Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Pushtimi i Ukrainës nga Rusia duket se do të vijojë me marrjen e Kievit dhe krijimin e një korridori tokësor në jug drejt Detit të Zi, duke e ndarë vendin në dysh, sipas analistëve ushtarakë dhe ish-zyrtarëve që shprehën pikëpamjet e gjeneralëve të Ukrainës.
Presidenti Vladimir Putin mund të vazhdojë të kërkojë një formë kontrolli mbi të gjithë vendin, thanë ata, në vijim të përpjekjeve të tij për të mos lejuar ndonjëherë anëtarësimin e Ukrainës në NATO. Gjithashtu, ai nuk e ka fitoren të garantuar. Një zyrtar i lartë i mbrojtjes në SHBA tha të premten se Rusia po përballej me më shumë rezistencë nga ҫ’priste gjatë avancimit të saj në Kiev.
Avancimi i trupave ruse erdhi nga taktika “rrethuese”, duke sulmuar pikat më të dobëta të Ukrainës – kufirin e saj verior me Bjellorusinë dhe jugun nga Krimea, të cilën Rusia e aneksoi tetë vjet më parë me bazën e saj të madhe detare.
Kjo strategji, nëse do të jetë e suksesshme, mund t’i japë mundësi Moskës të kontrollojë Ukrainën lindore, duke përfshirë edhe vijën e saj bregdetare, ndërkohë që nga ana tjetër shndërron Ukrainën perëndimore në një shtet vasal, duke zvogëluar kështu kostot financiare që do të vinin nga një pushtim afatgjatë, thonë ekspertët.
“Unë mendoj se tani rusët po synojnë të krijojnë një urë lidhëse tokësore deri në Moldavi,” tha Konrad Muzyka, drejtor i agjencisë së konsulencës Rochan me qendër në Poloni.
Tanket dhe forcat ruse filluan pushtimin të enjten, përmes rajoneve lindore të Kharkiv dhe Donetsk, si dhe nga jugu në Tavriya, ndërsa sulmet me raketa dhe bombardimet nga Bjellorusia erdhën drejt Kievit nga veriu, sipas ushtrisë ukrainase.
Sipas një materiali të Ministrisë së Mbrojtjes të Ukrainës, të postuar në Facebook të enjten, lëvizjet ushtarake deri më tani sugjerojnë se qëllimi i Kremlinit është “të bllokojë Kievin dhe të krijojë një korridor tokësor deri në gadishullin e okupuar të Krimesë dhe në shtetin e vetëshpallur të Transnistrisë”.
Në vitin 2014, Rusia jo vetëm që pushtoi Krimenë, por mbështeti gjithashtu edhe rebelët që krijuan administrata separatiste në Donetsk dhe Luhansk, në rajonin Donbass të Ukrainës lindore ku ka një numër të madh të popullsisë rusishtfolëse.
Rusia gjithashtu ka trupa në Transnistri, një provincë e shkëputur e Moldavisë me popullsi rusishtfolëse.
Joerg Forbrig, drejtues në fondin gjerman Marshall në Berlin, tha se trupat ruse mund të “përpiqen të marrin kontrollin e një pjese shumë të madhe të Ukrainës, e cila do të përfshinte ato zona që do të krijonin një korridor tokësor midis tre territoreve që kontrollhen tashmë nga rusët.”
“Ukrainasit do të rezistonin”
Forcat e armatosura të Ukrainës deri më tani e kanë penguar Putinin që të avancojë shpejt në Kiev. “Për sa kohë që rusët nuk kanë kontrollin e hapësirës ajrore, ata nuk do të jenë në gjendje të arrijnë depërtimin e tyre me tanqe dhe blinda në Ukrainë,” tha Jamie Shea, ish-zyrtar i NATO-s që tani është pjesë e grupit të ekspertëve Friends of Europe.
Raketat ruse goditën Kievin të premten. Moska pretendoi se kishte kapur aeroportin Hostomel në veriperëndim të kryeqytetit, i cili mund të shërbejë si një pikë për sulmet ndaj Kievit.
Zyrtarët amerikanë besojnë se qëllimi i parë i Rusisë është që të rrëzojë presidentin properëndimor të Ukrainës, Volodymyr Zelenskiy.
“Putini nuk do thjesht Donbasin apo Donetskun – ai do të gjithë Ukrainën, por nuk është nevoja që ta pushtojë të gjithë vendin për të arritur këtë qëllim. Ai do të synojë të presë kokat e shtetit të Ukrainës,” tha gjenerali gjerman në pension, Hans-Lothar Domroese.
Ekspertët e mbrojtjes vunë në dukje shpenzimet e mëdha të Rusisë për fushatën e saj ushtarake në Ukrainë, një shtet ish-sovjetik prej 44 milionë banorësh, pak më i vogël se Teksasi.
“Bashkimi Sovjetik shpenzoi kaq shumë para për të pasur trupat e tij në Europën Lindore dhe ata ishin të gatshëm ta bënin këtë si regjime komuniste që ishin. Ukrainasit do t’i rezistonin çdo qeverie ruse,” tha Elisabeth Braw, pjesë e Institutit Amerikan Enterprise në Uashington.
Është gjithashtu e paqartë se si do të pritej në Rusi një luftë e zgjatur dhe me shumë viktima nga pala ruse, edhe pse Putini nuk i toleron kundërshtimet. Policia arrestoi më shumë se 1,800 protestues kundër luftës në të gjithë Rusinë ditën e enjte.
Putini mund të kërkojë një marrëveshje për Ukrainën perëndimore – ku shumica e njerëzve flasin gjuhën ukrainase dhe jo rusishten si gjuhë të parë – të ngjashme me atë që Moska ka me Bjellorusinë, ku Rusia e ka ndihmuar për një kohë të gjatë presidentin Alexander Lukashenko që të shtypë opozitën dhe kundërshtarët e vet.
Carlo Masala, profesor për Politikën Ndërkombëtare në Universitetin Bundeswehr të Mynihut, tha se Rusia deri më tani nuk është përpjekur të dërgojë trupa të shumta në Ukrainën perëndimore.
“Kompozimi i ushtrisë ruse, pavarësisht nëse përbëhet nga 160,000 apo 200,000 trupa, nuk mjafton për të pushtuar Ukrainën për një periudhë të gjatë kohore,” tha ai.
“Vazhdoj të jem i sigurt se qëllimi kryesor i Putinit është kapja e Donbass… dhe krijimi i një korridori tokësor për në Krime, ndarja e këtyre zonave nga Ukraina dhe krijimi i një qeverie të kontrolluar në Kiev.”/ Reuters
Marre nga MONITOR
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
UKRAINË – Një autokolonë e gjatë 63 km me automjete të blinduara dhe armatime ruse po i drejtohet kryeqytetit të Ukrainës, Kiev. Pamjet e fundit të k...
UASHINGTON – Brenda pak ditësh, presidenti rus Vladimir Putin ka arritur atë që për shumë dekada nuk ishte realizuar, unitetin e Bashkimit Evropian për bl...
UKRAINË– Në ditën e gjashtë të luftimeve në Ukrainë, sirenat kanë qënë ato që sërish kanë zgjuar qytetarët. Sirenat e alarmit janë ndjerë në të gjith...
Ministrat e Energjisë të BE-së duan të çlirojnë Ukrainën nga varësia energjetike nga Rusia. Edhe vetë BE-ja dëshiron ta shkëputet sa më shpejt të jetë e ...
KIEV– Imazhe të dhimbshme dhe tejet prekëse janë ato që vijnë nga Kiev, në një repart të improvizuar pediatrik për fëmijët që vuajnë nga kanceri. BBC ka n...
RUSI– “Zëdhënësi i propagandës së Putin”, spikeri televiziv Dmitry Kiselyov, ka kërcënuar Perëndimin me asgjesim nuklear. Deklarata e tij u bë pak orë pas...
UKRAINË– Vetëm disa orë pas martesës së tyre në ditën e parë të pushtimit rus, Yaryna Arieva dhe Svyatoslav Fursin iu bashkuan luftës për të mbrojtur...
UKRAINË– Zyrtarët ukrainas sapo kanë konfirmuar se të paktën 70 ushtarë janë vrarë në një sulm artilerie ruse në bazën e tyre ushtarake të dielën. Su...
UKRAINË– Lufta është në ditën e saj të pestë dhe palët janë ulur në bisedime. Për më shumë se pesë orë, të ndara në dy raunde, delegacioni ukrainas q...
KIEV- Presidenti ukrainas Volodymyr Zelenskyy tha se po analizon rezultatet e bisedimeve të së hënës me një delegacion rus, i cili zgjati pesë orë dhe që u mbaj...
