Aktualitet

VIDEO/ Atentat djalit të xhaxhait të deputetit të PS-së në Shkodër, Fatjon Harusha u shpëton plumbave, burrë e grua me motor e qëlluan me armë teksa lëvizte me makinë

  • Mjeti me dritat ndezur dhe derën e shoferit hapur, dalin pamjet nga atentati në Shkodër
  • Dosja.al mëson se në orën 12:30 të ditës së sotme, në fshatin Vukatan të Shkodrës, Harusha ka qenë duke lëvizur me mjetin e tij, të llojit “Hyundai”, me ngjyrë të zezë dhe me targa ‘AA207SV’.
    Featured image of article: VIDEO/ Atentat djalit të xhaxhait të deputetit të PS-së në Shkodër, Fatjon Harusha u shpëton plumbave, burrë e grua me motor e qëlluan me armë teksa lëvizte me makinë Pamje nga vendngjarja

    SHKODËR– Fatjon Harusha, djali i xhaxhait të deputetit të Partisë Socisaliste i ka shpëtuar një atentati ditën e sotme. Dosja.al mëson se në orën 12:30 të ditës së sotme, në fshatin Vukatan të Shkodrës, Harusha ka qenë duke lëvizur me mjetin e tij, të llojit “Hyundai”, me ngjyrë të zezë dhe me targa ‘AA207SV’.

    Në një moment, një burrë dhe një grua e veshur me një bluzë të bardhë, të hipur mbi një motor të llojit “Papaq”, kanë qëlluar me armë zjarri drejt mjetit të Harushës. Ky i fundit, ka shpëtuar pa u lënduar, ndërkohë që autorët janë larguar nga vendi i ngjarjes.

    Dosja.al sjell edhe pamje nga vendi i ngjarjes, ku mjeti I sulmuar ndodhet ende me dritat ndezur dhe me derën e shoferit hapur. Ndërkohët mësohet se për ngjarjen në fjalë, janë shoqëruar disa persona në polici.

    Për më shumë bëhu pjesë e grupit më viral në Facebook, Dosja.al

    Ende nuk dihet arsyeja për të cilën dy personat e paidentifikuar mund të kenë dashur të ekzekutojnë Harishën, por kujtojmë se familja e këtij të fundit është shumë e lakuar në media. Konkretisht, ish-kryeministri Sali Berisha ka denoncuar në rrjetet sociale, se para zgjedhjeve të 30-qershorit, Luan Harusha ka dërguar nipërit e tij që të thyejnë pallatin e sportit në Shkodër ‘Qazim Dervishaj”, që ka qenë KZAZ, për të marrë materialet zgjedhore.

    (f.m/dosja.al)

    • 17:15

      ‘I vendosën tritol para një muaji në makinë…’/ Berisha zbulon detaje të padhëna nga atentati ndaj kushëririt të deputetit socialist

      Sali Berisha

      Ish-kryeministri i vendit, Sali Berisha ka publikuar një mesazh të një qytetari nga Shkodra, i cili ka dhënë detaje të tjera lidhur me atentatin e dështuar ndaj Fatjon Harushës. Sipas mesazhit të publikuar nga Berisha, kjo nuk është hera e parë që ndaj djalit të xhaxhait të deputetit të PS-së, Luan Harushës, tentohet eliminimi.Qytetari, i cili ka zgjedhur që të jetë  anonim, shton se vetëm një muaj më parë atij i kanë vënë tritol në makinë, por lënda plasëse është pikasur në kohë nga një grua që udhëtonte më të në makinë.

      Atentat në Vukatan në dalje të Shkodrës, por jo për çudi Harusha djali xhaxhait i Luan Harushes po udhëtonte me makinën e drejtoreshës së transportit rrugor Shkodër EGLA MIRASHI (e emëruar nga deputetit) kësaj makine para një muaji i është vendosur tritol por është pikasur nga e zonja,”-shkruan qytetari tek Berisha.

      POSTIMI I PLOTË:

      Të dhena te reja që fsheh narkoplicia për atentatin ne Shkoder. Lexoni denoncimin e qytetarit dixhital. sb Doktor përshenjtë nga Shkodra Atentat Fatjon Harushes dhe një femrës qe ka qen me te. Atentat ne Vukatan ne dalje te Shkodrës, por jo për qudi Harusha djali xhaxhait i Luan Harushes po udhëtonte me makinën e drejtoreshës se transportit rrugor Shkodër EGLA MIRASHI (e emëruar nga deputetit) kësaj makine para një muaji i është vendosur tritol por është pikasur nga e zonja. Ngjarja nuk po zbardhet dhe këna frik me dal rrugeve n’Shkodër, pardje arm, sot arm zot na ruaj ku jetojme Anonim ju lutem pasi nshkoder nuk asht jeta e sigurt.

    • 13:23

      Mjeti ende me dritat ndezur, me derën e shoferit hapur, dalin pamjet nga atentati në Shkodër, zona e blinduar nga policia

      Dosja.al ka siguruar pamje nga vendi i ngjarjes në Shkodër, ku një person i shpëtoi një atentati paraditen e sotme. Siç shihet edhe në videon e publikuar nga Dosja.al, makina e llojit “Hyundai”, me ngjyrë të zezë dhe me targë ‘AA207SV’ është ende me dritat ndezur. Ndërkohë që dera nga ku futet shoferi është e hapur. Makinës i është vënë shiriti, ndërkohë që policia ndodhet në vendin e ngjarjes, ku po mbledh prova dhe po vijon me hetimet.

    Shto Koment