Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANË- Prokurori i Gjirokastrës, Spartak Çoçoli nuk u paraqit as të martën në seancën dëgjimore përballë Komisionit të Pavarur të Kualifikimit. Ndryshe nga hera e parë, kur kërkoi shtyrje për arsye shëndetësore, këtë herë Çoçoli e ka njoftuar Komisionin se e kishte të pamundur të ishte i pranishëm, ndërsa nuk ka dorëzuar asnjë dokument justifikues.
Kryesuesi i trupit gjykues, Lulzim Hamitaj tha se në kushtet kur Çoçoli nuk kishte justifikuar mospraninë e tij, seanca dëgjimore do të zhvillohej, duke parashtruar gjetjet e Komisionit.
Spartak Çoçoli e ka filluar karrierën në sistemin e drejtësisë në vitin 1991 dhe ka punuar për më shumë se dy dekada në Prokurorinë e Gjirokastrës. Në janar 2019, Çoçoli u pezullua nga detyra pas përfshirjes së tij në një hetim të Prokurorisë së Krimeve të Rënda, ku dyshohej për veprën penale të korrupsionit. Aktualisht, çështja e tij është duke u shqyrtuar në Gjykatën e Posaçme të Shkallës së Parë për Korrupsionin dhe Krimin e Organizuar.
Relatorja e çështjes, Valbona Sanxhaktari tha në fillim të seancës se hetimi administrativ për prokurorin Çoçoli ishte përfunduar vetëm në dy kritere, atë të pastërtisë së figurës dhe profesionalizmin. Ajo vuri në dukje se subjekti i rivlerësimit është aktualisht i pezulluar në detyra me vendim të Këshillit të Lartë të Prokurorisë, KLP.
Sanxhaktari bëri me dije se Drejtoria e Sigurimit të Informacionit të Klasifikuar, DSIK kishte sjellë fillimisht raport pozitiv për pastërtinë e figurës së Çoçolit. Por DSIK e ka ndryshuar raportin e 2017-ës, duke referuar informacione të tjera dhe në një raport të tretë e shpalli atë të papërshtatshëm për vazhdimin e detyrës.
“Grupi i punës konkludon se afera korruptive ku është përfshirë subjekti e cënon figurën e magjistratit,” tha Sanxhaktari, duke ju referuar raportit përfundimtar të DSIK-së.
Ajo vijoi se Prokuroria e Posaçme për Korrupsionin dhe Krimin e Organizuar, SPAK kishte informuar se në vitin 2019 ndaj Çoçolit është regjistruar procedim penal dhe se gjykata më pas ka caktuar masën e sigurisë ‘pezullim nga detyra’. Sipas Sanxhaktarit, prokuroria e ka marrë më pas të pandehur subjektin dhe kërkesa për gjykim është pranuar prej gjykatës. Pas këtij vendimi, Këshilli i Lartë i Prokurorisë ka vendosur ta pezullojë nga detyra.
Në seancë u tha ndaj Çoçolit është kryer një kallëzim penal, ku pretendohej se subjekti i rivlerësimit kishte kërkuar para për të favorizuar një person.
Prokurori Çoçoli mori vlerësim negativ edhe për aspektin profesional. “Ka mangësi të theksuara në zbatimin e ligjit. Vetëm në një prej çështjeve të verifikuara e ka referuar drejt ligjin, ndërsa në gjithë çështjet e tjera e ka referuar në mënyrë të gabuar. Në asnjë rast nuk i ka argumentuar vendimet e pushimeve dhe nuk ka kryer verifikime apo hetime para vendimarrjes. Gjithashtu, nuk respekton as rregullat e drejtëshkrimit”, deklaroi Sanxhaktari lidhur me konstatimet e KPK për profesionalizimin.
Ajo vijoi se Çoçoli shfaq aftësi të cunguara në arsyetimin ligjor dhe se në përgjithësi ka kryer referenca ligjore të gabuara.
“Në një rast ka regjistruar procedim penal ndaj personi pa i argumentuar akuzat dhe e ka dërguar dosjen në gjyq. Gjatë gjykimit është tërhequr me justifikimin se do të kryente hetime të tjera,” shpjegoi Sanxhaktari për një prej gjetjeve. Ajo shtoi se gjuha e përdorur nga Çoçoli në akte, nuk është në etikën e prokurorit.
Sanxhaktari tha se në vitin 2011 Prokurori i Përgjithshëm nga nxjerrë vendim për hetimin e Çoçolit dhe një vit më pas ndaj tij është dhënë masa disiplinore “vërejte”.
Për vitet 2013 dhe 2015 Çoçoli është vlerësuar “mirë” nga Prokuroria e Përgjithshme ndërsa për vitet 2014 dhe 2016 “mjaftueshëm”.
Prej verifikimit të kryer nga Komisioni ka rezultuar se institucionet e inteligjencës kishin referuar informacione për përfshirjen e Çoçolit në veprimtari të paligjshme në vitet 2007; 2014 dhe 2015. Bazuar edhe në pesë denoncime e kryera nga publiku, Komisioni konstaton se Çoçoli ka aftësi dhe cilësi të prapranueshme në punë.
Sanxhaktari tha se të gjitha shpjegimet e Çoçolit do të vlerësohen në raport me vendimin përfundimtar. KPK vendosi të shtyjë seancën për shpalljen e vendimit më datë 16 korrik, ora 09:15.
(Marrë nga Reporter.al)
1 vit nga zgjedhjet e 25 prillit si e shikoni gjendjen e vendit:
FUSHË-KRUJË- Një aksident automobilistik është regjistruar rreth orës 18:00 në aksin Fushë-Krujë-Durrës. Mësohet se një makinë tip “Golf” është përpla...
AUSTRI- Austria së fundmi ka ka pezulluar fluturimet nga Shqipëria nga data 16 deri në 31 korrik duke qenë se numri I rasteve të reja po rritet dita ditës.Lajmi...
TIRANW-Dy efektivë të rendit në policinë e Tiranës janë prekur nga COVID-19. Mësohet se njëri prej tyre është shtruar në spitalin Infektiv. Gjithashtu janë kara...
ITALI– Mediat italiane sëfundmi kanë bërë me dije se policia e Italisë ka arritur të shkatërrojë një organizatë kriminale në shpërndarjen e lëndëve narkotike....
TIRANË -Instituti i Shëndetit Publik ka reaguar pas deklaratës së ish-deputetit, Bardh Spahia, duke thënë se kanë në dispozicion 90 mijë teste. ISHP i ka b...
BRITANI E MADHE- Një burrë britanik ka tentuar të trafikonte 12 shtetas shqiptarë në Britaninë e Madhe, mësohet nga mediat e huaja se është dënuar me 4 vite e 6...
TIRANË- Manjola Kajana është betuar sot si anëtare e Prokurorisë së Posaçme kundër Korrupsionit dhe Krimit të Organizuar para Presidentit të Republi...
TIRANË– Gjykata Ndërkombëtare e Arbitrazhit të ICC me qendër në Paris ka dhënë të enjtën e javës së kaluar vendim përfundimtar në favor të shtetit sh...
LEZHË- Shefi i Komisariatit të Lezhës, Nik Nikolli është pezulluar nga detyra. Ende nuk ka informacion mbi arsyet e pezullimit të tij nga posti.Ka dyshime ...
KORÇË -Ish-kreu i bandës së Çoles në Vlorë, Zani Caushi i ka nisur përpjekje për të fituar lirinë më kusht një vit më parë. Në korrik të 2019...
