E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
SHBA– Reagimet e politikanëve evropianë ndaj skenave të hyrjes së dhunshme në Kapitol janë shumë të qarta – të gjithë i kanë dënuar skenat tronditëse dhe flasin për një cënim shumë serioz të demokracisë amerikane. Shpresat se vitet turbulente dhe të diskutueshme të presidencës së Trumpit do të marrin fund me mjete paqësore u shuan vetëm dy javë para ndryshimeve në Shtëpinë e Bardhë.
Fundi i përmbajtjeve
Sekretari i Përgjithshëm i NATO-s Jens Stoltenberg reagoi shumë shpejt në Twitter dhe çuditërisht ashpër: “Skena tronditëse në Washington D.C. Rezultati i këtyre zgjedhjeve demokratike duhet të respektohet”. Për Stoltenbergun, që konsiderohet si një prej diplomatëve më të përmbajtur, kjo ishte një deklaratë jashtëzakonisht e qartë ndaj partnerit më të madh në NATO. Gjatë katër viteve të presidencës Trump, ai u përball disa herë me kërcënime se SHBA-ja do të mund të largohej nga aleanca veriatlantike. Sekretari i Përgjithshëm i NATO-s ishte gjithmonë i detyruar të qetësonte gjërat, e tani duket se edhe ai ka mbërritur në fund të përmbajtjes diplomatike.
Kryeministri britanik Boris Johnson konsiderohej një kohë të gjatë si një lloj studenti dhe aleati i ngushtë i Donald Trumpit. Ai kërkonte mbështetjen e Trumpit në procesin e Brexitit dhe shpresonte arritjen e një marrëveshje të veçantë tregtare me SHBA-në. Johnson kërkonte në mënyrë demonstrative një lloj afërsie me Trumpin. Ai e quajti Johnsonin si “Trumpi britanik” pas fitores së tij në zgjedhje. Por miqësia e veçantë midis dy politikanëve duket se po mbaron. Johnson i dënoi “… skenat e neveritshme në Kongresin e SHBA-së. Shtetet e Bashkuara qëndrojnë për demokracinë në të gjithë botën. Tani është thelbësore që të ketë një transferim të qetë dhe të rregullt të pushtetit”.
Për kryeministrin irlandez Micheál Martin, ngjarjet në Uashington janë një lloj shkëputjeje historike me lidhjet e thella të qytetarëve irlandezë me Shtetet e Bashkuara. “Unë e di që shumë, si unë, po shikojnë skenat në Uashington me shqetësim të thellë.” Ministri i Jashtëm irlandez Simon Coveney tha se përgjegjës për këtë gjendje është Donald Trump. “Ishte një sulm i qëllimshëm ndaj demokracisë nga një president në detyrë dhe mbështetësit e tij që duan të përmbysin zgjedhjet e lira dhe të drejta”.
Kryeministrja skoceze Nicola Sturgeon ishte po ashtu shumë e qartë: “Skenat në Kapitol janë absolutisht të tmerrshme”. Ajo deklaron solidaritetin e saj me forcat demokratike në SHBA dhe shton: “Turp për ata që nxitën këtë sulm ndaj demokracisë”.
Shqetësimet e thella
Zhvillimet në Kongres kanë shqetësuar thellë politikanët edhe në pjesët e tjera të Evropës. “Unë besoj në forcën e demokracisë amerikane. Presidenti i ri Joe Biden do të kapërcejë këtë periudhë tensioni dhe do të bashkojë njerëzit”, shpreson kryeministri socialdemokrat i Spanjës, Pedro Sánchez.
Homologu i tij në Suedi fajëson shumë qartë presidentin Trump për gjendjen. “Presidenti Trump dhe shumë anëtarë të Kongresit mbajnë përgjegjësi të konsiderueshme për atë që ndodhi”. Edhe nga Finlanda vjen një paralajmërim: “Kjo tregon se sa e rëndësishme është të mbrohet demokracia me vendosmëri dhe forcë”, shkruan kryeministrja Sanna Marin.
Ngjarjet në Kapitol kanë dënuar ashpër madje edhe politikanët e spektrit populist në Evropë. “Dhuna nuk është një zgjidhje”, shkruan shefi i Lega në Itali, Matteo Salvini. Kancelari austriak Sebastian Kurz, i cili vetë drejtoi një koalicion qeveritar me populistët e djathtë, deklaroi: “Të tronditur nga skenat në Uashington. Ky është një sulm i papranueshëm ndaj demokracisë”.
Ministri i Jashtëm gjerman Heiko Maas i krahasoi këto ngjarje me disa të tjera në historinë gjermane: “Retorika nxitëse mund të shndërrohet në veprime të dhunshme – si në shkallët e Reichstagut ashtu edhe tani në Kapitol. Mosrespektimi i institucioneve ka efekte shkatërruese.” Kancelarja Angela Merkel është shprehur skeptike ndaj Donald Trumpit prej fillimit – në takimet e saj të pakta dhe të vështira me presidentin. Verën e kaluar ajo refuzoi të shkonte në Florida, në një takim të G7. Pandemia e Coronës shërbeu si shpjegim, por anulimi i vizitës në SHBA u kuptua si një refuzim i Trumpit dhe politikës së tij.
Evropa i ka shpresat tek Biden
Charles Michel, Presidenti i Këshillit të Evropës i përmblodhi zhvillimet kështu: “Kongresi amerikan është një tempull i demokracisë. Të shohësh skena të këtilla në Uashington është një tronditje”. Disa krerë të qeverive evropiane, si presidenti francez Emmanel Macron, u përpoqën më shumë se të tjerët të krijojnë marrëdhënie të mira pune me Donald Trumpin. Por Macroni ka dështuar në këtë projekt. Vetëm disa qeveri të Evropës Lindore me orientim të djathtë populist kishin marrëdhënie të veçantë me presidentin e SHBA-së. Trump mbështeti Poloninë dhe Hungarinë më shumë se të tjerët dhe të dy vendet ishin të dëshpëruara me humbjen e Trumpit në zgjedhje.
Në pjesët e tjera të Evropës është mbështetur fitorja e demokratit Joe Biden. Kjo fitore lidhet me shpresën për të përmbysur vendimet e diskutueshme të Donald Trumpit, si tërheqja nga marrëveshja e mbrojtjes së klimës apo politika e tij ndaj Iranit. Pas fitores së Trumpit në nëntor, presidenti francez Macron u angazhua për “më shumë autonomi strategjike” për Evropën. Ai tha se e domosdoshme është një “Evropë e fortë”. Mbetet të shihet se cili do të jetë vizioni i Evropës pas kaosit të tanishëm në Uashington.
Shumë njerëz mendojnë se zhvillimet e fundit kanë hedhur një hije të rëndë mbi demokracinë amerikane. Është shumë e qartë se institucionet demokratike mund të ndikohen nga teoritë e konspiracionit dhe nga demagogjia. E cila do të jetë influenca e këtyre zhvillimeve në Evropë, do të shihet në muajt e ardhshëm.
(F.M/DOSJA.AL)
1 vit nga zgjedhjet e 25 prillit si e shikoni gjendjen e vendit:
SHBA– Shefi Ekzekutiv i Tesla dhe Spaxe X, Elon Musk bëhet njeriu më i pasur në botë. Vlera e pasurisë së tij vlerësohet në 181 miliardë dollarë, 3 herë më shum...
SHBA– Fotografitë dhe videot e trazirave dhe sjellja e padisiplinuar dhe e dhunshme e mbështetësve pro-Trumpit janë bërë virale në internet. Mes kësaj, disa për...
SHBA– Presidenti amerikan Donald Trump ka fshirë tre “tweet-e” nga profili i tij në median sociale, pasi deklarata e tij u bënë shkak për një mbyllje të përkohs...
GREQI– Një incident i pazakontë ndodhi ditën e djeshme në qytetin Amarynthos të Greqisë, ku gjatë ritualit të përvitshëm të “Ujit të bekuar” nga besimtarët orto...
PRISHTINË– Kosova ka shënuar një rritje të numrit të viktimave nga pandemia e koronavirusit Covid-19. Instituti Kombëtar i Shëndetësisë Publike ka njoftuar...
ITALI– Dy jetë të reja të shuara para kohe në mbrëmjen e Epifanisë ku një aksident rrugor ka ndodhur në Montorio Romano, një qytet në provincën Romane. Dy djem...
KOSOVË-Ish-ministrja e Drejtësisë, Albulena Haxhiu ka reaguar sërish, në lidhje me zgjedhjet e parakohshme në Kosovë, për rrëzimin e qeverisë Hoti dhe ndal...
SHBA-Imazhe tronditëse, të shkatërrimit brenda ndërtesës së Capitol, të shkaktuara ditën e djeshme nga protestuesit janë shpërndarë në media. Në fotot e publiku...
GJERMANI- Eksperti britanik në një intervistë për “Der Spiegel”, thotë se jemi në fillim të një fazë të re dhe të rrezikshme të pandemisë, kjo pikërisht për sh...
Bashkimi Evropian pret që zgjedhjet e parakohshme parlamentare në Kosovë, të caktuara për 14 shkurt, të zhvillohen sipas standardeve evropiane.Zëdhënësja e Komi...
