Yield-i bonove 12-mujore tashmë është në rënie vjetore

30 Gusht 2023, 07:14 Nga A.B

Yield-et e bonove 12-mujore ishin të qëndrueshme edhe në ankandin e fundit të muajit gusht, ndërsa ndodhen tashmë në nivele ndjeshëm më të ulëta krahasuar me vitin e kaluar.

Sipas Bankës së Shqipërisë, yield-i mesatar i ponderuar i bonove 12-mujore përsëri nuk pësoi ndryshime të rëndësishme dhe rezultoi 3.15%, nga 3.16% që kishte qenë në ankandin e mëparshëm.

Kërkesa ishte përsëri e lartë, me një vlerë totale prej afërsisht 10 miliardë lekësh, nga 7.2 miliardë lekë që ishte shuma e shpallur për financim nga Ministria e Financave dhe Ekonomisë. Pro rata apo pjesa e pranuar e ofertave konkurruese shënoi rritje të ndjeshme në 97.21% (nga 37.35% që kishte qenë në ankandin e mëparshëm), megjithatë kjo nuk ndikoi në rritjen e yield-it mesatar të emetimit.

Në muajin qershor, yield-i mesatar i ponderuar i bonove 12-mujore preku nivelin minimal vjetor prej 3.09%, shumë afër normës bazë të interesit. Më tej, gjatë korrikut dhe gushtit, u shënua një korrektim shumë i lehtë në rritje, por në përgjithësi ecuria e yield-it ka qenë e qëndrueshme.

Për më tepër, tashmë yield-i mestaar i bonove 12-mujore paraqitet në rënie krahasuar me të njëjtën periudhë të vitit të kaluar. Në ankandin e fundit të gushtit 2022, yield-i mesatar i ankandit të bonove 12-mujore kishte qenë në nivelin 3.73%, ose 0.58 pikë përqindje më shumë krahasuar me ankandin e kësaj jave. Yield-i bonove 12-mujore ka rënë, megjithëse norma bazë që nga viti i kaluar është rritur ndjeshëm me 1.75 pikë përqindje (aktualisht 3%, nga 1.25% që ishte një vit më parë).

Rënia e ndjeshme e yield-eve këtë vit është ndikuar nga kërkesa e lartë në tregun primar të bonove dhe frenimi i rritjes së normave të interesit nga Banka e Shqipërisë. Leku i fortë në kursin e këmbimit dhe politika fiskale shtrënguese i kanë mundësuar ekonomisë kushte monetare ndjeshëm më të çliruara krahasuar me pjesën dërrmuese të ekonomive të Europës.

Yield-i bonove 12-mujore është një tregues i rëndësishëm referues edhe për kreditimin në lekë të sektorit privat. Në përgjithësi, kreditë afatgjata kanë një normë interesi që ndërtohet bazuar në ecurinë e yield-it të bonove 12-mujore plus një marzh fiks.

Rënia e yield-it të bonove po bën që huamarrësit të cilët kanë një kredi të tillë të paguajnë një normë të përgjithshme interesi më të ulët krahasuar me një vit më parë. Kjo përkthehet në vlerë më të ulët të kësteve mujore, duke i dhënë frymëarrje buxheteve të familjeve dhe biznesit dhe duke zbutur efektin e inflacionit mbi këto buxhete.

Gjithashtu, rënia e yield-eve tashmë i ka bërë kreditë në lekë më të lira se ato në euro. Kjo mund të ndikojë në rritjen e huamarrjes në monedhën vendase, siç edhe në fakt ka ndodhur në gjysmën e parë të këtij viti./MONITOR

yel bono thesari

Në përputhje me standarded JTI

Ekonomi 30 Gusht 2023, 07:09 A.B

2014-2022, qeveria shpenzoi 2 miliardë euro për rrugët, por ka më pak kilometra

Qeveria e Shqipërisë ka harxhuar 213 miliardë lekë (2 mld euro) në infrastrukturën rrugore nga viti 2014 në vitin 2022 rapo...

Ekonomi 30 Gusht 2023, 07:04 A.B

Pas “djegies” së 110 milionë eurove, qeveria rikthehet te ndarja në burim do të nisë në 6 bashki, marrëveshja me qeverinë gjermane

Gjashtë bashki në vend do të jenë pjesë e një projekti që do të ketë në thelb ekonominë qarkulluese. N...

Ekonomi 29 Gusht 2023, 19:53 I.A

Ndryshon buxheti i Agjencisë Shtetërore të Kadastrës, shtohen 4,5 mln euro fonde për shpenzimet e pagave të punonjësve të organikës dhe me kontratë

Foto Ilustruese TIRANË- Qeveria ndryshon buxhetin për agjencinë shtetërore të kadastrës për vitin 2023. Në vendimin...

Ekonomi 29 Gusht 2023, 07:16 f.i

Vonesat e aplikimeve në Agjencinë e Kadastrës shtojnë humbjet për shitblerjen dhe marrjen e kredive për prona

foto ilustruese TIRANË- Po shtohen kostot për agjencitë e pasurive të paluajtshme dhe qytetarët nga vonesat në shqyrtimi...

Ekonomi 29 Gusht 2023, 07:11 A.B

AMF pritet të njohë për tregtim në Shqipëri fondet e para të investimit nga vendet e BE-së

Bordi i Autoritetit të Mbikëqyrjes Financiare (AMF) pritet të miratojë në mbledhjen e fundit të muajit gusht njohjen e fondeve t...

Ekonomi 28 Gusht 2023, 17:52 f.i

Raporti i FAO: Rreth 400 mijë njerëz në Shqipëri nuk i përballojnë kostot e një diete të shëndetshme

foto ilustruese TIRANË- Rreth 400 mijë njerëz që jetojnë në Shqipëri nuk mund të paguanin një dietë ...

Ekonomi 28 Gusht 2023, 14:54 f.i

Dështimi për të ndaluar “lavatriçen” e parave në Shqipëri

foto ilustruese TIRANË- Hetimi dhe dënimi i pastrimit të parave në Shqipëri ka dështuar. Institucionet përgjegj&eum...

Ekonomi 28 Gusht 2023, 13:07 A.B

Turizmi kulturor, Kalaja e Gjirokastrës më e vizituara në vend; nga parqet, Butrinti

Interesi për Shqipërinë turistike është shpërfaqur në të gjitha dimensionet këtë vit duke nisur nga turizmi ...

Ekonomi 28 Gusht 2023, 07:14 A.B

Investimi i sektorit bankar në Euorondet e qeverisë shqiptare, në rritje edhe këtë vit

Sektori bankar ka vazhduar të zgjerojë investimet në Eurobondet e qeverisë shqiptare në gjysmën e parë të këtij v...

Ekonomi 28 Gusht 2023, 07:11 A.B

Bie me 20% prodhimi i birrës në janar-korrik; Prodhuesit vendas nisin shkurtimin e punonjësve

Birra Birra vendase vijon të humbasë konkurrueshmërinë, për shkak të çmimeve më të larta se birra e importit...

MË SHUMË