Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Përgjatë më shumë se 20 viteve në pushtet, Vladimir Putin është detyruar të bashkëpunojë – shpesh pa shumë dëshirë – me udhëheqësit e superfuqisë tjetër të planetit, Shtetet e Bashkuara të Amerikës. Kur Joe Biden mori detyrën, ai u bë presidenti i pestë amerikan që do të duhet të përballet me Putin, i cili deri tani ka mbajtur 2 herë postin e kryeministrit dhe 2 herë atë të presidentit.
Secila prej marrëdhënieve me presidentët amerikanë ka qenë e ndryshme, e diktuar edhe nga krizat e kohës, që asnjëherë nuk kanë munguar.
Më 2 nëntor 1999, Putin, asokohe kryeministër, u takua me Bill Clinton në Norvegji, ku të dy palët u ankuan për fushatën e Rusisë në Çeçeni. Një vit më vonë, kur Clinton ishte drejt largimit nga Shtëpia e Bardhë, të dy u takuan në Moskë, për të diskutuar mbi sistemet e raketave mbrojtëse.
3 muaj para sulmeve të 11 Shtatorit, presidenti George W Bush dhe Putin u takuan në Slloveni. “E pashë atë burrë në sy, kuptova se është shumë i drejtpërdrejtë dhe i besueshëm. Patëm një dialog shumë të mirë. Pata mundësinë të kuptoja shpirtin e tij”, ishte shprehja e Bush pas atij takimi.
2 muaj pas sulmeve të 11 shtatorit, Bush e ftoi Putin-in në fermën e tij në Teksas, ku ranë dakord për të ulur sasinë e arsenalit bërthamor. Një tjetër takim mes të dyve do të ndodhte në vitin 2007 në Mejn, ku të dy presidentët dolën për peshk dhe folën për sistemet e mbrojtjes ushtarake.
Më pas erdhi epoka Obama. Në korrik 2009, 7 muaj pasi kishte marrë detyrën, Obama u takua me Putin në Moskë. “Mendojmë se kemi në mundësi të shkëlqyer për të çuar në një nivel tjetër marrëdhëniet tona”, tha Obama. Kjo solli një tjetër marrëveshje për të pakësuar arsenalin bërthamor.
Por pasi Obama u rizgjodh, marrëdhënia u bë tepër e ftohtë. Të dy u takuan në qershor 2013 në Samitin e G20-s në Irlandën e Veriut, ku nuk ranë dakord për luftën në Siri, ndërsa më vonë Obama anuloi një tjetër takim mes të dyve, pasi Rusia i dha azil Edward Snowden-it, ish-punonjësit të Agjencisë së Sigurisë Kombëtare.
Një vit më vonë, Rusia u përjashtua nga G8, për shkak të pushtimit të Krimesë. Putin dhe Obama u takuan përsëri në vitin 2015 në OKB, ku folën për Sirinë dhe Ukrainën, nuk pati dakordësi. Takimi i fundit mes të dyve ishte në Pekin, në samitin e G20, ku nuk u ra dakord për një marrëveshje armëpushimi me Sirinë.
Putin dhe Trump u takuan në Hamburg në vitin 2017, në një tjetër samit të G20, ku të dy shkëmbyen buzëqeshje. Më 11 nëntor 2017, në një tjetër takim në Vietnam, Trump tha se besonte që Rusia nuk kishte ndërhyrë në zgjedhjet amerikane. Një vit më vonë, në Helsinki, Trump konfirmoi qëndrimin e tij, duke thënë se besonte fjalën e Putin, që Rusia nuk kishte ndërhyrë në zgjedhjet amerikane, pavarësisht se ishte njoftuar për këtë nga një sërë agjencish amerikane të shërbimit informativ.
Presidenti i pestë amerikan që do të duhet të ndërtojë një marrëdhënie me Putin është Joe Biden. Të dy janë takuar kur Biden ishte zëvendëspresident i Shteteve të Bashkuara. Ai ishte ndër të fundit liderë botërorë që uroi Biden për fitoren në zgjedhjet e 3 nëntorit dhe që prej inaugurimit, kanë shkëmbyer një telefonatë, ku janë diskutuar çështje si kontrolli mbi armët, Ukraina dhe disa çështje të tjera.
Por për të pasur një ide më të mirë se çfarë e pret botën nga marrëdhënia Biden-Putin, ia vlen të kujtohet një shprehje të thënë nga Biden, cituar në biografinë e tij, shkruar nga Evan Osnos, pas takimit me Putin në vitin 2011. “Zoti Kryeministër, po ju shoh në sy dhe nuk mendoj se keni shpirt. Putin ngriti sytë nga unë, buzëqeshi dhe tha: ‘ne e kuptojmë njëri-tjetrin’”.
Marrë nga A2
1 vit nga zgjedhjet e 25 prillit si e shikoni gjendjen e vendit:
RUSI-Piloti rus Nikolai Antoshkin, i cili duroi nivelet vdekjeprurëse të rrezatimit për të përmbajtur katastrofën e Çernobilit ka vdekur pasi u infektua ...
Nga Hamza KarcicMë 17 nëntor 2020, Bullgaria bllokoi çeljen e bisedimeve të pranimit të Maqedoninë e Veriut në Bashkimin Evropian. Ministrja e Jashtme bu...
RUSI-Biznesmeni rus, Arkady Rotenberg, ka deklaruar se ai është pronari i një pallati në Detin e Zi, për të cilën kreu i opozitës Alexei Navalany ka thënë se ës...
PEKIN-Kina ka thënë se nuk do të njihte pasaportën Kombëtare Britanike për Jashtë (BNO) si një dokument të vlefshëm identifikimi, duke nisur që nga data 31 jana...
KOSOVË-Përfaqësues nga Lëvizja Vetëvendosja kanë folur në lidhje me lajmin se Albin Kurtin dhe Vjosa Osmani janë ndaluar të vizitojnë Mitrovicën. Zëdhënësi...
KOSOVË-Presidentja aktuale Vjosa Osmani dhe kryetari i Lëvizjes Vetëvendosja Albin Kurtin, janë përballur me një grup serbësh të cilët kanë bërë që të ndër...
KOSOVË-Oficeri i policisë, Haris Kelmendi është arrestuar ditën e sotme, pasi dyshohet se gjatë vitit 2018, ka keqtrajtuar fizikisht një 18-vjeçar, ...
GREQI– Një rrjet ndërkombëtar i trafikut të drogës u shkatërrua nga oficerët e policisë të Nën-Drejtorisë së Prokurorisë së Drogës në Selanik në bashkëpunim me ...
GREQI– Një dëshmi e re ka mbërritur në zyrat e emisionit grek “Dritë në Tunel” , lidhur me zhdukjen e 19- vjeçares shqiptare Artemis Vasili. Një dëshmita...
GREQI– Detaje të reja janë zbuluar në lidhje me ngarkesën me kokainë të kapur në Greqi, ku pjesë e aksionit ishte dhe DEA amerikane. Zyrtarët kishin marrë infor...
