Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Deri të mërkurën në mëngjes (30.12.), në Gjermani ishin vaksinuar mbi 60.000 vetë, me dozën e parë të vaksinës kundër Covid-19. Zyrtarisht vaksinimi filloi të dielën, por në disa zona që të shtunën. Fillimi i vaksinimit ka qenë i suksesshëm, deklaroi të mërkurën në një konferencë shtypi ministri gjerman i Shëndetësisë, Jens Spahn.
Instituti Robert Koch tha se vaksinime po bëhen – me ekipe mobile vaksinimi – kryesisht në shtëpitë e të moshuarve. Qendrat e vaksinimit në landet federale të Gjermanisë nuk janë hapur ende. Ato do të hapen sapo të ketë sasi të mjaftueshme vaksinash dhe interes të mjaftueshëm për vaksinim. Në qendrat e vaksinimit kushtet janë më të mira dhe vaksinimi atje do të kryhet masivisht edhe më shpejt se po bëhet tani, me ekipet mobile të vaksinimit.
Vaksina kundër Covid-19 në Gjermani është falas. Atë e paguan qeveria. Shteti do t’ua ofrojë vaksinimin, deri në fund të janarit, rreth 4 milionë shtetasve gjermanë. Aktualisht, Gjermania ka në dispozicion vetëm vaksinën e Biontech/Pfizerit, 670.000 doza në javë. Në janar pritet të shtohen edhe vaksinat e firmave të tjera, fillimisht e firmës Moderna, që do të licensohet në 6 janar në BE. Kështu që për gjithë vitin 2021, Gjermania pret të ketë 300 milionë doza vaksinimi.
Vaksinimi fillimisht jo për të gjithë
Në parim në Gjermani mund të vaksinohen kundër Covid-19 të gjithë ata që dëshirojnë. Por kjo nuk vlen për momentin. Po të kërkosh vetë të vaksinohesh, duhet të dëshmosh se bën pjesë te grupet e caktuara tani nga shteti, si të rrezikuara. Kjo shpjegohet me faktin se aktualisht ka pak doza vaksinash në dispozicion.
Megjithatë, në shkurt ose në mars firma Biontech, e cila e shpiku e para vaksinën kundër Covid-19, do të shtojë kapacitet e prodhimit. Ajo do të fillojë prodhimin në një qendër shtesë të re, në Marburg në Gjermani. Kështu edhe vetëm Biontech/Pfizeri do ta shtojë numrin e dozave.
Gjermania vendosi të vaksinojë që në krye paralelisht, si më të moshuarit, ashtu edhe personelin mjekësor e sanitar më të rrezikuar. Ngjashëm ka vepruar edhe Britania e Madhe. Ndërsa në Francë, p.sh. personeli mjekësor e sanitar nuk do të vaksinohet që në krye. Koncepti i qeverisë franceze parashikon fillimisht vaksinim vetëm për të moshuarit.
Për shkak të sasisë të kufizuar të vaksinës, qeveria gjermane ka nxjerrë një dekret me prioritete. Ai përcakton se kush do të vaksinohet që në krye.
Prioritetet për vaksinimin në Gjermani
Janë gjithsej tri grupe. Në grupin e parë janë mbi 80 vjeçarët; banorët e shtëpive të të moshuarve dhe të sëmurëve kronikë dhe personeli sanitar atje. Si dhe personeli mjekësor, me rrezik veçanërisht të lartë për infektim.
Në grupin e dytë janë mbi 70 vjeçarët; personat me paaftësi mendore ose që kanë bërë transplante organesh e rrezikohen nga kjo; persona kontakti të ngushtë të grave shtatzëna e të njerëzve nën përkujdesje; personeli mjekësor me rrezik të lartë për infektim; policia e organet e rendit; pjesë të shërbimit të shëndetit publik.
Ndërsa në grupin e tretë janë mbi 60 vjeçarët; personat që kanë sëmundje kronike; personeli në pozicione kyçe, të landeve federale dhe të qeverisë federale. Këtu hyn p.sh. edhe ushtria dhe zjarrfikësit; infrastruktura kritike, si farmacistët dhe transportuesit;punonjësit e tregtisë me pakicë; mësuesit dhe edukatorët; personeli në shtëpitë e azilantëve.
Në Gjermani, pra, stafi kritik për punën e qeverisë, vaksinohet në fazën e tretë. Edhe kancelarja Merkel do të vaksinohet kur t’i vijë radha, tha shefi i kabinetit të saj.
Se sa do të zgjasë secila fazë, kjo varet nga numri i të moshuarve në secilin land federal të Gjermanisë. Në landin më të madh të Gjermanisë, në Renaninë-Veriore-Vestfali, p.sh. në shtëpitë e të sëmurëve kronikë, bashkë me personelin janë 350.000 vetë. Kurse numri i mbi 80 vjeçarëve në këtë land është 1.2 milionë vetë. Të gjithë këta do të vaksinohen në fazën e parë. Pas këtyre nis vaksinimi i grupit të dytë.
Kritika për numër të pamjaftueshëm vaksinash në Gjermani
Qeveria gjermane e hodhi poshtë kritikën se nuk është kujdesur për të porositur në kohë sasi të mjaftueshme dozash për vaksinim. Ministri gjerman i Shëndetësisë, Jens Spahn tha se sasia e vaksinave të porositura është ajo e duhura. Por është fakt që për momentin ka objektivisht pak doza vaksinash të prodhuara. Njëkohësisht, ai tha se Gjermania iu përmbajt me qëllim rrugës së BE, nuk bëri marrëveshje bilaterale me prodhuesit e vaksinave.
Presidenti i Bundestagut, Wolfgang Schäuble tha se e kupton dëshirën në Gjermani për të pasur sa më shumë vaksina. Por ai kujtoi edhe se vendet e pasura nuk duhet t’ua marrin gjithë sasinë e vaksinave vendeve më të varfra. Sipas organizatës Caritas International, vendet e zhvilluara e kanë rezervuar tashmë, pjesën më të madhe të prodhimit të vaksinave.
Kufizimi i lëvizjes në Gjermani pritet të zgjatet
Ekspertët dhe politikanët në Gjermani presin që kufizimi aktual i jetës publike të vazhdojë edhe pas 10 janarit. Incidenca javore në Gjermani aktualisht është 157 vetë për 100.000 banorë. Ajo duhet të bjerë nën 50 vetë për 100.000 banorë, që jeta publike të lejohet të funksionojë si më parë.
Në Gjermani, shifrat e infektimeve ende mbeten të larta. Të mërkurën (30.12.) në Gjermani pati 22.459 infektime të reja. Mbi 1129 vetë ndërruan jetë – një shifër e re rekord. Kështu që gjithsej në Gjermani, që nga fillimi i pandemisë kanë ndërruar jetë në lidhje me Covid-19 mbi 32 mijë vetë.
Tashmë dihet që varianti i ri i virusit të Covid-19 transmetohet shumë më lehtë. Rrugët alternative ndaj mbylljes së jetës publike, si ato që u ndoqën në Suedi, në Holandë e Zvicër janar pranuar tashmë si të dështuara, edhe vetë në ato vende.
Marrë nga DW
1 vit nga zgjedhjet e 25 prillit si e shikoni gjendjen e vendit:
Presidenti i zgjedhur, Joe Biden thotë se do të tregohet më agresiv në luftën kundër COVID-19, duke shtuar ndër të tjera ritmet e vaksinimit, ndërsa administrat...
BRITANIA E MADHE– Anglia ka shtrënguar masat parandaluese. Sipas DayilMail, duke filluar nga nesër tre të katërtat e Anglisë do të jenë nën Nivelin 4, pasi Sekr...
KOSOVË-Kryetari i Lidhjes Demokratike të Kosovës, Isa Mustafa i ka uruar suksese në zgjedhje Vjosa Osmanit. Sipas mediave të Kosovës, i pyetur në lidhje me...
RUSI– Në median shtetërore ruse Sputnik,gjatë një edicioni për Ballkanin është publikuar një foto ku në thelb është harta e Serbisë e ndarë në mes nga NAT...
KOSOVË-Kryeministri në detyrë i Kosovës, Avdullah Hoti ka folur, pasi është nominimit nga partia e tij që të jetë kandidat për kryeministër në zgjedhjet e ...
Kroacia u godit nga një tërmet i shkallës rihter 6.3. Shumë shtetas kanë mbetur pa shtëpi.I riu nga Hasi zotëron një rrjet furrash buke dhe këto ditë vendosë të...
BRITANIA E MADHE-Britania mund të vaksinojë 24 milion njerëz kundër Covid-19, deri në Pashkë, pas miratimit të vaksinës nga Universiteti Oxford dhe AstraZeneca....
BRITANI– Pasditen e sotme deputetët e parlamentit britanik votuna me 521 me 73 vota pas 4 vitesh grindjeje duke vulosur kështu më në fund ndarjen historike të B...
BRITANI– Statusi i refugjatit i është dhënë një personi transgjinor për herë të parë në një gjykatë në Mbretërinë e Bashkuar, pas një vendimi historik . G...
BERLIN-Gjermania po pret aprovimin emergjent të vaksinës anti-Covid të Universitetit të Oksfordit dhe Astrazeneca nga Bashkimi Evropian dhe Agjensisë mjekësore ...
