E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
SHBA– Një ish-oficer i lartë i inteligjencës saudite ka pohuar se princi Mohammed bin Salman është një “psikopat pa ndjeshmëri”, i cili dikur mburrej se mund të vriste sundimtarin e mbretërisë në atë kohë, Mbretin Abdullah dhe ta zëvendësonte atë me babanë e tij. Saad Aljabri, i cili u largua nga Arabia Saudite në maj 2017 dhe jeton në mërgim në Kanada, tha në një intervistë se ishte paralajmëruar nga një bashkëpunëtor në vitin 2018, pas vrasjes së gazetarit Jamal Khashoggi në konsullatën saudite në Stamboll, se një skuadër sulmuese saudite po shkonte në Kanada për ta vrarë atë. Aljabri tha se ai ishte paralajmëruar të mos qëndronte në afërsi të ndonjë misioni saudit në Kanada dhe të mos shkonte në konsullatë. Kur u pyet pse, ai tregoi se i kishin thënë që do ta vrisnin. Disa detaje të reja të komplotit të dyshuar të atentatit, u zbuluan në proceset gjyqësore në SHBA dhe Kanada. Kjo intervistë e dhënë nga Aljabri, përfaqëson herën e parë që ai ka folur publikisht për shkëputjen e tij me Princin Mohammed. Ai foli gjithashtu për gjendjen e vështirë të dy fëmijëve të tij më të vegjël, Sarah dhe Omar, të cilët u arrestuan dhe ndodhen në burg në Arabinë Saudite, si një përpjekje për të detyruar babanë e tyre të kthehet në vend.
“Më duhet të flas. Unë i bëj thirrje popullit amerikan dhe administratës amerikane që të më ndihmojnë për t’i liruar ata fëmijë dhe për t’u rikthyer jetën”, tha ai.
Qeveria saudite nuk i adresoi akuzat e Aljabrit, por tha në një deklaratë se ai është një ish-zyrtar i diskredituar i qeverisë me një histori të gjatë të sajimit dhe krijimit të shpërqendrimeve për të fshehur krimet financiare që ka kryer. Aljabri ishte një këshilltar i afërt i Mohammed bin Nayef, një ish-princ saudit dhe ministër i brendshëm, i cili po mbahet në Arabinë Saudite dhe është parë si një rival i mundshëm politik i Princit Mohammed.
“Pres të vritem një ditë, sepse ky djalë nuk do të pushojë derisa të më shohë të vdekur”, tha Aljabri.
Aljabri ka mbështetje të fortë në SHBA, ku ish-zyrtarët e inteligjencës e kanë vlerësuar homologun e tyre saudit për ndihmën e dhënë për të shpëtuar jetët e amerikanëve dhe sauditëve pas sulmeve terroriste të 11 shtatorit në SHBA. Ish-drejtori në detyrë i CIA-s, Mike Morell tha se Aljabri ishte “i nderuar”. Inteligjenca e transmetuar në SHBA nga Aljabri, sipas Morell, kishte çuar në përgjimin e bombave që ishin vendosur nga al-Kaeda në vitin 2010. Morell tha se kishte edhe shembuj të tjerë të Aljabrit, që shpëtoi jetën e amerikanëve, por shtoi se ato ishin ende të klasifikuara. Arabia Saudite ka mohuar më parë të ketë pasur një tentativë për vrasje ndaj Aljabri në Kanada. Mbretëria ka mohuar gjithashtu se vrasja e Jamal Khashoggi, kolumnist i Washington Post, ishte urdhëruar nga Princi Mohammed. Por një vlerësim i deklasifikuar i inteligjencës amerikane, i publikuar në fillim të këtij viti, arriti në përfundimin se vrasja ishte miratuar nga princi. Sipas rrëfimit të Aljabri për planet e supozuara për ta vrarë atë në Kanada, një ekip prej gjashtë personash zbarkoi në aeroportin e Otavës në mesin e tetorit 2018. Ata gënjyen zyrtarët kanadezë të kufirit se njiheshin me njëri-tjetrin dhe mbanin pajisje të dyshimta për analizën e ADN-së. Ekipi u deportua nga Kanadaja pasi u përgjua nga autoritetet në aeroport.
“Ne jemi në dijeni të incidenteve në të cilat individë të huaj janë përpjekur të kërcënojnë ata që jetojnë në Kanada. Është krejtësisht e papranueshme.” tha qeveria kanadeze.
Akuzat serioze për Princin Mohammed vijnë pasi Arabia Saudite po kërkon të përmirësojë imazhin e saj në mbarë botën, duke përfshirë marrjen e fundit të Newcastle United nga Fondi i Investimeve Publike, fondi i pasurisë sovrane të kontrolluar nga Arabia Saudite ku Princi Mohammed shërben si kryetar. Në intervistë, Aljabri e portretizoi Princin Mohammed si të pamatur dhe të pabesueshëm.
“Ai është një psikopat pa empati, i cili nuk ndjen emocione, nuk mësoi kurrë nga përvoja e tij,” tha Aljabri.
Ish-shefi i inteligjencës pohoi gjithashtu se Princi Mohammed “kishte frikë” nga informacioni që Aljabri dinte për të, duke përfshirë një diskutim të regjistruar të vitit 2014 midis Princit Mohammed dhe princit të kurorës së atëhershme Mohammed bin Nayef, në të cilin princi aktual mendohet të ketë thënë se mund të vriste mbretin Abdullah, për të liruar fronin për babain e tij, Salman.
“Ai i tha atij: Dua të vras mbretin Abdullah. Do të marr një unazë helmuese nga Rusia. Më mjafton vetëm të shtrëngoj dorën me të dhe ai do të marrë fund. Ne e morëm seriozisht atë,” tha Aljabri.
Ai shtoi se ishte në dijeni për dy kopje të regjistrimit dhe se e dinte se ku ndodheshin. Arabia Saudite, nga ana tjetër, ka akuzuar Aljabrin për përvetësim dhe pretendon se ai vodhi qindra miliona dollarë nga arkat e mbretërisë. Akuzat u mohuan nga Aljabri dhe u minimizuan nga Morell, ish-drejtori në detyrë i CIA-s.
Përshtatur nga The Guardian.
(i.d.Dosja.al)
Cila mendoni se është alternativa më e mirë:
SUDAN– Anëtarët e qeverisë kalimtare të Sudanit dhe udhëheqësit e tjerë civilë janë arrestuar mes raporteve për një grusht shteti ushtarak. Kryeministri, ...
SERBI– Kryetari i Presidencës së Bosnje e Hercegovinës, Zheljko Komshiq ka komnetuar takimin e zhvilluar në Beograd ndërmjet presidentit të Serbisë, Aleks...
KOSOVË– Gjykata Supreme e Kosovës ditën e sotme pritet që të marrë një vendim për ankesën e Partisë Demokratike të Kosovës, lidhur me vendimin e Pane...
HAGË– Ditën e sotme do të zhvillohet seanca gjyqësore në Dhomat e Specializuara në Hagë, ndaj ish-krerëve të Organizatës së Veteranëve të Luftës së U...
KOSOVË– Komisioni Qendror i Zgjedhjeve në Kosovë planifikon që gjatë ditës së sotme të numërojë votat e personave me aftësi të kufizuar.Lajmi është k...
Shefi i Organizatës Botërore të Shëndetësisë (OBSH) paralajmëroi se bota ka ende një rrugë të gjatë derisa të arrijë momenti kur mund të shpallet e përfunduar p...
SEUL– Inteligjenca e Koresë së Jugut mohon raportin e gazetës amerikane se Kim Yoo Jong, motra e vogël e diktatorit të Koresë së Veriut, organizoi një gru...
PARIS– Politikania franceze Marion Marechal, drejton Institutin e Shkencave Sociale, Ekonomike dhe Politike në Lyon, ka dhënë disa komente pa asnjë kuptim...
ANGLI – Cristiano Ronaldo ka reaguar menjëherë pas humbje së skuadrës së tij në këtë javë të Premier League-s me Liverpoolin në “Old Trafford”.Portugezi n...
SHBA– Fraza #ArrestFauci është kthyer në një trend në rrjetin social “Twitter” të dielën pasdite duke vënë me shpatulla pas murit, ekspertin më të lartë t...
