Bota

Infektohet me Covid-19 Silvio Berlusconi, ish-kryeministri italian izolohet në vilën e tij në Arcore

Mjeku i tij, Alberto Zangrillo, është shprehur se Silvio Berlusconi është asimptomatik, një gjë e mirë kjo sipas tij, pasi nuk do të sjellë efekte negative në shëndetin e ish-kryeministrit.
Featured image of article: Infektohet me Covid-19 Silvio Berlusconi, ish-kryeministri italian izolohet në vilën e tij në Arcore Silvio Berluskoni

ITALI– Ish-kryeministri italian Silvio Berlusconi është infektuar me Covid-19. Lajmin e ka bërë me dije vetë partia e Berlusconit “Forza Italia”, përmes një deklarate zyrtare.

“Pas testimit, Presidenti Berlusconi doli pozitiv për koronavirusin,”- deklaron partia “Forza Italia”.

Mjeku i tij, Alberto Zangrillo, është shprehur se Silvio Berlusconi është asimptomatik, një gjë e mirë kjo sipas tij, pasi nuk do të sjellë efekte negative në shëndetin e ish-kryeministrit.

Për më shumë bëhu pjesë e grupit më viral në Facebook, Dosja.al

Mësohet se pas marrjes së përgjigjes së tamponit, Berlusconi është izoluar në vilën e tij private në Arcore, nga ku edhe po punon, pavarësisht infektimit.

Që prej shpërthimit të pandemisë së koronavirusit e deri më tani, në Itali janë regjistruar 35. 497 të vdekur dhe janë infektuar 271,515 të tjerë. Fatmirësisht 208.201 pacientë janë shëruar plotësisht nga Covid-19.

(f.m/dosja.al)

Shto Koment