Aktualitet

Merren në pyetje mjekët dhe nisin hetimet/ Vijon ‘horrori’ tek “Shefqet Ndroqi”, vetëhidhet nga dritarja pacienti i pestë me Covid-19, vdes në vend, vëllai i viktimës hedh akuza: Ç’i ndodhi, s’dimë asgjë! Spitali: Kemi bërë detyrën

  • VD: “Djali i madh qante!”/ Flet vëllai i të vetëvrarit te Sanatoriumi: Infermierët donin lekë
  • Vetëvritet pacienti i pestë me Covid-19 në Tiranë. Leonard Skabona u vëtëhodh nga dritarja e “Shefqet Ndroqit”. Skabona ishte në gjendje të rëndë. I shtruar prej 10 ditësh. Merren në pyetje mjekët e turnit.
    Featured image of article: Merren në pyetje mjekët dhe nisin hetimet/ Vijon ‘horrori’ tek “Shefqet Ndroqi”, vetëhidhet nga dritarja pacienti i pestë me Covid-19, vdes në vend, vëllai i viktimës hedh akuza: Ç’i ndodhi, s’dimë asgjë! Spitali: Kemi bërë detyrën Spitali Shefqet Ndroqi

    TIRANË– 60-vjeçari Leonard Skabona, banues në Rrëshen ka gjetur vdekjen mesnatën e kaluar, rreth orës 00:30, pasi u vetëhodh nga dritarja e dhomës së spitalit “Shefqet Ndroqi”. Policia me anë të një njoftimi zyrtar, njoftoi për një vetëvrasje në një nga spitalet e kryeqytetit, por Dosja.al zbuloi më pas, se bëhej fjalë për ‘horrorin’ e vetëvrasjeve të pacientëv me Covid-19.

    Skabona kishte dhjetë ditë që ishte shtruar në këtë spital dhe ishte ishte në gjendje të rënduar, në terapi intesive me sëmundje të tjera bashkëshoqëruese. Mesnatën e kaluar, ai u vetëhodh duke shënuar kështu vetëvrasjen e pestë ne spitalet Covid në vendin tonë.

    Nga ana tjetër, Policia ka rrethuar spitalin “Shefqet Ndroqi” dhe la sekuestruar kartelën mjekësore të pacientit dhe ka marrë në pyetje mjekët e turnit për të zbardhur ngjarjen.

    Mësohet se efektivët do të marrin në pyetje mjekët që po kujdeseshin për viktimën nga Rrësheni dhe të gjithë bluzat e bardha që ishin në turn mesnatën e kaluar kur ndodhi ngjarja. Pas marrjes në pyetje, pritet të zbardhen detaje në lidhje me dëshmitë e mjekëve. Ngjarja e rëndë ndodhi mesnatën që lamë pas. 

    Për më shumë bëhu pjesë e grupit më viral në Facebook, Dosja.al

    Nga ana tjetër spitali “Shefqet Ndroqi”, nga ku u hodh dhe gjeti vdekjen sot pacienti 60-vjeçar ka reaguar pas lajmit tronditës. Përmes një njoftimit zyrtar, stafi i spitalit universitar “Shefqet Ndroqi” shpreh dhimbjen për humbjen e jetës së 60-vjeçarit  teksa shton se në lidhje me rastin në fjalë po kryhen hetimet nga organet kompetente.  Në reagim thuhet se pacienti më datë 29 nëntor është transferuar në pavionin e katit të parë (mbi katin përdhes) ku edhe ka kryer aktin e rëndë. 

    Prokuroria ka nisur hetimet

    Ky është rasti i pestë që shënohet në vendin tonë. Më herët është vetëvrarë Reshat Grendi nga Fieri, Preng Gjonaj nga Tropoja, Hasan Mira nga Klosi dhe Xhino Koça nga Durrësi.

    (f.m/dosja.al)

    • 18:58

      “Djali i madh qante!”/ Flet vëllai i të vetëvrarit te Sanatoriumi: Infermierët donin lekë, i dhanë oksigjen tepër. Ka vuajtur shumë, përfundoi në hetuesi në kohën e Enverit

      Anton Skabona, vëllai i 60-vjeçarit Leonard Skabona i cili u hodh sot nga kati i dytë i spitalit “Shefqet Ndroqi” në një prononcim për “ABC” rrëfen detaje nga biseda e fundit. Anton Skabona, hodhi akuza mbi stafin mjekësor të spitalit, duke pretenduar se mjekët nuk i kanë dhënë mjekimin e nevojshëm vëllait të tij. Një ditë para se të kryente aktin vetëflijues, Leonard Skabona, u ka thënë familjarëve se ishte në gjendje të mirë shëndetësore, madje ka kërkuar t’i sillnin ushqime dhe rroba. Nga Nju Jorku, vëllai i viktimës, kërkon nga shteti zbardhjen e plotë të ngjarjes, ndërsa shton se Leonardi merrte edhe medikamente anti depresive.

      Kontakti i fundit ka qenë në datë 29 në orën 6 dhe më tha, më pyeti si je, si i ke fëmijët. Më tha jam më mirë, kam bërë testin dhe nuk i kishin dhënë rezultatin. I thash ke kujdes, mos shko në spital. Pasi foli me mua mori ambulancën dhe shkoi në spital. Kishte ethe dhe pak temperaturë. Unë i thash rri në shtëpi se ndoshta nuk ke covid. Më mori motra në telefon dhe më tha Nardi ka shkuar në spital. Tentuam të lidheshim me spitalin por nuk arritëm. Më pas u lidhëm përmes një shoqe dhe na thanë se ishte në gjendje të mirë. Motra më thotë mos u bëj merak se nuk është në gjendje të keqe. Pastaj cfarë ilaçesh dhe oksigjeni i kanë dhënë nuk e di“. Por a shfaqi shenja mërzitje në bisedën e fundit? “Jo, ishte shumë mirë vëllai. Po të ishte keq vëllai, se më parë ka qenë, ka pasur çrregullime dhe më pas është kuruar dhe ka dalë mirë. Ka qenë edhe në hetuesi në kohën e Enverit dhe ka vuajtur. Por kohët e fundit ka qenë mirë. 6 muajt e fundit ka qenë shumë mirë se merrte ilaçe. Nuk ka pasur probleme, se mund të hidhej nga pallati i vet, ku jeton në Laç, pse u hodh nga Sanatoriumi? Dua të çfarë ilaçesh i kanë dhënë vëllait” tha ai.

      Por çfarë dyshimesh ka familja? “Unë dyshoj që i kanë dhënë ose oksigjen tepër ose mjekim të gabuar. Dhe qeveria shqiptare nuk mund të vendosë dy hekura në dritare? Se vëllai im është i pesti që hidhet. Nuk ka personel? Dakord, po dy hekura për t’i vendosur? Unë kërkoj nga shteti që të zbardhet cfarë arsye e bëri vëllanë tim të hidhet nga dritarja se ai po të donte me u hedhur ishte hedhur në vend tjetër jo në spital. Dyshoj te mjekimi që i kanë dhënë mjekët” deklaron ai.

      Anton Skabona thotë se vëllait nuk i kishin kthyer përgjigje se ishte me koronavirus, pasi bëri tamponin. “Ne nuk na ka thënë njeri se është me covid, ai ka bërë testin, por nuk i kthyen përgjigje, vëllai nuk ka ditur gjë, vetëm ka marrë ambulancën dhe e çuan në spital. Jemi të shokur si familje, se të ikë vëllai në këtë formë”. Anton Skabona lëshoi akuza të forta në drejtim të stafit të spitalit “Shefqet Ndroqi”. “Vëllai, motrës i ka thënë “Nuk ma lejojnë telefonin, i ka thënë këtu nuk të shërbejnë, nuk kujdesen infermierët, për të hequr tubin e urinës, nuk ia heq njeri pa i dhënë lekë, donin pare infermierët, për doktoreshën nuk di gjë, por për infermierët. I thashë motrës, kontaktoi me njerëz atje se ia paguaj unë lekët prej Amerike, vetëm të shpëtojë vëllai. Vëllai ka kërkuar rroba, motra e ka pasur çantën gati për ta çuar por e ka gjetur të vdekur”.Anton Skabona thotë se vëllai ishte i divorcuar, ish-gruaja dhe fëmijët jetojnë në Belgjikë, ndërsa ai vetëm në Shqipëri. “Djali i madh qante, por i thashë se nuk kemi cfarë bëjmë. Mua lajmin ma komunikoi kunata në orën 3 të natës. Në Amerikë vdes cdo njeri në një minutë, por nuk është hedhur askush nga spitali, dua të di cfarë mjekimesh i kanë dhënë vëllait tim” përfundoi ai.

      Marrë nga Abcnews.al

    • 14:30

      Nisin hetimet për vetëvrasjen e 60-vjeçarit tek “Shefqet Ndroqi”, është pushuar çështja për Hasan Mirën: Nuk ka elementë të veprës penale

      Prokuroria ka nisur hetimet për vetëvrasjen e Leonard Skabonës, pacient tek ‘Shefqet Ndroqi’. Dosja.al mëson se hetimet vijojnë edhe për tre rastet e tjera tragjike ku pacintët jane vetëhedhur nga spitalet Covid duke gjetur vdekjen. Ndërsa për rastin e Hasan Mirës është pushuar çështja. Dosja.al ka mësuar se prokuroria nuk ka gjetur vepër penale në këtë ngjarje, duke e regjistruar si vetëvrasje.

    • 11:45

      Vetëvrasja e 60-vjeçarit me Covid-19, vjen reagimi i parë i spitalit “Sheqet Ndroqi”: Po kryhen hetimet nga organet kompetente, ne punojmë me përkushtim dhe profesionalizëm

      Spitali “Shefqet Ndroqi”, nga ku u hodh dhe gjeti vdekjen sot pacienti 60-vjeçar ka reaguar pas lajmit tronditës. Përmes një njoftimit zyrtar, stafi i spitalit universitar “Shefqet Ndroqi” shpreh dhimbjen për humbjen e jetës së 60-vjeçarit  teksa shton se në lidhje me rastin në fjalë po kryhen hetimet nga organet kompetente.  Në reagim thuhet se pacienti më datë 29 nëntor është transferuar në pavionin e katit të parë (mbi katin përdhes) ku edhe ka kryer aktin e rëndë.  Njoftimi i plotë: Stafi i spitalit universitar “Shefqet Ndroqi” shpreh dhimbjen për humbjen e jetës së 60-vjeçarit me inicialet L.Sh., nga Kurbini i cili i dha fund jetës mbrëmë pas mesnate, dhe i shpreh ngushëllimet më të sinqerta familjes së tij. 60 vjeçari i konfirmuar me COVID-19, ishte shtruar pasditen e datës 28 nëntor në spitalin “Shefqet Ndroqi”, ku iu kryen ekzaminimet imazherike dhe u trajtua me terapinë e plotë të mjekimit në pavionin e urgjencës. Më datë 29 pacienti është transferuar në pavionin e katit të parë (mbi katin përdhes) ku edhe ka kryer aktin e rëndë. Lidhur me arsyet që e çuan 60-vjeçarin drejt këtij akti ekstrem, është duke u kryer hetimi nga ana e organeve kompetente. Stafi i spitalit universitar “Shefqet Ndroqi” ka siguruar shërbimin e psikologut dhe ka shtuar masat e sigurisë. Stafi mjekësor është në gatishmëri të plotë dhe i sigurojmë qytetarët se po punojmë dhe do të vazhdojmë të punojmë me përkushtim dhe profesionalizëm për çdo pacient që trajtohen në spitalin tonë.

    • 10:58

      Vetëvrasja e pestë tek ‘Shefqet Ndroqi’, mjeku i urgjencës: Skabona ishte rëndë, oksigjeni në nivelin 70

      Mjeku i Urgjencës ka tteguar se u njohën me rastin e pacientit 60-vjeçar Leonard Skabona që u vetëvra sot. Në një prononcim për FaxNews, mjeku tregon se 127 ua ka referuar rastin dhe se pacienti ishte në gjendje të rëndë. “Rasti na u referua pak ditë më parë nga 127. E morëm 60-vjeçarin dhe e sollëm në Urgjencë. Kishte shenja të rënduara, oksigjeni në nivelin 70,”- tha ai ndër të tjera.

    • 9:16

      Zbardhet IDENTITETI/ Ky është pacienti me covid-19 që u vetëhodh tek spitali “Shefqet Ndroqi”

      Dosja.al ka zbardhur identitetin e 60-vjeçarit që mori vendimin të vetëhidhej nga spitali “Shefqet Ndroqi” mesnatën e kaluar. Mësohet se bëhet fjalë për qytetarin nga Rrësheni, të identifikuar si Leonard Skabona. Skabona është hedhur mesnatën e kaluar nga dritarja e dhomës së tij, ku dhe ishte shtruar prej dhjetë ditësh. Policia ka sekuestruar kartelën mjekësore të pacientit dhe ka marrë në pyetje mjekët e turnit për të zbardhur ngjarjen.

    • 9:08

      Vetëvrasja tek ‘Shefqet Ndroqi’, policia rrethon spitalin, merr në pyetje mjekët që po kujdeseshin për 60-vjeçarin

      Policia e Tiranës ka zbarkuar pranë spitalit ‘Shefqet  Ndroqi”, aty ku u vetëvra pacienti i pestë me Covid-19 në vendin tonë. Mësohet se efektivët do të marrin në pyetje mjekët që po kujdeseshin për viktimën nga Rrësheni dhe të gjithë bluzat e bardha që ishin në turn mesnatën e kaluar kur ndodhi ngjarja. Pas marrjes në pyetje, pritet të zbardhen detaje në lidhje me dëshmitë e mjekëve. Ngjarja e rëndë ndodhi mesnatën që lamë pas.

    • 8:58

      Rasti i pestë në vendin tonë! 60-vjeçari nga Rrësheni u hodh nga dritarja e dhomës së Sanatoriumit, ishte në gjendje të rëndë

      60-vjeçari që u vetëhodh sot nga spitali “Shefqet Ndroqi” kishte dhjetë ditë i shtruar dhe po kurohej nga Covid-19. Mësohet se viktima, me inicialet L.S., banues në Rrëshen ishte ishte në gjendje të rënduar në terapi intesive dhe kishte sëmundje të tjera bashkëshoqëruese. Ai është hedhur nga dritarja e dhomës së tij, ku dhe ishte shtruar mesnatën e kaluar. Policia ka sekuestruar kartelën mjekësore të pacientit dhe ka marrë në pyetje mjekët e turnit për të zbardhur ngjarjen.

    • 08:15

      Njoftimi i policisë Tiranë

      Njoftimi i policisë Tiranë/Informacion paraprak. Me datë 30.11.2020, rreth orës 00:30, dyshohet se është vetëhedhur nga lartësia e një spitali shtetasi L.S.,60 vjeç, i cili për pasojë ka ndërruar jetë. Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes.

    Shto Koment