Aktualitet

Votoi kundër vendimit për Dritan Dajtin, gjyqtari Fuat Vjerdha kalon në sitën e Vettingu-t

ILDKPKI, ka dorëzuar një raport në lidhje me pasurinë e Vjerdhës ku konstatohet se deklarime janë të sakta dhe në përputhje me ligjin. Sipas raportit të DSIK gjyqtari Fuat Vjerdha është i përshtatshëm për të qëndruar në sistem.
Featured image of article: Votoi kundër vendimit për Dritan Dajtin, gjyqtari Fuat Vjerdha kalon në sitën e Vettingu-t Gjyqtari Fuat Vjerdha
Përditësuar:

TIRANË– Gjyqtari Fuat Vjerdha  i njohur ndryshe si gjyqtari që votoi kundër vendimit për heqjen e burgimit të përjetshëm për Dritan Dajtin doli ditwn e sotme para KPK-së ku kaloi në sitën e Vettingu-t.

Trupa gjykuese e përbërë nga Olsi Komici, Pamjela Qirko dhe Luilzim Hamitaj, shqyrtuan figurën e Vjerdhës bazuar në tri kritere: Aftësia profesionale, pastërtia e figurës dhe deklarimi i pasurisë.

ILDKPKI, ka dorëzuar një raport në lidhje me pasurinë e Vjerdhës ku konstatohet se deklarime janë të sakta dhe në përputhje me ligjin.

Gjyqtari rezulton të ketë trashëguar nga e ëma: Dy apartamente me vlerën 87 mijë e 500 euro, një garazh me vlerë 10 mijë euro, njësi tregtare me vlerën 61 mijë e 500 euro dhe një makinë të tipit “Daimler Benz”, të blerë në 2014, për 290 mijë lekë. Të gjitha pasuritë e mësipërme janë me vendndodhje në Shkodër.

Ndërkohë janë konstatuar disa mospërputhje në lidhje me sipërfaqet e pasurive, për të cilat gjyqtari ka dhënë shpjegime. Sipas KPK subjekti ka pasur vështirësi të lehtë në raportin e burimeve financiare dhe në vitet 2008-2009-2012 rezulton të ketë një bilanc negativ me 400 mijë lekë.

Përfundimisht, sipas raportit të DSIK thueht se gjyqtari Fuat Vjerdha është i përshtatshëm për të qëndruar në sistem.

Raportohet se publiku ka paraqitur shtatë ankesa për Vjerdhën, por pas shqyrtimit nuk rezulton të ketë patur elementë të shkeljeve nga subjekti. Vendimi përfundimtar për Vjerdhën do të jepet në datë 8 Maj.

Fuat Vjerdha është një nga dy gjyqtarët që votuan kundër heqjes së dënimit me burgim të përjetshëm.

Ai e ka nisur karrierën në sistemin gjyqësor në vitin 1994 dhe për më shumë se një dekadë, ai ka punuar si gjyqtar në Gjykatën e Shkodrës.

Në vitin 2015, Vjerdha u emërua si anëtar i Gjykatës së Apelit Shkodër. Njëkohësisht Vjerdha dhënë edhe mësim dhe ka qenë pjesë e trupës së arbitrimit në Federatën Shqiptare të Basketbollit. Prej vitit 2014, gjyqatria Vjerdha drejton Gjykatën e Apelit të Shkodrës.

(F.g/dosja.al)

Shto Koment