i bërë publik nga Kryetari i Partisë Demokratike Lulzim Basha ishte i vërtetë, por zgjodhi të mashtrojë qytetarët.
Arsyet dhe përgjegjësit duhet t’i zbulojë Prokuroria e Posaçme Antikorrupsion, që vazhdon të flerë mbi hirin e korrupsionit. Detyra jonë është të bëjmë publike provat:
• Se në Ministrinë e Shëndetësisë ka rënë zjarr.
• Se zjarri ka rënë në katin e Zyrës së Prokurimeve, ku ndodhen kontratat sekrete të tenderave korruptivë të denoncuar prej nesh që në datën 6 prill
• Dhe se janë djegur dokumenta, që më pas, janë shuar me ujë.
Një muaj më parë, ne denoncuam zhvillimin e procedurave korruptive të tenderimeve me kontrata sekrete. Për disa ditë me radhë, u provuam shqiptarëve me fakte dhe të dhëna të pakundërshtueshme, se Qeveria po vidhte me tendera sekret në këtë periudhë epidemie, kur gjendja ekonomike e shqiptarëve përkeqësohej çdo ditë. Qeveria heshti për këto vjedhje. SPAK-u po ashtu. Edhe më herët, ne kemi denoncuar se qeveria po e përdor heshtjen si strategji për të fituar kohë për fshehjen e gjurmëve të krimit dhe zhdukjen e provave. Ky krim është kryer përmes djegies. Aq shumë dokumente janë djegur në Ministrinë e Shëndetësisë brenda një dite, sa është aktivizuar sinjali antizjarr.
E vërteta është kjo.
Në datën 15 Prill, në orën 18:00, në Ministrinë e Shëndetësisë janë djegur dokumente. Pas rënies së alarmit për zjarr, rojet e godinës kanë konstatuar djegien e dokumenteve në katin e katërt të godinës. Siç e shikoni, kjo nuk është fantazi e jona. Është një email zyrtar i Ministrisë së Shëndetësisë, që provon rënien e zjarrit dhe djegien e dokumentave në katin e Zyrës së Prokurimeve, pikërisht atë që mohoi dje paturpësisht Ministrja e Vjedhjeve COVID, Ogerta Manastirliu. Hajdutëria me tenderat sekret është aq e madhe, saqë nga një krim korrupsioni, qeveria e Edi Ramës po kryen edhe një tjetër vepër penale, siç është asgjësimi dhe fallsifikimi i dokumenteve shtetërorë për të zhdukur provat e megavjedhjes me mjetet mbrojtëse për mjekët, me maskat antiCOVID, me kitet e testimit, me pajisjet shëndetësore të respiratorëve.
Në email thuhet shprehimisht: “Pas kontrolleve rezultoi se u gjetën letra të djegura dhe të shuara me ujë në katin e katërt të ndërtesës, tymi i të cilave aktivizoi sinjalin e alarmit”.
Fakti që Ogerta Manastirliu u investua personalisht dje për të mohuar zjarrin dhe djegien e dokumentave, duke sulmuar kreun e opozitës me akuzat shabllon të dala boje, provon se ajo është e përfshirë direkt në vjedhje.
Është vjedhja e shqiptarëve të varfëruar, së bashku me klientet e veta FARMANET, EUROMED, O.E.S. DISTRIMED, që e detyroi Ogerta Manastirliun të mashtrojë qytetarët.
Është blerja me dy deri në katër fish e mjeteve mbrojtëse për mjekët, e kiteve të testimit apo respiratorëve, që ka detyruar Ministren të urdhërojë djegien e dokumenteve dhe fshehjen e ngjarjes.
Është babëzia për të vjedhur paratë e shqiptarëve që i detyron të zhyten edhe më shumë në krim, duke i vënë zjarrin dokumenteve apo duke zhdukur provat.
Çdo qytetar që ka humbur vendin e punës, çdo qytetar që e merr të përgjysmuar rrogën, çdo tregtar që kjo qeveri e ka zhytur më borxh, çdo shqiptar që po vuan padrejtësinë e kësaj qeverie sot ka të drejtë të ndjehet i tradhëtuar prej saj. Vjedhja e qytetarëve në kohë pandemie është tradhëti kombëtare.
Qytetarët e varfëruar edhe më shumë këtë kohë nga abuzimi, keqpërdorimi i parave të tyre dhe nga mungesa e mbështetjes nga shteti, kërkojnë drejtësi. Hajdutët në kohë pandemie duhet të shkojnë në burg!
Partia Demokratike kërkon nga Prokuroria e Posaçme Antikorrupsion SPAK, të përfshijë në hetimin e kësaj çështje edhe djegien e dokumenteve më 15 Prill, siç e tregon ky email zyrtar, si dhe fshehjen e të vërtetës nga Ministrja e Shëndetësisë, duke mohuar publikisht rënien e zjarrit.
Ne kemi paralajmëruar që në fillim, tentativën e Edi Ramës dhe Ogerta Manastirliut për të manipuluar provat, për t’i zhdukur apo ndryshuar ato. Ky është një krim i ri, që duhet të hetohet pa asnjë vonesë.
Ditën e sotme janë zbardhur 5 pyetjet e SPAK për Manastirliun, për çështjen e tenderave sekretë. Në media u raportua se ministrja nuk i jep një përgjigje SPAK për tenderat sekretë. Për këtë ka reaguar menjëherë edhe ministria e Shëndetësisë, ku në të theksohet se ky institucion i ka kthyer një përgjigje SPAK-ut më datën 8 maj. Sipas MSH asgjë nuk është fshehur për këto tendera dhe se janë të hapur për hetime.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË- Ambasadori i BE në Shqipëri, Luigi Soreca, sot në Ditën e Evropës ka thënë se e ardhmja e Shqipërisë është në Bashkimi Evropian. Para nisjes së kon...
TIRANË- Kryeministri Edi Rama, sot në ‘Ditën e Evropës’ i ka bërë një ftesë Ilir Metës e Lulzim Bashës, që të ulen në një tryezë para hapjes së negociatave...
TIRANË- Opozita parlamentare do të kërkojë ndryshime dhe nuk do të miratojë draftin e reformës zgjedhore që do të miratojë Këshilli Politik, nëse nuk do të...
TIRANË- Kritikat publike të socialistit Ditmir Bushati për lidhjet e qeverisë me oligarkinë, për ligjin e Medias apo për dekriminalizimin në PS kanë shkakt...
TIRANË- Kreu i Partisë Demokratike, Lulzim Basha, ka reaguar kundër Kryeministrit Edi Rama, i cili e ftoi që të bashkëpunonte për të ardhmen e integrimit n...
TIRANË- Ish-kryeministri Sali Berisha, ka komentuar sot përballimin e pandemisë së COVID-19 nga qeveria e Edi Ramës. Në një intervistë për emsionin “Kjo Ja...
TIRANË- Ish-kryeministri Sali Berisha, ka analizuar sot fjalën e Kryeministrit Edi Rama në “Ditën e Evropës”. Sipas Berishës, Rama ka thënë se do ta udhëhe...
TIRANË- Kryeministri Edi Rama, sot në Ditën e Evropës, krah ambasadorit të BE në Shqipëri, Luigi Soreca, u shpreh se po vijon puna për ligjin e legalizimit...
TIRANË- Sekretari i Përgjithshëm i PD, i është përgjigjur ministres së Shëndetësisë, Ogerta Manastriliu, për zjarrin tek zyra e prokurimeve. Në një reagim,...
TIRANË- Kryetarja e LSI, Monika Kryemadhi, ka reaguar pas deklaratës së Edi Ramës, i cili u shpreh se po punohet për legalizimin e hashashit në vend. Në nj...
