Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Qeveria ka shpallur kriteret e reja për pranimin e studentëve në Universitete. Në vendimin zyrtar shihet që nxënësit ë duan të futen në programet e studimeve të ciklit të parë dhe në programet e integruara të studimeve të ciklit të dytë, duhet që të kenë përfunduar me sukses arsimin e mesëm, minimalisht me notë mesatare 6.5.
Ndërsa, për t’u futur në programet e studimit të gjuhëve të huaja, duhet të kenë minimalisht notë mesatare 7.
Ata që aplikojnë për t’u pranuar në programet e studimeve në fushën e artit dhe të sportit, si dhe kandidatët me origjinë shqiptare nga Republika e Kosovës, Maqedonia e Veriut, Mali i Zi, Presheva, Medvegja dhe Bujanovci përjashtohen nga detyrimi i plotësimit të kriterit të notës mesatare.
Vendimi i plotë
Në mbështetje të nenit 100 të Kushtetutës dhe të pikës 1, të nenit 74, të ligjit nr.80/2015, ‘Për arsimin e lartë dhe kërkimin shkencor në institucionet e arsimit të lartë në Republikën e Shqipërisë’, me propozimin e ministrit të Arsimit, Sportit dhe Rinisë, Këshilli i Ministrave
V E N D O S I:
1.Kanë të drejtë të aplikojnë për t’u pranuar në institucionet e arsimit të lartë, për vitin akademik 2020-2021, përkatësisht, si më poshtë:
a) Në programet e studimeve të ciklit të parë dhe në programet e integruara të studimeve të ciklit të dytë, kandidatët, që kanë përfunduar me sukses arsimin e mesëm të lartë minimalisht me notë mesatare 6.5 (gjashtë pikë pesë);
b) Në programet e studimit të gjuhëve të huaja, të përcaktuara në shtojcën nr.1, të këtij vendimi, minimalisht me notë mesatare 7 (shtatë);
c) Në programet e studimit të ciklit të parë ‘Bachelor’, të cilat japin akses në programet e ciklit të dytë ‘Master’ në fushën e mësuesisë, të përcaktuara në shtojcën nr.2, të këtij vendimi, minimalisht me notë mesatare 7.5 (shtatë pikë pesë).
2.Kanë të drejtë të aplikojnë për t’u pranuar në institucionet e arsimit të lartë, për vitin akademik 2021-2022 dhe në vijim, përkatësisht, si më poshtë:
a) Në programet e studimeve të ciklit të parë dhe në programet e integruara të studimeve të ciklit të dytë, kandidatët që kanë përfunduar me sukses arsimin e mesëm të lartë minimalisht me notë mesatare 7 (shtatë);
b) Në programet e studimit të ciklit të parë ‘Bachelor’, të cilat japin akses në programet e ciklit të dytë ‘Master’ në fushën e mësuesisë, të përcaktuara në shtojcën nr.2, të këtij vendimi, minimalisht me notë mesatare 8 (tetë).
3.Përjashtohen nga detyrimi i plotësimit të kriterit të notës mesatare kandidatët që aplikojnë për t’u pranuar në programet e studimeve dyvjeçare, me karakter profesional, kandidatët që aplikojnë për t’u pranuar në programet e studimeve në fushën e artit dhe të sportit, si dhe kandidatët me origjinë shqiptare nga Republika e Kosovës, Maqedonia e Veriut, Mali i Zi, Presheva, Medvegja dhe Bujanovci.
4.Në rastet e transferimit të studimeve nga brenda apo jashtë vendit, në vitet e ndërmjetme të programeve të studimit, brenda të njëjtit cikël, studentët duhet të plotësojnë kriterin e notës mesatare të përcaktuar me vendimin përkatës të Këshillit të Ministrave të vitit akademik që studenti është pranuar në institucionin e arsimit të lartë, duke filluar nga viti akademik 2016–2017 dhe në vijim.
5.Nota mesatare për pranimin në institucionet e arsimit të lartë përllogaritet si mesatare e thjeshtë e treguesve, si më poshtë vijon:
a) mesatarja aritmetike e thjeshtë e notave përfundimtare vjetore të lëndëve për të gjitha vitet e shkollimit në arsimin e mesëm të lartë;
b) mesatarja aritmetike e thjeshtë e notave të provimeve të Maturës Shtetërore.
6.Institucionet arsimore të arsimit të mesëm të lartë dhe institucionet arsimore vendore, përgjegjëse për arsimin parauniversitar, janë përgjegjëse për përllogaritjen e notës mesatare dhe dërgimin e këtyre të dhënave në Qendrën e Shërbimeve Arsimore.
7.Procedurat për njëvlershmërinë e dokumenteve të paraqitura nga shtetasit shqiptarë dhe të huaj, të cilët kanë përfunduar arsimin e mesëm të lartë jashtë vendit, si dhe përllogaritja e notës mesatare për këta kandidatë të kryhen në Qendrën e Shërbimeve Arsimore, sipas përcaktimeve të pikës 5, të këtij vendimi. Në rastet kur nuk aplikohen provimet e Maturës Shtetërore, komisioni përkatës përcakton mënyrën e përllogaritjes së notës mesatare. Komisioni përkatës dërgon të dhënat tek institucioni arsimor vendor përkatës, përgjegjës për arsimin parauniversitar.
8. Ngarkohen Ministria e Arsimit, Sportit dhe Rinisë, Qendra e Shërbimeve Arsimore, institucionet e arsimit të mesëm të lartë, institucionet arsimore vendore, përgjegjëse për arsimin parauniversitar, dhe institucionet e arsimit të lartë për zbatimin e këtij vendimi.
Ky vendim hyn në fuqi pas botimit në ‘Fletoren zyrtare’.
(f.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Deputetët shqiptarë e kanë lënë pas frikën ndaj koronavirusit dhe kanë shkuar në seancën plenare të Kuvendit pa marrë asnjë lloj mase ndaj Covid-19...
Itali- Dalin pamjet e operacionit të përbashkët anti-drogë që u zhvillua në Itali dhe Shqipëri. Efektivët e policisë kanë kontrolluar me qen nëpër banesat e tra...
Tiranë- Shtyhet sërish seanca gjyqësore në Gjykatën e Penale për Agim Kajmakun, ish kreun e Bashkisë Vorë, i cili ndodhet në arrati. Burime për Dosja.al bëjnë m...
VLORË- Një sasi tritoli është vendosur mbrëmjen e djeshme në një lokal shumë pranë lagjes 28 nëntori në qytetin e Vlorës. Lënda shpërthyese u pikas nga pro...
KORÇË– Një institucion financiar që jep kredi në qytetin e Korçës ka rënë pre e një grabitjeje. Dosja.al mëson se ngjarja ka ndodhur paradite...
Tiranë- Vlefshmëria e pasaportave që skadojnë në 2020 është zgjatur deri më 31 dhjetor të këtij viti. Ky vendim është marrë nga Këshilli i Ministrave, pas propo...
TIRANË– Moderatorja e njohur, Arbana Osmani i është përgjigjur avokates dhe aktivistes Brizida Gjikondi, pasi kjo e fundit e kritikoi për publikimin e ras...
Gjirokastër- Operacioni Forca e Ligjit i ka dërguar formularin për të deklaruar pasurinë e e tij, Endrik Llukës. Ky i fundit është i dënuar nga gjykata për vra...
Gjirokastër- Operacioni Forca e Ligjit u ka dërguar formularët për të deklaruar pasuritë e tyre, Krenar Skëndulit, Gentian Sinomemës, Adriatik Kanushit, Endrik ...
Durrës- Banorët e shtëpive mbi amfiteatrin e Durrësit janë habitur kur kanë mësuar nga media mbi transferimin e tyre të ardhshëm. BIRN bënte me dije këto ditë s...
