Rajoni

Kosova zgjedh Kuvendin e ri. Numërimi shkon drejt fundit, Albin Kurti duke shpallur fitoren, LDK e dyta

Në fund të procesit të votimeve ishin Exit Poll-et që parashikuan se Lëvizja Vetëvendosje dhe Lidhja Demokratike e Kosovës, do të kryesonin dhe do të rivalizonin me njëra-tjetrën dhe kështu ndodhi. Kryesimin e ka marrë Vetëvnedosje më një avantazh të lehtë, ndërsa LDK ndodhet e dyta.
Featured image of article: Kosova zgjedh Kuvendin e ri. Numërimi shkon drejt fundit, Albin Kurti duke shpallur fitoren, LDK e dyta Kandidatët për kryeministër

KOSOVË– Sot qytetarët e Kosovës, nga ora 7:00 deri më 19:00, u drejtuar kutive të votimit për të zgjedhur 120 deputetët e Kuvendit dhe Kryeministrin e ri. Qytetarët e Kosovës zgjedhën mes 4 koalicioneve, 20 partive politike dhe 1 kandidat të pavarur për t’i drejtuar në katër vitet e ardhshme. 

Në këto zgjedhje, postin e kryeministrit po e synojnë 7 kandidatë nga subjekte të ndryshme politike, mes tyre edhe një grua. Por dhe pse janë shtatë kandidatë, kur janë numëruar më shumë se 75% e votave, në garë kanë mbetur vetëm Albin Kurti dhe Vjosa Osmani.

Në fund të procesit të votimeve ishin Exit Poll-et që parashikuan se Lëvizja Vetëvendosje dhe Lidhja Demokratike e Kosovës, do të kryesonin dhe do të rivalizonin me njëra-tjetrën dhe kështu ndodhi. Kryesimin e ka marrë Vetëvnedosje më një avantazh të lehtë, ndërsa LDK ndodhet e dyta.

Zgjedhjet e parakohshme parlamentare u zhvilluan pas dorëheqjes së ish-kryeministrit Ramush Haradinaj, pasi ky i fundit u thirr për të dëshmuar në Gjykatën Speciale.  Me pretendimin se nuk donte të shkonte si zyrtar, Haradinaj dha dorëheqjen e tij duke ripërsëritur se do të kandidonte sërish nën siglën e AAK-së. 

Për më shumë bëhu pjesë e grupit më viral në Facebook, Dosja.al

(k.m/dosja.al)

  • 22:52

    Numërohen 75% e votave, Albin Kurti drejt postit të Kryeministrit, mbetet pas LDK-ja

    Lëvizja Vetëvendosje do të jetë partia që do qeverisë Kosovën për katër vitet e ardhshme Kur janë numëruar më shumë së 75% e votave LVV kryeson shumë ngushtë para LDK-së.

    Rezultatet

    Partia e drejtuar nga Albin Kurti, i cili kërkon postin kryeministror shpreson që dhe në votat e mbetura pa u numëruar të jenë në favor të tij.

    Ndërkohë dhe Vjosa Osmani, nga LDK shpreson një përmbysje të rezultatit që nesër të jetë ajo Kryeministre. Por si do që të shkojë numërimi, Lëvizja Vetëvendosje dhe Lidhja Demokratike e Kosovës do të qeversisin së bashku.

  • 22:30

    Zgjedhjet, reagon Vuçiç: Lista Serbe fituese, votat shprehin dashurinë për Serbinë

    “Lista Serbe e ka arritur fitoren më të madhe dhe më bindëse në historinë e saj”, ka thënë presidenti i Serbisë, Aleksandar Vuçiq, në një konferencë për media në Beograd, pas përfundimit të procesit të votimit për zgjedhjet e parakohshme parlamentare në Kosovë.

    Presidenti i Serbisë, Aleksandar Vuçiç dhe përfaqësuesit e Listës Serbe

    “Lista Serbe ka arritur fitoren më bindësi. Ajo ka marrë 98. 07 për qind të votave të votuesve serbë. Ata do ta kenë një përfaqësim të fuqishëm politik në Kuvendin e Kosovës dhe do të mund të luftojnë për interesin e popullit të vet”, ka thënë Vuçiç.

    Ai ka shtuar se serbët e Kosovës kanë votuar në këtë mënyrë dhe, sipas tij, kanë dalë në votime në numër të madh “për shkak se kanë dashur të tregojnë dashurinë e madhe ndaj atdheut të tyre, Serbisë dhe këtë askush nuk mundet, nuk guxon dhe nuk do të mund t’ua marrë serbeve Kosovës”.

    Siç ka thënë Vuçiq, rezultati i Listës Serbe në zgjedhjet e Kosovës, është obligim i madh për shtetin e Serbisë që të kujdeset dhe të luftojë për popullin e tij në Kosovë.

  • 22:12

    Numërohen më shumë 60% e votave, Lëvizja Vetëvendosje kryeson mbi LDK-në

    umëri i votave në Kosovë ka marrë një rrjedh tjetër. Lëvizja Vetëvedosje pasi janë numëruar më shumë se 60% e votave është në kryesim me një avantazh me LDK-në. VV-ja ka 25.47 për qind të votave apo 117831 vota, ndërsa LDK-ja ka 25.42 për qind të votave apo 117589 vota.

    Rezultatet

    PDK-ja është partia e tretë që tashmë ka arritur numrin e 100 mijë votave. Ajo ka 100502 apo 21.72 për qind të votave. Ndërkohë që koalicioni i Ramush Haradinajt dhe Shpend Ahmetit, nuk kanë arritur më shumë se 11.88%.

  • 20:49

    KQZ nis numërimin dhe publikon rezultatet, ja kush kryeson

    Komisioni Qendror i Zgjedhjeve në Kosovë ka publikuar rezultatet e para të numërimeve të votave. Sipas të dhënëave paraprake deri tani i kryeson Lidhja Demokratike e Kosovës që ka marrë 18.399 vota ose 23,87%.

    Rezultatet

    Në vend të dytë renditet Partia Demokratike e Kosovës me 16.488 vota ose 21,39%. Në vendi t tretë renditet Lëvizja Vetëvendosje me 15.299 ose 19,85%. Më pas vjen AAk-Psd Koalicioni 100% KOSOVË me 10.723 vota ose  13,91%.

    Ndërkohë dy exit pollet si ai i RTK dhe i Klan Kosovës nxorrën fituese Lëvizjen Vetëvendosje me më shumë se 30% të votave.

  • 20:38

    Televizioni publik publikon exit poll-in: Në vend të parë partia e Albin Kurtit

    RTK-ja dhe Instituti i Prishtinës për Studime të Opinionit Publik, PIPOS,  kanë publikuar exit-pollin për zgjedhjet të parakohshme të mbajtura për Kuvendin e Republikës së Kosovës. Udhëheqësi i institutit PIPOS, Fisnik Halimi, para prezantimit ka sqaruar mënyrën se si është realizuar ky exit-poll.

    Exit Poll, rezultatet

    Në bazë të këtij exit-polli fituese e zgjedhjeve del të jetë Lëvizja Vetëvendosje me 28,1 për qind të votave, e ndjekur nga LDK-ja me 27,9 për qind dhe PDK-ja me 25,8 për qind.

    Ndryshe, exit-pollet janë rezultate jozyrtare dhe që realizohen në bazë të anketave. Në bazë të ligjit, institucioni që ka të drejtë të publikojë rezultatet e zgjedhjeve në Kosovë është vetëm Komisionin Qendror Zgjedhor.

  • 20:33

    Nënkryetari i LDK-së: VV-ja herët e ka nisur festën, ne kemi një përparësi të lehtë

    Shefi i shtabit zgjedhor të LDK-së, Lutfi Haziri, në një konferencë për media në zyrat qendrore të partisë, ka thënë se kanë dalë si partia e parë.  “Nga ana e LDK-së është e qartë se kemi një përparësi të lehtë apo udhëheqje ndaj VV-së, ata janë parti e dytë”, është shprehur Lutfi Haziri.

    Nënkryetari i LDK-së, Lutfi Haziri

    Ai tha se ka që thonë se VV-ja është e para, por kjo nuk është e vërtetë. “Le të jenë të bindur të gjitha ata që po thonë ndryshe se LDK-ja në këto zgjedhje del e para”, ka thënë Lutfi Haziri. Për exit-pollin e Klan Kosovës ai tha se edhe është rezultat i saktë dhe befasohet pse nuk ka dalë PDK-ja e para aty. “Exit-polli i Klan Kosovës e ka dhënë një rezultat të saktë edhe pse ai exit-poll është i PDK-së, andaj edhe çuditem pse nuk e ka qitë PDK-në të parën”, shtoi Haziri.

  • 19:56

    Limaj tregon rezultatet: Po luftojmë edhe për deputetin e tetë

    Fatmir Limaj, kandidati për kryeministër nga koalicioni Nisma-AKR, pasi mbylljes së votimev në një deklaratë për mediat ka thënë se kanë arritur të marrin 7 deputetë.

    Fatmir Limaj

    Ai në fjalën e tij u shpreh se po luftojnë dhe për deputetin e tetë, dhe shpresonte që në fund të numërimit të kishin 8 deputetë në Kuvend.

    Ju uroj për kontributin e jashtëzakonshëm të pasur në këtë proces të lirë dhe demokratik duke ju mundësuar të gjithë qytetarëve të dalin dhe të shprehin vullnetin e tyre. Nisma ka arritë rezultat të jashtëzakonshëm i kemi 7 deputet po luftojmë për deputetin e 8. Nisma do të jetë vendimtare për qeverinë e re të Kosovës”, ka thënë Limaj në konferencë për media.

  • 19:45

    PDK-ja e shpall veten fituese: Jemi parti e parë

    Pas mbylljes së procesit të votimit nëtë gjitha qendrat, Partia Demokratike e Kosovës e ka shpallur veten fituese. Ka qenë nënkryetari i PDK-së, Abelard Tahiri, i cila tha se PDK-ja është e para me një diferencë të vogël nga partia e dytë.

    Abelard Tahiri

    Ndërkaq sipas exit-pollit që e ka publikuar Klan Kosova në orën 19:00, PDK-ja ka dalë partia e tretë me 22.28 për qind të votave. Po ashtu dhe Ramush Haradinaj në një deklaratë për mediat u shpreh se partia e tij AAK ka rritje të numrit të votuesve. 

  • 19:43

    Haradinaj: Ka rritje të AAK-së, e rëndësishme që ia ktheva mandatin popullit

    Kandidati për Kryeministër, Ramush Haradinaj, pas mbylljes së votimeve ka dalë në një deklaratë për mediat ku ka thënë se partia e tij ka rritje në këto zgjedhje. Ai nuk përmendi shifra apo të komentonte rezultatin, por tha se ka bërë mirë që mandatin ja ktheu popullit.

    Ramush Haradinaj, kryetar i AAK

    Rezultatet kanë filluar që të publikohen por nuk do t’i komentoj. Janë tri momente të duhet të theksohen janë se Kosova ka treguar pjekuri politike, zgjedhjet kanë shkuar më mënyrën më të mirë të mundshme. Vlen të theksohet se këtë herë është votuar vetëm me dokumente të Kosovës dhe ajo që është më e rëndësishme është që mandati është më i sigurtë kur i kthehet popuilit në një tension politik sikur që është. Besoj që ky standard do të aplikohet. Vërejmë rritje për AAK, por s’mund të japim rezultatet ende. Fakti që kanë dalë më shumë është dëshmia që ia ka vlejtur që t’i kthehet mandati popullit”, ishte kjo një pjesë e fjalës së Haradinajt.

  • 19:07

    Mbyllen votimet në Kosovë, Exit Poll-et nxjerrin fitues LDK-në dhe Vetëvendosjen

    Është mbyllur zyrtarisht procesi i votimit në Kosovë, ku kanë dalë dhe Exit Pollet e para. Ka qenë Klan Kosova  që ka publikaur një Exit Poll, ku siaps drejtorit të këtij televzioni, Baton Haxhiut është LDK dhe Vetëvendosje që do dalin fituese.

    Exit Poll

    Sipas këtyre rezultateve, LDK-ja dhe VV-ja kanë fituar nga 30 për qind të votave. Ky Exit Poll u publikua në orën 19:00, menjëherë pasi u mbyllen kutitë e votimit.

    Ndarja e deputetëve

    1: LDK dhe Vetëvendosje me 30%

    2: PDK me 22.28%

    3: AAK-PSD me 10.58%

    4: Nisma – AKR me 4.41%

    Të tjera: 2.20%

  • 15:05

    Serbi dhe bashkëshortja e tij, votojnë në zgjedhjet parlamentare me dokumenta kosovare

     Ditën e sotme  në zgjedhjet Parlamentare të Kosovës ka marrë  pjesë edhe kryetari i LSL-së, Sllobodan Petroviqi, me origjinë serbe. Petroviqi është shoqëruar edhe nga bashkëshortja e tij, ku lajmi është bërë i ditur RadioKim në gjuhën serbe, shkruajnë mediat kosovare.

    Qendra e votimit ku serbi me bashkëshorten e tij ka votuar, ka qenë në Llapnasellë, teska mësohet se nuk ka pasur probleme dhe parregullsi në mbarëvajtjen e votimeve deri në këtë orë.

    Sllobodan Petroviç dhe bashkëshortja e tij

    “Nuk janë vënë re kurrfarë gabimesh, materiali ka arritur me kohë, para hapjes së vendvotimit. Është dërguar një sasi më e madhe listash të votimit në krahasim me numrin e votuesve. Ky është vendvotim për banorët e Llapnasellës, por ka mjaft raste që në vendvotimin numër tre të vijnë shumë votues që votojnë me kusht. Dokumentet që i merr në konsideratë komisioni në vendvotim janë vetëm letërnjoftimet e Kosovës”.-  është shprehur menaxheri i qendrës zgjedhore në Llapnasellë, Lubisha Karaxhiq.

  • 14:55

    Arrestohet përkrahësi i Vetëvendosjes në Prizren për blerje votash

    Një përkrahës i Vetëvendosjes në Prizren është arrestuar në flagrancë nga Policia, pasi u kap duke blerë vota. Sipas mediave në Kosovë kanë qenë disa vëzhgues të PDK-së që bënë të mundur evidentimin e rastit duke thirrur edhe policinë.

    Me të mbërritur Policia në vendin e ngjarjes bëri të mundur arrestimin e personit në fjalë.

    Qyteti i Prizrenit

    PDK dënoi ashpër sjelljen e aktivistëve të Vetëvendosjes, duke iu bërë thirrje edhe vëzhguesve të subjekteve tjera politike dhe OJQ-ve, monitorues të zgjedhjeve, t’i raportojnë rastet e tilla.

    “Vota e secilit është e shenjtë dhe nuk do të lejohet, që askush të abuzojë me të drejtën legjitime të qytetarëve”, thuhet në komunikatë.

  • 14:33

    Mezi mbahej në këmbë, voton 109-vjeçarja në Prizren, e shoqëron prej krahu nipi (FOTO)

    Ka jetuar më  shumë se një shekull, dhe sot në zgjedhjet parlamentare të Kosovës, një 109-vjeçare nga Zhuri i Prizrenit, ka shkuar të votojë në qendrën e votimit.

    109-vjeçarja, Xhemile Susuri

    109-vjeçarja Xhemile Susuri e shoqëruar nga nipi i saj ka arritur të marrë pjesë në votime, duke kryer detyrën e saj si qytetare e Kosovës në dhënien e votës së saj.

    Pasi votoi  gruaja  e moshuar ka përshëndetur të gjithë vëzhguesit e komisionerët duke e duartrokitur, e më pas ajo është shprehur:  -Ditën e mirë e veç gëzim paçi.

  • 14:15

    Katër të arrestuar në Prizren, fotografuan votën

    Teksa në Kosovë po zhvillohen zgjedhjet parlamentare, ka pasur edhe probleme në mbarëvajtjen e tyre. Së fundmi sipas mediave kosovare është mësuar që katër persona janë arrestuar në Prizren pasi dyshohet që kanë fotografuar votën. Lajmi është konfirmaur edhe nga zëdhënësi i Policisë së Prishtinës, Vesel Gashi.

    Foto ilustruese

    “Mund të ju konfirmoj se Policia e Kosovës, në bashkëpunim me prokurorinë kemi ndaluar katër persona të cilët dyshohet se kanë keqpërdorur votën”, është shprehur ai. Ndërkohë 4 të arrestuarit po intervistohen, ndërkohë që sipas urdhërit të prokurorit  të arrestuarit  do të procedohen edhe më tej.

  • 14:12

    Qytetarëve u dërgohen SMS në masë: Votoni “Listën Serbe”

    Qytetarë të ndryshëm kanë mesazhe përmes telefonit që të votohet “Lista serbe”. Mesazhet janë shpërndarë në masë në komunat që kanë shumicë serbe, të cilat sipas Kodit Zgjedhor nuk mund të votojnë.

    Mesazhi i dërguar

    “Serbia bën thirrje të japësh votën tënde. Votoni Listën Serbe numër 135,” thuhet në tekstin e mesazhit të dërguar po në serbisht.

  • 11:33

    Lejuan votimin me letërnjoftim serb, arrestohen dy komisionerë në Mitrovicë

    Foto ilustruese

    Prokuroria ka arrestuar dy persona me akuzën e shpërdorimit të detyrës gjat zgjedhjeve në Komunën e Mitrovicës. Dy të ndaluarit janë komisionerë, njëri kryesues i vendvotimit dhe zyrtari i identifikimit në qendrën e votimit 3805B/12D, në shkollën “Sveti Sava”. Të ndaluarit dyshohet se kanë lejuar të votohet me letërnjoftim serb në kundërshtim me rregullat e KQZ-së që lejonin vetëm atë shqiptar.

    Njoftimi i plotë i Prokurorisë së Shtetit:

    Ndalohen dy persona zyrtarë për keqpërdorim të detyrës zyrtare gjatë zgjedhjeve Prishtinë, 6 tetor 2019 – Prokurori i Shtetit njofton opinionin se në Mitrovicën e veriut, me urdhër të prokurorit, janë ndaluar dy persona të dyshuar se kanë kryer veprën penale “Keqpërdorim i detyrës zyrtare gjatë zgjedhjeve” nga neni 211 të KPRK-së. Koordinatorja Nacionale për zgjedhje, Laura Pula, në koordinim me kryeprokurorin e Prokurorisë Themelore të Mitrovicës, Shyqyri Syla, pas marrjes së informacioneve se është lejuar votimi në kundërshtim me rregullat e KQZ-së, nga ana e dy komisionerëve, (kryesuesi i vendvotimit dhe zyrtari për identifikim në qendrën e votimit 3805B/12D, në shkollën “Sveti Sava”, në Mitrovicën e veriut), janë ndërmarrë të gjitha veprimet e nevojshme duke ndaluar të dyshuarit dhe duke kryer verifikimet procedurale.

  • 10:25

    Dha dorëheqjen dhe kërkoi zgjedhje të parakohshme, voton Ramush Haradinaj, ja kush e shoqëroi (FOTO)

    Anita dhe Ramush Haradinaj

    Ish-kryeministri i Kosovës, Ramush Haradinaj ka shprehur vullnetin e tij në ditën e zgjedhjeve të parakohshme.  I shoqëruar nga gruaja e tij, Anita Muçaj, Haradinaj ndaloi jashtë ambienteve të qendrës së votimit për të dhënë një pronocim të shkurtër për gazetarët.

     

     

    Unë dhe Anita votuam. I ftoj të gjithë të votojnë. Është sukses për Kosovën një demokraci kaq e mirë. Çdo gjë po shkon mirë. Urime zgjedhjet,”-tha Harandinaj. 

  • 9:57

    Voton Albin Kurti, i sigurt për fitore: Le të votojmë e festojmë masivisht

    Kreu i Lëvizjes Vetëvendosja, Albin Kurti ka votuar në Fakultetin Jurdik në Prishtinë. Në një deklaratë për mediat, Kurti tha se dita e sotme duhet të shijohet nga qytetarët e Kosovës, të cilët duhet që të shprehin vullnetin e tyre.

    Të gjitha përgjigjeve, i përgjigjet populli. Nuk ka rëndësi a je i pasur, i varfër, grua apo burrë, të gjithë jemi të barabartë. Të gjithë ta shfrytëzojnë këtë shans. Uroj votime të lira. Uroj të votojmë e festojmë. Ne do të presim rezultatet në orët e mbrëmjes. Votimin masiv ditën e sotme ta kthejmë në një festë masive,”-tha Kurti.

  • 9:29

    Voton Gent Cakaj: Jam qytetar i dy shteteve, nuk shqetësohem nga Serbia

    Gent Cakaj

    Ministri në Detyrë për Evropën dhe Punët e Jashtme Gent Cakaj ka votuar në Prishtinë në ambientet e shkollës “Shtjefën Gjeçovi”. Duke i cilësuar votimet si ushtrimin më të frytshëm të demokracisë, Cakaj e ka cilësuar si shumë të rëndësishme këtë ditë për të gjithë qytetarët e Kosovës. Në një prononcim për mediat, Ministri në Detyrë Cakaj ka shpjeguar dhe arsyen e pjesëmarrjes së tij në votime.

     

     

    “Unë nuk jam thjesht një shtetas i Republikës së Shqipërisë dhe Republikës së Kosovës, por jam edhe një qytetar aktiv i cili beson që fati këtyre dy vendeve është i pandashëm. Qoftë zgjedhjet e qershorit në Shqipëri, qoftë zgjedhjet e tetorit tani pavarësisht dallimeve të dy vendeve kanë diçka të përbashkët, janë shprehje e vullnetit të përgjithshëm politik.” shprehet Cakaj.

    I pyetur si e pret një reagim të Beogradit për votimin e tij edhe në Tiranë edhe në Prishtinë Cakaj shprehet se voton në bazë të bindjeve të tij dhe në përputhje me interesat e vendit të tij Kosovë dhe Shqipëri, nuk ka shqetësim për reagimet e Beogradit.
  • 9:14

    Presidenti Thaçi: Sot le të fitojë Kosova, ju ftoj për një pjesëmarrje të madhe

    Hashim Thaçi

    Presidenti i Kosovës, Hashim Thaçi ka reaguar lidhur me zgjedhjet e parkohshme paralamentare që po zhvillohen në Kosovë.  Me anë të një postimi në Facebook, Thaçi bën thirrje për pjesëmarrje në zgjedhje, në mënyrë që procesi të jetë sa më i drejtë.

     

     

    “Sot Kosova zgjedh legjislaturën e re, që do të nxjerrë edhe qeverinë e re të Kosovës, e cila duhet të përmirësojë jetën e qytetarëve tanë dhe të përballet me sfidat që i kemi përpara. Prandaj, ftoj për një pjesëmarrje sa më të madhe, për një proces elektoral të drejtë, të lirë dhe fer. Kemi ndërtuar traditë të zgjedhjeve të mira dhe të pranuara nga të gjithë. Sot le të fitojë Kosova,”-shkuran Thaçi.

  • 8:55

    I biri ka ndërruar jetë, i ati i gjen emrin në listën e votimit, lutja prekëse: Turp!

    I moshari në Prishtinë

    Një rast i çuditshëm ka ndodhur gjatë procesit të zgjedhjeve sot në Komunën e Prishtinës, ku një i moshuar ka dalë i mërzitur. Ky i fundit ka raportuar një parregullsi para kamerës të televizionit T7, ku edhe ka rrëfyer se për të 12-in vit radhasi gjen emrin e djalit të ndjerë në listën e votuesve.

     

     

    “Vdekja e djalit më ka ndodhur në vitin 2007. Sa herë i kemi lajmëruar që të mos luajnë me kufoma dhe me njerëz të vdekur. Është turp! Mos të bëhen kështu dallavaresh. Çdo herë që ka pasur zgjedhje e gjej emrin. E njëjta punë e i njëjti muhabet me ta. Çfarë ruan Komisioni Qëndror?,”-tha i moshuari.

  • 8:37

    S’ka qetësi në Mitrovicë! Komisionerët serbë përplasen me njëri-tjetrin, shkak mënyra e votimit

    Foto ilustruese

    Prej disa orësh tashmë vijon procesi i votimit në të gjitha qendrat në Kosovë. Deri më tani në asnjë qytet nuk është raportuar asnjë parregullsi, përveçse në Mitrovicën e veriut. Në Zveqan dhe Leposaviq procesi i votimit ka filluar me vonesë pasi disa komisionerë serbë janë përplasur mes tyre për mënyrën e votimit. Disa prej tyre kanë kërkuar që votimi të bëhet me letërnjoftim serb, ndërsa disa të tjerë kanë insistuar të respektohet vendimi i KQZ-së, që në veri të Mitrovicës të votohet me letërnjoftim të Kosovës.

  • 8:12

    Ambasadori amerikan apel qytetarëve: Dilni dhe votoni, çdo votë ka rëndësi

    Ambasadori i Shteteve të Bashkuara në Kosovë, Philip Kosnett ka bërë një apel për qytetarët që do të votojnë sot. Me anë të një postimi në Twitter, Kosnett shprehet se çdo votë ka vlerë duke inkurajuar qytetarët që të dalin e të votojnë.

    “Në Kosovë si në Amerikë, çdo votë numërohet. Cdo zë ka rëndësi. Cilado qoftë pikëpamjet tuaja, këdo që të mbështesni – më 6 tetor, dilni dhe votoni. Për veten, për vendin tënd, për të ardhmen tuaj,”- shkruan Kosnett.

Shto Koment