Aktualitet

NDRYSHOJNË MASAT! Komiteti Teknik i Ekspertëve: Karantinë e detyruar 2 javore për ata që vijnë nga Greqia e Maqedonia! Nxënësit e vitit të I dhe II rikthehen në shkolla. Fico: Vaksinimi është ngadalësuar, shkak Ramazani

VIDEO
Rikthehet karantina e detyruar 2 javore për të gjithë qytetarët që do të lëvizin nga  Maqedonia e Veriut dhe Greqia për në Shqipëri. Ndërkohë që Tirana vazhdon që të mbajë numrin më të lartë të rasteve aktive me COVID-19, duke shtuar se ka një rritje të numrit të infeksioneve në Gjirokastër, Korçë e Berat.
Featured image of article: NDRYSHOJNË MASAT! Komiteti Teknik i Ekspertëve: Karantinë e detyruar 2 javore për ata që vijnë nga Greqia e Maqedonia! Nxënësit e vitit të I dhe II rikthehen në shkolla. Fico: Vaksinimi është ngadalësuar, shkak Ramazani Komitetit Teknik i Ekspertëve

TIRANË– Ndryshojnë masat anti-COVID në Shqipëri! Në mbledhjen e sotme, Komiteti Teknik i Ekspertëve ka lajmëruar se të gjithë qytetarët që do të lëvizin nga Greqia dhe Maqedonia e Veriut do të duhet që të karantinohen për 2 javë.

Kjo pasi dy vendet fqinje kanë shënuar rritje të rasteve dhe viktimave nga pandemia e koronavirusit. Por Shqipëria ka shënuar rënie të rasteve, ndaj viti i I dhe II i shkollave të mesme do të rikthehen në klasa, por me program të kombinuar, përfshirë edhe atë online.


Drejtorja e Institutit të Shëndetit Publik, Albana Fico u shpreh se Tirana ka numrin më të lartë të rasteve aktive me COVID, duke shtuar se ka një rritje të numrit të infeksioneve në Gjirokastër, Korçë e Berat. Ndërsa ka komentuar edhe procesi i vaksinimit është ngadalësuar, dhe shkak për të është bërë muaji i Shenjtë i Ramazanit.

Për më shumë bëhu pjesë e grupit më viral në Facebook, Dosja.al

Ndërkohë që në fuqi kanë mbetur masat e tjera, ndërsa ndalohet qarkullimi i qytetarëve nga ora 22:00 e mbrëmjes deri në orën 06:00 të mëngjesit. Po ashtu mbetet i ndaluar edhe grumbullimi i më shumë se 10 personave, dhe rikthimi i studentëve në auditore edhe pse pedagogët janë vaksinuar.

(k.m/dosja.al)

  • 14:04

    Pse nuk po vaksinohen më shqiptarët? Fico: Ramazani e ka ngadalësuar procesin, s’ka arsye tjetër veç festës


    Drejtorja e Institutit të Shëndetit Publik, Albana Fico tha se procesi i vaksinimit është ngadalësuar për shkak të muajit të Shenjtë të Ramazanit. Në një konferencë për shtyp, Fico ka shpjeguar edhe skemën e vaksinimit të grupit të transportit.

    PJESË NGA INTERVISTA:

    Vaksinimi, pse janë zgjedhur ata të transportit ajror, dhe jo ata të rrugores?

    Fico: Do jenë në diferencë të vogël kohore. Në qarkullimin ajror nuk kemi përgjegjësi kombëtare por ndërkombëtare. Numri është shumë më i vogël sesa ata të transportit urban. Por me sasinë e vaksinave që kemi marrë, ky grup do menaxhohet menjëherë.

    Sa është sasia e vaksinave që kemi, dhe është vënë re numri i ulët e personave?

    Fico: Po na vijnë edhe 300 mijë vaksina të tjera, ndërsa totali është diku në 700 mijë. Sa i përket çështjes së vaksinimit, edhe ne e monitorojmë procesin në disa dimensione. Ramazani e ka ngadalësuar procesin e vaksinimit. Nuk ka asnjë arsye tjetër veç kësaj feste. Është shans për të mos rënë pre e SAR-CoV-2.

  • 14:01

    A duhet të votojnë kush është me Covid? Fico: Dhe sikur të mos kishte zgjedhje këta persona nuk duhet të dalin nga banesat!


    Drejtoresha e Institutit të Shëndetit Publik, Albana Fico tha ditën e sotme se të gjithë personat që janë të infektuar nuk duhet të dalin nga shtëpitë e tyre. Fico tha se dhe sikur mos të ishin zgjedhjet, ata nuk duhet të dalin kurrsesi.

    FICO: Dhe sikur të mos kishte zgjedhje këta nuk duhet të dalin nga banesat dhe më pas nuk lejohen të dalin për të vetmen arsyen. Kjo bazohet në ligjin e sëmundjeve infektive dhe dihet. Kush është pozitiv dhe është i karantinuar, padisktuim nëse do të kenë pyetje, të marrin në telefon mjekun e familjes dhe më tej.

  • 13:57

    Do vizitoni për Pashkë në Shqipëri? Rakacolli PARALAJMËRON: 2 javë karantinë për ata që vijnë nga Greqia dhe Maqedonia!


    Zv.ministrja e Shëndetësisë, Mira Rakacolli ka bërë me dije se rikthehet karantina e detyruar për të gjithë personat që vijnë nga Maqedonia e Veriut dhe Greqia. Gjithashtu, në një konferencë për shtyp, ajo shtoi se edhe nxënësit e viteve të para dhe të dyta rikthehen në shkollë.

    Ka filluar të ndjehet edhe vaksinimi masiv. Greqia dhe Maqedonia kanë shtim të rasteve dhe viktimave. Sfida e Komitetit është përmirësimi i indikatorëve, duke parashikuar faktorët që mund të ndikojnë në rritjen e tyre. Mosrespektimi s aduhet  i një pjesë e subjekteve politike mund të shkaktojë rritje të numrave në ditët e ardhshme. Po ashtu pashkët janë shënuar me lëvizje nga vendet fqinje. Lëvizjet e vunë vendin në situatë të rëndë, kujtojmë janarin. numrin për rastet e reja e zë Gjirokastra. Mendojmë që nga nesër të vendoset qendrimi në karantinë 2 javorë për personat që vijnë nga Maqedonia e Veriut dhe Greqia. Do ta vlerësojmë pas 2 javësh. Të gjithë nxënësit, mund të fillojnë mësimin e kombinuar,”-tha Rakacolli.

  • 13:53

    Brataj: Indikatorët janë në përmirësim! Thirrjet janë shtuar, kërkojnë informacion për vaksinat, njerëzit të kenë kujdes, mbani maskat


    Kreu i Urgjencës Kombëtare, Skënder Brataj tha ditën e sotme se indikatorët janë në përmirësim për sa i përket virusit. Ai u shpreh se janë shtuar thirrjet telefonike nga qytetarët të cilët kërkojnë informacion pas bërjes së vaksinës.

    Brataj: Të gjithë indikatorët janë në përmirësim, janë rënë. Thirrjet janë 2 mijë nga 1 mijë e 200 që kanë qënë. Kërkojnë informacion për vaksinat. Për vizitat kemi rënë poshtë në 300. Për covidin janë vetëm 38. Javën e fundit janë shtuar disa qyteza të vogla. Dhe aty kemi bërë vizita. Nga grumbullimi i njerëzve kjo mund të jetë arsye. Do këshillonim që të kenë kujdes, me maskat.

  • 13:52

    Si po “ecën” COVID-19 në Shqipëri? Fico jep përgjigje: Tirana “kampione” për infektimin, më shumë meshkuj të vdekur


    Drejtorja e Institutit të Shëndetit Publik, Albana Fico u shpreh se Tirana ka numrin më të lartë të rasteve aktive me COVID, duke shtuar se ka një rritje të numrit të infeksioneve në Gjirokastër, Korçë e Berat. Në një konferencë për shtyp, Fico tha se deri më tani në vendin tonë janë shënuar mbi 332 mijë të vaksinuar.

    Për 5-6 javë kemi vënë re rritje të incidencës. Raporti meshkuj femra është 48-52, ndërsa është ndryshe në rastet e humbjeve të jetës. Numri i shtrimeve në spitale, COVID 3 dhe 4 nuk kanë pacientë por janë në gatishmëri. Një indeks tjetër është edhe ulja e vdekshmërisë. Vaksimimet; 332905 deri dje, vaksinim që prek jo vetëm grupmoshat po edhe ata në shërbim. Ka ndryshim nga rezultati i rasteve. Tirana ka një numër të rasteve aktive të lartë duke pasur parasysh dendësinë e popullsistë. Gjirokastra, Korça dhe Berati dhe vende të tjera që po i mbanjmë në monitorim,”-tha Fico.

Shto Koment