E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
Shenja shqetësuese po vijnë nga ekonomia me më shumë borxhe e Europës
Në shkurt, shumë ndien një lehtësim, pasi Mario Draghi pranoi që të bëhej kryeministër i Italisë. Sepse, ishte vetë “Super Mario”, ai i cili e shpëtoi euron në vitin 2012, me premtimin se ai dhe Banka Qendrore Europiane do të bënin “gjithçka që ishte e nevojshme” për të ndaluar rënien.
Këto fjalë mjaftuan për t’i qetësuar tregjet, duke ulur normat e interesit të borxheve të anëtarëve më të dobët të Eurozonës. Gjatë nëntë viteve që nga ajo kohë, këto vende kanë kursyer me dhjetëra miliarda euro, falë kostove të ulëta të huamarrjes, shkruan The Economist.
Me zotin Draghi në krye, rendimenti i borxhit italian është aktualisht vetëm rreth 1.2% mbi atë të Gjermanisë. Qeveria që ai drejton mund të mbështetet në një shumicë të madhe në Parlament, dhe Komisioni Europian është gati për të ofruar një ndihmë financiare prej 200 miliardë eurosh (245 miliardë dollarë) ose më shumë, nga fondet e rimëkëmbjes ndaj Covid-19, një shumë kjo që do të paguhet gjatë tre ose katër viteve të ardhshme.
Kjo shumë është e barabartë me 12% të PBB-së vjetore të Italisë, një stimul që do të konsiderohej i madh nga standardet e kujtdo, përveç Joe Biden. Komisioni është kënaqur nga premtimet ka bërë zoti Draghi në lidhje me mënyrën se si do t’i shpenzojë paratë dhe me reformat që ai synon të ndërmarrë për të reformuar qeverinë sklerotike të Italisë.
E megjithatë, politika italiane mbetet e paparashikueshme. Kohët e fundit, një rritje e numrit të emigrantëve që mbërrijnë me anije, kryesisht në ishullin italian të Lampeduzës, u ka dhënë shkas titujve alarmues nëpër gazeta. Rreth 13,000 persona kanë mbërritur deri tani këtë vit, sa trefishi i një viti më parë.
Kjo është shumë poshtë pikut prej 180,000 vetash në vitin 2016, por sezoni i lundrimit sapo ka filluar. Politikanët populistë e kanë bërë të qartë se do ta ndjekin këtë çështje për sa kohë që numrat vazhdojnë të rriten. (Një fluks emigrantësh në enklavën spanjolle Ceuta ka shkaktuar probleme edhe për qeverinë socialiste në Spanjë).
Tani po luftohet një betejë e tensionuar për dominim në të djathtën nacionaliste të Italisë. Matteo Salvini, udhëheqësi i Ligës së Veriut të së djathtës ekstreme, ndodhet në një pozitë të rrezikshme, pasi partia e tij po humbet përkrahjen për shkak të shfaqjes së një partie edhe më radikale, Vëllezërit e Italisë (FDI), një pasardhëse e Lëvizjes Sociale Italiane, të themeluar në vitin 1946 nga ish- mbështetësit e Benito Mussolini.
Zoti Salvini u largua nga qeveria në vitin 2019, në një përpjekje të dështuar për të imponuar zgjedhje të parakohshme, të cilat ai me shumë gjasa mund t’i kishte fituar. Partia e tij është ende më popullorja në peizazhin e copëzuar politik të Italisë, ose të paktën, kështu shprehen sondazhet. Por partia FDI e drejtuar nga Giorgia Meloni po e arrin në popullaritet.
FDI është e vetmja nga partitë kryesore që nuk ka mbështetur qeverinë e zotit Draghi, dhe kjo duket se nuk po e dëmton popullaritetin e saj në një vend ku shumë njerëz ende nuk u zënë besë bankierëve ose Brukselit. Së shpejti, FDI mund t’ia kalojë Ligës. Në disa sondazhe, ajo tashmë ka kaluar partinë kryesore të qendrës së majtë, Demokratët, e udhëhequr nga Enrico Letta, një njeri i aftë i cili shërbeu për pak kohë si kryeministër në periudhën 2013-‘14.
Së bashku, Liga dhe FDI mund të kenë vota të mjaftueshme për të formuar një qeveri, sidomos nëse arrijnë të marrin mbështetjen e ish- kryeministrit famëkeq, Silvio Berluskoni. Të dyja partitë janë tepër nacionaliste dhe dyshuese ndaj BE-së, megjithëse asnjëra nuk ka kërkuar një Ital-exit nga Bashkimi Europian.
Anëtarët e Parlamentit nuk do të përballen me elektoratin edhe për dy vjet të tjera; zgjedhjet duhet të mbahen në maj 2023. Por një zgjedhje tjetër mund të mbahet shumë më shpejt. Ata që e njohin, thonë se zoti Draghi është i etur për të qenë presidenti i ardhshëm i Italisë, një post që do të vendoset shkurtin e ardhshëm, por disa shpresonin se presidenti i tanishëm, Sergio Mattarella, mund të binte dakord për të qëndruar sërish dhe për t’i hapur rrugë z. Draghi më vonë. Këtë javë ai e përjashtoi këtë mundësi.
Ngritja e Vëllezërve të Italisë dhe nevoja e z. Salvini për të anuar nga e djathta për t’iu përshtatur atyre, është një kujtesë se nacionalizmi i hapur mbetet popullor për shumë votues në Bashkimin Europian. Megjithëse kjo ka qenë shumë e qartë në Poloni dhe Hungari, është e vërtetë edhe në Europën Perëndimore.
Disa sondazhe të fundit në Francë, parashikojnë një garë mjaft të fortë midis presidentit Emmanuel Macron dhe rivales nacionaliste Marine Le Pen, në zgjedhjet e vitit të ardhshëm. Në Spanjë, Partia Popullore e opozitës po kërkon një marrëveshje me Vox, një parti e sapoardhur nga e djathta, për të formuar një qeveri për rajonin e Madridit.
Qeveritë e Europës kanë pasur dështime kolektive dhe individuale me pandeminë Covid-19, duke mos i trajtuar siç duhet fazat e hershme të vaksinimit dhe valën më të fundit të infeksionit. Një sezon zgjedhjesh po afron, dhe funksionarët në detyrë mund të përballen me disa surpriza të këqija. Një surprizë e keqe në Itali, e cila mbart borxhin më të madh në Europë, do të ishte vërtet katastrofike.
MONITOR
Iftar dhe politikë, a u prek Muaji i Ramazanit nga politikanët?
BRITANI- Udhëheqësit e G-7-ës duket se janë të ndarë lidhur me thirrjen e Presidentit të Shtetet e Bashkuara Joe Biden për të ndërmarrë veprime më agresive kund...
UASHINGTON- Presidenti amerikan Joe Biden do të presë kancelaren gjermane Angela Merkel në Uashington më 15 korrik në një vizitë që mund të jetë e fundit në det...
SHBA- Shtetet e Bashkuara janë rikthyer si një vend udhëheqës e bashkëpunues i botës së lirë, tha presidenti i Francës, Emmanuel Macron, gjatë një takimi me pre...
Presidenti turk Rexhep Tajip Erdogan do të takohet me presidentin amerikan Joe Biden të hënën në takimin e nivelit të lartë NATO-s për diskutime që shihen si th...
BRITANI- Mbretëresha Elizabeth II ka marrë pjesë së fundmi në një fejesë, ku edhe i caktuan një “detyrë”. Dailymail raporton se Mbretëreshës iu dha ...
KOSOVË– Liria u vra, u dogj dy herë për t’u mos u identifikuar më. Trupi i njomë i vajzës gjashtëmuajshe, ani pse i bërë shkrumb, do të jetë gjithmon...
SERBI– Kërcënimi ndaj Presidentit të Republikës së Serbisë, Aleksandër Vuçiç, duhet të shihet nga perspektiva e luftës së paepur kundër krim...
SHBA– Një zhytës në Cape Cod mendoi se ishte sulmuar nga një peshkaqen, por e kuptoi se ishte në gojën e një balene.”Unë e kuptova se ai nuk ka dhëm...
SHBA- Të paktën 13 njerëz u plagosën herët në mëngjes pas disa të shtënave në qendër të qytetit të Austin, Texas, thanë zyrtarët.Dy nga personat e plagosur janë...
BRITANI– Një grua britanike e sulmuar nga një krokodil në Meksikë është jashtë koma dhe po merr frymë në mënyrë të pavarur, ka thënë binjakja e saj.Melissa Laur...
