Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Zjarri i Ilir Metës nuk është shuar. Presidenti sot i drejton një sërë pyetjesh publike ambasadorit të Bashkimit Europian në Tiranë, Luigi Soreca. Shkak është bërë thirrja që Soreca, i bëri sot opozitës, qeverisë dhe faktorëve të tjerë politikë që të ulen në dialog urgjent për zgjidhjen e krizës.
“Është koha që qeveria shqiptare, opozita dhe institucionet të tregojnë pjekuri dhe të angazhohen urgjentisht në dialog për të kapërcyer situatën politike aktuale. Është gjithashtu koha të ecet përpara me reformat e sundimit të ligjit,”-shkruan Soreca në rrjetet sociale.
Më tej në reagimin e tij në Twitter, Soreca ka folur edhe për reformën në drejtësi, e cila u ironizua sot nga presidenti Ilir Meta. Si një përgjigje për Metën, ambasadori Soreca thotë se zbatimi i reformës në drejtësi do të vijojë i pakthyeshëm, dhe se do të pasohet nga ngritja e SPAK e lufta kundër korrupsionit dhe krimit të organizuar.
“Zbatimi i reformës në drejtësi vazhdon dhe është i pakthyeshëm. Fokusi tani është krijimi i SPAK dhe rikthimi i funksionalitetit të Gjykatës Kushtetuese. Sapo të përfundojë procesi rigoroz i rivlerësimit të kandidatëve, SPAK do t’i mundësojë të rrisë më tej luftën kundër korrupsionit dhe krimit të organizuar, ndërsa Gjykata do të qartësojë të gjitha çështjet e pazgjidhura në lidhje më të drejtat kushtetuese, përfshi çështjet zgjedhore. Lufta kundër korrupsionit duhet të vazhdojë në mënyrë të përditshme.”-thotë ambasadori i BE.
Por presidenti nuk ka qendruar duarkryq. Në një reagim të gjatë në rrjetet sociale, kreu i shtetit pyet Sorecën lidhur me qëndrimin e tij për 13 tetorin, por edhe për përpjekjet e kreut të shtetit për dialog.(Lexo ketu reagimin e plotë të Metës.)
“A ishit ju realisht për nxitjen e dialogut mes palëve më parë z.Ambasador? A morët ju ndonjë nismë konkrete për vendosjen e këtij dialogu mes palëve? A i kërkuat ju mbështetjen Presidentit për dialog, me qëllim që t’ja kursenim shfaqjen e shëmtuar të 30 qershorit Shqipërisë dhe së ardhmes së saj europiane? A e dini ju që Presidenti mori një nismë për anullimin e zgjedhjeve me qëllim vendosjen e dialogut mes palëve?”-janë këto disa nga pyetjet e Metës.
Reagimi i plotë i Soreces:
Është koha që qeveria shqiptare, opozita dhe institucionet të tregojnë pjekuri dhe të angazhohen urgjentisht në dialog për të kapërcyer situatën politike aktuale. Është gjithashtu koha të ecet përpara me reformat e sundimit të ligjit. Zbatimi i reformës në drejtësi vazhdon dhe është i pakthyeshëm. Fokusi tani është krijimi i SPAK dhe rikthimi i funksionalitetit të Gjykatës Kushtetuese. Sapo të përfundojë procesi rigoroz i rivlerësimit të kandidatëve, SPAK do t’i mundësojë të rrisë më tej luftën kundër korrupsionit dhe krimit të organizuar, ndërsa Gjykata do të qartësojë të gjitha çështjet e pazgjidhura në lidhje më të drejtat kushtetuese, përfshi çështjet zgjedhore. Lufta kundër korrupsionit duhet të vazhdojë në mënyrë të përditshme. Prokuroria duhet të hetojë çdo formë të dyshuar… …të korrupsionit, përfshi shkeljet zgjedhore & blerjen e votave,në zbatim të ligjeve në fuqi.Për të konfirmuar që cikli i drejtësisë penale punon efektivisht është gjithashtu e rëndësishme që gjykatat të japin dënime përfundimtare mbi akuza të pazgjidhura për çështje serioze të krimit të organizuar. Gjithashtu,duhet të rinisë me shpejtësi puna ndërpartiake për reformën zgjedhore. Të gjitha institucionet shqiptare dhe liderët politikë duhet të përqëndrojnë përpjekjet e tyre në këto objektiva,në kuadër të vendimit të rëndësishëm të KE-së në tetor. BE do të vazhdojë të mbështesë plotësisht Shqipërinëdhe qytetarët e saj, të cilët besojnë fuqishëm në të ardhmen evropiane të vendit të tyre.
REAGIMI I PLOTE I ILIR METES
PYETJE PUBLIKE PËR AMBASADORIN SORECA
Presidenti i Republikës përshëndet nxehtësisht thirrjet e sinqerta të ambasadorit Soreca për “pjekuri politike dhe për angazhimin urgjentisht në një dialog politik për të kapërcyer situatën aktuale”.
Me këtë rast Presidenti ka disa pyetje publike: A ishit ju realisht për nxitjen e dialogut mes palëve më parë z.Ambasador? A morët ju ndonjë nismë konkrete për vendosjen e këtij dialogu mes palëve? A i kërkuat ju mbështetjen Presidentit për dialog, me qëllim që t’ja kursenim shfaqjen e shëmtuar të 30 qershorit Shqipërisë dhe së ardhmes së saj europiane?
A e dini ju që Presidenti mori një nismë për anullimin e zgjedhjeve me qëllim vendosjen e dialogut mes palëve? Përse nuk e mbështetët ju Presidentin në këtë inisiativë publikisht?
A e dini ju që në 24 maj 2019 përfaqësuesit zyrtarë të grupit kryesor në Bundestag, deputetët Ëadephul dhe Schmidt, përmes një qëndrimi zyrtar kërkuan vendosjen urgjent të dialogut për zgjidhjen e krizës, madje u ofruan për moderimin e këtij dialogu me qëllimin e mirë për të ndihmuar në çeljen e negociatave të anëtarësimit me BE-në dhe theksuan edhe rëndësinë e një date të re për zgjedhjet vendore, që të ishin demokratike dhe gjithpërfshirëse, si domosdoshmëri për të ndihmuar çeljen e negociatave? A e dini ju që Presidenti menjëherë reagoi duke mbështetur këtë nismë dhe tregoi vullnetin e tij për të dekretuar një datë të re të zgjedhjeve, pas dakordësimit të palëve? A e dini ju që Presidenti i Republikës ka dekretuar datën 13 tetor 2019, për zhvillimin e zgjedhjeve lokale gjithpërfshirëse? Çfarë qëndrimi keni ju?
A e keni sqaruar z.Rama se zgjedhjet pa opozitën nuk plotësojnë kriteret e Kopenhagës, shkelin parimet e Marrëveshjes së Stabilizim-Asociimit dhe pamundësojnë çeljen e negociatave të anëtarësimit në tetor 2019? A e dini ju që po dje Presidenti ka theksuar, duke patur parasysh rëndimin e krizës politike në vend, që 13 tetori 2019 të jetë jo vetëm data e zgjedhjeve lokale, por edhe e atyre parlamentare dhe presidenciale, për t’i dhënë fund njëherë e mirë kësaj krize të thellë dhe të gjithanshme të përfaqësimit në vend?
Ju e dini shumë mirë, që ditën e parë që keni mbërritur këtu, se një nga shqetësimet dhe vërejtjet e mia për Delegacionin e BE gjatë gjithë këtyre viteve ka qenë se nuk ka bërë përpjekjet më të mira për të nxitur një dialog real midis palëve. Për pyetjet e tjera për Reformën në Drejtësi dhe Gjykatën Kushtetuese do vijoj më vonë, por dialogu, temat, mënyrat dhe objektivat e tij të përcaktura qartë janë prioriteti numër një për momentin, sipas mendimit tim. Përshëndetjet më të përzemërta dhe bashkëngjitur po ju kujtoj publikisht dhe qëndrimin zyrtar të Zv/kryetarit të Grupit parlamentar të CDU/CSU në Bundestagun gjerman, z.Johann Ëadephul.
DEKLARATA E ZV/KRYETARIT TË GRUPIT PARLAMENTAR CDU / CSU, Z.JOHANN DAVID ËADEPHUL: “Pas vendimit të Presidentit, ekziston një situatë e re politike dhe të gjitha palët tani duhet të kërkojnë rrugën e pajtimit, duke përfshirë zgjedhjet lokale demokratike me kandidatë potencialë të shumëfishtë, që do të thotë se TË GJITHË DUHET TË PRANOJNË VENDIMIN E PRESIDENTIT dhe pastaj marrin pjesë në procesin politik. GJITHÇKA TJETËR DO TË JETË JO EUROPIANE dhe do të shtonte dyshimet në mënyrë të panevojshme sa i përket dobishmërisë së procesit të aderimit, duke krijuar kështu një bazë të re për bashkëjetesën paqësore të konkurrentëve politikë.
Në Europë, çdo qeveri duhet të pranojë një opozitë kritike, dhe çdo opozitë duhet të pranojë një qeveri efektive. Kjo është një bazë esenciale për një shtet po aq të qëndrueshëm dhe demokratik. NËSE SHQIPËRIA DËSHIRON TË SHKOJË NË KËTË RRUGË DREJT EUROPËS, SIGURISHT QË DO TË MARRË NDONJË MBËSHTETJE NGA GJERMANIA. “
(k.m.f.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Deputeti Lefter Maliqi është bërë nostalgjik dhe ka postuar një video të prites që i është bërë ish-kryeministrit Sali Berisha në jug të venditn du...
TIRANË– Presidenti Ilir Meta ka nisur ditën duke ironizuar reformën në drejtësi dhe kryeministrin Edi Rama. Kur na ndajnë edhe pak ditë nga tre vjetori i m...
Këshilli Evropian ka propozuar ministren gjermane të Mbrojtjes Ursula von der Leyen si presidenten e radhës të Komisionit Europian.Lajmi u konfirmua nga Preside...
TIRANË– Ish-deputetja e LSI-së, Nora Malaj i ka dërguar një këshillë ministres për Marrëdhëniet për Parlamentin, Elisa Spiropalit.Referuar deklaratav...
TIRANË- Paskal Milo i ftuar në “Open” tha se qëllimi kryesor i ndërkombëtarëve është stabiliteti edhe nëse ka demokraci në nivele të ulëta.“Pas grushtit të...
SHBA- Televizoni amerikan Fox News në një shkrim sot ka pasqyruar konferncën e Metës, duke e vënë theksin tek sulmi që Presidenti i berë filantropit George Soro...
Ministri Blendi Klosi dhe ish-deputeti i PD Edmond Spaho kanë zhvilluar një diskutim të ashpër në emisionin “Dritare me Rudinën” në “News 24”.Klosi tha se PS ka...
TIRANË- Avokati Spartak Ngjela duke komentuar Presidentin Ilir Meta tha se ai dukej i shqetësuar. “Të gjithë krerët e shteteve shpesh janë nën akuzë, por j...
Deklaratat e sotme të Ilir Metës të bëra gjatë konferëncës për shtyp, janë pasqyryar gjerësisht në mediat ndërkombëtare. Një prej mediave që ka bërë një pasqyri...
TIRANË- Presidenti Ilir Merta i bafasoi të gjithë. Gazetarët që ishin përballë tij, kundërshtarët poltikë si dhe qytetarët. Shpërthimi i tij ishte i paprit...
