Aktualitet

1 miliard lekë pasuri, Xhezair Zaganjori përballet me KPA: Të provohen dyshimet, shtëpia ime, e ’97-ës

Kryetari i gjykatës së Lartë, Xhezair Zaganjori ka dalë sot para KPA, pas ankimimit të Komisionierit Publik për vendimin e KPK. Zaganjori me 1 miliardë lekë pasuri, kaloi Vettingun. Sot merret vendimi final për të nga trupa e KPA.
Featured image of article: 1 miliard lekë pasuri, Xhezair Zaganjori përballet me KPA: Të provohen dyshimet, shtëpia ime, e ’97-ës

TIRANE-Kryetari i Gjykatës së Lartë përballë Kolegjit të Posaçëm të Apelimit. Gati një vit pasi u konfirmua në detyrë nga Komisioni i Pavarur i Kualifikimit, Xhezair Zaganjori përballet edhe njëherë me filtrin e Vettingut, që pritet të japë vendimin përfundimtar për të.

Ishte komisioneri publik që ankimoi vendimin në KPA, si të dyshimtë dhe jo korekt pasi sipas komisionerit, Zaganjori nuk e justifikonte pasurinë e tij.

Zaganjori u konfirmua në detyrë më 24 korrik 2018, pavarësisht problemeve me pasurinë. Komisioni i Pavarur i Kualifikimit konstatoi se Xhezair Zaganjori shmangu tatimet dhe gënjeu për pronat, Sipas KPK, ai ka shmangur detyrimet tatimore ndaj shtetit, duke gënjyer për vlerën e pronave të regjistruara në hipotekë me vlerën e tyre reale. Pasuria e kryetarit të Gjykatës së Lartë llogaritet rreth 1 miliard lekë.

Sipas KPK-së, Zaganjori ka në pronësi një apartament 293 metra katrorë në bashkëpronësi, me vlerë 5.8 milionë që ka si burim shitjen e një apartamenti; një dyqan me vlerë 1. 4 milionë lekë nga të ardhurat personale dhe të qirasë; zyrë me sipërfaqe 15 metra katrorë, apartament 81 metra katrorë në lagjen 13, në plazhin e Durrësit, blerë në vitin 2006 për 32 mijë dollarë. Pasaktësi u konstatuan edhe sa i takon pasurisë së bashkëshortes si dhe shkollimit të djalit në Londër.

Karriera e Zaganjorit

Në vitet 1992-1997, Zaganjori ka qenë ambasador në Gjermani. Ndërsa në vitet 1998-1999 ka qenë bashkëpunëtor shkencor pranë Institutit Max-Planck, për të Drejtën Ndërkombëtare dhe të Drejtën Kushtetuese në Heidelberg të Gjermanisë.

Në vitin 2003, Zaganjori është zgjedhur anëtar i Gjykatës Kushtetuese, detyrë të cilën e ka mbajtur për një dekadë. Në mars të vitit 2013 ai zgjidhet anëtar i Gjykatës së Lartë dhe një muaj më pas emërohet kryetar i kësaj gjykate. 

(F.g/dosja.al)

  • 15:55

    KPA e skanon sërish, flet Zaganjori: Si beng-bengu, le të provojnë, kam shtëpinë e '97-ës

    Kryetari i gjykatës së Lartë, Xhezair Zaganjori ka folur për mediat në përfundim të seancës në KPA. “Rregullimet e reja vijnë nga jashtë gjyqësorit. Unë bëj punën time të përditshme, kaq. Ka 32 mijë dosje që presin për t’u shqyrtuar në gjykatën e Lartë. Këshilltarët janë angazhuar për të shqyrtuar kërkesat urgjente, që kur të vijnë gjyqtarët t’i trajtojmë. Përpiqemi të bëjmë punën me sa mundësi kemi. Numra të saktë nuk të jap dot, por me masa sigurie bëhen disa qindra dosje urgjente. Me gjyqtarë të përkohshëm, kjo nuk zgjidhet, por këtë se bëj unë. Unë kam përshtypjen që KLGJ është  e angazhuar, por nuk njihem me punën e tyre. Ky është një proces ligjor, respektoj ligjin, i pakënaqur ose jo. Jam në proces përpiqem të respektoj procesin. Është si Bang-Bang-u, unë jam fakte që banesa ku unë jetoj është si në 97-ën. Këto të provohen, sicc provohen gjithnjë. Nuk është siç e prisnim.”-tha Zaganjori.

Shto Koment