Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Në zgjedhjet vendore të vitit 2015, Agron Kapllanaj fitoi garën në bashkinë Mallakastër si përfaqësues i Partisë Demokratike – pjesë e Aleancës Popullore për Punë dhe Dinjitet me 54.9% të votave.
Kapllanaj i ka rrënjët në botën e biznesit dhe përpara se të zgjidhej kryetar i bashkisë Mallakastër – e zgjeruar në vitin 2015 si rrjedhojë e reformës administrativo-territoriale, ai kishte shërbyer për dy mandate si kryetar i komunës Qendër Mallakastër.
Në gusht 2012, komuna Qendër Mallakastër hapi një procedurë prokurimi për ndërtimin e ujësjellësit nga depoja e Qafës së Kashit deri në fshatin Lapulec, investim që synonte të furnizonte me ujë fshatrat Lapulec dhe Lofkend të kësaj njësie administrative vendore.
Në tender morën pjesë 5 kompani dhe fitues u shpall shoqëria ‘Shkëlqimi 07’ sh.p.k – një kompani ndërtimi e drejtuar nga vëllai i kryebashkiaku të Mallakastrës, Agron Kapllanaj dhe ku ky i fundit kishte punuar si drejtor administrativ në vitet 2000-2006. [kliko këtu për kontratën]
Të dhënat që dalin nga deklaratat periodike të interesave private të kryetarit të bashkisë Mallakastër të depozituar nga ILDKPKI – ngrenë shqetësimin për një konflikt të mundshëm interesi, i cili duhet të ishte deklaruar dhe mbikëqyrur nga Inspektoriati.
Kapllanaj dhe ILDKPKI nuk iu përgjigjën një kërkese për koment nga BIRN, për hapat e ndërmarrë për shmangien e konfliktit të interesi në kontratën për ndërtimin e ujësjellësit.
Megjithatë, një kopje e kontratës, e siguruar nga BIRN nëpërmjet një kërkese për të drejtë informimi, tregon se ish-kreu i komunës Qendër Mallakastër – tani kryebashkiak, nuk e ka firmosur me dorën e tij kontratën me kompaninë ‘Shkëlqimi 07,’ por ka autorizuar punonjësin më të vjetër të komunës në shkallë hierarkike nëpërmjet një urdhri të brendshëm.
“Unë Agron Kapllanaj, në cilësinë e Titullarit të Autoritetit Kontraktor… vendos zëvendësimin tim si Titullarit të Autoritetit Kontraktor në procesin e prokurimit me objekt : Ndërtimi Ujësjellësit Depo Qafa e Kashit – Lapulec,” shkruhet në urdhrin e brendshëm të ish-kryetarit të komunës Qendër Mallakstër, që mban datën 5 gusht 2012.
Tenderi për ujësjellësin
Projekti për ndërtimin e ujësjellësit nga Qafa e Kashit në Lapulec është një projektet i përzgjedhur nga Komiteti i Zhvillimit të Rajoneve në vitin 2012, por financimi i këtij projekti ka vazhduar për disa vite.
Projekti ka pasur një fond limit pa TVSH prej 73.5 milionë lekësh dhe në tender kanë marrë pjesë 5 kompani ndërtimi. Kompania me ofertën më të ulët financiare ka qenë Sardo Sh.p.k, e cila ka ofruar vlerën 53.98 milionë lekë pa TVSH për realizimin e projektit.
Megjithatë, ky operator u skualifikua nga autoriteti kontraktor – komuna Qendër Mallakastër, me argumentin se nuk përmbushte kriteret e tenderit, për arsye se nuk arriti të paraqesë kontratë të ngjashme sipas kërkesave në dokumentet e tenderit, certifikatën ISO 9001, si dhe stafin inxhiniero-teknik dhe mjetet domosdoshme për realizimin e kontratës.
Nëpërmjet një njoftimi në Buletinin e Prokurim Publik me datë 12 gusht 2012, komuna Qendër Mallakastër njoftoi kompaninë ‘Shkëlqimi 07’ Sh.p.k si fituese të tenderit, duke e klasifikuar ofertën e saj me vlerën 64 milionë lekë pa TVSH si ofertën më të ulët nga 4 kompanitë e mbetura në garë.
Me datë 24 gusht 2012, komuna Qendër Mallakastër nënshkroi kontratën me vlerë 79.8 milionë lekë, përfshirë dhe TVSH-në, me kompaninë Shkëlqimi 07. Kjo kontratë është firmosur nga Xhevit Sinaj, P/Z i Tatim Taksave në komunë, me autorizimin ish-kryetarit Agron Kapllanaj.
Sipas regjistrit në Qendrën Kombëtare të Biznesit, QKB, kompania Shkëlqimi 07 Sh.p.k është në pronësi të Shkëlqim Kapllanaj, vëllait të kryebashkiakut Agron Kapllanaj. Në deklaratën e tij të interesave private para fillimit të detyrës, Agron Kapllanaj deklaron se nga viti 2000 deri në vitin 2006, ka punuar si drejtor i administratës për kompaninë Shkëlqimi 07.
Në kurrikulimin e tij jetësor të publikuar gjatë fushatës zgjedhore të vitit 2015, Kapllanaj shpjegon se ishte përfshirë në botën e biznesit pas kthimit nga emigracioni në Itali.
“Në vitin 1991 merr rrugën e emigrimit për një jetë më të mirë, duke çarë Adriatikun me fuçi, të cilët media italiane i quajti ‘Luanët e Detit’,” shkruhet në CV e kryebashkiakut.
“Në vitin 1993 kthehet nga Italia dhe së bashku me vëllezërit e tij vendos të krijojë një biznes, të cilin e ka drejtuar me sukses gjatë gjithë këtyre viteve duke e çuar në nivelet më të larta dhe punësuar në të afro 100 punonjës,” shton CV-ja.
‘Biznesmeni’ i varfër?
Edhe pse kryebashkiaku i Mallakastrës prezantohet në CV-në e publikuar gjatë fushatës elektorale për zgjedhjet vendore si një biznesmen i suksesshëm, ky sukses nuk është reflektuar në deklarimet e tij të pasurisë pranë Inspektoriatit të Deklarimit dhe Kontrollit të Pasurisë dhe Konfliktit të Interesit.
BIRN ka analizuar deklaratat e pasurisë së kryebashkiakut të administruara nga ILDKPKI, duke i paraqitur ato në një skedë grafike që ka për qëllim hedhjen dritë mbi pasurinë e tij në prag të zgjedhjeve për qeverisjes vendore të 30 qershorit. [kliko këtu për skedën]
Sipas të dhënave të administruara nga ILDKPKI, në deklaratën përpara fillimit të detyrës në vitin 2007, Kapllanaj deklaron një pasuri familjare prej 2.6 milionë lekësh. Ndërkohë në vitin 2017, pasuria e tij kap një vlerë prej 3.2 milionë lekësh, duke regjistruar një rritje të lehtë vjetore gjatë 10 viteve të deklarimit.
Pasuria e subjektit në fund të vitit 2017 përbëhet nga 2.4 milionë lekë pasuri të paluajtshme dhe 798 mijë lekë likuiditete bankare. Pasuria e paluajtshme përbëhet nga një apartament me sipërfaqe 57 m2 me vlerë 400 mijë lekë si dhe një shtesë apartamenti me sipërfaqe 47 m2 dhe vlerë 2 milionë lekë.
Nga viti 2007 deri në vitin 2017, kryebashkiaku Kapllanaj ka deklaruar të ardhura familjare në vlerë 18.55 milionë lekë, nga të cilat gati 10 milionë lekë ose 53 % vijnë nga paga për shkak të funksionit, 6.3 milionë lekë nga paga e bashkëshortes dhe pjesa tjetër nga pjesëmarrja në borde.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Kontrolli aritmetik-logjik i subjektit në 11 vite deklarimi rezultoi pa probleme.
Përveç kontrollit aritmetik-logjik, BIRN bëri dhe skanimin cilësor të deklaratave të subjektit. Nga ky kontroll rezulton se subjekti deklaratën periodike/vjetore 2008, subjekti ka deklaruar të ardhurat e krijuara nga bashkëshortja në firmën “Shkëlqimi shpk” për periudhën 2000-2009 në shumën 3,78 milionë lekë, ndërkohë që këto të ardhura duhet të ishin deklaruar në deklaratën para fillimit të detyrës në vitin 2007.
Deklarata para fillimit të detyrës
Deklarata e pasurisë për vitin 2007
Deklarata e pasurisë për vitin 2008
Deklarata e pasurisë për vitin 2009
Deklarata e pasurisë për vitin 2010
Deklarata e pasurisë për vitin 2011
Deklarata e pasurisë për vitin 2012
Deklarata e pasurisë për vitin 2013
Deklarata e pasurisë për vitin 2014
Deklarata e pasurisë për vitin 2015
Deklarata e pasurisë për vitin 2016
Deklarata e pasurisë për vitin 2017
Marrë nga Reporter.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryeprokurorja e përkohshme, Arta Marku ka folur në “Open” edhe për hetimet për ish-ministrin e Brendshëm, Saimir Tahirin.“Jam akuzuar se jam vënë...
TIRANË- Kryeprokurorja e përkohshme, Arta Marku deklaroi në “Open” se hetimet ish-kryeprokurorin Adriatik Llalla po vazhdojnë.Sipas Markut, për paraardhësi...
TIRANË– Kryeprokurorja e përkohshme Arta Marku e ftuar në “Open nga Eni Vasili” ka folur edhe lidhur me hetimet e grabitjes së Rinasit.Sipas Arta Markut, ...
Një tjetër dosje është ajo 184, me të njëjtin karakter, por për zgjedhjet e Dibrës në vitin 2016, një dosje e cilësuar si më e bunkerizuar.Për këtë dosje, volum...
TIRANË– Kryeprokurorja e përkohshme Arta Marku ka qënë e ftuar ditën e sotme në “Open nga Eni Vasili” në Top Channel.Gjatë intervistës së saj, Marku ka fol...
DURRËS– Një jaht me tre turistë austriakë në bord ka dhënë alarmin SOS për mbytje. Alarmi nga jahti u dha në kapitenerinë e Durrësit dhe prej tyre kërkohet...
GJIROKASTËR- Një aksident i rëndë ka ndodhur mbrëmjen e sotme në Gjirokastër, ku një motor është përplasur me një makinë e për pasojë është plagosur motori...
TIRANË- Ish-deputeti demokrat Klevis Balliu, sapo është liruar ditën e sotme, ka shkuar në zonën e Astirit në mbështetje të banorëve të Unazës së Re, të c...
TIRANË- 10- Maji do të shpallet ditë zie kombëtare, në nderim të nëntetares, Zarife Hasanaj, e cila humbi jetën 3 ditë më parë në një mision, në Letoni. Ve...
TIRANË- Gazetarja dhe moderatorje Rudina Xhunga, me anë të një postimi në rrjetet sociale, nuk i ka kursyer kritikat ndaj një prej marketeve më të njohura....
