Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në kushtet kur po përparon rehabilitimi i autostradës Tiranë–Durrës, është momenti i duhur që ky investim të shoqërohet me një dialog praktik me komunitetin e biznesit dhe me njësitë vendore përreth, në mënyrë që zgjidhja të jetë e plotë dhe me efekt afatgjatë.
Rehabilitimi i Autostradës Tiranë–Durrës nuk mund të jetë vetëm asfaltim apo zgjerim, por duhet të mundësojë krijimin e asaj që quhet “Durana” në projektet e zhvillimit ekonomik. Propozimi për 3 nyje aksesi që duhen përfshirë në projekt, që jo vetëm do të lehtësonin trafikun, por edhe do të rrisnin konkurrueshmërinë e ekonomisë.
Në kushtet kur po përparon rehabilitimi i autostradës Tiranë–Durrës, është momenti i duhur që ky investim të shoqërohet me një dialog praktik me komunitetin e biznesit dhe me njësitë vendore përreth, në mënyrë që zgjidhja të jetë e plotë dhe me efekt afatgjatë. Korridori Tiranë–Durrës nuk është thjesht një rrugë që lidh dy qytete; është një hapësirë nevralgjike e ekonomisë shqiptare, ku përqendrohen prodhimi, magazinimi, logjistika, tregtia dhe një pjesë e konsiderueshme e lëvizjeve të përditshme të punës.
Edhe në vizionet e zhvillimit, kjo zonë trajtohet si një njësi më vete – e njohur gjerësisht edhe me emërtimin “Durana” – që nënkupton se duhet konceptuar si një territor funksional i integruar. Pikërisht për këtë arsye, rehabilitimi i autostradës duhet të marrë parasysh jo vetëm parametrat e korsive kryesore, por edhe nyjet e aksesit dhe lidhjet me rrugët dytësore, pa të cilat qarkullimi i biznesit dhe i komuniteteve përreth do të vazhdojë të rëndojë mbi të njëjtat pika kritike.
Rehabilitimi i autostradës Tiranë–Durrës është një nga ndërhyrjet infrastrukturore më të rëndësishme të viteve të fundit. Është një korridor jetik, jo vetëm për mobilitetin urban, por sidomos për funksionimin e zinxhirit ekonomik: lëvizjen e mallrave, punonjësve, shërbimeve dhe konsumit.
Megjithatë, për komunitetin e biznesit dhe për banorët e zonës Tiranë–Vorë, shqetësimi kryesor është që investimi të mos mbetet vetëm te “trungu” i autostradës, ndërsa të vazhdojë të jetë i pazgjidhur problemi që e mban këtë aks të mbingarkuar çdo ditë – mungesa e lidhjeve funksionale me rrugët dytësore dhe me zonat industriale e të banimit përgjatë korridorit.
Një autostradë “e vërtetë” nuk është vetëm numër korsish
Në praktikën moderne të planifikimit rrugor, autostrada përcaktohet nga akses i kontrolluar: hyrje-dalje vetëm në nyje të projektuara, me rampa të sigurta, me distanca të arsyeshme ndërmjet nyjeve dhe me rrugë shërbimi/rrugë paralele që thithin trafikun lokal. Kjo arkitekturë është vendimtare për të ndarë funksionet:
Autostrada duhet të shërbejë tranzitin dhe qarkullimin e shpejtë.
Rrjeti paralel dhe rrugët dytësore duhet të shërbejnë lëvizjet lokale, hyrjet e subjekteve, magazinave, qendrave tregtare dhe lagjeve.
Kur kjo ndarje mungon, autostrada kthehet de facto në një rrugë urbane: me futje-dalje të shpeshta, me konflikt trafiku, me ulje të shpejtësisë mesatare dhe me bllokime të përqendruara në pak nyje ose një mur ndarës midis dy krahëve të saj. Për fat të keq, me ndërhyrjet aktuale, duket sikur po kalohet nga varianti i parë në variantin e dytë, në një kohë kur ishte rasti për të bërë një ndërhyrje me serioze e një zgjidhje më afatgjatë të funksionimit të infrastrukturës së kësaj zone.
Pse segmenti Tiranë–Vorë është kritik për ekonominë
Korridori Tiranë–Vorë është ndër zonat më të industrializuara të vendit dhe për më tepër me krijimin e nyjes së Kasharit, që në fakt kthehet në “kërthizen” e Shqipërisë, aksesi i kollajtë në autostradë apo në rrugë dytësore, krijon mundësi të shpejtë lëvizjeje në të gjithë korridoret më të rëndësishme të infrastrukturës rrugore të vendit (Tiranë-Durrës, Veri-Jug dhe Unaza e madhe e Tiranës – Kashar-Arbane-Mullet).
Në të janë përqendruar magazina, logjistikë, prodhim, shërbime të mëdha dhe tregti me shumicë, si dhe një numër i madh punonjësish që lëvizin çdo ditë. Kjo do të thotë se çdo vonesë, çdo bllokim dhe çdo devijim i panevojshëm nuk është thjesht problem komoditeti, por problem produktiviteti dhe kostoje.
Kur akseset janë të kufizuara në pak pika – kryesisht në hyrjen e Tiranës dhe në Vorë – trafiku përqendrohet, rrugët dytësore mbingarkohen dhe autostrada humbet funksionin e saj si korridor tranziti. Për bizneset, kjo përkthehet në kosto të drejtpërdrejtë: humbje kohe, vonesa në furnizim, kosto karburanti, ulje të eficiencës së logjistikës dhe rritje të kostove operative.
“Kosto e padukshme” e mungesës së nyjeve ndërmjetëse
Kur një biznes apo një zonë banimi përgjatë autostradës detyrohet të shkojë deri në Tiranë ose në Vorë për të hyrë/dalë, krijohen kilometra të panevojshëm qarkullimi. Ky trafik shtesë nuk është vetëm bezdi e përditshme; është volum real automjetesh që ngarkon nyjet ekzistuese, ngadalëson rrjedhën e tranzitit dhe e bën investimin më pak efektiv sesa mund të ishte. Funksionimi i Unazës së Tiranës pas hyrjes në punë të saj e tregon rëndësinë e një rregullimi të mire të aksesit në këto arterie të trafikut të shpejtë.
Një rehabilitim i plotë dhe një integrim i saj me rrjetin rrugor ndihmës duhet ta ulë këtë “trafik të panevojshëm” duke krijuar akses të rregullt dhe të planifikuar në disa pika të ndërmjetme.
Kjo do të shpërndante flukset, do të lironte nyjet kryesore dhe do të rriste sigurinë rrugore, sepse hyrje-daljet do të realizoheshin në mënyrë të standardizuar, jo nëpërmjet zgjidhjeve të improvizuara.
Çfarë kërkon komuniteti i biznesit: 3 nyje aksesi që duhen përfshirë në projekt
Komuniteti i biznesit përgjatë segmentit Tiranë–Vorë kërkon që rehabilitimi të mos fokusohet vetëm te korsitë kryesore, por të përfshijë tre ndërhyrje konkrete për akses, të konceptuara sipas standardit të autostradës: hyrje-dalje të kontrolluara, kanalizim i qartë i flukseve dhe – aty ku është e mundur – rrugë shërbimi/paralele që organizojnë trafikun lokal dhe hyrjet e subjekteve.
1) UniverCity – Yrshek: nyje ndërmjetëse për të shpërndarë trafikun pranë Tiranës
Pika UniverCity–Yrshek është një zonë ku përplasen flukset e përditshme të punonjësve, banorëve dhe shërbimeve. Pa një akses të rregullt, qarkullimi detyrohet të kanalizohet drejt hyrjes së Tiranës ose drejt Vorës, duke prodhuar devijime të panevojshme dhe duke rritur presionin në nyjet kryesore.
Kërkesa është një nyje lidhëse e standardizuar (me rampa dhe hyrje-dalje të kontrolluara), e shoqëruar me organizim të trafikut lokal përmes rrugëve lidhëse/rrugëve shërbimi, në mënyrë që autostrada të mos përdoret për lëvizje të shkurtra brenda zonës dhe të ulet ngarkesa në hyrjen e Tiranës.
2) Kashar – Domje – TEDA: akses i planifikuar për zonën e zhvillimit ekonomik me status të posaçëm
Segmenti Kashar–Domje nuk është vetëm një hapësirë me densitet të lartë lëvizjesh ditore dhe ndërveprim të fortë mes zhvillimit urban dhe aktivitetit ekonomik. Në këtë zonë parashikohet edhe TEDA (Tirana Economic Development Area), një zonë me status të veçantë e konceptuar për të tërhequr dhe akomoduar biznese me rëndësi dhe investime strategjike. Në këto kushte, është e pakuptimtë që ndërkohë që punohet për ngritjen dhe funksionalizimin e saj, të mos parashikohet paralelisht lidhja e drejtpërdrejtë me autostradën dhe integrimi me rrjetin e rrugëve dytësore që i japin akses.
Mungesa e një nyje funksionale ndërmjetëse në këtë segment i detyron banorët dhe bizneset – si edhe aktivitetin e pritshëm të TEDA-s – të bëjnë devijime drejt pikave kryesore të aksesit, duke mbingarkuar rrugët dytësore dhe duke shtuar kohën e udhëtimit.
Kërkesa është krijimi i një nyje lidhëse të kontrolluar (me rampa dhe kanalizim të qartë), e shoqëruar aty ku është e mundur me rrugë shërbimi/paralele, në mënyrë që qarkullimi i TEDA-s dhe i zonës përreth të menaxhohet sipas standardit të një korridori strategjik, me kosto logjistike më të ulëta dhe parashikueshmëri më të madhe për bizneset.
3) Golaj – Bërxullë – City Park – Prestige Center: nyje për polin tregtar–logjistik dhe flukset e kamionëve
Kjo zonë është ndër pikat me intensitetin më të lartë të lëvizjes në segmentin Tiranë–Vorë, për shkak të përqendrimit të aktivitetit tregtar, magazinimit dhe logjistikës, si edhe flukseve të përditshme të punonjësve dhe klientëve. Pa një nyje të dedikuar, trafiku shpërndahet në mënyrë joefikase drejt Vorës ose Tiranës, duke rritur bllokimet dhe koston e operimit për bizneset.
Kërkesa është një nyje ndërmjetëse e projektuar sipas standardit autostradë, me hyrje-dalje të kontrolluara dhe kanalizim të flukseve, e shoqëruar nga rrugë shërbimi që organizojnë hyrjet e subjekteve dhe mbrojnë funksionin e autostradës si korridor tranziti.
Një investim që rrit konkurrueshmërinë, jo vetëm kapacitetin
Në fund, çështja nuk është thjesht “trafiku”. Është konkurrueshmëria e ekonomisë. Një korridor ku logjistika është e ngadaltë dhe e paparashikueshme rrit koston e çdo produkti, ul produktivitetin dhe dekurajon investimet. Ndërsa një autostradë me akses të projektuar mirë ul kostot e transportit, rrit sigurinë, kursen kohë dhe e bën zonën industriale më funksionale.
Prandaj, komuniteti i biznesit përgjatë segmentit Tiranë–Vorë kërkon që rehabilitimi i autostradës të mos shihet si një ndërhyrje e izoluar në “trung”, por si një projekt i plotë që zgjidh edhe “kapilarët” – nyjet dhe lidhjet me rrugët dytësore.
Kjo është mënyra më e drejtë për të përfituar maksimalisht nga investimi publik: një autostradë me standarde të vërteta, që shërben jo vetëm udhëtimin mes dy qyteteve, por funksionimin e “Durana”-s si motor ekonomik i vendit./Monitor.al
Foto ilustruse Konflikti ka ekspozuar se sa shumë rritja varet nga furnizimet me energji përmes Ngushticës së Hormuzit. Ndërsa Don...
Foto ilustruse Treguesi i besimit të bizneseve dhe konsumatorëve pësoi rënie në muajin shkurt. Sipas Bankës së Shqip&eum...
Foto ilustruse Shqipëria renditet një nga vendet që varet më shumë nga turizmi për ecurinë e ekonomisë, sipas nj&eu...
Ekspozimi i sektorit bankar në kredi për pasuri të paluajtshme arriti në 460 miliardë lekë ose rreth 4.75 miliardë euro n&e...
Foto ilustruse Sulmet ajrore të ndërmarra nga Shtetet e Bashkuara dhe Izraeli ndaj objektivave të lidhura me infrastrukturën ushtarake ...
Foto ilustruse Në vitin 2017, kur Shqipëria miratoi për herë të parë kuadrin ligjor “Për burimet e rinovueshme t&e...
Foto ilustruse Transfertat hyrëse nga jashtë vendit në llogaritë bankare të individëve dhe bizneseve në Shqipëri sh...
TIRANË- Qeveria shqiptare e ka ndryshuar përsëri projektligjin për sigurimin e detyrueshëm nga katastrofat, duke përfshirë ...
TIRANË- Mungesa e prodhimit vendas dhe dëmet nga moti kanë reduktuar ndjeshëm ofertën e produkteve vendase në treg, duke bë...
Eurodeputetët po hasin vështirësi për të arritur një qëndrim të përbashkët mbi euron dixhitale të mb&eu...
