Politike

“Vrasje apo plagosje?”/ Bardhi paralajmëron kryebashkiakun me dy emra: Është dënuar në një vend të BE-së, shumë shpejt bëhet publik

I ftuar në emisionin “Pesë pyetjet nga Babaramo”, Bardhi u shpreh se në ditët në vijim do të publikojë një tjetër denoncim për një kryebashkiak socialist, por pa dashur të japë emrin. Bardhi shtoi gjithashtu se po pret dosjen e plotë për të publikuar emrin.
Featured image of article: “Vrasje apo plagosje?”/ Bardhi paralajmëron kryebashkiakun me dy emra: Është dënuar në një vend të BE-së, shumë shpejt bëhet publik
Përditësuar:

TIRANË– Sekretari i Përgjithshëm Gazment Bardhi ka bërë një paralajmërim për një tjetër kryebashkiak. I ftuar në emisionin “Pesë pyetjet nga Babaramo”, Bardhi u shpreh se në ditët në vijim do të publikojë një tjetër denoncim për një kryebashkiak socialist, por pa dashur të japë emrin. Bardhi shtoi gjithashtu se po pret dosjen e plotë për të publikuar emrin.

Letfer Alla, rasti i fundit nuk është denoncim i opozitës, por i medias. Ai është një zyrtar i lartë që u konstatua të konsumonte lëndë narkotike. Kemi në proces verifikim edhe 10 raste kryebashkiakësh, përveç pesë rasteve të denoncuara, përveç këtij të fundit, që e denoncoi media. Kemi edhe raste që janë në fazë finale, të tjerat janë në proces verifikimi, janë të dënuar dhe nëse arrijmë ta dokumentojmë brenda disa ditëve. Bëhet fjalë për një dënim të marrë në një nga vendet e BE-së. Bëhet fjalë për një vepër të rëndë penale. Nuk dua të jap detaje. Vrasje plagosje? Nuk përjashtohet. Kemi preferuar që për cdo indicie të bëjmë një verifikim tonin dhe më pas ti drejtohemi prokurorisë, pa hedhur baltë dhe për të qenë të sigurt në cdo denoncim. Presim të vërtetojmë me dokumente dënimin e personit në një nga vendet e BE-së. Një pjesë dyshohet ti kenë kryer veprat me identitet tjetër, një pjesë me identitetin e tyre në vendet e BE-së. Unë preferoj që të mos jap detaje për rastin pa pasur të plotë dosjen që provon indiciden që kemi siguruar nga burime të ndryshme tonat dhe të aleatëve tanë në Europë,”– u shpreh Bardhi.

Për më shumë bëhu pjesë e grupit më viral në Facebook, Dosja.al

Kryebashkiaku i fundit që është denoncuar është Lefter Alla.  Gazetari Artan Hoxha publikoi videon e kryebashkiakut të Bulqizës Lefter Alla duke konsumuar ‘kokainë’. Pas publikimit të pamjeve, një reagim i menjëherëshëm erdhi nga Alla, i cili e ka cilësuar videon si montazh duke pretenduar se i është bërë edhe presion nga grupet kriminale, që sipas tij veprojnë në Bulqizë për interesa biznesi, ndërkohë që PD kërkon largimin e tij. Ndërkohë SPAK ka nisur hetimet.

(f.m/dosja.al)

Shto Koment